Türkmenmetbugat

"Watan" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-16, 38-61-17, 38-61-07
Email: watan@sanly.tm

Gazeti PDF görnüşinde ýükläp almak

Habarlar

Ter önümlerden tagamly nygmatlar

Tomus-güýz aýlarynda ter pomidorlar we olardan taýýarlanan işdäaçarlar, gyşyna bolsa pomidor goýultmasy saçaklarymyzyň aýrylmaz bölegi, dürli tagamlary taýýarlamakda ornuny tutup bolmajak nygmat hasaplanýar. Tomsuň bereketli günleri öý bikelerinden başlap, azyk senagatynda iş alyp barýan hususy telekeçiler üçin gyzgalaňly zähmetiň gaýnap joşýan jogapkärli döwrüdir. Çünki bu döwürde ýetişýän pomidorlardan gyş üçin goýultmasy we marinadlanan önümler taýýarlanylýar. Aramyzda şeýle önümleriň öý şertlerinde taýýarlanylyşyny görmedigimiz az bolsa gerek. Lezzetli nygmatyň senagat möçberinde öndürilişi hem şondan düýpgöter tapawutlanmaýar. Bu ýerde esasy tapawut kärhanada işleriň esasy böleginiň awtomatlaşdyrylan görnüşde ýerine ýetirilip, önümiň ýaramlylyk möhletiniň ýokary bolýandygyndadyr. Bizem pomidor goýultmasynyň önümçiligi bilen ýakyndan tanyşmak üçin ençeme ýyl bäri halkymyzyň söýgüsini gazanyp gelýän «Noş» haryt nyşanly önümleri öndürýän «Parasatly ülke» hususy kärhanasynda myhmançylykda bolduk. Täzeçillikleriň gözleginde bolup, işleri yzygiderli kämilleşdirmek telekeçiler üçin möhüm wezipedir. Telekeçi Rüstem Allanazarow hem 2012-nji ýylda halkymyza hödürlenilip gelinýän «Noş» haryt nyşanly önümleriň öndürilişini kämilleşdirmek maksady bilen, şu ýylyň 29-njy iýunynda Ahal welaýatynyň Bäherden etrabynyň Mürçe obasynyň çäginde täze önümçilik toplumyny işe girizdi. Täze işe gi

21 Iýul 2024

«MASTERCARD» ÖZBEGISTANDA

«Mastercard» Özbegistanyň ykdysadyýetiniň ähli pudaklarynda galtaşyksyz töleg ulgamyny ösdürmäge ýardam eder. Bu barada kompaniýanyň baş direktory Denis Filippow mälim etdi. Kompaniýa özbegistanlylara «Mastercard» bilen galtaşyksyz tölegler amala aşyrylanda birnäçe höweslendiriji ýeňillikleri ýola goýdy. Meselem, ýurduň esasy 10 şäherinde jemgyýetçilik ulaglaryna «Mastercard» bilen galtaşyksyz görnüşde töleg edilse, ýol nyrhy 1 müň soma çenli arzanlaýar.

21 Iýul 2024

Batly gadamlar bilen

Häzirki wagtda hususy pudagyň paýyny artdyrmak, kiçi we orta telekeçiligi sazlaşykly ösdürmek, hususy başlangyçlary goldamak üçin örän amatly hukuk, ykdysady, maliýe hem-de durmuş şertleri döredilýär. Şeýlelikde, ýurdumyzda hereket edýän hususy kärhanalaryň sany barha artyp, telekeçileriň öndürýän önümlerine diňe içerki bazarlarymyzda däl, eýsem, daşary ýurtlarda hem uly isleg bildirilýär. Türkmenistanyň Senagatçylar we telekeçiler birleşmesiniň agzasy «Batly-Gadam» hususy kärhanasynda hem döredilýän giň mümkinçiliklerden, berilýän goldaw-hemaýatlardan netijeli peýdalanylyp, gyzgalaňly iş alnyp barylýar. Ekologik taýdan arassa, aýaga ýakymly jorap almak isläp, söwda dükanlaryna baranyňda, hökman «Batly-Gadam» hususy kärhanasynyň önümlerine gözüň düşýär. Ýurdumyzyň hususy pudagynda ilkinjileriň hatarynda jorap önümçiligini ýola goýan kärhanada öndürilýän önümler ýokary hilliligi, ýumşakdan ýakymlylygy, galyberse-de, amatly bahalary bilen tapawutlanýar.

