Her bir ynsan öz saglygyny goramalydyr, sagdyn durmuş ýörelgesine eýermelidir. Saglygyň gözbaşy hem arassaçylykdan başlanýar. Adam arassaçylygyň kadalaryny berjaý etmelidir. Şeýle hem iýmit önümlerine ünsli bolmak gerek. Iýmit önümleri satyn alnanda, olaryň ýaramlylyk möhletine we hiline üns bermelidir.
Öý şertlerinde iýmitler taýýarlanylanda, arassaçylyk-gigiýeniki talaplary berjaý etmeli. Iýmit önümlerini taýýarlaýan ýeriň, ulanýan gap-gaçlaryň arassa bolmalydyr. Bişirilen we bişirilmedik iýmit önümlerini aýry-aýry saklamalydyr.
