Türkmenmetbugat

"Arkadag" gazeti

Esaslandyryjysy: Türkmenistanyň Ministrler Kabineti
Salgysy: Arkadag şäheri, Arkadag şaýoly, 28
Telefon belgileri: 57-39-65, 57-39-66
Email: arkadag_gazeti@sanly.tm

Gazeti PDF görnüşinde ýükläp almak

Habarlar

Ösüşlerde bedewleriň bady bar

Ata Watanymyzyň geljegi bolan ýaş nesilleriň sagdyn ösüp-ulalmagy, bilim almagy, abadan durmuşyň hözirini görmegi baradaky alada döwlet syýasatynda ileri tutulýar. Ýaşlar baradaky döwlet syýasatynda olaryň ähli mümkinçiliklerden doly derejede peýdalanmagy, dürli bäsleşiklere we sport ýaryşlaryna gatnaşyp, ýokary netijeleri gazanmagy, ylmyň täze gazananlaryny özleşdirmegi üçin ähli şertler döredilýär. Mundan başga-da, ýurdumyzda kämil tehniki enjamlar bilen üpjün edilen umumybilim berýän orta, orta hünär, ýokary okuw mekdepleriniň sanynyň barha artmagy, bilim berlişiniň kämilleşdirilmegi, ýokary hilli okuw gollanmalarydyr kitaplar bilen yzygiderli üpjün edilmegi Gahryman Arkadagymyzyň we hormatly Prezidentimiziň ýaş nesiller baradaky aladalarynyň netijesidir. Biz — mugallymlar hem ýaş nesliň berk bedenli, hemmetaraplaýyn kämil, geljekde Watanymyza ak ýürekden hyzmat etjek, il-halka, ene-ata haýyrly adamlar bolup ýetişmegini gazanmagy özümize uly borç hasaplaýarys. Munuň üçin Gahryman Arkadagymyz we Arkadagly Gahryman Serdarymyz ähli şertleri döredýär.

15 Maý 2024

Goşgy

Görüner «Seýil edeliň bu jahana,Jahanda näler görüner».Magtymguly.

15 Maý 2024

Waspyň sena boldy dillere, bedew!

Gahryman Arkadagymyz «Atda wepa-da bar, sapa-da» atly ajaýyp kitabynda: «Oguz hanyň pentleri, Gorkudyň boýlary, Göroglynyň batyrlygy, Magtymgulynyň watançylygy hakynda aýdanymda, men şol döwre mahsus sypatlaryň esasysy — bedewe erk etmek, bedewleri kemala getirmek, olary seýislemek sungaty barada oýlanýaryn» diýip belleýär. Halk döredijilik eserlerimizden başlap, nusgawy edebiýatymyzda görnükli orny eýelän, tarypyna namalar ýazylan, şanyna gazallar düzülen, ady rowaýata öwrülen türkmen bedewleri şanly taryhymyzyň janly hakykaty, oňa bagyşlanan eserler bolsa umumadamzat dünýäsiniň hakydasydyr. Taryhy şahsyýetlerimiziň edermenlik, mertlik, batyrlyk ýaly nusgalyk häsiýetleri, göreşli hem ýeňişli menzillerde görkezen gaýraty bedewlere bolan synmaz söýgüsine ornapdyr. Muňa «Görogly» şadessanynda Göroglynyň Gyratyny syrdaşyna, gardaşyna deňemegi, oňa ýanbermez ynam, yhlas, belent söýgi bilen garamagy şaýatlyk edýär. Eserde ylahydan berlen duýgur ýürekli, arslan kükrekli bedewiň keramatly häsiýete eýedigi «Jylawynda iki pir bar» diýen setiriň üsti bilen beýan edilýär. Eseri okadygyňça, Göroglynyň gardaşyna deňän Gyraty bilen söhbetdeş bolýan pursatlary, Jygalybegiň seýisçilik sungaty, Göroglynyň çapyksuwarlyk ussatlygy, golunda sazy, dilinde bäş keleme sözi bilen Gyratynyň waspyny ýetirişi, Araz çaýyndan geçişine guwanyşy seni biygtyýar şadessandaky wakalaryň jümmüşine sary alyp gidýä

