HAMAL (Guzy) 21.03 — 20.04
Noýabrda hamallar daş-töwereklerindäki zatlary üýtgetmäge döwtalap bolarlar. Sabyrly boluň: dost-ýarlaryňyzyň siz bilen bu meselede pikirdeş bolmazlygy ahmal, şeýle-de bolsa ruhdan düşmäň. «Özüňe özüňden ýakyn adam ýok» diýlişi ýaly, özüňize daýanyň. Eger-de iş ornuňyzda size dynç günlerinde hem işlemegi teklip etseler, boýun towlamaň. Ýogsa, golaý gelen üstünligi yza tesdirmegiňiz mümkin. Girdeji babatda bu aý eliňize garaşylmdyk ýerden pul düşmegine garaşylýar, ýöne siz ony derrew sowmaga howlukmaň.
