Türkmenmetbugat

"Türkmenistan Sport" Halkara žurnaly

Esaslandyryjysy: Türkmenistanyň sport we ýaşlar syýasaty ministrligi
Salgysy: Aşgabat şäheri, B.Saparmyrat Türkmenbaşy şaýoly 54
Telefon belgileri: 22-81-38

Gazeti PDF görnüşinde ýükläp almak

Habarlar

Milli Liderimiziň döredijilikli syýasaty — Watanymyzyň ösüşiniň binýady

Ýurdumyzyň syýasy durmuşynyň we hormatly Prezidentimiz Gurbanguly Berdimuhamedowyň baştutanlygynda amala aşyrylýan özgertmeleriň depginleri gün-günden ýokarlanýar. Döwlet Baştutanymyz geçen hepdäniň dowamynda dürli pudaklary ösdürmek boýunça geçiren iş maslahatlarynda giň möçberli maksatnamalary üstünlikli ýerine ýetirmek üçin ösüşiň täzeçil usullaryna we ylmyň soňky gazananlaryna esaslanýan ägirt uly hem-de sazlaşykly işleriň ýerine ýetirilmelidigini belledi. Döwletimiziň binýatlaýyn esaslaryny mundan beýläk-de berkitmek, halkara abraýyny artdyrmak we ykdysady mümkinçilikleri has-da ýokarlandyrmak milli Liderimiziň ähli başlangyçlarynyň esasy maksady bolup durýar. Bu Watanymyzy gülläp ösüşe, ählumumy bolçulyga we abadançylyga alyp barýar.

9 Fewral 2021

Bagtyýarlygyň we rowaçlygyň hatyrasyna

Hormatly Prezidentimiz Gurbanguly Berdimuhamedowyň taýsyz tagallalarynyň netijesinde ýurdumyzyň raýatlarynyň abadan, asuda durmuşda ýaşamagyny üpjün etmäge gönükdirilen tutumly işler durmuşa geçirilýär. «Biziň ähli işlerimiz mähriban halkymyzyň bagtyýarlygynyň we rowaçlygynyň hatyrasynadyr» diýip, milli Liderimiz nygtaýar. Berkarar döwletimiziň bagtyýarlyk döwründe amala aşyrylýan il-ýurt bähbitli ajaýyp özgertmeler ýol-ulag düzümini hem gurşap alýar. Bu ulgamy ösdürmegiň çäklerinde halkara ölçeglerine laýyk gelýän täze awtomobil ýollaryny gurmak hem-de ozal hereket edýänleriniň durkuny täzelemek boýunça alnyp barylýan tutumly işleriň netijesinde bu ugurda uly üstünlikleriň gazanylýandygyny aýratyn belläp geçmek gerek. Sebäbi munuň özi halkymyzyň eşretli hem abadan ýaşaýşyny üpjün etmegiň esasy şerti bolup durýar. «Awtoulag logistikasynyň ösmeginde Garaşsyz döwletimizde gurlan we gurulýan häzirki zaman awtomobil ýollary, şol sanda Aşgabat — Garagum — Daşoguz, Türkmenbaşy — Aşgabat — Farap ýollary has-da ähmiýetlidir» diýip, hormatly Prezidentimiz Türkmenistanyň Halk Maslahatynyň 2020-nji ýylyň 25-nji sentýabrynda geçirilen taryhy mejlisinde hem aýratyn nygtap aýtdy.

8 Fewral 2021

Halal bolsun

«Ýagşy niýet — ýarym döwlet»,Ham-hyýalym halal bolsun.Göwnaçyga bolmaz böwet,Niýet-pälim halal bolsun. Sygyndygym Alla birdir,Kanagatla döwlet ýardyr,Her işde bir haýyr bardyr,Artan külüm halal bolsun.