19 Iýul 2024

Şirin-şeker miweler

Hormatly Prezidentimiziň parasatly baştutanlygynda ýurdumyzyň sebitlerini durmuş-ykdysady taýdan durnukly ösdürmek boýunça giň möçberli özgertmeler amala aşyrylyp, ilatyň ýaşaýyş şertlerini düýpli ýokarlandyrmakda, halkymyzy ýokary hilli azyk önümleri bilen bolelin üpjün etmekde ägirt uly işler amala aşyrylýar. Türkmenistanyň Senagatçylar we telekeçiler birleşmesiniň hem-de onuň partiýasynyň agzasy, telekeçi Halmämmet Amanmämmedow hem il-ýurt bähbitli asylly işlere öz goşandyny goşup gelýär. Halmämmet welaýat merkezi Balkanabat şäheriniň golaýyndaky Düzmergen ýaýlasyndan ýer bölüp alyp, miweli baglary ösdürip ýetişdirdi. Häzirki günlerde onuň bagçylyk bölüminde zähmet çekýän bagbanlar agrotehniki talaplara laýyk ösdürilip ýetişdirilýän, tagamy we ýokumlylygy babatda esasy azyklyk önümleriň hatarynda durýan miweli baglaryň bol hasylyny ýygnap, welaýatyň ak bazarlaryna elýeterli nyrhlarda çykarmakda göreldeli işleri bitirýärler.

18 Iýul 2024

Telekeçilik ulgamynyň rowaçlyklary

Hormatly Prezidentimiziň peşgeş beren galkynyşlar eýýamynda ýurdumyzda ähli ugurlar bilen bir hatarda telekeçiligi ösdürmäge, dünýä ülňülerine laýyk gelýän önümleri öndürmäge, telekeçiligiň dürli ugurlary bilen meşgullanmaga giň mümkinçilikler döredilýär. Şeýle başlangyçlaryň guramaçylykly durmuşa geçirilmegi bolsa ýurdumyzyň ykdysady taýdan kuwwatly döwlete öwrülmeginde, ýokary hilli önümleri öndürip, dünýäniň döwletlerine eksport edilmeginde möhüm orny eýeleýär. Ýurdumyzda telekeçilik ulgamynyň ösüşiniň gerimiň has-da giňelmegi, täze görnüşleri öz içine almagy, öndürilýän önümleriň hiliniň bäsdeşlige ukyplydygy, kärhanalarda zähmet çekýänleriň köpüsiniň ýaşlardygy örän guwandyryjy netijedir. Etraplarda gurlan ýyladyşhanalar ýylyň ähli paslynda dürli gök-bakja önümleriniň ýetişdirilmeginiň ýola goýulmagy, olaryň oňat hilli ätiýaçlyk goruny saklamak maksadynda sowadyjylar bilen üpjün edilen ammarlaryň döredilmegi, bazarlarymyzyň hemişe azyk önümleri bilen dolup durmagy, bahalaryň elýeterli bolmagy ýurdumyzda adam hakynda edilýän aladalaryň aýdyň görkezijileridir. Arkadagly Gahryman Serdarymyzyň tagallalaryndan, bildirýän belent ynamyndan ruhlanýan telekeçiler diňe bir ýa-da iki ugur bilen hem çäklenmän, ulgamyň işini kämilleşdirmek maksadynda süýji-köke önümlerini, çagalaryň isleg bildirýän doňdurmalarynyň köp görnüşlerini öndürmegi ýola goýdular.

