"Watan" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-16, 38-61-17, 38-61-07
Email: watan@sanly.tm

Gazeti PDF görnüşinde ýükläp almak

Habarlar

Tejenli ýaş pälwanlar güýç synanyşdylar

«Türkmenistan — ruhubelentligiň we sagdynlygyň ýurdy» atly XIV spartakiadanyň çäginde türkmen milli göreşi boýunça geçirilýän ýaryşlaryň etrap tapgyrlary ruhubelentlige eýe bolýar. Munuň şeýledigini ýaryşyň Tejen etrap tapgyry hem subut etdi. Etrapdaky 42-nji orta mekdebiň sport zalynda geçen ýaryşa etrabyň çägindäi umumybilim berýän mekdeplerde bilim alýan ýaşlaryň köp sanlysy gatnaşdy. Okuwçy oglanlar degişli agram derejeleri boýunça ussatlygyny görkezdiler. «Türkmenistan» Ýaşlar bedenterbiýe-sport guramasynyň welaýat bölümi, etrabyň bedenterbiýe we sport bölümi, etrap bilim bölümi hem-de jemgyýetçilik guramalary tarapyndan guralan ýaryşyň netijesinde 40 kilogram agram derejesinde etrapdaky 5-nji orta mekdebiň okuwçysy Baýrammyrat Atamyradow, 45 kilogram agram derejesinde şol mekdepden Sähetmmyrat Atamyradow, 48 kilogram agram derejesinde 30-njy orta mekdebiň okuwçysy Mälikberdi Gurbandurdyýew, 52 kilogram agram derejesinde 30-njy orta mekdebiň okuwçysy Atageldi Atageldiýew, 57 kilogram agram derejesinde 35-nji orta mekdebiň okuwçysy Serdar Baýymow, 62 kilogram agram derejesinde 36-njy orta mekdebiň okuwçysy Gadyrgeldi Saparow, 68 kilogram agramda 41-nji orta mekdebiň okuwçysy Azat Durdygulyýew, 74 kilogram agramda 20-nji orta mekdebiň okuwçysy Pälwan Rejebow üstün çykdy. Agzalan ýaş pälwanlar ýaryşyň welaýat tapgyryna gatnaşmaga mümkinçilik gazandylar.

2 Dekabr 2024

Sport

Milli göreş boýunça ýaryş

Babadaýhan etrabynyň sport mekdebinde «Türkmenistan — ruhubelentligiň we sagdynlygyň ýurdy» atly XIV spartakiadanyň çäginde türkmen milli göreşi boýunça geçirilen ýaryşa etrapdaky orta mekdeplerden okuwçy oglanlaryň onlarçasy gatnaşdy. Ýaş nesliň sagdyn ruhly, berk bedenli bolup ýetişmegini gazanmak, sport ussatlygyny ýokarlandyrmak babatynda uly ähmiýete eýe bolan bu ýaryş «Türkmenistan» Ýaşlar bedenterbiýe-sport guramasynyň welaýat bölümi, etrabyň bedenterbiýe we sport bölümi, etrap bilim bölümi hem-de jemgyýetçilik guramalary tarapyndan guraldy. Dürli agram derejelerinde geçen tutluşyklarda ýaş pälwanlaryň arasyndan güýçlüler ýüze çykdy. Şeýlelikde, 40 kilogram agram derejesinde etrapdaky 19-njy orta mekdebiň okuwçysy Almaz Mergenow, 45 kilogram agram derejesinde 12-nji orta mekdebiň okuwçysy Rahman Agaýew, 48 kilogram agram derejesinde hem şol mekdebiň okuwçysy Pena Gidmanow, 52 kilogram agram derejesinde 20-nji orta mekdebiň okuwçysy Gadam Goçmyradow, 57 kilogram agram derejesinde 17-nji orta mekdebiň okuwçysy Döwlet Mergenow, 62 kilogram agram derejesinde 7-nji orta mekdebiň okuwçysy Sähergeldi Hojagulyýew, 68 kilogram agramda 12-nji orta mekdebiň okuwçysy Yslam Gulgeldiýew, 74 kilogram agramda 4-nji orta mekdebiň okuwçysy Süleýman Baýmyradow ýeňiji boldy.