8 Fewral 2021

Medeniýet — halkyň kalby

Berkarar döwletimiziň bagtyýarlyk döwründe türkmen jemgyýetiniň ösüşiniň aýratyn möhüm ugurlarynyň biri hökmünde medeniýet ulgamy hemişe hormatly Prezidentimiz Gurbanguly Berdimuhamedowyň üns merkezinde durýar, çünki türkmen halkynyň ruhy gymmatlyklarynyň esasynda täze döwlet we jemgyýetçilik ideologiýasyny kemala getirmek hut medeniýet bilen aýrylmaz baglanyşyklydyr. Medeniýet döwlet syýasatynyň möhüm ugurlarynyň biridir. Şunuň bilen baglylykda, medeniýet ulgamynda gazanylýan her bir üstünlik dürli durmuş maksatlarynyň tutuş toplumyny özünde jemleýär. Ýurdumyzyň medeniýet ulgamy häzirki zaman jemgyýetiniň isleglerine laýyk gelmek bilen çäklenmän, eýsem, Türkmenistanyň demokratik we durmuş-ykdysady özgertmeler ýoly bilen mundan beýläk-de ynamly öňe gitmegi üçin ägirt uly kuwwata eýe bolmalydyr. Hut şoňa görä-de, milli Liderimiziň gozgaýan meseleleri türkmen jemgyýetiniň medeni derejesini ýokarlandyrmaga ýardam edýän gündelik medeni-köpçülikleýin işlerden başlap, medeniýet ulgamynda ylmy işiň usullaryny döretmäge, milletiň täsin taryhy-medeni mirasyny çuňňur öwrenmäge we giňden wagyz etmäge, türkmen ýaşlaryny döredijilik bilen işjeň meşgullanmaga höweslendirmäge, milli mirasy öwrenmäge çenli möhüm meseleleriň giň toplumyny öz içine alýar.

8 Fewral 2021

Dostlukly ýollar dowamat

Golaýda hormatly Prezidentimiz Gurbanguly Berdimuhamedow sanly wideoaragatnaşyk arkaly Ministrler Kabinetiniň Başlygynyň käbir orunbasarlarynyň, pudaklaýyn dolandyryş edaralarynyň ýolbaşçylarynyň, şeýle hem ugurdaş ýokary okuw mekdepleriniň rektorlarynyň gatnaşmagynda ýurdumyzyň ulag-aragatnaşyk toplumyny ösdürmek boýunça iş maslahatyny geçirdi. Geçen ýylda ýurdumyzyň ulag we aragatnaşyk ulgamynda ýerine ýetirilen işleriň jemlerine bagyşlanan iş maslahatyny açyp, döwlet Baştutanymyz bu ugruň milli ykdysadyýetimiziň esasy pudaklarynyň biri bolup durýandygyny belledi.

8 Fewral 2021

Beýik işleriň aýy

Birleşen Milletler Guramasynyň Baş Assambleýasynyň Kararnamasyna laýyklykda «Halkara parahatçylyk we ynanyşmak ýyly», milli derejede bolsa «Türkmenistan — parahatçylygyň we ynanyşmagyň Watany» ýyly hökmünde başlanan 2021-nji ýylyň birinji aýy iri jemgyýetçilik-syýasy wakalaryna baý boldy. 1-nji ýanwarda hormatly Prezidentimiz Gurbanguly Berdimuhamedowyň türkmen halkyna Täze ýyl Gutlagy çap edildi. Onda geçen ýylyň gysgaça jemleri jemlenildi hem-de şu ýyl üçin esasy wezipeler kesgitlenildi.

