"Watan" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-16, 38-61-17, 38-61-07
Email: watan@sanly.tm

Gazeti PDF görnüşinde ýükläp almak

Habarlar

Kino muşdaklarynyň söýgüli zenany

Owadan, näzik keşpli Neslihan 1992-nji ýylyň 20-nji awgustynda Türkiýäniň paýtagty Stambul şäherinde eneden bolýar. Asly çerkes bolan kakasy uzak ülkelere gatnaýan ulagy sürýäni üçin, köp ýurtlaryň üstünden geçýär. Ol Belarus Respublikasynda saparda bolanda gelip çykyşy belaruslardan bolan öý hojalykçy zenan bilen tanyşýar. Bular durmuş guranlaryndan soň Türkiýäniň Stambul şäherinde ýaşap başlaýarlar. Neslihan ene-atanyň ogullaryndan soň ikinji perzendi bolup kemala gelýär. Ýaşlygyna garamazdan, kino muşdaklarynyň söýgüli aktrisalarynyň birine öwrülen Neslihan Atagül «Gara söwda» atly türk filminiň baş gahrymany Nihanyň keşbi bilen türkmen tomaşaçylarynyň hem göwnüni awlap bildi. Bu filmde Neslihanyň döreden Nihany dogumly, söýgüsine wepaly, gabat gelýän kynçylyklary paýhasly çözüp bilýän zenan hökmünde tomaşaçynyň aňyna siňýär, oňa bolan hormat artýar. Asyl-a, türk kino dünýäsine öz tebigy zehini bilen gadam basan Neslihan Atagülüň döreden her bir keşbinde ýaş aktrisanyň ussatlygyny, sungata ýüregi bilen berlenligini duýmak bolýar.

8 Maý 2024

Medeniýet

Sungat mekdebindäki baýramçylyk joşguny

Ahal welaýat ýörite sungat mekdebinde Ýeňşiň 79 ýyllygy mynasybetli aýdym-sazly dabara geçirildi. Oňa mekdebiň mugallymlarydyr talyp ýaşlar toý joşguny bilen gatnaşdylar. Dabarada şanly sene mynasybetli gutlaglar aýdylyp, 1941—1945-nji ýyllaryň Beýik Watançylyk urşunda ildeşlerimiziň görkezen nusgalyk edermenligi barada gürrüň edildi. Talyp ýaşlar tarapyndan taýýarlanan sungat çykyşlary dabaranyň ruhubelentligini we şowhunyny belende göterdi. Toý zalyna ýygnananlar mekdebimiziň üflenip we kakylyp çalynýan saz gurallar bölüminiň talyplarynyň çykyşlaryny hem gyzgyn garşyladylar. Belentden-belent ýaňlanan aýdymdyr sazlarda ata Watanymyzyň, eşretli döwrümiziň, asuda durmuşymyzyň, dost-doganlygyň joşgunly waspy öz beýanyny tapdy.

8 Maý 2024

Medeniýet

Nesil terbiýesinde millilik ýörelgeleri

Berkarar döwletiň täze eýýamynyň Galkynyşy döwründe ýaşlar hakyndaky alada aýratyn ähmiýete eýedir. Şunda ýaşlary milli ruhda terbiýelemek esasy ugurlaryň biri bolup durýar. Her bir ene-ata öz perzendiniň edep-ekramly, maksada okgunly, myhmansöýer, asylly bolup ýetişmegi üçin aladalanýar. Çaga ýaşlykdan nähili terbiýe berilse, ulalandan soň hem şol alan terbiýesine görä hereket edýär. Ata-babalarymyzdan miras galan terbiýe mekdebi ruhy-ahlak ýörelgeleri, adamkärçilik sypatlary, ynsanlyk ölçeglerini açyp görkezýär. Ene süýdi ýaly halal, päk terbiýe alan nesiller röwşen geljegimiziň kepilidir. Ýaş nesli türkmen halkynyň öňden dowam edip gelýän däp-dessurlary, olaryň asylly häsiýetleri bilen kemala getirmek bilim işgärleriniň esasy borjy bolup durýar. Diýarymyzda durmuşa geçirilýän beýik işler häzirki ajaýyp döwrümiziň ösüşlerini we röwşen geljegimizi üpjün edýär. Hormatly Prezidentimiziň parasatly baştutanlygynda milli ykdysadyýetimiz ösdürilýär, belent üstünliklere ýetilýär. Şeýle beýik ösüşler ildeşlerimizde buýsanç döredýär, olary döredijilikli işlemäge ruhlandyrýar. Bu gün mugallymlar hem ajaýyp döwrümize buýsanyp, ýaş nesilleri terbiýelemäge, olaryň ylym-bilimli bolmaklaryna öz goşantlaryny goşýarlar. Umumybilim berýän orta mekdeplerde okuwçynyň bilimi bilen bir hatarda, terbiýesine hem üns bermek zerurdyr. Bu işde mugallyma örän uly orun degişli bolup durýar. Mugally