2 Dekabr 2024

Sport

Gandbol ýaryşynda

«Türkmenistan — ruhubelentligiň we sagdynlygyň ýurdy» atly XIV spartakiadanyň çäginde sportuň gandbol görnüşi boýunça okuwçy oglanlaryň arasyndaky ýaryşyň Kaka etrap tapgyry uly gyzyklanma eýe boldy. Etrabyň sport mekdebinde geçen ýaryşa etrapdaky orta mekdeplerden okuwçy oglanlardan ybarat toparlar gatnaşdylar. Ýaryşdaky duşuşyklar güýçli toparlara öňe saýlanmaga mümkinçilik berdi. “Türkmenistan” Ýaşlar bedenterbiýe-sport guramasynyň welaýat bölüminiň, Türkmenistanyň Magtymguly adyndaky Ýaşlar guramasynyň welaýat we etrap Geňeşleriniň, etrabyň bedenterbiýe we sport bölüminiň, etrap bilim bölüminiň hem-de jemgyýetçilik guramalarynyň bilelikde guramagynda geçen ýaryşda etrapdaky 15-nji orta mekdebiň topary birinji, 17-nji orta mekdebiň topary ikinji, 20-nji orta mekdebiň topary üçünji orny eýeledi.

2 Dekabr 2024

Sport

“Arkadag” toparynyň ýeňişli ýoly dowam edýär

Ýakynda Türkmenistanyň futbol çempionatynyň Ýokary ligasynyň 31-nji tapgyrynyň duşuşyklary geçirildi. Futbol çempionatymyzyň tamamlanmagyna birnäçe tapgyr galanda bassyr ikinji çempionlygyny gazanan Arkadag şäheriniň adybir toparynyň ýeňişli ýoly bu tapgyrdan soň hem dowam etdi. Paýtagtymyzda geçirilen duşuşykda «Köpetdag» bilen duşuşan “Arkadag” topary garşydaşynyň derwezesine jogapsyz toplaryň 8-sini geçirmegi başardy. Topara ýeňiş getiren toplaryň üçüsini çempionatyň iň köp gol geçiren oýunçylarynyň arasynda öňdäki orny eýeleýän Didar Durdyýew öz adyna ýazdyrdy. Netijeli oýny ezber hüjümçä çempionatyň dowamynda geçiren toplarynyň sanyny 29-a ýetirmäge mümkinçilik berdi. Şeýle-de bu duşuşykda Ilýa Tamurkin, Begmyrat Baýow, Şamämmet Hydyrow, Nazar Towakelow hem-de Enwer Annaýew tapawutlandylar. Ýokary liganyň futbol klublarynyň ýaşlar düzümleriniň gatnaşmagyndaky futbol boýunça Türkmenistanyň birinjiliginde “Arkadag II” toparynda çykyş edýän Enwer Annaýewiň uly toparyň düzüminde tapawutlanandygy örän begendirýär. Çünki “Arkadag” toparynyň düzüminde ýaş futbolçylaryň hem netije bermekleri golaý geljekde milli ýygyndymyzyň halkara giňişlikdäki çykyşlaryna öz oňyn täsirini ýetirjekdigine ynamyňy artdyrýar.

2 Dekabr 2024

Sport

ÝÇL-de 6-njy tapgyr: «Real» we «Sitiden» şowsuzlyk

Geçen hepde Ýewropa çempionlar ligasynyň 5-nji tapgyrynyň oýunlary geçirildi. Tapgyryň merkezi oýnunda «Liwerpul» öz öýünde «Realy» 2:0 hasabynda ýeňlişe sezewar etdi. Şeýlelikde, «Real» ÝÇL-iň çempiony hökmünde toparçalaýyn tapgyrda 3 gezek ýeňlen ilkinji topar bolup taryha girdi. Mundan başga-da, tapgyryň ýene bir esasy oýnunda «Bawariýa» öz meýdançasynda «PSŽ» toparyndan 1:0 hasabynda üstün çykdy. Tapgyryň iň garaşylmadyk netijesi «Mançester Siti» — «Feýenord» gapma-garşylygynda hasaba alyndy. Bu oýunda «Mançester Siti» 75-nji minutda 3:0 hasabynda öňde barýan hem bolsa, ahyrda ýeňşi elden giderdi. «Feýenord» oýnuň ahyrky böleginde 3 gol urup, duşuşygy deňlikde tamamlamagy başardy. Ýeri gelende bellesek, «Mançester Siti» ÝÇL-de 75-nji minutda 3 gol aratapawut bilen öňde barýarka ýeňiji bolup bilmedik ilkinji topar hökmünde taryha ýazyldy. 5-nji tapgyrdan soňra 15 utuk toplan «Liwerpul» turnir tablisasyndaky liderligini dowam etdirýär. Şeýle-de 1/8 finala ýollanma berýän ilkinji sekizlikde häzirlikçe «Inter» (13 utuk), «Barselona», «Borussiýa» (ikisem 12 utuk), «Atalanta» (11 utuk), «Baýer», «Arsenal», «Monako» (üçüsem 10 utuk) toparlarynyň atlary bar. ÝÇL-iň 6-njy tapgyry 10-11-nji dekabrda geçiriler. 