17 Iýul 2024

«Aýdyň Gijeler» HJ öz önümlerini Täjigistana eksport eder

10 — 12-nji iýul aralygynda «Aýdyň Gijeler» hojalyk jemgyýetiniň baş direktory H.B.Abdyrahmanow Täjigistan Respublikasyna iş saparynda bolup, Täjigistanyň Senagat we täze tehnologiýalar ministrliginiň wekilleri bilen gepleşikleri geçirdi. Duşuşygyň dowamynda taraplar «Aýdyň Gijeler» hojalyk jemgyýetiniň bezeg sütünleri, köçeleriň yşyklary üçin niýetlenen çyralaryny täjik bazaryna eksport etmegiň geljegi boýunça pikir alyşdylar. Şeýle-de Täjigistanyň Energetika ministrligi üçin dürli kabelleriň üpjünçiligini ýola goýmak meselesi hem ara alnyp maslahatlaşyldy. Mundan başga-da, gepleşiklerde geljekde bilelikdäki taslamalary amala aşyrmak mümkinçiligine hem garaldy.

15 Iýul 2024

TEJRIBE, HIL, ÖSÜŞ

Ýurdumyzyň senagat kuwwatynyň artmagynda, importyň ornuny tutýan hem-de dünýä bazarlarynda bäsdeşlige ukyply ýokary hilli önümleri öndürmekde Türkmenistanyň Senagatçylar we telekeçiler birleşmesiniň agzalarynyň paýy barha artýar. Esaslandyrylanyndan bäri geçen 16 ýyla barabar döwrüň içinde polietilenden dürli görnüşli turbalary öndürmekde baý tejribe toplap, öňdebaryjy önümçilik kärhanasyna öwrülmegi başaran «Türkmen Senagat» hojalyk jemgyýeti hem milli senagatyň ösüşine mynasyp goşant goşýan hususy düzümleriň biridir. Hojalyk jemgyýetiniň döwrebap önümçilik kärhanasy Ahal welaýatynyň Ak bugdaý etrabynyň çägindäki Türkmenistanyň Senagatçylar we telekeçiler birleşmesiniň senagat zolagynda ýerleşýär. Bu ýerde gurluşyk işlerinde ýerlagym suw geçirijileriniň gurnalmagynda, elektrik geçiriji torlarynyň ýerleşdirilmeginde, oba hojalygynyň suwaryş ulgamlarynda peýdalanylýan tekiz we gasynly polietilen hem-de polipropilen turbalar, şeýle-de gaz we suw geçirmek üçin niýetlenen ýokary basyşly polietilen turbalar öndürilýär. 10 müň inedördül metr meýdany eýeleýän önümçilik toplumynyň kuwwaty gije-gündiziň dowamynda 250 tonna barabar önüm öndürmäge niýetlenendir.

15 Iýul 2024

Dünýä belli gozgalmaýan emläk kompaniýasy — «McDonald’s»

Dünýäniň iň meşhur brendleriniň biri bolan «McDonald’s» barada eşitmedigimiz ýok bolsa gerek. Emma onuň diňe restoranlar zynjyry bolman, eýsem, örän iri gozgalmaýan emläk kompaniýasydygyny, françaýzing işewürliginiň iň esasy nusgasydygyny bilýän az-azdyr. Umuman alnanda, «McDonald’s» brendiniň döreýiş taryhy we ösüş ýoly dünýä derejesinde işewürligiň birnäçe ugurlaryna uly täsir eden öwrümlere baý. Bu gün şol gyzykly taryhy gazetiň okyjylary bilen paýlaşmagy müwessa bildik. Tiz tagam işewürliginiň dörän ýeri