8 Maý 2024

Medeniýet

Magtymguly, sözlär tili türkmeniň

Ýakynda şeýle at bilen Ak bugdaý etrabynyň Gämi oba medeniýet öýünde welaýatymyzyň teatr we drama toparlarynyň arasynda yglan edilen bäsleşigiň welaýat tapgyry geçirildi. Teatrlaşdyrylan sahna eserleriniň bäsleşigi welaýat häkimligi, welaýat Medeniýet müdirligi hem-de jemgyýetçilik guramalary tarapyndan guraldy. Etraplardan gelen döredijilik toparlary bäsleşigiň düzgünnamasyna laýyklykda, sahnalaşdyrylan eserleri görkezdiler. Olar sahnalaşdyran eserlerinde Gündogaryň beýik akyldary Magtymguly Pyragynyň ömür döredijiligine we nusgawy şahyrymyz hakda ýazylan ajaýyp eserlere salgylanyp, dana atamyzyň durmuşyny, şahsyýetiniň beýikligini, pikir we duýgy kämilligini beýan edýän wakalary ussatlarça açyp görkezmäge çalyşdylar. Teatrlaşdyrylan çykyşlarda beýik akyldar şahyryň giň hem-de çuň akyl-paýhasy, watansöýüjiligi, il-gününe bolan hormaty, çäksiz zehin-ukyby çeper şöhlelendi.

7 Maý 2024

Medeniýet

Döwrüň belent ruhy

Arkadagly Gahryman Serdarymyzyň «Pähim-paýhas ummany Magtymguly Pyragy» ýylynda halkymyza sowgat beren «Änew — müňýyllyklardan gözbaş alýan medeniýet» atly täze kitabyny okanyňda, bu gadymy topragyň şöhratly taryhy, ösüş-özgerişli şu güni baradaky baý maglumatlar bilen tanyşmaga giň mümkinçilik alýarsyň. Kitabyň «Ahal ýaýlasynda gadymy Änewiň şöhratly ýoly dowamata uzaýar» atly bölüminde bu toprakda Berkarar döwletiň täze eýýamynyň Galkynyşy döwründe döwrüň belent ruhuna laýyklykda alnyp barylýan giň gerimli özgertmeler dogrusynda gürrüň edilýär. Bu babatda, hormatly Prezidentimiz täze kitapda: «Türkmeniň «Uly iliň soltany» diýip sarpa goýýan ak bugdaýynyň ilkinji mekany bolan Änew şäheriniň «Türki dünýäsiniň medeni paýtagty» derejesini göterýän şanly ýylda gadymy Ahal topragynda amala aşyrylýan taryhy özgertmeler hakynda söhbet etmek meniň üçin örän ýakymly hem buýsançly» diýip ýazýar. Gadymy Ahal ýaýlasynda Gahryman Arkadagymyzyň tagallasy bilen medeni-durmuş maksatly we önümçilik desgalarynyň uly toplumy, täze obadyr şäherçeler guruldy. «Türkmenistanyň Prezidentiniň obalaryň, şäherçeleriň, etraplardaky şäherleriň we etrap merkezleriniň ilatynyň ýaşaýyş-durmuş şertlerini özgertmek boýunça 2028-nji ýyla çenli döwür üçin Milli maksatnamasyna» laýyklykda, bu toprakda geljekde hem iri desgalardyr binalaryň, döwrebap ýaşaýyş jaýlarynyň gurluşygy meýilleşdirilýär. Munuň özi Gahrym