1 Dekabr 2024

Sport

Iň köp eýs eden tennisçi

Dünýäniň 2-nji raketkasy germaniýaly Aleksandr Zwerew 2024-nji ýylda iň köp eýs urgusyny amala aşyran erkek tennisçi hökmünde ykrar edildi. Ol tamamlanyp barýan ýylda 797 gezek eýs urgusyny geçiripdir. Bu ugurda ikinji orny şeýle urgularyň 736 sanysyny geçiren polşaly Hubert Hurkaç eýeledi. Şeýle-de ilkinji bäşlikde amerikaly tennisçiler Teýlor Friziň (725 eýs) we Ben Şiltonyň (619 eýs), russiýaly Andreý Rublýowyň (578 eýs) ady bar. Ýerine gelende bellesek, eýsler boýunça reýtingiň lideri Aleksandr Zwerew 2024-nji ýylda ATP ýaryşlarynyň ikisinde çempion boldy hem-de «Rolan Garros» «uly tuwulgasynda» finala çykmagy başardy.

1 Dekabr 2024

Sport

Maskerano Messä halypalyk eder

Lionel Messiniň ozalky topardaşy Hawýer Maskerano indi oňa halypalyk eder. Has takygy, Hawýer Makserano häzirki wagtda düzüminde Messi oýnaýan «Inter Maýami» toparynyň baş tälimçiligine bellenildi. Ol amerikan kluby bilen 2027-nji ýyla çenli niýetlenilen şertnama gol çekişdi. Degişli resminamalar düzedileninden soňra, Maskerano täze toparynda işe girişer. Maglumat üçin, Messi we Maskerano birwagtlar «Barselonada» bile oýnapdylar. Şeýle-de Maskeranonyň täze toparyndaky şägirtleriniň arasynda Serhio Buskets, Luis Suarez we Jordi Alba ýaly ozalky topardaşlary hem bar.

1 Dekabr 2024

Sport

Ildeşimiz 1 million amerikan dollarlyk ýeňiş gazandy

Türkmenistanly türgen Döwletjan Ýagşymyradow taryhy ýeňiş gazandy. Has takygy, ol «Professional Fighters League» («PFL») promouşeniniň Gran-pri turniriniň finalynda amerikaly Impa Kasamganaýy ýeňlişe sezewar etdi. Tutluşyk Saud Arabystanynyň Er-Riýad şäherinde geçirilip, Döwletjan eýýäm birinji raundyň birinji minutynda garşydaşyny yzly-yzyna urgular geçirmek arkaly nokauta düşürmegi başardy. Şeýlelikde, ildeşimiz ýarymagyr agramda «PFL-iň» 2024-nji ýylky möwsüminiň çempiony boldy. Bu ýeňişde Döwletjan 1 million amerikan dollary möçberinde pul baýragyna hem mynasyp boldy.

1 Dekabr 2024

Sport

«Formula-1-de» täze topar peýda bolar

«Formula-1» ýaryşlarynda täze topar peýda bolar. Has anyk aýtsak, 2026-njy ýyldaky möwsümden başlap, «Kadillak» topary «Formula-1» ýaryşynda çykyş edip ugrar. Ol «General Motors» hem-de «TWG Global» kompaniýalary tarapyndan bilelikde esaslandyrylar. Bu topar deslapky 2 möwsüminde kärende hereketlendirijilerden peýdalanar. 2028-nji ýyldan başlap bolsa, hereketlendirijileri özi öndürmäge girişer. «Formula-1-de» ilkinji gezek gatnaşjak bu toparyň direktory amerikaly rowaýaty sürüji Mario Andretti bolar. Ýeri gelende, onuň 1978-nji ýylda «Formula-1» möwsüminiň çempiony bolandygy bellärliklidir.