8 Fewral 2021

Bedew batly öňe barýar Garaşsyz Türkmenistan

Garaşsyz hem baky Bitarap Türkmenistan döwletimiz Garaşsyzlygyny gazanan ilkinji gününden özüniň parahatçylyksöýüjilikli, ynsanperwer syýasaty bilen halkara derejesinde belent abraý-mertebä eýe boldy. Gahryman Arkadagymyzyň parasatlylyk bilen alyp barýan içeri we daşary syýasaty halkymyzyň ýaşaýyş-durmuş derejesiniň has-da ýokarlanmagyna we umumadamzat ähmiýetli meseleleriň oňyn çözülmegine gönükdirilendir. Mähriban Prezidentimiziň başlangyjy bilen Birleşen Milletler Guramasynyň Baş Assambleýasy tarapyndan «2021-nji ýylyň Halkara parahatçylyk we ynanyşmak ýyly» diýlip yglan edilmegi hakyndaky Kararnamanyň kabul edilmegi hem Türkmenistanyň abraý-mertebesiniň belent derejededigini tassyklaýar. Bu barada Gahryman Arkadagymyz «Parahatçylyk sazy, dostluk, doganlyk sazy» atly eserinde: «Türkmen halky Garaşsyzlyk ýyllarynda özüniň asyl häsiýetlerini hem-de parahatçylygy hemmeleriň deň tagalla etmegi bilen saklap bolýandygyna bolan berk ynamyny täzeden dikeltdi» diýip belleýär. Taryhyň ähli döwürlerinde halkymyz dünýä halklary bilen dostlukly gatnaşyklara uly hormat goýupdyr. Milli Liderimiziň baştutanlygynda bu günki gün Beýik Ýüpek ýoly täzeden dikeldilýär we dost-doganlyk ýollary dünýä uzaýar. Bu barada Gahryman Arkadagymyz «Türkmenistan — Beýik Ýüpek ýolunyň ýüregi» atly eseriniň birinji kitabynda: «Görnüşi ýaly, taryhyň ähli döwürlerinde Beýik Ýüpek ýolunyň şahalary, ak ýollary, b

8 Fewral 2021

Nurly geljegiň röwşen taglymaty

Gahryman Arkadagymyzyň peşgeş beren eşretli zamanasynda mukaddes Garaşsyzlygymyzyň 30 ýyllyk şanly baýramy mynasybetli giň gerimli halkara dabaralaryna beslenen 2021-nji — «Türkmenistan — parahatçylygyň we ynanyşmagyň Watany» ýylynda hormatly Prezidentimiziň taýsyz tagallalary bilen, ösüp gelýän ýaş nesillerimiz döwlet tarapyndan üns-aladalar, hemaýat-goldawlar bilen gurşalýar. Ýaşlarymyzyň okamagy, döretmegi, halal zähmet çekip, eziz Watanymyza hyzmat etmegi üçin ähli zerur mümkinçilikler döredilýär. Şonuň üçinem, eziz Watanymyz şadyýan çagalygyň, bagtyýar ýaşlygyň mekanyna öwrüldi. Munuň özi, ilkinji nobatda, mukaddes Garaşsyzlygymyzyň, hemişelik Bitaraplygymyzyň bagtyýar halkymyza eçilýän miweleridir. Bitaraplyk biziň parahatçylygymyzyň, asudalygymyzyň, bagtyýarlygymyzyň özenini özünde jemleýär.

8 Fewral 2021

Resmi habarlar gysga setirlerde

Türkmenistanyň Prezidenti Karara gol çekdi. Resminama laýyklykda Türkmenistanda ýerleşýän geografik obýektiň çäklerinde aýratyn häsiýetleri şol obýekt üçin mahsus bolan tebigy we (ýa-da) etnografik şertleri bilen kesgitlenilýän harydy haýyşnamaçynyň öndürýändigini tassyklaýan resminamany bermäge ygtyýarly döwlet edaralarynyň sanawy tassyklanyldy. * * *Türkmenistanyň Prezidenti Karara gol çekdi. Resminama laýyklykda Türkmenistanda gurulýan we durky täzelenilýän möhüm hem-de aýratyn möhüm binalaryň we desgalaryň taslamalarynyň bahalaryny kesgitlemek üçin Pudagara toparyň düzümi tassyklanyldy. «Türkmenistanda gurulýan we durky täzelenýän möhüm hem-de aýratyn möhüm binalaryň we desgalaryň meseleleri hakynda» Türkmenistanyň Prezidentiniň 2009-njy ýylyň 13-nji aprelinde çykaran 10347-nji Kararynyň (Türkmenistanyň Prezidentiniň namalarynyň we Türkmenistanyň Hökümetiniň çözgütleriniň 2009-njy ýyldaky 3-4-nji ýygyndysynyň 209-njy maddasy) birinji böleginiň Türkmenistanda gurulýan we durky täzelenýän möhüm hem-de aýratyn möhüm binalaryň we desgalaryň taslamalarynyň bahalaryny kesgitlemek üçin Pudagara toparynyň düzümini tassyklamak baradaky bölegi güýjüni ýitiren diýip ykrar edildi.* * *Türkmenistanyň Prezidenti Buýruga gol çekdi. Resminama laýyklykda wezipe borçlaryny talabalaýyk ýerine ýetirmän, işde goýberen kemçilikleri üçin Türkmenistanyň Ministrler Kabinetiniň Başly