15 Iýul 2024

Ýokary hilli we döwrebap

Halk arasynda «Ädigiň dar bolsa, dünýäniň giňliginden ne peýda», «Ýigit aýbyn gyz açar, ädik aýbyn — suw» diýen nakyllar bar. Bu aýtgylar aýakgap tikmegiň halkymyzyň gadymy durmuşy bilen baglanyşyklydygyny aşgär edip, onuň hysyrdyly işdiginden habar berýär. Şonuň netijesinde-de merdana ata-babalarymyz ýokarda agzap geçen nakyllarymyzy bize miras goýupdyrlar. Olaryň haýsy döwürde dörändigine garamazdan, bu sözler özüniň göni ýa-da göçme manysynda häzir hem il içinde giňden peýdalanylýar. Häzirki döwrüň ösen tehnologiýalary, kämil enjamlary şol hysyrdyly işiň aňsatlyk bilen hötdesinden gelmegi başarýar. Munuň şeýledigini ýurdumyzda hereket edýän birnäçe aýakgap kärhanalary hem tassyklaýar. Önümçilik binasy Mary şäherinde ýerleşýän «Röwşen» hususy kärhanasy indi ençeme ýyllardan bäri özüniň öndürýän ýokary hilli aýakgaplary bilen alyjylaryň söýgüsine mynasyp bolup gelýär. Elbetde, bu kärhananyň agzybir işgärleriniň tutanýerlilik hem-de yhlaslylyk bilen zähmet çekýändikleriniň netijesidir. «Röwşen» hususy kärhanasy indi 20 ýyldan gowrak wagt bäri üstünlikli iş alyp barýar. Bu ýerde ilkibada erkek adamlaryň aýakgaplary öndürilen bolsa, häzirki wagtda zenanlaryň hem-de çagalaryň dürli görnüşli köwüşleri hem öndürilip, müşderileriň ösen islegleri kanagatlandyrylýar. Şonuň üçin islendik ýaşdaky adamlaryň, şol sanda çagalaryň hem islegli aýakgaplaryny tapmak kynçylyk döre

9 Iýul 2024

Ekologiýa abadançylygyny nazarlaýan işewürlik

Ýurdumyzda döwrebap tehnologiýalary peýdalanyp, işewürligi we önümçiligi «ýaşyl» ykdysadyýetiň ýörelgelerine laýyklykda alyp barýan kärhanalaryň sany barha artýar. Milli ykdysadyýetiň hususy pudagynda çärýek asyr bäri üstünlikli işläp gelýän «Toprak» hojalyk jemgyýeti hem şolaryň biridir. 1999-njy ýylda esaslandyrylyp, ilki söwda we hyzmatlar ulgamynda iş alyp baran «Toprak» hojalyk jemgyýeti 2005-nji ýylda Aşgabat şäheriniň Büzmeýin etrabynda ýurdumyzda ilkinji bolup kagyz galyndylaryny gaýtadan işlemek arkaly gasynly karton öndürýän kärhanany işe girizýär. Dokma senagaty, azyk harytlarynyň önümçiligi, söwda we hyzmatlar ulgamy ýaly dürli ugurlarda iş alyp barýan döwlet hem-de hususy kärhanalarynyň talaplary esasynda taýýarlanylýan önümler dürli şekillerdir bezegler bilen bezelýär. Hytaý Halk Respublikasynyň we Türkiýäniň innowasion enjamlary ornaşdyrylan kärhanada 120-ä golaý iş orny döredilip, her aýda 600 tonna barabar önüm öndürilýär.

7 Iýul 2024

«STT» — ýokary hiliň kepili

Soňky ýyllarda sebitde ýerli çig malyň hasabyna dürli senagat harytlaryny, şeýle-de gurluşyk önümlerini öndürýän hususy önümçilikleriň sanynyň barha artmagy ýurdumyzda haryt bolçulygynyň döredilmegini üpjün edýär. Şunda önümçilik mümkinçilikleri barha artýan hususy kärhanalaryň hatarynda Lebap welaýatynyň Köýtendag etrabynda ýerleşýän «STT» haryt nyşanly gurluşyk harytlaryny öndürýän hususy kärhanasyny görkezmek bolar. Türkmenistanyň Senagatçylar we telekeçiler birleşmesiniň agzalary, doganlar Sabur we Timur Taşewlere degişli bolan kärhananyň gury gurluşyk harytlaryny öndürýän önümçiliginiň ýyllyk kuwwaty 50 müň tonna barabar bolup, bu ýerde şpatlýowka, gurluşyk harytlary, gurluşyk heki we kafel ýelimi ýaly önümler taýýarlanylyp, ýylyň dowamynda önümiň ortaça 10 — 12 müň tonnasy ýurdumyzyň sarp edijilerine, galany bolsa daşary ýurtlara ugradylýar. Häzirki zaman tehnologiýalary arkaly dolandyrylýan zawodda öndürilýän gipsokarton önümçiliginiň ýyllyk kuwwaty 2 million inedördül metr önümi taýýarlamaga niýetlenilendir. Bu ýerde önümiň 4 görnüşi taýýarlanylyp, onuň 500 müň inedördül metri ýurdumyzyň içerki bazarynda ýerlenilýär.