1 Dekabr 2024

Sport

Nistelroý «Lestere» tälim berer

«Lester» topary baş tälimçilige Rud wan Nistelroýy belledi. Niderlandly hünärmen «tilkiler» bilen 2027-nji ýyla çenli niýetlenilen şertnama gol çekişdi. Rud wan Nistelroý «Lesteriň» halypasy hökmündäki ilkinji oýnuny geçen hepdäniň şenbe güni «Brentford» garşy geçirdi. Şol oýun 4:1 hasabynda «Lesteriň» ýeňlişi bilen tamamlandy.

1 Dekabr 2024

Sport

Taryhy rekord we ilkinji ýeňiş

«Mançester Ýunaýted» täze baş tälimçisi Ruben Amorimiň golastynda ilkinji ýeňşini gazandy. Bu ýeňiş Ýewropa ligasynyň 5-nji tapgyrynda «Budýo-Glimt» bilen oýunda gazanyldy. Has takygy, şol oýun 3:2 hasabynda «Mançester Ýunaýtediň» ýeňşi bilen gutardy. «Opta» seljermeler merkeziniň maglumatlaryna görä, bu oýunda toparyň taryhyndaky özboluşly rekord hem täzelenildi. Ýagny şol gapma-garşylykda «Mançester Ýunaýted» öz taryhynda ilkinji gezek bir oýunda 700 gezekden köp paslaşdy. Oýunda Ruben Amorimiň şägirtleriniň amala aşyran paslarynyň sany 723-e ýetdi. Mundan başga-da, iňlis kluby topa 72,4 göterim eýelik etdi.

1 Dekabr 2024

Sport

Türkmenistan — sport ýurdy

«7/24.tm»: №49 (236) 02.12.2024 «Pä­him-paý­has um­ma­ny Mag­tym­gu­ly Py­ra­gy» ýy­lyn­da Türk­men döw­let be­den­ter­bi­ýe we sport ins­ti­tu­ty­nyň kö­pu­gur­ly sport top­lu­myn­da Türk­me­nis­ta­nyň Dzýu­do we Ka­ra­te-do fe­de­ra­si­ýa­la­ry­nyň me­ýil­na­ma­sy­na la­ýyk­lyk­da, spor­tuň dzýu­do we ka­ra­te-do gör­nüş­le­ri bo­ýun­ça Türk­me­nis­ta­nyň Ku­bo­gy­ny al­mak ug­run­da­ky ýa­ryş uly ru­hu­be­lent­li­ge bes­len­di. Ge­çi­ri­len ýa­ryş­lar sport bi­ler­men­le­rin­de aý­ra­tyn gy­zyk­lan­ma dö­ret­di.

1 Dekabr 2024

Sport

Kýorlingçiler halkara ýaryşlarynyň synagyndan geçýärler

«7/24.tm»: №49 (236) 02.12.2024 Türk­me­nis­ta­nyň kýor­ling fe­de­ra­si­ýa­sy 2025-nji ýyl­da Har­bin­de ge­çi­ril­jek gyş­ky Azi­ýa oýun­la­ry­na taý­ýar­lyk gör­mek üçin dür­li çä­re­ler ge­çir­ýär. Bu mak­sat bi­len to­par­la­ry­my­zyň üs­tün­lik ga­zan­mak üçin güý­jü­ni we teh­ni­ki taý­ýar­ly­gy­ny ýo­kar­lan­dyr­mak ug­run­da alnyp barylýan iş­le­r güýçli depginde dowam etdirilýär. Mun­dan öň türk­me­nis­tan­ly kýor­ling­çi­ler Nor­we­gi­ýa­da okuw-tür­gen­le­şik­le­ri­ne gat­na­şyp, tej­ri­be ga­za­nyp­dy­lar. Hä­zir­ki wagt­da bol­sa hal­ka­ra ýa­ryş­la­ry­nyň sy­nag­lar­yndan geç­mek üçin taý­ýar­lyk gör­ýär­ler. Bu çä­re­ler Azia­da­da ýo­ka­ry ne­ti­je­le­ri ga­zan­mak üçin mö­hüm ädim­ler bo­lup dur­ýar.

