Türkmenmetbugat

"Watan" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-16, 38-61-17, 38-61-07
Email: watan@sanly.tm

Gazeti PDF görnüşinde ýükläp almak

Habarlar

Ýollar eneden başlanýar

Türkmenistanyň Gahrymany Saragt Babaýew bilen ençeme gezek söhbetdeş bolupdym. Sadadan göwnaçyk, degişgen halypanyň ussahanasyna baranyňda täsin duýgulara gaplanyp, döredijilik älemine siňip gideniňi duýman galýarsyň. Bu gezek hem Saragt halypanyň dürli otlardan demlän melhem çaýynyň başyndaky çagalykdan başlanan gürrüňimiz uzaga çekdi. «Daşlaryň dilmajy» diýlip tanalýan, meşhurlyga eýe bolan heýkeltaraş Ahal welaýatynyň Sarahs etrabynda eneden bolýar. Çagalygyndan howlynyň bir çetinde oturyp, palçykdan heýkeljikler ýasaýar.

31 Oktýabr 2024

Aýdymlary bilen kalplara siňen

Geçen asyryň 1960 — 1970-nji ýyllarynda Russiýanyň konsert zallarynda, merkezi telewideniýede mahmal owazly owadan gyzyň—Edita Pýehanyň aýdýan aýdymlary tomaşaçylaryň dilleriniň senasyna öwrülipdi. Onuň ilkinji gezek aýdan «Gyzyl awtobus», «Biziň goňşymyz» ýaly aýdymlaryny uludan kiçä hemmeler gaýtalap aýdardylar. Sebäbi ol aýdymlaryň sözleri, sazy, ýerine ýetirilişi üýtgeşikdi, kalba golaýdy. Häzirki günlerde hem meşhur aýdymçy özüniň ýaşynyň togsany tegeläp barýandygyna garamazdan, ilhalar aýdymlary bilen tomaşaçylary begendirýär. Edita Stanislawowna Pýeha 1937-nji ýylyň 31-nji iýulynda Fransiýanyň demirgazygyndaky Nuael-su-Lans kommunasynda polýak maşgalasynda dünýä inýär. Kakasy Stanislaw Pýeha, erkek dogany Pawel şahtaçy bolup işleýärdiler, olar ir merhum bolýarlar. 1946-njy ýylda Edita ejesi bilen Polşa gaýdýarlar, ol şol ýerde ýediýyllyk mekdebi, soňra mugallymçylyk liseýini tamamlap, başlangyç synp mugallymy bolup işleýär. 1955-nji ýylda ykbalyň emri bilen ol Sowet Soýuzyna okuwa iberilýär. Ol Leningradyň (häzirki Sankt-Peterburg) döwlet uniwersitetiniň filosofiýa fakultetiniň psihologiýa bölümine okuwa girýär. Leningrad konserwatoriýasynyň talyby Aleksandr Bronewiskiniň ýolbaşçylyk edýän polýaklardan düzülen hor toparyna goşulýar. Soňra «Lipka» ansamblynda çykyş edip başlaýar. Onuň polýak dilinde Täze ýyl agşamyna bagyşlanan konsertde aýdan ilkinji «Gyzyl

31 Oktýabr 2024

«Magtymguly – söz ummanynyň ägirdi» atly döredijilik bäsleşige

Ala dagyň ala garly başyny,Jülgesinde çeşme-çaýyň joşuny.Dumanly, ýagmyrly ýazu-gyşyny,Pyragynyň paýhasyna meňzetdim.

