Bedenterbiýe — beden saglygy
«Türkmenistan Sport», № 4 (16), 2022 Bedenterbiýe bilen yzygiderli meşgullanmak bedeniňi terbiýelemekdir. Beden sagdynlygy diňe bir adam üçin däl, eýsem tutuş jemgyýet üçin uly gymmatly baýlyk bolup durýar. Çünki ol sagdynlygyň we güýç-kuwwatyň, zähmet hem-de döredijilikli işjeňliginiň, umuman, abadan durmuşyň gözbaşydyr. Muny endigine öwren ynsanlar hemişe sagdyndyr we göwnaçykdyr. Sagdyn durmuş ýörelgesine eýerip, ýylsaýyn bu herekete türkmenistanlylaryň barha köp sanlysy goşulýar. Hususan-da, Türkmenistanyň Bedenterbiýe we sport baradaky döwlet komitetiniň garamagyndaky edaralaryň sport bilen meşgullanýan türgenleriniň sany barha artýar. Munuň özi sagdyn durmuş ýörelgeleriniň pugtalanmagyna, adamlaryň bagtyýar durmuşynyň üpjün edilmegine ýardam berýär. Mälim bolşy ýaly, hormatly Prezidentimiziň ýolbaşçylygynda ýurdumyzda bedenterbiýe hereketini artdyrmakda, sagdyn durmuş ýörelgelerini wagyz etmekde adam saglygyna peýdaly täsirini ýetirýän wajyp işler alnyp barylýar. Bedenterbiýe we sport bilen yzygiderli meşgullanmak üçin ýurdumyzda ähli şertler döredilip berilýär. Muňa türgenleriň gazanýan netijeleri aýdyň mysal