Welaýatymyzyň dzýudo boýunça ýygyndysy ýakynda paýtagtymyzda geçirilen Türkmenistanyň kubogy ugrundaky ýaryşda toparlaýyn hasapda birinji orny eýeledi.
Ýaryşa paýtagtymyzdan we ýurdumyzyň sebitleriniň ählisinden iň güýçli dzýudoçy türgenler gatnaşdylar. Lebaply dzýudoçylary jogapkärli ýaryşa Türkmenabat şäherindäki 4-nji sport mekdebiniň tälimçi-mugallymlary Baýramdurdy Halyllaýew, Nasiba Hallyýewa, Madina Babakulyýewa, Zarina Saparowa we Raşit Tursunow dagy taýýarladylar.