31 Oktýabr 2024

Mekdeplerde halyçylyk sungaty

Watanymyzyň geljegi bolan ýaş nesliň ýokary ahlakly, sowatly, giň dünýägaraýyşly, hünärli, kämil şahsyýetler bolup ýetişmegi üçin mugallymlar we bilim işgärleri irginsiz zähmet çekýärler. Muny Arkadag şäherindäki umumybilim berýän orta mekdeplerde alnyp barylýan işler aýdyň mysaldyr. «Akylly» şäheriň orta mekdeplerinde okuwdan daşary ýörite gurnaklar hereket edýär. Şolaryň biri hem okuwçy gyzlara hünär öwredýän haly gurnagydyr. Bu gurnaga gatnaýan okuwçy gyzlara ýörite hünär otagynda, ilki bilen, zähmet howpsuzlyk düzgünlerini düşündirýäris. Şeýle-de haly gurallary bolan synny, gaýçy, keser, dokma darak bilen tanyşdyrýarys. Sapakda haly dokamakda gurallaryň ulanylyş düzgünleriniň berjaý edilişi barada öwredilýär.

30 Oktýabr 2024

Halkara festiwaldaky üstünlik

Ýakynda oktýabr aýynyň 24 — 27-si aralygynda Gazagystanyň Almaty şäherinde ÝUNESKO-nyň guramagynda geçirilen «Sungat planetasy — 2024» atly halkara ýaşlar festiwaly geçirildi. ÝUNESKO-nyň Bütindünýä mirasynyň ýadygärlikleri, şeýle hem maddy däl gymmatlyklaryny wasp etmek boýunça 3 — 18 ýaş aralygyndaky ýaşlaryň arasynda dürli ýaş derejesinde geçirilen bäsleşige dünýäniň 34 ýurdundan müňlerçe gatnaşyjy özleriniň taslamalaryny hödürlediler. Saýlama tapgyrlaryndan üstünlikli geçen ildeşlerimiziň üçüsi ýaryşyň netijeleri boýunça ýeňiji diýlip yglan edildi. Ýeňijiler diplom we sowgatlar bilen sylaglandy. Şolaryň arasynda Sahy Jepbarow adyndaky Arkadag şäher ýörite sungat mekdebiniň «Nakgaşçylyk» bölüminiň 1-nji ýyl talyby Gülnabat Annanurowanyň hem bolmagy ählimizi diýseň buýsandyrýar.

30 Oktýabr 2024

Medeniýet halklary ýakynlaşdyrýar

28-nji oktýabrda Türkmenistanyň Döwlet medeniýet merkeziniň Mukamlar köşgünde Ermenistan Respublikasynyň ýurdumyzdaky Medeniýet günleriniň açylyş dabarasy geçirildi. Munuň özi iki döwletiň arasynda dostlukly gatnaşyklaryň yzygiderli pugtalandyrylýandygynyň ýene-de bir aýdyň nyşanyna öwrüldi. Dabara gatnaşyjylar parahatçylyk, giň halkara hyzmatdaşlyk, medeniýeti we sungaty ösdürmek syýasatyny alyp barýandyklary üçin iki ýurduň döwlet Baştutanlaryna — Türkmenistanyň Prezidenti Serdar Berdimuhamedowa hem-de Ermenistan Respublikasynyň Prezidenti Waagn Haçaturýana tüýs ýürekden hoşallyk bildirdiler. Açylyş dabarasyndan soňra dostlukly ýurduň medeniýet we sungat ussatlarynyň konserti boldy. Tomaşaçylar artistleriň çykyşlaryny şowhunly el çarpyşmalar bilen garşyladylar. Kino sungatynyň muşdaklaryna ermeni kinematograflarynyň dürli ýyllarda surata düşüren kinofilmleri bilen tanyşmaga mümkinçilik döredildi. Medeniýet günleriniň çäklerinde paýtagtymyzyň ýaşaýjylary üçin «Aşgabat» kinoteatrynda we «Watan» kinokonsert merkezinde kinofilmleriň görkezilişleri guraldy.