8 Fewral 2021

Buýsandyryjy taryhy wakalar

Berkarar döwletimiziň bagtyýarlyk döwründe hormatly Prezidentimiz Gurbanguly Berdimuhamedowyň parasatly baştutanlygynda ýurdumyzy durmuş-ykdysady taýdan ösdürmegiň ähli ugurlarynda düýpli özgertmeler amala aşyrylýar. Ata Watanymyzda gazanylýan nusgalyk ösüş-özgerişlikler, ýetilýän beýik sepgitler her bir şanly ýylyň buýsançly şygarynda özüniň beýanyny tapýar. Mähriban Watanymyzda her bir ýylyň özboluşly atlandyrylyşy ýaly, 2021-nji ýylymyzyň «Türkmenistan — parahatçylygyň we ynanyşmagyň Watany» diýlip atlandyrylmagy çuňňur many-mazmuna eýedir. Birleşen Milletler Guramasynyň Baş Assambleýasynyň 73-nji mejlisinde Garaşsyz, baky Bitarap Türkmenistanyň başlangyjy boýunça kabul edilen «2021-nji ýyl — Halkara parahatçylyk we ynanyşmak ýyly» atly Kararnamasyna gabat gelýär. «Türkmenistan — parahatçylygyň we ynanyşmagyň Watany» ýyly dünýäniň döwletleri, abraýly halkara guramalary bilen dost-doganlyk, hoşmeýilli, uzak möhletleýin, ösüş-özgerişe, asudalyga ýugrulan gatnaşyklary alyp barýan Türkmenistan üçin pederlerimiziň gadymdan gelýän parahatçylyk we bir-birege ynanyşmak ýörelgeleriniň dabaralanmasy bolup öňe çykýar.

7 Fewral 2021

Aşgabat — halkymyzyň ak bagty

Bedew batly ösüşlere beslenýän zamanamyzda hormatly Prezidentimiziň taýsyz tagallalary bilen ýurdumyzyň keşbi gün-günden özgerýär. Esasan hem, paýtagtymyz Aşgabat binagärlik we ekologik aýratynlyklary boýunça dünýäniň iň gözel şäherleriniň birine öwrülýär. Ak mermere beslenen paýtagtymyzda dürli öwüşginli binalaryň, ymaratlaryň, desgalaryň milli ruhda gurulmagy türkmen halkynyň binagärlik ýörelgeleriniň asyrlara ýalkym saçýan gadymy kökleri bilen sazlaşmasydyr. Gözel paýtagtymyz Aşgabat Merkezi Aziýanyň merjeni hökmünde ykrar edilip, türkmen halkynyň milli buýsanjyna öwrüldi. Paýtagtymyz diňe bir ýurdumyzyň syýasy, ykdysady we medeni merkezi bolmak bilen çäklenmän, eýsem, halkara derejeli maslahatlaryň, forumlaryň, sergileriň, sport ýaryşlarynyň geçirilýän merkezi hökmünde uly abraýa eýedir. BMG-niň Öňüni alyş diplomatiýasy boýunça sebit merkezi hökmünde Aşgabadyň saýlanylyp alynmagy bolsa baş şäherimiziň şan-şöhratyny has-da belende göterdi. Galyberse-de, gözelligiň taýsyz nusgasy bolan paýtagtymyz Ginnesiň rekordlar kitabynda hem orun alan şäherleriň biridir. 2013-nji ýylyň 25-nji maýynda Aşgabat iň ýokary derejede ak mermer bilen örtülen binalaryň jemlenen şäheri hökmünde bu derejä eýe boldy. Şeýle-de paýtagtymyz bu abraýly kitapda ýer alan birnäçe binalara eýelik edýär.

