Berkarar döwletimiziň bagtyýarlyk döwründe hormatly Prezidentimiz Gurbanguly Berdimuhamedowyň baştutanlygynda Türkmenistan daşary syýasy ugruny üstünlikli durmuşa geçirip, dünýä döwletleri, şol sanda goňşy ýurtlar bilen dostlukly, özara bähbitli hyzmatdaşlyk gatnaşyklaryny yzygiderli alyp barýar we pugtalandyrýar. Şeýle ýurtlaryň biri-de goňşy Eýran Yslam Respublikasydyr.
20-nji iýulda Türkmenistanyň Prezidenti Gurbanguly Berdimuhamedowyň we Eýran Yslam Respublikasynyň golaýda saýlanan Prezidenti Seýed Ebrahim Raisiniň arasynda telefon arkaly söhbetdeşlik boldy.