7 Iýul 2024

Döwrebap ýaşaýyş jaý hyzmatlary

Ata Watanymyz özüniň gün-günden özgerýän keşbi, ajaýyp görnüşi bilen dünýäniň üns merkezinde. Ýurdumyzyň ykdysady kuwwatynyň aýdyň beýany bolan iri göwrümli gurluşyk işleri häzirki wagtda güýçli depginde alnyp barylýar. Giň gerimde ýaýbaňlandyrylýan bu halk bähbitli işleri amala aşyrmakda hususy telekeçileriň hem aýratyn orny bardyr. Türkmen işewürleri tarapyndan esaslandyrylan gurluşyk işlerini alyp barýan hususy kärhanalardyr hojalyk jemgyýetleri döwrebap desgalardyr binalaryň we ähli oňaýlyklary bolan durmuş maksatly ýaşaýyş jaýlarynyň gurluşygyny alyp barmak bilen, gülleýän Watanymyzyň görküne görk, ösüşine ösüş goşýarlar. Ine, şeýle asylly işleri ýerine ýetirýän işewür taraplaryň biri-de «Tijegli Hyzmat» hususy kärhanasydyr. 2021-nji ýylda öz işine başlan «Tijegli Hyzmat» hususy kärhanasy esaslandyryjy Durdyýew Akmyradyň ýolbaşçylygynda smeta, komission, gurluşyk işlerini ýerine ýetirmek esasynda halkymyza hyzmat edýär. Ilki açylaýan döwründe kärhana, esasan, diňe smeta (islendik işi amala aşyrmak üçin geljekki çykdajylary doly hasaplaýan we meýilnamalaşdyrýan resminamadyr. Bu resminamada taslamany taýýarlamak üçin zerur bolan materiallaryň, enjamlaryň, zähmetiň we beýleki çykdajylaryň jikme-jik maglumatlary bar), komission — satylan we satyn alnan ýeňil we ýük awtoulaglary, tehnikalary hususy kärhanalaryň, hojalyk jemgyýetleriniň, telekeçileriň, garaz, ýüz tutan her bir ş

7 Iýul 2024

«Türkmen ýyldyzy» ösüşli menzillerde

Hormatly Prezidentimiziň durmuşa geçirýän beýik özgertmeleri netijesinde eziz Diýarymyz günsaýyn bedew batly ösüşlere beslenýär. Beýleki pudaklar bilen bir hatarda ýurdumyzda hususyýetçiligi ösdürmeklige gönükdirilen döwletli işler hem oňyn netijesini berýär. Özleri üçin döredilen amatly şertlerden, giň mümkinçiliklerden ýerlikli peýdalanyp, hususy işlerini göwnejaý ýola goýýan telekeçileriň sany ýylsaýyn artýar. Bu bolsa Garaşsyz Watanymyzyň ykdysady kuwwatynyň has-da artmagyna we ýurtda haryt bolçulygynyň emele gelmegine getirýär. Soňky ýyllarda Saýat etrabynyň Sakar şäheriniň çäginde ýerleşýän «Türkmen ýyldyzy» hojalyk jemgyýeti hem ýurdumyzda öňdebaryjy hususy kärhanalaryň hatarynda tanalýar. Bu ýerde alnyp barylýan işler hakynda hojalyk jemgyýetiniň ýolbaşçysy, Türkmenistanyň Senagatçylar we telekeçiler birleşmesiniň agzasy Babanazar Rejebow şeýle gürrüň berýär:

3 Iýul 2024

Ýol üstünde «Goşa çynar»

Adama peşgeş berlen aýratynlyklaryň biri döretmek ukybydyr. Ine, şol berlen ukybyň, başarnygyň esasynda dünýämiz häzirki ýagdaýyna geldi. Täzelikler, ösüş we özgeriş adamzat jemgyýetiniň ähli döwrüne mahsusdyr. Ösüşe itergi berýän şertler bolsa adamyň has kämil zatlary döretmek meýlinden gelip çykýar. Ömrüniň bar manysyny umumadamzat, halk ähmiýetli işlere baglaýanlaryň bolsa bu babatdaky jogapkärçiligi duýşy başgaça bolýar. Olar haýsy käriň eýesi bolsalar-da, öz ugry boýunça il bähbitli işleri ýerine ýetirmek ugrunda ähli tagallalary gaýgyrmaýan ynsanlardyr. Şeýle dogumly ynsanlaryň biziň ata Watanymyzda bolçulygy döretmek ugrunda ýerine ýetirýän işlerini görüp, bilip, olara öz ýanyňdan buýsananyňy duýman galýarsyň.  Goşa çynardan gözbaş  alýan önümçilik

30 Iýun 2024

MIWELI BAG — RYSGAL-BEREKET ÇEŞMESI

Bazarlarymyzda we söwda merkezlerimizde gök-önümleriňdir miweleriň bolçulygyny göreniňde gözüň guwanýar. Tomsuň ilkinji günlerinden bäri duýulýan bu bolçulyk ýylyň rysgal-bereketli gelip, babadaýhanlaryň yhlasynyň ýerine düşendigini tassyklaýar. Tebigy şertler bilen birlikde, bu bereket-bolçulygyň ýene bir sebäbi bar. Ol hem ýurdumyzyň oba senagat toplumynda Gahryman Arkadagymyzyň başyny başlan hem-de hormatly Prezidentimiziň baştutanlygynda mynasyp dowam etdirilýän özgertmeleriň çäklerinde daýhanlara, şol sanda ekerançylyk bilen meşgullanýan hususyýetçilere berilýän uly goldaw bilen baglanyşyklydyr. Birnäçe ýyl mundan ozal, dürli ekinleri ösdürip ýetişdirmäge girişmek bilen, miweli agaçlaryň müňlerçe nahalyny oturdyp, topraga yhlas siňdiren hususyýetçileriň toplaýan tejribesi bu günki gün ýokary netijeleriň gazanylmagyna ýardam edýär. Rysgalyny toprakdan gözläp, ilkinjileriň hatarynda — 2016-njy ýylda Ahal welaýatynyň Bäherden etrabynyň çäginde miweli baglaryň müňlerçe düýbüni oturdan telekeçi Ahmet Jumabaýewiň gazanýan üstünlikleri hem sözümizi doly tassyklaýar.

30 Iýun 2024

Buzgaýmak önümçiliginiň irki nusgasy

Gyş ertekisini» ýatladýan, düzümindäki kalsiniň, serotiniň köplügi bilen «şatlyk garmonyny» öndüriji bu tagamy halamaýanymyz ýok bolsa gerek. Dünýäniň ähli ýurtlarynda uly-kiçiniň isleg bilen, şatlyk bilen iýýän, gürrüňi ediljek bu tagam, elbetde, buzgaýmakdyr. Aýratyn-da, ol tomus paslynyň iň bir söýgüli höregi hasaplanylýar. Häzirki wagtda türkmen telekeçileriniň köpelmegi bilen ýurdumyzda bu önümiň görnüşleri-de, önümçiligi-de barha artýar. Lezzetli önümiň önümçiliginiň ýola goýulmagy netijesinde ýurdumyzda buzgaýmak önümleriniň bolçulygy döredildi. Dünýä tejribesine daýanýan işewürler türkmen bazarynda azyk bolçulygyny üpjün etmekde netijeli işleri durmuşa geçirýärler. Şunda ýurdumyzda buzgaýmagyň önümçiligini alyp barýan hususy düzümlerde barmak büküp sanardan kän. Şolaryň biri-de «Bakjam söwda» hususy kärhanasydyr. Bu hususy kärhana Türkmenistanda iň iri we irki buzgaýmak öndürijileriň hatarynda bellidir.