30 Oktýabr 2024

Ermenistan Respublikasynyň Türkmenistandaky Medeniýet günleri tamamlandy

Aşgabat, 29-njy oktýabr (TDH). Şu gün paýtagtymyzda Ermenistan Respublikasynyň ýurdumyzdaky Medeniýet günleriniň ýapylyş dabarasy geçirildi. Garaşsyz, baky Bitarap Türkmenistanyň işjeň durmuşa geçirýän medeni diplomatiýasy öz oňyn netijesini berip, dünýäniň we sebitiň ýurtlary bilen köpugurly gatnaşyklary giňeltmäge ýardam edýär. Ynsanperwer ulgamda barha rowaçlanýan ikitaraplaýyn gatnaşyklar hem munuň şeýlediginiň aýdyň mysalydyr. Türkmenistan we Ermenistan Respublikasy mundan öň hem özara Medeniýet günlerini birnäçe gezek geçiripdiler.

30 Oktýabr 2024

Magtymguly Pyragynyň şygyrlarynda nesil terbiýesi

Gahryman Arkadagymyzyň we Arkadagly Gahryman Serdarymyzyň türkmen halkynyň şöhratly taryhyna, milli mirasyna, beýik şahsyýetlerine goýýan belent sarpasy, olary öwrenmek, gorap saklamak hem-de nesillere ýetirmek üçin edýän aladalary Berkarar döwletiň täze eýýamynyň Galkynyşy döwrüniň ruhy dünýäsiniň özenini düzýär. Ata-babalarymyzyň asyrlaryň synagyndan geçen, ynsanperwerlige ýugrulan milli däp-dessurlary, watansöýüjiligi, merdanalygy, halallygy nesilleri terbiýelemekde hem binýatlyk mekdepdir. Bu mukaddes ýörelgeleriň nusgawy şahyrlarymyzyň döredijiliginde esasy orny almaklygy bolsa, edebiýatymyzy ýaş nesiller üçin terbiýeçilik mekdebine öwürýär. Gündogaryň beýik akyldary Magtymguly Pyragynyň goşgularynda türkmen halkynyň adamkärçilik sypatlaryny ussatlyk bilen açyp görkezmegi gadymy hem-de müdimi milletiň şanyny äleme jar etdi. Magtymguly Pyragynyň doglan gününiň 300 ýyllygy mynasybetli üstümizdäki ýylyň «Pähim-paýhas ummany Magtymguly Pyragy» diýlip yglan edilmegi bolsa, diňe bir beýik şahyryň döredijilik dünýäsiniň däl, eýsem, tutuş halkymyzyň nusgalyk medeni ýörelgeleriniň dünýä çykmagyna itergi berdi. Beýik söz ussadynyň goşgularynda wagyz edilýän çuňňur pelsepewi pikirler, öwüt-ündewler ähli halklar, döwürler üçin, şol sanda ýaş nesiller üçin hem sapak edinmeli, ýol edinmeli mukaddeslikdir. Nesil terbiýesi ilki ulularyň göreldesinden, zähmetden, sowatdan başlanýan, islen

30 Oktýabr 2024

Sahna örklenen ykbal

Her birimiziň kalbymyzda güýze garaşmak duýgusy bar. Kimsämiz oňa baş baýramymyzyň ýakymyna eýlenmek, kimsämiz täze okuw ýylyna girişmek, kimsämiz bol berekede şaýat bolmak maksady bilen garaşýarys. Sungatyň muşdagy hökmünde köpimiziň güýzde açyljak teatr möwsümine garaşmak edähedimiz hem bar. Teatrdaky eserleriň jadyly täsiri birki sagatlyk hem bolsa seni ähli aladalaryňdan saplap, öz dünýäsine alyp gidýär. Lebabyň Seýitnazar Seýdi adyndaky döwlet sazly-drama teatrynda ýakynda açylan möwsüm hem sungatyň muşdaklarynyň ählisini begendirdi. Her ýyl bolşy ýaly, teatryň döredijilik topary öz goruna ýene bir täze eseri goşdy. Şu möwsümiň täze spektakly «Sensiz nädip ýaşaryn?» diýlip atlandyrylýar. Başga bir täzelik bolsa bu eseri režissýorlyk dünýäsine ilkinji gezek gadam goýýan ýaş sungat wekiliniň sahnalaşdyrmagydyr. Hawa, täze eser teatryň balet artisti Şöhrat Atabaýewiň ilkinji režissýorlyk işi. Hut şu eser hem Şöhrat bilen söhbedimize sebäp boldy. — Täze eserimiz meşhur dramaturg Aşyr Mämiliýewiň «Söýgi duralgasy» atly eseriniň esasynda sahnalaşdyryldy. Bu eseriň ady okyjylara tanyş bolmagy mümkin. Çünki «Söýgi duralgasy» ýurdumyzyň beýleki käbir teatrlarynda hem sahnalaşdyryldy. Biz hem esere täzeçe çemeleşip, oňa öz özgertmelerimizi girizdik — diýip, Şöhrat ilkinji işi barada gürrüň berýär.

