Päklikde ak daňa kybap niýet-pälim bar meniň,
Menzilleri nazarlaýan aýdyň ýolum bar meniň,
Aşy bir suprada taýýar jebis ilim bar meniň,
Ösüşlermiz taryplaýan saýrak dilim bar meniň,
Pederlermiň arzuwlany ajap çagym bar meniň.
Bäş müň ýyllyk taryhym bar, şöhrata baý geçmişim,
Danalaryň paýhasyndan akyl meýin içmişem,
Derelerin, jülgelerin daban yzlap geçmişem,
Ter howasyn başa çekip, sermest bolup göçmüşem,
Gatlarynda Kowus gezen Köpetdagym bar meniň.