7 Maý 2024

Medeniýet

Halkymyzyň medeni baýlygy

Hormatly Prezidentimiziň milli medeniýetimizi ylmy esasda öwrenmäge we wagyz etmäge döredýän giň mümkinçilikleri oňyn netijelerini berýär, Watana bolan söýgimizi has-da artdyrýar. Gojaman taryh ak bugdaýyň mekanynyň Türkmenistandygyny subut edýär. Biziň gadymy ata-babalarymyz ak ekini medeniýetleşdirip, ýaşaýşyň zerur şertini we ygtybarly esasyny — çöregi döredipdirler. Gadymy taryhyň gatlaryny agtarsak, türkmen halkynyň ajaýyp halysy, alabaý iti, saryja goýny, behişdi bedewi hem-de özboluşly medeniýeti bilen meşhur bolandygyna göz ýetirýäris. Mysal üçin, türkmen halysyna gözüň düşenden kalbyň nurlanýar. Onuň her çitiminde türkmen durmuşynyň beýany ýazylandyr. Halyda türkmeniň pähim-paýhasy aň bilen, gözelligi duýgular çogdumy bilen, nepisligi ussatlyk bilen, hili berklik bilen örän sazlaşýandyr. Saryja goýnuň ýüňünden egrilip, tebigy reňkler bilen baýlaşdyrylan bu sungat türkmeni tutuş jahana tanadýandyr.

7 Maý 2024

Medeniýet

Medeniýet — köpugurly ösüşleriň ruhlandyryjysy

Turuwbaşdan uly üstünliklere, göwünleri ganatlandyryjy şatlykly wakalara beslenip başlanan «Pähim-paýhas ummany Magtymguly Pyragy» ýylynyň maý aýy hem halkara giňişliginde berkarar döwletimiziň abraýyny has arşa göterjek wakalara baý bolar. Şeýle diýip ynamly aýtmagymyza bu aýda eziz Watanymyzyň dürli künjeginde gurlup, dabaraly açylyşy meýilleşdirilýän ýaşaýyş-durmuş hem-de medeni maksatly binalardyr desgalaryň barmak büküp sanardan köpdügi esas berýär. Hormatly Prezidentimiziň baştutanlygynda üstünlikli durmuşa geçirilýän iri möçberli döwlet maksatnamalarynyň miwesi bolan şol binalardyr desgalaryň ýönekeýje sanawy-da ep-esli bolansoň, häzirlikçe üstümizdäki aýda diňe paýtagtymyzyň çäginde dabaraly açylmagy meýilleşdirilýän käbir desgalary ýatlamak bilen çäklenmegi makul bildik. Köpetdagyň gözel gerşini bezejek «Magtymguly Pyragy» medeni-seýilgäh toplumy hem-de Magtymguly Pyragynyň ýadygärligi, Arçabil şaýolunyň ugrundaky durky täzelenen Baş baýdak meýdançasy, Bagtyýarlyk etrabynyň Çoganly ýaşaýyş toplumyndaky 2 gatly ýaşaýyş jaýlary, Bitarap Türkmenistan şaýolunyň Galkynyş köçesi we Atamyrat Nyýazow şaýoly aralygyndaky böleginde durky täzelenen suw çüwdürimleri, Bagtyýarlyk etrabyndaky kuwwatlylygy bir gije-gündizde 150 müň kub metr bolan agyz suwuny arassalaýjy desga, Seýdi köçesiniň ugrundaky Türkmenistanyň Dokma senagaty ministrliginiň «Dokmaçylar» medeni merkezi di

7 Maý 2024

Medeniýet

«Ol gaýdyp geler...»

Ýer ýüzünde parahatçylygyň berkarar bolmagyna we Ýeňşiň gazanylmagyna mynasyp goşant goşan Watanymyzyň şöhratly gerçekleriniň şanyna döredilen ajaýyp kino eserleriniň biri «Daragt» çeper filmidir. Uruş ýyllarynyň galagoply wakalaryna bagyşlanan filmiň üsti bilen şol ýyllarda halkymyzyň kyn günleri başdan geçirendigine garamazdan her bir işde gaýduwsyzlyk görkezendigi açylyp görkezilýär. Filmde baş gahryman Näzik atly gelniň başdan geçiren durmuş wakalary şöhlelendirilýär. Hakyky bolan wakalaryň esasynda goýlan bu filmde Beýik Watançylyk urşunda gahrymançylyk hem-de gaýduwsyzlyk görkezen gerçekleriň yzynda mukaddes ojaklaryny saklap oturan gelinleriň wepadarlygy, tutanýerliligi beýan edilýär.