30 Oktýabr 2024

Gymmatly hazyna

Medeniýetimiziň, sungatymyzyň gülläp ösýän zamanasynda hormatly Prezidentimiziň taýsyz tagallasy netijesinde ýurdumyzda halkymyzyň milli gymmatlyklaryny aýawly saklamak, dikeltmek, goramak we giňden wagyz etmek hem-de olaryň üstüni ýetirmek, täze öwüşginli, döwrebap medeni gymmatlyklary döretmek babatda uly işler alnyp barylýar. Milli medeniýetimiziň we sungatymyzyň, asylly däp-dessurlarymyzyň, ýörelgelerimiziň dünýä ýaýylmagynda, gadymyýetden habar berýän gymmatlyklarymyzyň aýawly saklanylmagynda we geljekki nesillere ýetirilmeginde muzeýlere aýratyn orun degişlidir. Ata-babalarymyzyň döreden milli mirasynyň baý gaznasyny özünde jemleýän muzeýler biziň şu günümiziň gymmatly hazynasydyr. Taryhy we ülkäni öwreniş muzeýimizde asyrlar aşyp, biziň günlerimize gelip ýeten milli gymmatlyklarymyz saklanýar. Halkyň toplan taryhy-durmuş tejribesini, geçmişini, ýaşaýyş-durmuşyny doly beýan etmäge ýakyndan ýardam edýän taryhy tapyndylar muzeýe gelýänleriň ünsüni özüne çekýär. Adamlaryň  türkmen halkynyň gadymy taryhyna, baý medeniýetine, däp-dessurlaryna bolan düşünjesini artdyrmakda we milli mirasymyzy içgin öwrenmekde, gymmatlyklarymyzy gorap saklamakda hem-de olary geljekki nesillere ýetirmekde  muzeýleriň ähmiýeti uludyr. 

30 Oktýabr 2024

Saz çalsa, saýraman durardy guşlar...

Onuň sazlary bihal däldi, özüne kökerýärdi, ýüpsüz baglap goýýardy. «Hansähet ussanyň ussat perzendi, Jepbar bilen baga giren dutarym» — diýip, Geldi Bäşini joşuran, sazy söz bilen duşuran Jepbar Hansähet oglunyň doglan gününiň 100 ýyllyk senesi bu güýzüň gujagyna many-mazmun goşup, saza meňzeş dünýä zerbaplyk çaýyp geldi. «Dutara dil bitiren halypa». Ine, şeýle at bilen golaýda halypanyň doglan gününiň 100 ýyllygy mynasybetli ýatlama agşamy geçirildi. Türkmenistanyň Medeniýet ministrliginiň Maddy däl medeni miras müdirliginiň hem-de Ahal welaýat Medeniýet müdirliginiň bilelikde gurnamagynda Änew şäheriniň Medeniýet öýünde geçen bu döredijilik agşamy, oňa gatnaşanlary täsirli duýgular bilen gurşap aldy. Elbetde, dabarada sazandanyň nebereleriniň çykyşlary hem boldy. Halypanyň agtygy Serdar Nurlyýewiň eden söhbetleri ýatlamalar dünýäsiniň zer sahypasy bolup, köňüllerde we aňlarda öçmejek täsirleri galdyrdy.

30 Oktýabr 2024

Pähimli setirler

Ermeni nakyllary Ünsli diňlän — çalt öwrener.