15 Maý 2024

Watançylyk taglymaty — döwürleriň baky aýdymy

Hormatly Prezidentimiziň «Änew — müňýyllyklardan gözbaş alýan medeniýet» atly kitaby halkymyza, hususan-da, bize — ýaşlara «Pähim-paýhas ummany Magtymguly Pyragy» ýylynda özboluşly sowgat boldy. Gahryman Prezidentimiz bu kitabynyň «Taryhy birleşdirýän uly wakalar» diýlip atlandyrylan babyndaky taryh bilen bagly gürrüňleriň dowamynda Magtymguly Pyragynyň edebi mirasyndan hem söz açýar: «Änew şäheriniň türki dünýäsinde eýeleýän ornuny dabaralandyrýan wakalaryň, Magtymguly Pyragynyň döredijilik dünýäsini adamzadyň öňünde täzeden janlandyrýan çuň mazmunly çäreleriň biri-biri bilen utgaşyklylygy hem tebigylykdyr. Çünki Magtymguly Pyragy adamzadyň ruhy medeniýetiniň ösüşine goşandyny goşan belli şahsyýet bolsa, gadymy Änew topragy maddy medeniýetiň gymmatly ýadygärlikleriniň mekanydyr». Şeýle diýmek bilen, Arkadagly Gahryman Serdarymyz ruhy we maddy medeniýetiň arabaglanyşygyna hem-de olaryň adamzat ýaşaýşyndaky zerurlygyna ünsi çekýär.  Arkadagly Gahryman Serdarymyz özüniň gymmatly kitabynyň «Watan hakyndaky müdimi owaz» diýen bölüminde: «Magtymguly Pyragynyň goşgulary ýöne bir duýga ýugrulan goşgular däldir, olar beýik akyl-paýhas taglymatydyr, ylym-bilim sapagydyr, danalaryň öz nesillerine öwüt-nesihatydyr» diýip bellemek bilen, Magtymgulynyň şahsyýet belentligine, kämilligine ýokary baha berýär. Pähim-paýhas ummanyna deňelýän akyldar şahyryň watançylyk taglymatlaryna, bu ba

15 Maý 2024

Köňüllerde guwanç, dillerde dessan

Gahryman Arkadagymyzyň «Ynsan kalbynyň öçmejek nury» atly kitabynda: «Ajaýyp şygyrlary bilen ynsan kalbyny ýagşylyk nuruna bezän türkmeniň akyldar ogly Magtymguly Pyragynyň mertebesi türkmen halky üçin iň belentde goýulýan mukaddeslikleriň biridir» diýip belleýşi ýaly, häzirki döwürde akyldaryň hormat-sarpasy has-da ýokary göterildi. Şahyryň doglan gününiň 300 ýyllygynyň bu günki dabaralary bolsa halkymyzyň şahyra bolan buýsanjyny artdyrýar. Magtymgulynyň halkyna, Watanyna bolan söýgüsini, mährini hiç zat bilen deňäp bolmaýar. Şahyryň beýikligi hem onuň öz halkyna, türkmen topragyna bolan söýgüsinden gözbaş alýandyr. Onuň beýikligini asyrlar, heňňamlar hem köneldip bilmändir. Ýyllar geçip, asyrlar aýlanýar, emma ýüreklerimizde baky ýer eden Magtymguly şahyryň şygryýet dünýäsine, ömrüne bolan hormat, söýgi, tagzym üýtgewsizdir. Şahyryň goşgulary kalbyňy heýjana salýar, pähim-paýhasdan, öwüt-ündewlerden teşnelik bilen gandyrýar. Olar durmuşyň her güni, aýy, ýyly üçin ýoluňa ýagtylyk saçýar. Beýik şahyryň her bir goşgusy uly dessan ýalydyr.