5 Fewral 2021

Dünýäniň sowulmaz ýazy Aşgabat

Dünýäniň sowulmaz ýazy ― baky bahar, ýylyň dört paslynda solmaýan gözellik! Ömrümiň soňlanmajak bahary ― goşa ýazly ýyllarym, ýyly ýagmyrly ýaýlalarym, gülgün säherleriň süýdüni süňňüne siňdiren ak sähralar, size baky togabym! Dogduk mekanym, ak paýtagtym ― senli ýaşan her günüme baky tagzymlar bolsun! Waspy ajap aýdymlara beslenen Aşgabat agşamynyň pynhan pursatlarynda sere aýlanan bu ter duýgularyň gelip çykan tebigatyny öz ýanymdan yzarlamak isledim. Başartmady. Olary asla gursakda baýdak bolup pasyrdaýan göwün guşundan aýra göz öňüne getirip hem boljak däldi. Bu duýgular göwün daragtymyň süýji miweleri. Olar — ak säherleriň begenç gözýaşlary ýaly tämiz nem damjalary. Olar — gyşyň aýazly gününde duýdansyz ýere gaçýan ilkinji gar tozgalary. Olar ― ýaňy dünýä inen päkize çaganyň ilkinji mähir gundagy. Bu duýgular meni durkum-düýrmegim bilen gurşap aldy, mährem enem ýaly bagryna basyp ezizledi. Köp gatly ýokary amatlykly jaýyň açyk penjiresinden eliň aýasyndaky ýaly ýaýylyp ýatan gijeki şäher gözelligini lezzet bilen synladym. Nurana ak şäherimiz bu gün Gündogar ertekilerini ýada salýar. Göwnüm uçar haly bolup gursakda telwas etdi. Mylaýym Aşgabat gijesine seýil-seýran etmek höwesine eýerdim. Belent ýaşaýyş jaýynyň lifti meni ýokarky gatdan göz açyp-ýumasy salymda düşürdi. Ýüzümi mylaýym şemala tutup, nurana köçeleriň ugrundan howlukman ädimläp ugradym.

5 Fewral 2021

Okgunly ösüşleri nazarlap

Golaýda hormatly Prezidentimiz Gurbanguly Berdimuhamedow Ministrler Kabinetiniň Başlygynyň käbir orunbasarlarynyň, degişli ministrlikleriň hem-de pudaklaýyn dolandyryş edaralarynyň ýolbaşçylarynyň we ugurdaş ýokary okuw mekdepleriň rektorlarynyň gatnaşmagynda oba hojalygyny ösdürmek boýunça sanly wideoaragatnaşyk arkaly iş maslahatyny geçirdi. Döwlet Baştutanymyz ýurdumyzyň oba hojalyk toplumynda geçen ýyl alnyp barlan işleriň netijelerine serediljekdigini bellemek bilen, agrosenagat toplumynyň döwletimiziň ykdysadyýetiniň esasy pudaklarynyň biridigini nygtady.

5 Fewral 2021

Gatnaşyklar berkidilýär

Öňňin Türkmenistanyň Ministrler Kabinetiniň Başlygynyň orunbasarynyň, daşary işler ministriniň BMG-niň Aziýa — Ýuwaş umman sebiti üçin Ykdysady we durmuş meseleleri boýunça komissiýasynyň (UNESCAP) ýerine ýetiriji sekretary, BMG-niň Baş sekretarynyň orunbasary Armida Salsiýa Alişahbana bilen sanly wideoaragatnaşyk ulgamy arkaly duşuşygy geçirildi. Taraplar Türkmenistanyň UNESCAP bilen hyzmatdaşlygynyň häzirki derejesine ýokary baha berdiler, hususan-da, onuň energetika, statistika, söwda we ulag, migrasiýanyň dolandyrylmagy, tebigy heläkçilikleriň peseldilmegi hem-de beýleki ileri tutulýan ugurlar bilen täze mazmuna eýe bolýandygyny bellediler.