6 Maý 2024

Medeniýet

Ýurdumyzyň teatrlarynda

söz ussadyna bagyşlanan täze sahna eserleri Mälim bolşy ýaly, Arkadagly Gahryman Serdarymyzyň saýasynda, Gahryman Arkadagymyzyň tagallalary bilen ýakyn günlerde açylmagy meýilleşdirilýän Magtymguly Pyragynyň adyny göterýän medeni-seýilgäh toplumynyň merkezinde beýik söz ussadynyň äpet heýkeli oturdyldy. 41 gektar meýdana ýaýlyp gidýän tebigy belentlikde dikilen bürünç heýkeliň beýikligi 60 metre, binýadynyň beýikligi bolsa 25 metre deňdir. Medeni-seýilgäh toplumyň giň çäkleriniň hem-de ýanaşyk ýerleriniň abadanlaşdyrylmagy we bagy-bossanlyga bürelmegi, suw çüwdürimleriniň, dynç alyş zolaklarynyň, bassyrmalaryň, toplumyň daşky girelgesinde awtoduralgalaryň bolmagy hem-de täze tehnologiýalary we häzirki zaman yşyklandyryş enjamlaryny ulanmak arkaly nusgawy şahyryň tutuş adamzat jemgyýetine belli bolan şygyrlarynyň ganatly setirleriniň baýyrlaryň ýüzünde ýagtylandyrylýandygy bu täsin tebigatly künjegiň gözel paýtagtymyzyň görküne aýratyn görk goşjakdygyna güwä geçýär.

6 Maý 2024

Medeniýet

Türkmen kino ussatlarynyň üstünligi

Ýakynda Türkiýe Respublikasynyň Izmir şäherinde «Turan» atly halkara kinofestiwal geçirildi. Oňa Türkmenistanyň Telewideniýe, radiogepleşikler we kinematografiýa baradaky döwlet komitetiniň Oguz han adyndaky «Türkmenfilm» birleşiginiň kino režissýorlary hem gatnaşyp, ýörite baýraklara mynasyp boldular. Iki günläp dowam eden festiwal Türki medeniýetiň halkara guramasy (TÜRKSOÝ) we Türkiýäniň Medeniýet we syýahatçylyk ministrligi tarapyndan guraldy. Halkara kinofestiwala dünýäniň 77 ýurdundan jemi 1055 film hödürlenilip, olar 13 ugur boýunça seljerildi. Oguz han adyndaky «Türkmenfilm» birleşigi halkara festiwala üç sany, ýagny «Ol Rumystany görsem» we «Umyt» atly dokumental filmleri hem-de «Meniň kakam» atly gysga göwrümli filmi hödürledi. Dokumental filmleriň birinjisi şu ýyl doglan gününiň 300 ýyllygy bellenilýän beýik akyldar şahyrymyz Magtymguly Pyragynyň ömrüne we döredijiligine bagyşlanan bolsa, ikinjisinde halkymyzyň milli gymmatlygy bolan dutaryň owazynyň jadylaýjy güýjünden söz açylýar. Festiwalda görkezilen üçünji türkmen filmi durmuş wakalaryna esaslanýar.

6 Maý 2024

Medeniýet

Sahna eserleriniň bäsleşigi

Ak bugdaý etrabynyň Gämi oba medeniýet öýünde welaýatyň teatr we drama toparlarynyň arasynda «Magtymguly, sözlär tili türkmeniň» ady bilen yglan edilen teatrlaşdyrylan sahna eserleriniň bäsleşiginiň Ahal welaýat tapgyry geçirildi. Welaýat häkimligi, Medeniýet müdirligi hem-de jemgyýetçilik guramalary tarapyndan yglan edilen bäsleşige etraplaryň teatr toparlary işjeň gatnaşdy. «Pähim-paýhas ummany Magtymguly Pyragy» ýylynda Gündogaryň beýik akyldary, türkmeniň nusgawy şahyry Magtymguly Pyragynyň ömür-döredijiligine we ol hakda ýazylan ajaýyp eserlere salgylanyp, dana şahyryň durmuşyny, şahsyýetiniň beýikligini, pikir we duýgy kämilligini beýan edýän wakalary ussatlarça sahnalaşdyrmak hem-de tomaşaçylara ýetirmek maksady bilen geçirilen bäsleşik turuwbaşdan uly ruhubelentlige beslendi. Döredijilik toparlary ýerine ýetiren teatrlaşdyrylan çykyşlarynyň üsti bilen beýik akyldar şahyryň çuňňur akyl-paýhasyny, watansöýüjiligini, il-gününe bolan hormatyny, çäksiz zehin-ukybyny mynasyp şekilde, çeper şöhlelendirmekde başarnyklaryny görkezdiler. Artistleriň her biriniň özüne ynanylan keşbi ussatlarça ýerine ýetirmegi eserleriň täsirliligini artdyrdy.