15 Maý 2024

Toý-baýrama beslenýär Pyragynyň mekany

Magtymguly Pyragynyň doglan gününiň 300 ýyllygyna Türkmenistanyň Magtymguly adyndaky Ýaşlar guramasynyň Merkezi geňeşiniň, Türkmenistanyň Ylymlar akademiýasynyň Magtymguly adyndaky Dil, edebiýat we milli golýazmalar institutynyň hem-de welaýat häkimliginiň bilelikde guramagynda geçen anna güni «Pähim-paýhas ummany Magtymguly Pyragy» ýyly hem-de Magtymguly Pyragynyň doglan gününiň 300 ýyllygy mynasybetli ýurdumyzyň ýaşlarynyň arasynda «Magtymguly geçmişimiz, şu günümiz we geljegimizdir» atly ylmy-amaly maslahat geçirildi. Oňa gatnaşyjylar çäräniň dowamynda Magtymguly Pyragy muzeýiniň öňündäki meýdançada medeniýet we sungat ussatlarynyň aýdym-sazly çykyşlaryna hem-de «Akyldary sarpalap, galkyndyryp çar ýany, toý-baýrama beslenýär Pyragynyň mekany» atly edebi-sazly kompozisiýa tomaşa etdiler. Soňra akyldar şahyryň heýkeline ter gül çemenlerini goýup, beýik söz ussadyna tagzym etdiler. Bu ýerde «Biz — Arkadag Serdarly Watanyň bagtyýar nesilleri» atly surat çekmek boýunça bäsleşige gatnaşýan zehinli çagalaryň çekýän suratlary maslahata gatnaşyjylarda uly gyzyklanma döretdi. Ýaşlar Magtymguly Pyragy muzeýine aýlanyp, bu ýerdäki gymmatlyklar bilen tanyşdylar, sergide görkezilen amaly-haşam, el işlerine syn etdiler. 

15 Maý 2024

Muzeý gymmatlyklara baýdyr

Änew şäheriniň üstümizdäki ýylda “Türki dünýäsiniň medeni paýtagty” diýen derejäni götermegi bilen baglylykda, Türkmenistanyň Demokratik partiýasynyň Ak bugdaý etrap komitetiniň hem-de etrabyň beýleki jemgyýetçilik guramalarynyň bilelikde guramagynda ildeşlerimiziň arasynda täsirli çäreler guralýar. Änew şäherinde ýerleşýän Türkmenistanyň Milli «Ak bugdaý» muzeýine guralan syýahat hem şeýle çäreleriň biri boldy. Nobatdaky syýahata jemgyýetçilik guramalarynyň işjeň agzalary gatnaşyp, olar sergi zallaryna aýlanan mahalynda gadymy Ýüpek ýolunyň ugrunda ýerleşen taryhy ýadygärliklerden dürli ýyllarda tapylan gymmatlyklary uly gyzyklanma bilen synladylar. Muzeýiň hünärmenleriniň şol gymmatlyklaryň taryhy hakdaky gürrüňlerini diňlemek olar üçin täsirli boldy.

15 Maý 2024

Azyk önümçiliginiň döwrebap tehnologiýalarynyň halkara sergisine gatnaşyjylara

Hormatly sergä gatnaşyjylar!Gadyrly myhmanlar! Sizi «Pähim-paýhas ummany Magtymguly Pyragy» ýylynda ak mermerli paýtagtymyz Aşgabatda geçirilýän azyk önümçiliginiň döwrebap tehnologiýalarynyň halkara sergisiniň öz işine başlamagy bilen tüýs ýürekden gutlaýaryn.