5 Fewral 2021

Sazlaşykly gözellikleriň ak şäheri

«Türkmenistan — parahatçylygyň we ynanyşmagyň Watany» şygary bilen atlandyrylan 2021-nji ýyl ýurdumyzyň syýasy-jemgyýetçilik durmuşynda ähmiýetli wakalara baý ýyllaryň biri hökmünde taryhyň altyn sahypalaryna ýazylýar. Şanly Garaşsyzlygymyzyň 30 ýyllyk baýramy milli Liderimiziň halkara başlangyçlarynyň rowaçlanmagy, ýurdumyzyň paýtagty Aşgabat şäheriniň döredilmeginiň 140 ýyllygy we beýleki köpsanly milli-medeni gymmatlyklarymyzyň dünýäde dabaralanmagy, milli ykdysadyýetiň ýeten sepgitleri bilen joşguna beslener. 1881-nji ýylda esaslandyrylan Aşgabat şäheri 140 ýylyň dowamynda düýpli özgertmeleri başdan geçirdi. Geçen ýyllarda toplumlaýyn şähergurluşyk-binagärlik çözgütleriniň üstünlikli berjaý edilmeginiň netijesinde ýurdumyzyň paýtagty düýpli täze keşbe eýe boldy. Hormatly Arkadagymyzyň gatnaşmagynda Aşgabat şäherini ösdürmegiň nobatdaky 16-njy tapgyrynyň açylmagy aýratyn bellärliklidir. Paýtagtymyzyň şähergurluşyk-binagärlik keşbini düýpli özgertmek babatda ýene-de ençeme iri taslamalaryň üstünde işlenilýär. Hormatly Prezidentimiz «Altyn kölüň» kenarynda täze ýaşaýyş jaý toplumlaryny gurmak başlangyçlaryny öňe sürdi. Bu başlangyçlaryň durmuşa geçmegi paýtagtymyzyň has-da gözel keşbe eýe bolmagyny alamatlandyrar.

5 Fewral 2021

«Türkmenistan — parahatçylygyň we ynanyşmagyň Watany» ýylynyň göreldeli waspçysy» atly bäsleşige

ÖZGERTMELERIŇ AÝDYŇ ÝOLY BILEN Bilşimiz ýaly, Birleşen Milletler Guramasynyň Baş Assamleýasynyň 73-nji sessiýasynyň 106-njy umumy mejlisinde gurama agza döwletleriň biragyzdan goldamagy bilen, döwlet Baştutanymyzyň başlangyjy esasynda «2021-nji ýyl — Halkara parahatçylyk we ynanyşmak ýyly» atly Rezolýusiýanyň kabul edilmegi türkmen halkynyň baky bagtyýarlygyny bütin dünýä ýaýdy. Bu taryhy pursat Garaşsyz, baky Bitarap Watanymyzyň parahatçylyk söýüjilige we hoşniýetli hyzmatdaşlyga ýugrulan daşary syýasy strategiýasynyň dünýäde barha dabaralanýandygyny aýdyň görkezdi.

5 Fewral 2021

Dabaraly maslahat geçirildi

Uly tutumlara beslenýän «Türkmenistan — parahatçylygyň we ynanyşmagyň Watany» ýylymyzyň her bir güni şatlykly hem şanly wakalar bilen alamatlanýar. Diýarymyza gülüp gelýän ýyllaryň biri-birinden düşümli, üstünlikli bolmagy hem olaryň her biriniň şol ajaýyp jümleleri şygar edinip gelýänligidir. Şonuň üçinem häzirki wagtda ýurdumyzyň ähli ýerinde il-günümiziň kalp buýsanjy bilen «Türkmenistan — parahatçylygyň we ynanyşmagyň Watany» ýylyna bagyşlanyp geçirilýän köpçülikleýin dabaralar unudylmajak pursatlara öwrülýär. Özboluşly medeniýetiň, sungatyň gadymy merkezleriniň biri hasaplanýan gadymy Daşoguz topragynda-da turuwbaşdan uly ösüşlere beslenýän ýylymyza bagyşlanan dabaralar Gahryman Arkadagly eziz Diýarymyzyň gülläp ösýändigini, halkymyzyň bagtyýar durmuşda ýaşaýandygyny alamatlandyrýar.