4 Maý 2024

Medeniýet

Dost-doganlyk köprüsi berkeýär

Golaýda Russiýa Federasiýasynyň Astrahan oblastynda Magtymguly Pyragynyň doglan gününiň 300 ýyllygyna bagyşlanan dabaralar geçirilip, olara Türkmenistanyň wekiliýeti hem gatnaşdy. Baýramçylyk çäreleri Astrahan oblastynyň Funtowo obasynda ýerleşýän Magtymguly adyndaky orta mekdepde ýaýbaňlandyryldy. Döwrebap bilim ojagynda guralan sergide milli gymmatlyklar, Gahryman Arkadagymyzyň hem-de akyldar şahyrymyzyň eserleri öz beýanyny tapsa, baýramçylyk dabarasynda edilen çykyşlarda türkmen we rus halklarynyň köpasyrlyk dostlukly gatnaşyklaryndan, beýik söz ussadynyň halklary ýakynlaşdyrýan döredijilik mirasyndan söz açyldy.

3 Maý 2024

Medeniýet

Ýaşlyk joşguny aýdym-sazda ýaňlanýar

Maýa Kulyýewa adyndaky Türkmen milli konserwatoriýasynda Türkmenistanyň Medeniýet ministrliginiň guramagynda ýörite sazçylyk we sungat ugurly okuw mekdepleriniň arasynda yglan edilen «Ýaşlyk joşguny» atly bäsleşik geçirildi. Oňa welaýat ýörite sungat mekdebiniň talyplary hem gatnaşyp, öňdäki orunlary eýelemegi başardylar. Ýörite sazçylyk we sungat ugurly okuw mekdeplerini tamamlan we şu ýyl tamamlaýan uçurymlary saz sungatynyň dürli ugurlary boýunça döredijilige ugrukdyrmak, olaryň ýerine ýetirijilik ussatlygyny ýokarlandyrmak, şeýle hem saz sungatyna höwesli zehinleri ýüze çykarmak maksady bilen geçirilen bäsleşikde oňa gatnaşyjylar düzgünnamada görkezilen şertler boýunça çykyş etdiler. Olaryň çykyşlaryna Maýa Kulyýewa adyndaky Türkmen milli konserwatoriýasynyň professor-mugallymlaryndan ybarat bolan eminler baha berdiler.

3 Maý 2024

Medeniýet

Döredijilik bäsleşigi

Sungatda ýaşlyk joşguny Aşgabat şäheriniň gözel künjeginde ýerleşýän Maýa Kulyýewa adyndaky Türkmen milli konserwatoriýasynda «Ýaşlyk joşguny» atly döredijilik bäsleşigi geçirildi. Bäsleşige ýurdumyzyň ýörite sazçylyk we sungat ugurly okuw mekdepleriniň talyplarydyr uçurymlary gatnaşdylar. Bäsleşige gatnaşyjylar türkmen we daşary ýurt kompozitorlarynyň nusgawy we häzirki zaman eserlerini, türkmen halk aýdym-sazlaryny joşgunly ýerine ýetirdiler. Bu bäsleşigiň maksady aýdym-saz sungatyna höwesli, zehinli ýaşlary ýüze çykarmakdan, olary saz sungatynyň ugurlary boýunça döredijilige höweslendirmekden hem-de ýaş sazandalaryň professional derejesini ýokarlandyrmakdan ybarat boldy.