1 Dekabr 2024

Sport

Sport — bag­ty­ýar­ly­ga ba­dal­ga

«7/24.tm»: №49 (236) 02.12.2024 Gah­ry­man Ar­ka­da­gy­my­zyň pe­der ýo­lu­ny my­na­syp do­wam et­dir­ýän Ar­ka­dag­ly Gah­ry­man Ser­da­ry­my­zyň taý­syz ta­gal­la­la­ry we ýaş ne­sil­ler ba­ra­da­ky ala­da­la­ry ne­ti­je­sin­de ýur­du­myz­da ösüp gel­ýän ýaş ne­sil­ler söý­gi we mä­hir bi­len gur­şal­ýar. Ola­ryň äh­li­ta­rap­la­ýyn sag­dyn-saz­la­şyk­ly ösüp ke­ma­la gel­mek­le­ri üçin giň möç­ber­li iş­ler dur­mu­şa or­naş­dy­ryl­ýar. Hor­mat­ly Pre­zi­den­ti­mi­ziň ýaş­la­ry köp­çü­lik­le­ýin spor­ta we be­den­ter­bi­ýä çek­mek ba­ra­da­ky öň­de goý­ýan we­zi­pe­le­rin­den ugur al­nyp, ýur­du­myz­da spor­ty ös­dür­mek­li­ge we ýaş­la­ryň spor­tuň dür­li gör­nüş­le­ri bo­ýun­ça tür­gen­le­şip, sport äle­min­de ök­de tür­gen­ler bol­mak­la­ry­ny ga­zan­mak ug­run­da uly iş­ler dur­mu­şa ge­çi­ril­ýär.

1 Dekabr 2024

Sport

Türk­me­nis­tan­da at­çy­lyk spor­ty

«7/24.tm»: №49 (236) 02.12.2024 Türk­me­nis­tan — dün­ýä­niň at­çy­lyk me­de­ni­ýe­ti­niň we spor­tunyň ga­dy­my mer­kez­le­rin­den bi­ri­dir. Bu ýer­de meş­hur ahalte­ke be­dew­le­ri, at­çy­lyk spor­ty we Aba An­na­ýew adyn­da­ky Halkara at­çy­lyk aka­de­mi­ýa­sy Türk­me­nis­ta­na aý­ra­tyn şöh­rat ge­ti­ren aýratynlyklaryň bi­ri­dir. Türk­men hal­ky­nyň asyr­la­ryň do­wa­myn­da ös­dü­rip ge­len bu at­çy­lyk me­de­ni­ýe­ti hä­zir­ki dö­wür­de döw­re­bap ýö­rel­ge­ler bi­len ut­ga­şyp, tä­ze men­zil­le­re ýet­ýär. Şeý­le-de, lukmançylykda ula­nyl­ýan ip­po­te­ra­pi­ýa ady bi­len ta­nal­ýan tä­sir­li sa­gal­dyş usu­ly­nyň Türk­me­nis­tan­da­ky ösü­şi aý­ra­tyn äh­mi­ýe­te eýe bo­lup dur­ýar.

1 Dekabr 2024

Sport

Sport — ru­hu­be­lent ýaş­ly­gyň hem­ra­sy

«7/24.tm»: №49 (236) 02.12.2024 Ber­ka­rar döw­le­tiň tä­ze eý­ýa­my­nyň Gal­ky­ny­şy döw­rün­de jem­gy­ýe­ti­miz­de sag­dyn dur­muş ýö­rel­ge­si­niň ha­sam giň ýaý­baň­lan­ma­gy, köp­çü­lik­le­ýin be­den­ter­bi­ýe-sport he­re­ke­ti­niň ro­waç­lan­ma­gy, ýur­du­my­zyň sport ab­ra­ýy­nyň dün­ýä­de ýo­kar­lan­ma­gy Gahryman Arkadagymyz we hormatly Pre­zi­den­ti­miz ta­ra­pyn­dan döw­let de­re­je­sin­de ile­ri tu­tul­ýan wa­jyp we­zi­pe­le­re de­giş­li­dir. Ila­tyň sport bi­len meş­gul­lan­ma­gy, us­sat tür­gen­le­riň ke­ma­la gel­me­gi, mek­dep okuw­çy­la­ry­nyň, ta­lyp ýaş­la­ryň we äh­li ra­ýat­la­ryň sport çä­re­le­ri­ne hem-de bäs­le­şik­le­ri­ne giň­den çe­kil­me­gi üçin bar­ha amat­ly şert­ler dö­re­dil­ýär. Ne­ti­je­de, hä­zir­ki dö­wür­de sport bi­len ça­ga­lyk­dan dost­la­şan sag­dyn, berk be­den­li hem-de sy­rat­ly ýaş­la­ry­my­zyň sa­ny git­di­gi­çe art­ýar.