29 Oktýabr 2024

Aşgabatda Ermenistan Respublikasynyň Medeniýet günleri dowam edýär

Aşgabat, 28-nji oktýabr (TDH). Şu gün Türkmenistanyň Döwlet medeniýet merkeziniň Mukamlar köşgünde Ermenistan Respublikasynyň ýurdumyzdaky Medeniýet günleriniň açylyş dabarasy geçirildi. Munuň özi iki döwletiň arasynda dostlukly gatnaşyklaryň yzygiderli pugtalandyrylýandygynyň ýene-de bir aýdyň güwäsidir. Türkmenistan we Ermenistan köp ýyllardan bäri dürli ugurlarda üstünlikli hyzmatdaşlyk edip gelýärler. Şunda medeni-ynsanperwer ulgama aýratyn ähmiýet berilýär. “Pähim-paýhas ummany Magtymguly Pyragy” şygary astynda geçýän ýylda guralýan bu döredijilik çäresi iki halkyň mundan beýläk-de ýakynlaşmagynda möhüm ädimdir. Beýik akyldar şahyr Magtymguly Pyragynyň ömür ýoluny we döredijiligini öwrenmek boýunça alnyp barylýan işler dünýä döwletleridir abraýly halkara guramalar tarapyndan uly goldawa eýe bolýar. Ermenistan Respublikasynyň Prezidenti Waagn Haçaturýanyň Aşgabatda geçirilen «Döwürleriň we siwilizasiýalaryň özara arabaglanyşygy — parahatçylygyň we ösüşiň binýady» atly halkara foruma gatnaşmak üçin ýurdumyza amala aşyran saparynyň çäklerinde hormatly Prezidentimiz Serdar Berdimuhamedow bilen geçiren duşuşygynda Magtymguly Pyragynyň ermeni diline terjime edilen goşgular ýygyndysyny sowgat bermegi-de munuň aýdyň mysalydyr. Şeýle hem “Magtymguly Pyragy” medeni-seýilgäh toplumynda dürli ýurtlaryň wekilleri bolan meşhur nusgawy şahyrlardyr akyldarlar bilen bir hatarda, ady

29 Oktýabr 2024

Baýramçylyk duşuşygy

25-nji oktýabrda Türkmenistanyň Halk Maslahatynyň, Türkmenistanyň Mejlisiniň, Türkmenistanyň Demokratik partiýasynyň Syýasy Geňeşiniň, Türkmenistanyň Kärdeşler arkalaşyklarynyň milli Merkeziniň hem-de Türkmenistanyň Magtymguly adyndaky Ýaşlar guramasynyň Merkezi Geňeşiniň bilelikde guramagynda Türkmen alabaýynyň baýramy mynasybetli «Türkmen alabaýy — milli mirasymyz we buýsanjymyz» atly baýramçylyk duşuşygy geçirildi. Ýer ýüzüne gyzyl şapak ýaly lowurdap nur saçýan halylar düşelen zalda diwarlygyň ýüzündäki hormatly Prezidentimiziň portreti we gyr atyň, türkmen alabaýynyň güjükleriniň keşbi milli mirasymyza goýulýan belent sarpany dabaralandyrdy. Baýramçylyga bagyşlanan dabarada Türkmenistanyň Mejlisiniň deputaty Orazdurdy Agdyýew, Türkmenistanyň Demokratik partiýasynyň Syýasy Geňeşiniň bölüm müdiri Bezirgen Ataýew, «Edebiýat we sungat» gazetiniň bölüm redaktory, şahyr Süleýman Ilamanow, Türkmenistanyň Kärdeşler arkalaşyklarynyň milli Merkeziniň Gurluşyk we senagat işgärleriniň kärdeşler arkalaşygy boýunça utgaşdyryjysy Rahmandurdy Rahmanow, Türkmenistanyň Magtymguly adyndaky Ýaşlar guramasynyň Merkezi Geňeşiniň Medeniýet we köpçülikleýin habar beriş bölüminiň esasy hünärmeni Resul Hojaberdiýew dagy çykyş edip, Gahryman Arkadagymyzyň, Arkadagly Gahryman Serdarymyzyň milli mirasymyz bolan alabaý baradaky çäksiz aladalary, Milli Liderimiziň «Türkmen alabaýy» atly kitabynyň dürdän