15 Maý 2024

Türkmen halkynyň Milli Lideri, Türkmenistanyň Halk Maslahatynyň Başlygy Ýapon-türkmen parlamentara dostluk toparynyň başlygy bilen duşuşdy

14-nji maýda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow Ýapon-türkmen parlamentara dostluk toparynyň başlygy Endo Toşiaki bilen duşuşdy. Duşuşyga Ýaponiýanyň Parlamentiniň Wekiller palatasynyň agzasy Aýano Sato hem gatnaşdy. Söhbetdeşligiň dowamynda türkmen-ýapon hyzmatdaşlygynyň möhüm meseleleri boýunça gyzyklanma bildirilip pikir alşyldy. Şunda söwda-ykdysady ulgam ileri tutulýan ugurlaryň biri bolup durýar. Şunuň bilen baglylykda, türkmen halkynyň Milli Lideri ýurdumyzy senagatlaşdyrmak boýunça maksatnamalaryň durmuşa geçirilmegine ýaponiýaly hyzmatdaşlaryň goşýan saldamly goşandyny belledi. Şeýle-de Türkmenistanyň Halk Maslahatynyň Başlygy ikitaraplaýyn gatnaşyklary hil taýdan täze derejä çykarmakda Ýaponiýanyň ozalky Premýer-ministri Sindzo Abeniň bitiren hyzmatlaryny nygtady.

15 Maý 2024

Türkmen halkynyň Milli Lideri, Türkmenistanyň Halk Maslahatynyň Başlygy Türkmen-awstriýa jemgyýetiniň ýolbaşçysy bilen duşuşdy

14-nji maýda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedow beýik türkmen şahyry Magtymguly Pyragynyň doglan gününiň 300 ýyllygyna bagyşlanan dabaraly çärelere gatnaşmak üçin Türkmenistana gelen Türkmen-awstriýa jemgyýetiniň ýolbaşçysy hanym Neda Berger bilen duşuşdy. Duşuşygyň barşynda ikitaraplaýyn medeni-ynsanperwer gatnaşyklaryň pugtalandyrylmagynyň wajyp ähmiýete eýedigine aýratyn üns çekildi.

15 Maý 2024

“Akylly şäher” konsepsiýasynyň aýdyň nusgasy

Türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň taýsyz tagallalary, egsilmez yhlasy, eziz Watanymyza, mähriban halkymyza çäksiz söýgüsi bilen sanlyja ýyllaryň içinde gojaman Köpetdagyň eteginde häzirki zamanyň “akylly” şäher konsepsiýasynyň ýörelgeleri esasynda gurlan ajaýyp şäher - Arkadag şäheri kemala geldi. Türkmenistanyň Kanuny esasynda bu ajaýyp şähere döwlet ähmiýetli şäher diýen hukuk derejesi berildi. Munuň özi berkarar döwletimizde halkymyzyň bagtyýar ýaşaýşy, abadan durmuşy, nurana geljegi barada edilýän taýsyz tagallalaryň aýdyň mysalydyr. Köpetdagyň ajaýyp dag eteklerinde ýerleşýän täze şäher öňdebaryjy sanly, maglumat-aragatnaşyk we “ýaşyl” tehnologiýalara esaslanýan “akylly” şäheriň aýdyň nusgasydyr. Bu ýerde ekologiýa ýaly möhüm ugra aýratyn üns berilýär. Arkadag şäheriniň “Ýewropada Howpsuzlyk we Hyzmatdaşlyk Guramasynyň sebitde durnukly, “ýaşyl, howa üçin oňaýly we innowasion çözgütli şäherleri ösdürmek” taslamasyna goşulýandygy baradaky güwänamanyň berilmegi bu ulgamda öňde goýlan wezipeleriň üstünlikli çözülýändigine şaýatlyk edýär.

