Hormatly Belent Serkerdebaşymyzyň parasatly baştutanlygynda rowaçlyklara beslenýän «Pähim-paýhas ummany Magtymguly Pyragy» ýylynda Türkmenistanyň Döwlet migrasiýa gullugynyň harby gullukçylary hem zähmet üstünlikleri bilen birlikde, sport ýeňişleriniň sanyny-da dowamly artdyrýarlar.
Sport türgenlerden uly taýýarlygy, agzybirlikde ýerine ýetirilmeli sazlaşykly hereketleri talap edýär. Olaryň sport taýýarlygy ýeňşe, üstünlige, sepgitlerden-sepgitlere badalgadyr. Gullugymyzda hem sport türgenleşikleri yzygiderli alnyp barylýar. Şol ýadawsyz türgenleşikleriň netijesinde, gullugymyzyň harby gullukçylary sport bäsleşiklerinde uly üstünlikleri gazanmagy başarýarlar.