29 Oktýabr 2024

Tokio şäherinde Türkmenistanyň Halk Maslahatynyň Başlygynyň kitabynyň tanyşdyrylyş dabarasy geçirildi

2024-nji ýylyň 26-njy oktýabrynda Tokio şäherinde Türkmenistanyň Ýaponiýadaky Ilçihanasy Türkmenistanyň Halk Maslahatynyň Başlygy Gurbanguly Berdimuhamedowyň «Ömrümiň manysynyň dowamaty» atly kitabyň ýapon dilindäki neşriniň tanyşdyrylyş dabarasyny gurady. Bu barada Türkmenistanyň DIM-niň web-saýtynda habar berilýär.  Çärä Ýaponiýanyň Daşary işler ministrliginiň Medeniýet we jemgyýetçilik bilen aragatnaşyk bölüminiň müdiriniň orunbasary Sakamoto Hideki, Ýaponiýada akkreditlenen diplomatik wekilhanalaryň, şeýle hem Bilim, medeniýet, sport we tehnologiýa ministrlikleriniň, Ýaponiýanyň merkezi döwlet-jemgyýetçilik teleradiokompaniýasynyň we ýapon jemgyýetçiliginiň wekilleri gatnaşdylar.

29 Oktýabr 2024

Paýtagtymyzda Ermenistan Respublikasynyň Medeniýet günleri dowam edýär

Bilşimiz ýaly, bu günler ýagny, «Pähim-paýhas ummany Magtymguly Pyragy» ýylynyň 27-29-njy oktýabry aralygynda Ermenistan Respublikasynyň Medeniýet günleri geçirilýär. Medeniýet günleriniň çäginde ýagny, 28-nji oktýabrda Türkmenistanyň Döwlet medeniýet merkeziniň Mukamlar köşgünde, Ermenistanyň Tatula Altunýan adyndaky döwlet aýdym-saz ansamblynyň çykyşy boldy. Oňa Türkmenistanyň Medeniýet ministrliginiň we onuň garamagyndaky edaralaryň, köpçülikleýin habar beriş serişdeleriniň, giň jemgyýetçiligiň wekilleri, ýurdumyzyň medeniýet we sungat işgärleri we myhmanlar gatnaşdylar.

29 Oktýabr 2024

Aşgabatda Ermenistan Respublikasynyň Medeniýet günleri dowam edýär

Aşgabat, 28-nji oktýabr (TDH). Şu gün Türkmenistanyň Döwlet medeniýet merkeziniň Mukamlar köşgünde Ermenistan Respublikasynyň ýurdumyzdaky Medeniýet günleriniň açylyş dabarasy geçirildi. Munuň özi iki döwletiň arasynda dostlukly gatnaşyklaryň yzygiderli pugtalandyrylýandygynyň ýene-de bir aýdyň güwäsidir. Türkmenistan we Ermenistan köp ýyllardan bäri dürli ugurlarda üstünlikli hyzmatdaşlyk edip gelýärler. Şunda medeni-ynsanperwer ulgama aýratyn ähmiýet berilýär. “Pähim-paýhas ummany Magtymguly Pyragy” şygary astynda geçýän ýylda guralýan bu döredijilik çäresi iki halkyň mundan beýläk-de ýakynlaşmagynda möhüm ädimdir. Beýik akyldar şahyr Magtymguly Pyragynyň ömür ýoluny we döredijiligini öwrenmek boýunça alnyp barylýan işler dünýä döwletleridir abraýly halkara guramalar tarapyndan uly goldawa eýe bolýar. Ermenistan Respublikasynyň Prezidenti Waagn Haçaturýanyň Aşgabatda geçirilen «Döwürleriň we siwilizasiýalaryň özara arabaglanyşygy — parahatçylygyň we ösüşiň binýady» atly halkara foruma gatnaşmak üçin ýurdumyza amala aşyran saparynyň çäklerinde hormatly Prezidentimiz Serdar Berdimuhamedow bilen geçiren duşuşygynda Magtymguly Pyragynyň ermeni diline terjime edilen goşgular ýygyndysyny sowgat bermegi-de munuň aýdyň mysalydyr. Şeýle hem “Magtymguly Pyragy” medeni-seýilgäh toplumynda dürli ýurtlaryň wekilleri bolan meşhur nusgawy şahyrlardyr akyldarlar bilen bir hatarda, ady