15 Maý 2024

Döwlet berkararlygynyň sarsmaz sütünleri

Taryh her bir halkyň hem-de tutuş adamzadyň geçen ýoluna, Ýer ýüzünde galdyran yzlaryna göz ýetirmäge, olardan netije çykarmaga şert döredýän wagtdyr. Şu nukdaýnazardan alanyňda, berkararlygyň binýatlaýyn esaslaryny özünde jemleýän Türkmenistanyň Konstitusiýasy häzirki döwre çenli ýurdumyzyň içerki ösüşlerinde-de, daşary syýasatda-da netijeli hukuk esasy bolup durýar. Konstitusiýa esasy syýasy-hukuk resminama hökmünde milli döwletliligiň, ýurduň ösüşiniň ileri tutulýan ugurlaryny we döwleti ösdürmegiň öňdebaryjy halkara tejribesini nazara almak bilen, jemgyýetiň kadalaşdyryjy-hukuk esaslaryny döwrebaplaşdyrmagyň ygtybarly hukuk binýadyny emele getirýär. Iň ýokary hukuk derejesine eýe bolan Esasy Kanunymyzda berkidilen kadalaryň we düzgünleriň gös-göni hereketi bar, kabul edilýän ähli hukuk namalary ondan gözbaş alýar. Şunlukda, hukuk ulgamynyň bitewüligi we özara ylalaşyklylygy onuň başlangyç ýörelgeleriniň umumylygyny üpjün edýär. Syýasy, ykdysady, durmuş ulgamlaryndaky özgertmeler hem konstitusion gurluş bilen jebis baglanyşykly alnyp barylýar.

14 Maý 2024

Garaşsyz ösüşiň gymmatly binýady

Berkarar döwletiň täze eýýamynyň Galkynyşy döwründe her ýylyň 18-nji maýynda Türkmenistanyň Konstitusiýasynyň we Türkmenistanyň Döwlet baýdagynyň güni dabaraly bellenilýär. Her bir ildeşimiz üçin mukaddes gymmatlyklaryň beýany bolan bu baýramda ata-babalarymyzyň özbaşdak, Garaşsyz, hukuk binýady bolan döwleti berkarar etmek baradaky arzuwlarynyň maksat-myrady ýalkym saçýar. Esasy Kanunymyz halkymyzyň uzak geljek üçin bagtyýar, parahat durmuşyny, hukuk taýdan ygtybarly kepillendirilen ýaşaýşyny, erkin zähmet çekmäge, döretmäge, gurmaga bolan isleg-arzuwlarynyň durmuşa geçmegini, ösüşleriň dowamat-dowam bolmagyny üpjün edýän ygtybarly binýatdyr. Eziz Watanymyzyň özygtyýarlylygynyň we Garaşsyzlygynyň baş nyşany bolan Döwlet baýdagymyz döwletliligimizi, halkyň agzybirligini, watansöýüjiligini, pederlerimiziň parahatçylyk söýüjilikli ýörelgelerine wepalydygymyzy alamatlandyrýan esasy nyşanlaryň biridir. Türkmenistanyň Döwlet baýdagy eziz Watanymyzyň Garaşsyzlygynyň esaslarynyň mizemezligini dabaralandyryp, BMG-niň Ştab-kwartirasynyň öňündäki baýdak sütüninde belentden parlaýar. Ak mermerli Aşgabadyň günorta böleginde ýerleşen, dünýäde iň beýik sütünleriň biri bolan 133 metrlikdäki baýdak sütüninde parlaýan Türkmenistanyň Döwlet baýdagy halkymyzyň milli buýsanjyny dabaralandyrýar.

14 Maý 2024

Döwletliligimiziň şuglasy

Hormatly Prezidentimiz Serdar Berdimuhamedowyň belleýşi ýaly, «Garaşsyz, hemişelik Bitarap ýurdumyzyň Konstitusiýasy we Döwlet baýdagy eziz Watanymyzyň şöhratly geçmişiniň subutnamasydyr, häzirki bagtyýar gününiň hem-de beýik geljeginiň kepilidir, milli döwletlilik ýörelgelerimiziň synmazlygyny, ebediligini ykrar edýän milli gymmatlygymyzdyr». Şoňa görä-de, halkymyzyň agzybirligini, buýsanjyny we mertebesini, Watana bolan söýgüsini, döredijilik we zähmet hyjuwyny alamatlandyrýan bu goşa senäni — Türkmenistanyň Konstitusiýasynyň we Türkmenistanyň Döwlet baýdagynyň gününi ulus-ilimiz giňden belläp geçýär. Ösüş-özgertmelere beslenen döwrümizde başymyzyň täjine, gözümiziň görejine deňelýän Döwlet baýdagymyz Ýer ýüzünde, abraýly halkara guramalarynyň binalarynyň öňünde pasyrdap, dünýä halklaryny dostluga, hoşniýetlilige çagyrýar. Döwletliligimiz, berkararlygymyz we bagtyýarlygymyz bolan ýaşyl tugumyz her birimizi döretmäge, gurmaga, belent sepgitlere ruhlandyryp, watançylyk ruhumyzy belende göterýär.

