Hormatly Prezidentimiziň Gurban baýramyny bellemek hakyndaky Permanyna laýyklykda mähriban halkymyz üç günläp, gadymdan gelýän milli däp-dessurlarymyzy berjaý edip, baýramçylygy gyzykly medeni çäreler bilen utgaşdyrdylar.
Baýramçylyk günlerinde paýtagtymyzyň medeni-söwda merkezleri, täsin seýilgähleri gapylaryny giňden açyp, döwrebap hyzmatlary hödürlediler. Şol günlerde guralan dabaralar mähriban halkymyzda ýatdan çykmajak ýakymly täsirleri galdyrdy. Paýtagtymyzyň aýdym-saz ussatlary, halk döredijilik we tans toparlary baýramçylyk şatlygyny artdyrdylar. Ussatlyk bilen ýerine ýetirilen aýdym-sazlarda, tans kompozisiýalarynda ýurdumyzyň durmuşyndaky agzybirligiň, bagtyýarlygyň, şanly wakalaryň, bitirilýän beýik işleriň waspy belentden ýaňlandy.