23 Iýun 2024

Haryt nyşanlary

Berkarar döwletiň täze eýýamynyň Galkynyşydöwründe Arkadagly Gahryman Serdarymyzyň baştutanlygynda milli ykdysadyýetimiziň hemme pudaklarynda uzakmöhletleýin durnukly ösüşiň berk binýadyny döredýän ähli taraplaýyn özgertmeler üstünlikli durmuşa ornaşdyrylýar. Häzirki wagtda ýurdumyzy durmuş-ykdysady taýdan ýokary depginde ösdürmek, milli ykdysadyýetiň dürli ugurlarynda telekeçilik işjeňligini artdyrmak, kiçi we orta kärhanalaryň öndürýän harytlarynyň görnüşlerini hem-de möçberlerini artdyrmak, olaryň daşary ýurt bazarlarynda bäsdeşlige ukyplylygyny ýokarlandyrmak esasy wezipeleri özünde jemleýär. Bu wezipeleriň üstünlikli durmuşa ornaşdyrylmagy belli bir derejede kärhanalaryň maliýe-hojalyk işleriniň netijeli dolandyrylmagy bilen berk baglanyşyklydyr. Türkmenistanyň Raýat bitewi kanunyna laýyklykda haryt nyşanlary harydyň şahsy aýratynlygyny görkezýän serişdedir. Häzirki zaman kämil bäsdeşlik şertlerinde haryt nyşanlary gönüden-göni harydyň bäsdeşlige ukyplylygyna täsir edýän birnäçe wezipelerden ybaratdyr. Olardan sarp ediji üçin harydyň hiliniň ýokarylygyny üpjün etmek hem-de şonuň netijesinde bu haryda bolan hyrydarlygy artdyrmak esasysydyr. Sebäbi alyjy bazara baryp haryt satyn alanda bahasy birmeňzeş hem-de hili deň bolan harytlardan olaryň has bellisini saýlap alýar (sport egin-eşiklerinde «Adidas», süýji-köke önümlerinden «Nestle», «Täze aý» we ş.m.).

23 Iýun 2024

«Bereketli» — kämillige gol berýän hojalyk jemgyýeti

Milli haryt nyşanly önümleri öndürýän hususy kärhanalaryňdyr hojalyk jemgyýetleriniň aglabasynyň soňky ýyllarda döredilendigine garamazdan, bu ugurda eýýäm uzak ýyllaryň dowamynda üstünlikli işleýän telekeçiler hem bar. Şolaryň biri hem 1992-nji ýylda esaslandyrylan «Bereketli» hojalyk jemgyýetidir. Hormatly Prezidentimiziň baştutanlygynda ýurdumyzda ýokary hilli, bäsdeşlige ukyply önümleri öndürmek, azyk bolçulygyny üpjün etmek boýunça öňde goýlan wezipeleri amala aşyrmakda hususy pudaga uly orun degişlidir. Ýurdumyzyň telekeçileri ähli ugurlarda innowasion usullary özleşdirmek boýunça baý tejribe toplap, häzirki döwürde täze tehnologiýalary önümçilige işjeň ornaşdyrýarlar. «Bereketli» hojalyk jemgyýetiniň alyp barýan işleri muňa aýdyň mysaldyr. Hormatly Prezidentimiziň baştutanlygynda ýurdumyzda ýokary hilli, bäsdeşlige ukyply önümleri öndürmek, azyk bolçulygyny üpjün etmek boýunça öňde goýlan wezipeleri amala aşyrmakda hususy pudaga uly orun degişlidir. Ýurdumyzyň telekeçileri ähli ugurlarda innowasion usullary özleşdirmek boýunça baý tejribe toplap, häzirki döwürde täze tehnologiýalary önümçilige işjeň ornaşdyrýarlar. «Bereketli» hojalyk jemgyýetiniň alyp barýan işleri muňa aýdyň mysaldyr.

