Halkyň ýaşaýyş-durmuş derejesiniň ýokarlanmagyny, Watanymyzyň kuwwatynyň berkemegini üpjün etmäge gönükdirilen ägirt uly tutumlaryň netijesini bu gün durmuşymyzyň ähli ugurlarynda aýdyň görmek bolýar. Munuň özi Gahryman Arkadagymyzyň başyny başlan taryhy özgertmelerini üstünlikli dowam etdirýän Arkadagly Gahryman Serdarymyzyň parasatly ýolbaşçylygynda berkarar döwletimiziň uly ösüşlere eýe bolýandygynyň we halkara abraýynyň has-da belende göterilýändiginiň subutnamasydyr.
Ajaýyp zamanamyzda badalga berilýän her bir başlangyç rowaçlyklara beslenýär. Ýurdumyzyň hoşniýetli goňşuçylyk hem-de ikitaraplaýyn bähbitli hyzmatdaşlyk ýörelgeleri sebitde we bütin dünýäde uly goldawa eýe bolýar. Ykdysadyýetiň ähli pudaklarynda durmuşa geçirilýän iri taslamalar diňe bir türkmen halkynyň däl, eýsem, dünýä halklarynyň hem bähbidine gönükdirilýär.