5 Fewral 2021

Resmi habarlar gysga setirlerde

Türkmenistanyň Prezidenti Buýruga gol çekdi. Resminama laýyklykda wezipe borçlaryny talabalaýyk ýerine ýetirmän, işde goýberen kemçilikleri üçin Ministrler Kabinetiniň Başlygynyň orunbasary Orazgeldiýew Esenmyrada berk käýinç yglan edildi.* * *Türkmenistanyň Prezidenti Buýruga gol çekdi. Resminama laýyklykda wezipe borçlaryny talabalaýyk ýerine ýetirmän, işde goýberen kemçilikleri üçin oba hojalyk we daşky gurşawy goramak ministri Baýramdurdyýew Magtymgula berk käýinç yglan edildi hem-de ýol berlen kemçilikleri gysga wagtyň içinde düzetmek oňa soňky gezek duýduryldy.* * *Türkmenistanyň Prezidenti Buýruga gol çekdi. Resminama laýyklykda wezipe borçlaryny talabalaýyk ýerine ýetirmän, işde goýberen kemçilikleri üçin Suw hojalygy baradaky döwlet komitetiniň başlygy Baýjanow Güýzgeldä käýinç yglan edildi.* * *Türkmenistanyň Energetika ministrliginiň işini has-da kämilleşdirmek maksady bilen Türkmenistanyň Prezidenti Karara gol çekip, bu ministrligiň merkezi edarasynyň gurluşyny tassyklady.* * *Türkmenistanyň Gurluşyk we binagärlik ministrliginiň işini has-da kämilleşdirmek maksady bilen Türkmenistanyň Prezidenti Karara gol çekip, bu ministrligiň merkezi edarasynyň gurluşyny tassyklady.* * *«Türkmenhimiýa» döwlet konserniniň işini has-da kämilleşdirmek maksady bilen, Türkmenistanyň Prezidenti Karara gol çekdi. Resminama laýyklykda «Türkmenhimiý

5 Fewral 2021

Ählumumy abadançylygyň bähbidine

Hormatly Prezidentimiziň baştutanlygynda hemişelik Bitaraplygymyzyň ýörelgeleri soňky ýyllarda has işjeň häsiýete eýe boldy. Ýurdumyzyň bu hukuk derejesiniň dünýäde parahatçylygy, howpsuzlygy berkarar etmäge, durnukly ösüşi gazanmaga we hyzmatdaşlygyň netijeli nusgalaryny işjeňleşdirmäge esaslanýandygy guwandyryjy hakykatdyr. Çünki agzybir türkmen halky birnäçe asyrdan bäri bu ajaýyp ýörelgelere daýanmak arkaly dünýä jemgyýetçiliginde öz mynasyp ornuny has hem berkitmekde uly üstünlikleri gazandy. Halklaryň, milletleriň arasyndaky özara bähbitli hyzmatdaşlygy pugtalandyrmakda we ýygjamlaşdyrmakda Türkmenistanyň öňe sürýän başlangyçlarynyň halkara möçberinde giň goldaw tapmagynyň düýp manysynda ynsanperwerlik we hoşniýetlilik düşünjeleri orun alýar.

5 Fewral 2021

Wagyz - nesihat çäreleri

Gazanylan netijeler seljerilýär Geçen — Türkmenistan — — Bitaraplygyň mekany ýylynda hormatly Prezidentimiziň baştutanlygynda ýurdumyzda ýokary netijeler gazanylyp, belent sepgitlere ýetildi. Üstümizdäki — Türkmenistan — parahatçylygyň we ynanyşmagyň Watany ýylynda has ýokary netijeleri gazanmak üçin geçilen menzillere ser salyp, öňde durýan wezipeleri aýdyňlaşdyrmaly.

5 Fewral 2021

‹
1
2
...
547
548
549
550
551
552
553
...
560
561
›