Türkmen medeniýeti, türkmen sungaty

Edebiýat
24 Iýun 2021
1026

Gözbaşynda duran paýhasly Oguz,
Gadymy medeni-ruhy gymmaty.
Milli äheňlere eýlenen owaz,
Türkmen medeniýeti, türkmen sungaty.

Änew, Margiana, Nusaý, Ürgenji,
Şan-şöhraty bu gün dünýäň nusgasy.
Maddy däl mirasy, hazyna-genji,
Türkmen medeniýeti, türkmen sungaty.

Kalplara ornaşdy «Mukamyñ syry»,
«Şükür bagşy» milli sazyň gudraty.
Geçmişiñ, geljegiñ sahna eseri,
Türkmen medeniýeti, türkmen sungaty.

«Oguznama», «Gorkut ata», «Görogly»,
Geljek nesilleriñ köňül ganaty.
ÝUNESKO-nyñ mirasynda goragly,
Türkmen medeniýeti, türkmen sungaty.

Asuda asmanda parlaýar Tugy,
Garaşsyzlyk, Bitaraplyk — gudraty,
Döwrüň galkynyşy hem beýik ruhy,
Türkmen medeniýeti, türkmen sungaty,

Ynsanperwer, ýagşylyga ýugrulan,
Däp-dessury, ula-kiçä hormaty.
Arkadagyň paýhasyndan nurlanan,
Türkmen medeniýeti, türkmen sungaty.

Kerim ATÇAPANOW
Türkmen döwlet medeniýet institutynyň talyby, «Adalat».
Beýleki habarlar