3 Maý 2024

Medeniýet

Gadymy medeniýetiň ojagy

Hormatly Prezidentimiziň «Änew — müňýyllyklardan gözbaş alýan medeniýet» kitabynyň adynyň özem köp zatdan habar berýär we okyjyny bada-bat özüne çekýär. Kitaby eliňe alyp, Änewiň gadymyýetiň jümmüşlerine çuňňur kök urup gaýdan baý hem şöhratly taryhy barada has aýdyň bilmek isläp, ony okamaga howlugýarsyň. Gadymy Änewiň durmuşynda bolup geçen möhüm wakalar. Ýaşaýyş medeniýetiniň täze derejesiniň döredilmegi. Änew depelerinde geçirilen gazuw-agtaryş işleri. Arheologik tapyndylar. Häzirki döwre çenli saklanyp galan özboluşly binagärlik ýadygärlikleri. Änew medeniýetini ilkinji bolup açan we bu baradaky hakykaty dünýä ýetiren Rafael Pampelliniň, şeýle-de Wadim Massonyň, Wiktor Sarianidiniň, beýleki görnükli alym-arheologlaryň ekspedisiýalarynyň netijesinde mälim edilen maglumatlar. Gadymyýetiň bu taryhy künjegi bilen baglanyşykly rowaýatlar... Bular barada Arkadagly Gahryman Serdarymyzyň ylmy-populýar eserinde örän düýpli, örän täsirli beýan edilýär.

3 Maý 2024

Medeniýet

Mag­tym­gu­ly­nyň şy­gyr­la­ry — dost­luk köp­rü­si

Türk­men nus­ga­wy şa­hy­ry Mag­tym­gu­ly Py­ra­gy­nyň dog­lan gü­nü­niň 300 ýyl­ly­gy mynasybetli ýakynda türk­men alym­la­ryn­dan, mu­gal­lym­la­ryn­dan yba­rat to­par Ga­za­gys­tan Res­pub­li­ka­syn­da iş sa­pa­ryn­da bol­dy. Türk­me­nis­ta­nyň Ga­za­gys­tan Res­pub­li­ka­syn­da­ky Kon­sul­ly­gy Ak­tau şä­he­rin­de ýer­leş­ýän Ş.Ýe­se­now adyn­da­ky Hazar döw­let tehnologiýalar we in­že­ner­çi­lik uni­wer­si­te­tin­de «Mag­tym­gu­ly­nyň ru­hy mi­ra­sy — dost­lu­gyň we pa­ra­hat­çy­ly­gyň sim­wo­ly» at­ly hal­ka­ra yl­my mas­la­ha­t ge­çir­di. Hal­ka­ra mas­la­hat­da uni­wer­si­te­tiň rek­to­ry pro­fes­sor B.Ah­me­dow, Türk­me­nis­ta­nyň Ga­za­gys­tan Res­pub­li­ka­syn­da­ky kon­su­ly M.Ab­dyl­la­ýew, Man­gis­tau we­la­ýa­ty­nyň hä­kim­li­gi­niň we­ki­li we bu uni­wer­si­te­ti­ň mu­gal­lym­la­ry meş­hur ga­zak şa­hy­ry Jam­byl Ja­ba­ýe­wiň Mag­tym­gu­ly­nyň goş­gu­la­ry­ny ürç edip okan­dy­gy we şa­hyr­lar Ga­ly Or­ma­no­wyň, Ga­fu Ka­ýyr­be­ko­wyň, Duý­sen­bek Kana­tba­ýe­wiň be­ýik akyl­da­ryň goş­gu­la­ry­ny ga­zak di­li­ne ter­ji­me eden­di­gi, türk­men şa­hy­ry­nyň goş­gu­la­ry­nyň ga­zak hal­ky­nyň ara­syn­da söý­lüp okal­ýan­dy­gy we türk­men-ga­zak dost-do­gan­lyk gat­na­şyk­la­ry ba­ra­da tä­sir­li çy­kyş et­di­ler. Mas­la­ha­tyň çä­gin­de Türk­me­nis­ta­nyň Döw­let me­de­ni­ýet mer­ke­zi­niň Döw­let mu­ze­ýi­niň gymmatlyklarynyň ser­gi­si gu­ra­lyp, on­da­ky eks­p

2 Maý 2024

Medeniýet

Hal­ka­ra fes­ti­wal­da «ba­ky ro­wa­ýat­lar»