29 Oktýabr 2024

Ararat daglaryndan gelýän owazlar

dostlugy we rowaçlygy wasp edýär Paýtagtymyzda Ermenistan Respublikasynyň Türkmenistandaky Medeniýet günleri geçirilýär. Biz türkmen-ermeni dostlugyny has-da berkitmäge gönükdirilen bu medeni çäräni geçirmek üçin Ýerewandan Aşgabada gelen döredijilik wekiliýetiniň agzalarynyň käbiri bilen söhbetdeş bolup, olaryň beren gürrüňlerini ýazga geçirdik.

29 Oktýabr 2024

Halypa sazandany ýatlap

Änew şäherindäki medeniýet öýünde Türkmenistanyň halk bagşysy Jepbar Hansähedowyň doglan gününiň 100 ýyllygy mynasybetli «Dutara dil bitiren halypa» ady bilen aýdym-sazly dabara geçirildi. Türkmenistanyň Medeniýet ministrliginiň we Ahal welaýat Medeniýet müdirliginiň guramagynda geçirilen dabara döredijilik işgärleri, jemgyýetçilik guramalarynyň we ýaşuly nesliň wekilleri hem-de beýleki köp sanly myhmanlar gatnaşdylar. Dabaranyň myhmanlary medeni ojagyň eýwanynda milli aýdym-sazlar bilen garşylanyldy.

29 Oktýabr 2024

Adamzat paýhasynyň dürdänesi

Dünýä edebiýatynyň ägirdi, görnükli akyldarymyz Magtymguly Pyragy dünýä ähmiýetli şahsyýet bolmak bilen, beýik şahyryň döredijilik mirasy umumadamzat medeniýetiniň aýrylmaz bölegine, şeýle hem parahatçylygyň, dostlugyň, hoşniýetli hyzmatdaşlygyň binýadyna öwrüldi. Munuň şeýledigine 11-nji oktýabrda hormatly Prezidentimiziň başlyklyk etmeginde dana şahyrymyzyň doglan gününiň 300 ýyllygy mynasybetli Aşgabatda geçirilen «Döwürleriň we siwilizasiýalaryň özara arabaglanyşygy — parahatçylygyň we ösüşiň binýady» atly halkara forum nobatdaky gezek şaýatlyk edýär. Mälim bolşy ýaly, bu iri forumda Arkadagly Gahryman Serdarymyz beýik akyldaryň baý mazmunly edebi mirasynyň türkmen döwletiniň daşary syýasatynyň esasyny kesgitleýändigini aýdyp, Magtymguly Pyragynyň parahatçylyk, adalatlylyk, ynsanperwerlik, dost-doganlyk hem-de ähli halklara hormat goýmak baradaky düýpli pikirleriniň beýleki döwletler bilen özara gatnaşyklarda möhüm ähmiýete eýedigini aýratyn nygtady. Şoňa görä-de, akyldar şahyryň goşgularyndan eriş-argaç bolup geçýän hoşniýetli goňşuçylyk, dost-doganlyk, demokratiýa, däp-dessurlara ygrarlylyk ýörelgeleri Türkmenistanyň Bitaraplygynyň mazmunyny emele getirýär we ýurdumyzyň diplomatiýasynyň hem esasy özenini düzýär.

28 Oktýabr 2024

‹
1
2
...
11
12
13
14
15
16
17
...
292
293
›