Düýn Türkmenistanyň Milli Geňeşiniň Halk Maslahatynyň agzalarynyň birinji saýlawlary boldy. Ýurdumyzyň jemgyýetçilik-syýasy durmuşynda möhüm waka öwrülen bu saýlawlar welaýatymyzda, degişli kanunçylyga laýyklykda, guramaçylykly geçirildi. Munuň üçin Änew şäherindäki Medeniýet öýünde döredilen saýlaw uçastogynda ýokary derejedäki mümkinçiliklerdir şertler üpjün edildi.