24-29-njy ap­rel ara­ly­gyn­da Türk­men döw­let gur­jak teat­ry­nyň dö­re­di­ji­lik to­pa­ry Tür­ki­ýe Res­pub­li­ka­sy­nyň An­ka­ra şä­he­rin­de ge­çi­ri­len «Ki­çi­jik ha­nym­lar, ki­çi­jik je­nap­lar» at­ly 19-njy hal­ka­ra teatr fes­ti­wa­ly­na gat­na­şyp, Gah­ry­man Ar­ka­da­gy­my­zyň «Türk­me­nis­tan — Be­ýik Ýü­pek ýo­lu­nyň ýü­re­gi» at­ly ki­ta­byn­dan re­žiss­ýor Yl­ýas Dur­dy­ýe­wiň sah­na­laş­dy­ran «Ba­ky ro­wa­ýat­lar» spek­tak­ly­ny gör­kez­di­ler. Bu spek­takl­da Se­ýit Je­ma­led­din ýa­dy­gär­li­gi bi­len bag­ly ro­wa­ýat­da gür­rüň be­ril­ýän wa­ka şe­kil­le­riň, he­re­ket­le­riň, sa­zyň, yşyk­la­ryň üs­ti bi­len be­ýan edil­ýär. Türk­men ar­tist­le­ri dün­ýä­niň en­çe­me döw­let­le­ri­niň ça­ga­lar teatr­la­ry­nyň gat­naş­ma­gyn­da ge­çi­ri­len fes­ti­wal­da üs­tün­lik­li çy­kyş edip, de­giş­li ku­bo­ga we dip­lo­ma my­na­syp bol­du­lar. Olar bu ýer­de gu­ra­lan us­sat­lyk, sah­na di­li, he­re­ket ýa­ly ugur­lar bo­ýun­ça ge­çi­ri­len tej­ri­be sa­pak­la­ry­na gat­na­şyp, dür­li ýurt­la­ryň ar­tist­le­ri, re­žiss­ýor­la­ry bi­len pi­kir alyş­dy­lar. Şeý­le-de da­şa­ry ýurt­ly kär­deş­le­ri bi­len akyl­dar şa­hy­ry­myz Mag­tym­gu­ly Py­ra­gy­nyň öm­ri we dö­re­di­ji­li­gi­ne ba­gyş­la­nan spek­takl­la­ry sah­na­laş­dyr­mak ba­ra­da­ky tek­lip­le­ri ara alyp mas­la­hat­laş­dy­lar.

2 Maý 2024

Medeniýet

Pa­riž­dä­ki Py­ra­gy­ly pur­sat­lar

Go­laý­da Fran­si­ýa­nyň paý­tag­ty Pa­riž­de ÝU­NES­KO-nyň we TÜRK­SOÝ-yň bi­le­lik­de gu­ra­ma­gyn­da Mag­tym­gu­ly Py­ra­gy­nyň dog­lan gü­nü­niň 300 ýyl­ly­gy my­na­sy­bet­li ge­çi­ri­len çä­re­ler mil­li me­de­ni­ýe­ti­mi­zi dün­ýä ýaý­mak­da, halk­la­ryň ara­syn­da­ky me­de­ni gat­na­şyk­la­ry je­bis­leş­dir­mek­de no­bat­da­ky ädim bol­dy. Iri hal­ka­ra gu­ra­ma­la­ry ta­ra­pyn­dan taý­ýar­la­nan çä­re­le­riň çäk­le­rin­de gu­ra­lan «Mag­tym­gu­ly Py­ra­gy we Türk­me­nis­ta­nyň me­de­ni mi­ra­sy» at­ly ser­gi­de Türk­me­nis­ta­nyň Ylym­lar aka­de­mi­ýa­sy­nyň Mag­tym­gu­ly adyn­da­ky Dil, ede­bi­ýat we mil­li gol­ýaz­ma­lar ins­ti­tu­ty­nyň hem-de Türk­me­nis­ta­nyň Döw­let me­de­ni­ýet mer­ke­zi­niň Döw­let mu­ze­ýi­niň gaz­na­syn­da sak­lan­ýan, ÝU­NES­KO-nyň me­de­ni mi­ra­sy­nyň sa­na­wy­na gi­ri­zi­len gym­mat­lyk­lar, ama­ly-ha­şam sun­ga­ty­nyň eser­le­ri gör­ke­zil­di. Bi­le­lik­dä­ki türk­men-fran­suz ar­heo­lo­gik to­pa­ry­nyň dö­re­dil­me­gi­niň 30 ýyl­ly­gy my­na­sy­bet­li ge­çi­ri­len yl­my-ama­ly mas­la­hat­da çy­kyş eden­ler şeý­le me­de­ni gat­na­şyk­la­ryň bar­ha gi­ňe­me­gi­niň halk­la­ryň ýa­kyn­laş­ma­gy­na we me­de­ni­ýet­le­riň öza­ra baý­laş­ma­gy­na ýar­dam ed­ýän­di­gi­ni nyg­ta­dy­lar. Ge­çen ýyl­lar­da bi­le­lik­dä­ki ar­heo­lo­gi­k to­pa­ry ta­ra­pyn­dan ta­ry­hy ýer­ler­de ge­çi­ri­len yl­my-göz­leg iş­le­ri­niň ne­ti­je­le­ri ba­ra­da-da du

