«Uimbldon»-da güýçlüleriň işi ugruganok

5 Iýul 2021
327

Şu günler Beýik Britaniýanyň London şäherinde tennis boýunça otly kortlarda geçýän «uly tuwulga» — «Uimbldon» gyzgalaňly dowam edýär. Ýaryşda has hem zenanlaryň arasynda ýekelikdäki oýunlar garaşylmadyk netijelere diýseň baý ýagdaýda geçýär. Eýýäm ýaryşyň birinji aýlawynda dünýä sanawynyň sekizinji basgançagyndaky Serena Uilýams belarussiýaly Aleksandra Sasnowiçe garşy korta çykyp, duşuşykda şikes alandygy sebäpli, ýaryşy terk etdi. Şeýle-de birinji aýlawda WTA reýtinginiň onunjy ýerini eýeläp duran çehiýaly Petra Kwitowa hem ýaryş bilen hoşlaşdy. Kwitowa amerkialy Sloan Stiwenz bilen güýç synanyşyp, 3:6, 4:6 hasaplarynda ýeňlişe sezewar boldy. Gyzykly tarapy, ikinji aýlawda top-10-lugyň ýene üç zenan tennisçisi gülberini arkasyna daňmaga mejbur edildi. Has takygy, bu aýlawda amerikaly Sofýa Kenin (dünýä reýtinginde 6-njy ýer) ildeşi Medison Brenglden 2:6, 4:6 hasaplarynda ýeňildi. Mundan başga-da, kanadaly Býanka Andreesku (7) fransiýaly Alize Korneden 2:6, 1:6 hasaplarynda, ukrainaly Elina Switolina (5) polşaly Magda Linettden 3:6, 4:6 hasaplarynda asgyn geldi. Şeýlelikde, eýýäm deslapky tapgyrdan soňra ilkinji onlugyň bäş wekili göreşden çykdy. Ýeri gelende, top-10-luga girýän ýaponiýaly Naomi Osakanyň hem-de rumyniýaly Simone Halepiň «Uimbldon»-a gatnaşmaýandşygynyda bellemek gerek.

Taýýarlan: Jumageldi Salamow,
Türkmen döwlet maliýe institutynyň mugallymy.
Beýleki habarlar