23 Iýun 2024

Bazar berekedine mynasyp goşant

Milli ykdysadyýetimiziň pudaklaryny öňdebaryjy tehnologiýalar bilen üpjün etmek, ýokary hilli, bäsdeşlige ukyply önümleri öndürmek, ýurdumyzda azyk bolçulygyny pugtalandyrmak boýunça öňde durýan wezipeleri amala aşyrmakda hususy ulgama möhüm orun degişlidir. Döwrüň talabyndan ugur alyp, döredijilikli zähmet çekýän türkmen telekeçileri ylmyň gazananlaryny, öňdebaryjy tejribäni işjeň peýdalanyp, köpugurly önümçiligi ýokarlandyrmak bilen, ýurdumyzyň durmuş-ykdysady ugurda gazanýan üstünliklerine mynasyp goşant goşýarlar. «Täze Aý» hojalyk jemgyýeti indi 20 ýyl bäri halkymyza hyzmat edip gelýär. Şu döwrüň içinde ýeterlik tejribe toplan hojalyk jemgyýeti häzirki wagtda süýji we şokolad tagamlarynyň 50-ä golaý, keks hem-de kökäniň 150-ä golaý görnüşini öndürýär. «Täze Aý» haryt nyşanly «Sarwan», «Zemin», «Süýji dünýä», «Şowhun», «Süýji durmuş» marmeladlary alyjylaryň uly isleginden peýdalanýar. Hojalyk jemgyýeti şu ýyl täze «Türkmenistan ülkäm» atly ýörite şokolady alyjylara hödürledi. Bu ýerde şeýle süýjüleriň bir gije-gündizde 160 tonna golaýy öndürilýär.

19 Iýun 2024

«Jadyly çeşmeden » teşneligigiňizi gandyrsaňyz…

Biri-biriniň yzyndan ylgap barýan günleriň beýle çalt geçäýşini diýsene! Ýyla ýaňy bir başladyk diýersiňem welin, eýýäm tomus pasly duşumyzda. Her bir paslyň bolsa özüne mahsus aýratynlyklary bolýar. Şu nukdaýnazardan, howa ýagdaýlaryna görä geýinmek, iýip-içmek, dynç almak, garaz, gündelik edýän durmuş endikleriňi pasla görä sazlamak iň wajyp işleriň biridir. Bilşimiz ýaly, türkmen topragy güneşli ýurt hasaplanýar, şoňa görä ýokary derejä ýetýän gyzgyn howada adamlaryň göwünjeň azyk harytlaram serginlemek , teşneligiňi gandyrmak isleginden ugur alýar. Bu möwsümde ynsan saglygyny berkidýän gökdür miwe önümlerine, jöwzaly günlerde jana lezzet beriji buzgaýmakdyr dürli görnüşli içgilere isleg ýokary bolýar. Halkyň şu islegini kanagatlandyrmak ugrunda mele toprakdan bereket tapýan babadaýhanlarymyzyň gök önümçilik, bagbançylyk ugruna, şeýle-de ýurdumyzyň altyn gaznasy hasaplanýan hususy telekeçileriň ady agzalan görnüşli önümçilige ýöriteleşenleri öz üstlerine düşýän jogapkärçiligi duýup, arman zähmet çekýärler. Biz gazetiň bu günki sanynda alkogolsyz dürli görnüşli içgileriň önümçiligi bilen meşgullanýan «Jadyly çeşme» hojalyk jemgyýeti, onuň öndürýän önümleri, önümçiliginiň ýola goýluşy, şeýle-de gazlandyrylan we gazsyz, witamin içgileriň dürli görnüşini öndürip, türkmen bazarynda azyk bolçulygyny döretmäge goşýan mynasyp goşantlary barada gürrüň ederis.

16 Iýun 2024

‹
1
2
3
4
5
6
7
8
...
49
50
›