2 Maý 2024

Medeniýet

Halypa suratkeşiň sergisi

1-nji maý­da Türk­me­nis­ta­nyň Çe­per­çi­lik ser­gi­ler mü­dir­li­gi we şe­kil­len­di­riş sun­ga­ty­nyň ser­gi mer­ke­zin­de Türk­me­nis­ta­nyň sun­gat­da at ga­za­nan iş­gä­ri Ka­ka­gel­di Se­ýit­mu­ham­me­do­wyň şah­sy ser­gi­si gu­ral­dy. Ser­gi­de ha­ly­pa nak­ga­şyň oba dur­mu­şy­na, ahal­te­ke be­dew­le­ri­mi­ze ba­gyş­lap dö­re­den «To­ýa bar­ýa­rys», «Erek da­gy», «Se­kiz­ýap», «Gü­neş­li peý­zaž», «Me­niň ýaş­lyk döw­rüm», «Me­le­guş», «Po­lat­ly», «Ýa­nar­dag», «Ga­ra­der», «Oýun­çy we Py­ýa­da» ýa­ly köp­le­riň söý­gü­si­ni ga­za­nan eser­le­ri giň­den ýaý­baň­lan­dy­ryl­ýar. Şeý­le-de bu ýer­de onuň öz dost­la­ry kom­po­zi­tor Nu­ry Hal­mäm­me­do­wyň, şa­hyr Gur­ban­na­zar Ezi­zo­wyň ýag­ty ýa­dy­gär­li­gi­ne ba­gyş­lan ese­ri gör­ke­zil­ýär.

2 Maý 2024

Medeniýet

Ýaş ýürekleriň konserti

30-njy aprelde Türkmenistanyň Magtymguly adyndaky milli sazly drama teatrynda Maýa Kulyýewa adyndaky Türkmen milli konserwatoriýasynyň ýanyndaky Daňatar Öwezow adyndaky Türkmen döwlet ýörite sazçylyk mekdebiniň 95 ýyllygy mynasybetli taýýarlan hasabat konserti geçirildi. Dabara mekdebiň üflenip çalynýan saz guralynyň orkestriniň ýerine ýetirmeginde kompozitor D.Hydyrowyň şahyr O.Oraztaganowanyň sözlerine döreden «Bagtyýarlyk aýdymy» bilen başlady. Soňra halk aýdymy «Gyratym», rus kompozitory Ýe.Doganyň «Wals» sazy ýaňlandy. Konserti S.Kasiminiň ýolbaşçylygyndaky kwartet «Ýatlama», M.Jumaýewiň dirižýorlyk etmegindäki instrumintal saz gurallary ansambly Zekinýa de Abreunyň «Tiko-tiko» sazy, kanunçylar toparynyň «Gözel Diýarym» sazy, dutarçylar ansamblynyň «At çapar» sazy, «Şirin owazlar» skripkaçylar ansamblynyň Georgiý Swiridowyň «Romans» eseri bezedi. Şeýle-de talyplar Jemşit Galpakowyň Ferens Listiň «Syrgyn» eserini, Şatlyk Altyýewiň şol awtoryň «Wenger rapsodiýasyny», Aman Akmyradowyň Nury Halmämmedowyň «Elegiki Prelýudiýa we Fuga» eserini, Wepa Allaşowyň Daňatar Öwezowyň we Adriýan Şapoşnikowyň «Şasenem we Garyp» operasyndan «Şawelediň ariýasyny» ýerine ýetirmegi konserte özboluşly öwüşgin çaýdy.

2 Maý 2024

Medeniýet