14 Maý 2024

Bagtyýar çagalygyň mekanynda

«Pähim-paýhas ummany Magtymguly Pyragy» ýyly beýik şahyrymyz Magtymguly Pyragynyň doglan gününiň 300 ýyllygy mynasybetli ýokary derejede guralýan dabaralara beslenýär. Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň howandarlygynda 14 ýaşa çenli çagalaryň arasynda yglan edilen «Biz — Arkadag Serdarly Watanyň bagtyýar nesilleri» atly surat çekmek bäsleşigi hem bu şanly sene mynasybetli geçirilýän dürli mazmunly çäreleriň üstüni ýetirýär. Ýakynda Berkarar döwletiň täze eýýamynyň Galkynyşy döwrüniň ajaýyp keşbini, eziz Watanymyza, ene topragymyza, maşgala mukaddesligine, gözel tebigatymyza söýgini öz eserlerinde beýan edýän ýaş nesilleriň başarnyklaryna mynasyp baha bermek, surat çekmek bilen meşgullanýan çagalaryň döredijilik ukybyny açyp görkezip, zehinli ýaşlary ýüze çykarmak hem-de olary höweslendirmek maksady bilen yglan edilen bu bäsleşigiň etrap, şäher tapgyrlary geçirildi. Türkmenistanyň Magtymguly adyndaky Ýaşlar guramasynyň Arkadag we Aşgabat şäher hem-de welaýat geňeşleri tarapyndan guralan bäsleşiklere gatnaşyjylar öz ukyp-başarnyklaryny görkezdiler. Milli Liderimiziň gymmatly maslahatlary esasynda çagalaryň arasynda şeýle bäsleşikleriň geçirilmeginiň ýaş nesilleriň döredijilik mümkinçiliklerini, zehinini açmak bilen birlikde, olaryň mähriban Watanymyza, sahawatly topragymyza bolan söýgüsini h

14 Maý 2024

Bedew münen gaýratly

Gahryman Arkadagymyz özüniň «Ahalteke bedewi — biziň buýsanjymyz we şöhratymyz», «Gadamy batly bedew», «Atda wepa-da bar, sapa-da» ýaly kitaplary bilen halkymyzyň ruhy dünýäsini has-da baýlaşdyrdy. Aslynda-da, türkmeniň dünýäsini bedew atsyz göz öňüne getirip bolmaýar. Munuň şeýledigine Milli Liderimiziň atlar bilen didarlaşýan, olar bilen gezelenç edýän pursatlarynda has ýakyndan göz ýetirmek bolýar. Gahryman Arkadagymyz: «Menziller bedew bilen aşylýar. Syrdaşyň, gardaşyň, hemdemiň, badalgaň bedewdir!», «At — türkmen üçin ähli zat» diýip belleýär. Ýurdumyzda her ýylyň aprel aýynyň soňky ýekşenbesinde Türkmen bedewiniň milli baýramy giňden hem dabaraly bellenilip geçilýär. Baýramçylyk çäreleriniň halkara derejede geçirilip, olara daşary ýurtly myhmanlaryň gatnaşmaklary ahalteke bedewiniň şöhratyna şan goşýar. Olaryň gözelliginiň, ýyndamlygynyň şöhratyny bütin dünýä doldurýar. Şu ýyl türkmen bedewiniň şanyna tutulan baýramçylyk dabaralarynyň ilkinji gezek döwlet ähmiýetli Arkadag şäherinde geçirilmegi hemmämizi buýsandyrdy. Bu şäher — atşynaslygyň hem şäheri! Bu ýerde Aba Annaýew adyndaky Halkara atçylyk akademiýasynyň, Atçylyk ylmy-önümçilik merkeziniň hem-de Görogly adyndaky döwlet atçylyk sirkiniň we döwrebap athananyň açylyp ulanmaga berilmegi bu ugurdaky taryhy ähmiýetli işleriň üstüni ýetirdi.

