Magtymguly Pyragynyň şygyrlary halkymyzyň taryhynda mizemez orun alypdyr. Ol şygyrlar agzybirligi, edep-ekramy, beýik adamkärçilik ýaly iň gowy gylyk-häsiýetleri ündeýär. Terbiýeçilik ähmiýetli bu ajaýyp şygyrlar ýaşlary milli ýol-ýörelgelerimize kybapdaş terbiýelemäge ýakyndan ýardam berýär.
Magtymguly ýaşan döwrüniň derwaýys meseleleriniň hiç birini-de ünsden düşürmändir. Adalatsyzlygy, ahlaksyzlygy, edepsizligi berk ýazgarypdyr. Jemagatyň ruhy-ahlak sagdynlygyny saklamaly adamlaryň özleriniň beýle ýaramazlyklaryň toruna düşmegini tankytlapdyr.