14 Maý 2024

Türkmenistan toýly Diýar

Akyldar şahyryň ady bilen gelen «Pähim-paýhas ummany Magtymguly Pyragy» ýylynda ýene bir şanly sene mynasybetli gadymy oguzlaryň ýurdunda toý toýlanýar, ýagny her ýylyň 18-nji maýynda Türkmenistanyň Konstitusiýasynyň we Türkmenistanyň Döwlet baýdagynyň güni goşa baýram hökmünde dabaralandyrylýar. Gün-günden ajap keşbe girýän baş şäherimiziň döwrebap ösüş-özgerişi köňül köşgüňe nur çaýyp, ýedi yklyma maglum «Aşgabat — gözelligiň we söýginiň şäheri» diýen jümleler aňyňda şineläp, joşgunly göwnüňe nur çaýýar. Ilki bilen, şuglazar görki bilen ähli binalardyr desgalardan saýlanyp, durnagöz çeşme deý dury mawy asmana egin deňläp, 133 metr belentlikde parlap duran äpet ýaşyl Tugumyz biygtyýar özüne maýyl eder. Ginnesiň Bütindünýä rekordlar kitabynda mynasyp orun alyp, jümle-jahana at-owazasy dolan uly göwrümli Döwlet baýdagymyzyň bäş müňýyllyk şöhratly taryhyna buýsanýan halkymyzyň parahatçylyk söýüjiliginiň, hemişelik Bitarap döwletimiziň abadançylygynyň nyşanyna öwrülip, erkana hem görkana pasyrdap durşy göwün guşuňy al-asmanda pelpelledip, ömrüňe ömür goşýar.

13 Maý 2024

«KÖMELEJIK» KÖKESI

Bahar paslynyň dowam edýän günlerinde ýaz ýagşyndan soň peýda bolýan kömelejikleri ýatladýan süýjülikleriň biri hem «Kömelejik» kökesidir. Bu kökäniň aýratynlygy diňe bir onuň süýji tagamynda bolman, eýsem kömelejikleri ýatladýan üýtgeşik görnüşindedir. Žurnalymyzyň şu gezekki sanynda «Kömelejik» kökesiniň taýýarlanyşyny size ýetirmegi makul bildik. GEREKLI ÖNÜMLER:

13 Maý 2024

DÖREDIJILIK DÜNÝÄSI

GÖZEL ÄNEWIM Müňýyllyklar içre saklanan sarpaň

13 Maý 2024

Täzelik

Türkmenabat şäherindäki «Ak pamyk» pamyk serişdelerini öndürýän fabrikde lukmançylykda ulanmak üçin niýetlenilen pamygyň öndürilişi barha artdyrylýar. Fabrigiň agzybir işgärleri şu ýylyň geçen dört aýy boýunça iş meýilnamasyny üstünlikli berjaý etdiler. Has takygy, geçen dört aýda pamyk we pamyk serişdeleriniň 910 tonnasy öndürildi. Öndürilen önümleriň pul hasabyndaky möçberi bolsa 2 million 247 müň 159 manatlyga deň boldy. Şeýle-de bu döwürde taýýar önümleriň 104 tonnadan gowragy, pul hasabynda bolsa 561 müň 556 manatlygy eksporta ugradyldy. Ýeri gelende belläp geçsek, «Ak pamygyň» önümleri içerki bazar bilen bir hatarda Azerbaýjan, Türkiýe, Belgiýa ýaly ýurtlarda-da islegli önümleriň hatarynda tanalýar.

13 Maý 2024

‹
1
2
...
47
48
49
50
51
52
53
...
561
562
›