1 Dekabr 2024

Sport

Spor­ta söý­gi — durmuşa söýgi

«7/24.tm»: №49 (236) 02.12.2024 Kal­by joş­gun­dan, ýü­re­gi buý­sanç­dan do­ly ag­zy­bir türk­men hal­ky­myz Gah­ry­man Ar­ka­da­gy­my­zyň, Ar­ka­dag­ly Gah­ry­man Ser­da­ry­my­zyň peş­geş be­ren za­ma­na­syn­da bag­ty­ýar dur­mu­şyň hö­zi­ri­ni gö­rüp ýa­şa­ýar.

1 Dekabr 2024

Sport

Saz we sport

«7/24.tm»: №49 (236) 02.12.2024 Saz we sport adam­zat me­de­ni­ýe­ti­niň iň mö­hüm iki gym­mat­ly­gy hök­mün­de bi­rek-bi­re­ge ut­ga­şyk­ly tä­sir edip, be­de­niň we ru­huň bi­te­wü­li­gi­ni üp­jün ed­ýär. Bu iki ug­ruň bir­leş­me­gin­de ga­za­nyl­ýan üs­tün­lik­ler di­ňe bir sport ýa­ryş­la­ryn­da däl, eý­sem ada­myň gün­de­lik dur­mu­şyn­da hem uly äh­mi­ýe­te eýe­dir. Sa­zyň tür­gen­le­re ru­hy güýç ber­me­gi, ola­ryň sag­ly­gy­ny ber­kit­me­gi we spor­tuň hem-de sa­zyň ada­my kä­mil­leş­dir­me­gi ýa­ly ugur­lar gi­ňiş­le­ýin öw­re­nil­mä­ge my­na­syp­dyr.

1 Dekabr 2024

Sport

Saz türgenleri ruhlandyrýar

«7/24.tm»: №49 (236) 02.12.2024 Sa­zyň sport bi­len bag­la­ny­şy­gy spor­tuň dür­li gör­nüş­le­rin­de giň­den ula­nyl­ýar. Tür­gen­le­şik­ler­de we ýa­ryş­lar­da saz tür­gen­le­riň ru­hu­ny gal­dyr­mak we ola­ryň fi­zi­ki güý­jü­ni kä­mil­leş­dir­mek üçin mö­hüm gu­ral­dyr. My­sal üçin:

1 Dekabr 2024

Sport

Tennis raketkasy

«7/24.tm»: №49 (236) 02.12.2024 Spor­tuň sto­luň üs­tün­de oý­nal­ýan ten­nis gör­nü­şi ra­ket­ka­ly oýun­la­ryň bi­ri­dir. Bu gy­zyk­ly oýu­nyň ta­ry­hy­na ser sal­sak, il­ki­baş­da oýun üçin di­ňe agaç­dan ýa­sa­lan ra­ket­ka­lar ula­ny­lyp­dyr, ýag­ny re­zin ör­tü­gi bol­man­dyr. Soň­ra dy­ky­lar­dan ýa­sa­lan ör­tük­li ra­ket­ka­lar peý­da bo­lup­dyr. Em­ma olar­da oý­na­mak amat­ly bol­man­dyr. 1903-nji ýyl­da il­kin­ji ge­zek gat­la­gy öý­jük­li kau­çuk­dan ýa­sa­lan ra­ket­ka ula­nyl­ýar. To­py her dür­li usul bi­len aý­la­mak, oňa gö­zeg­çi­lik et­mek müm­kin­çi­li­gi dö­räp­dir. Şeý­dip, sto­luň üs­tün­de oý­nal­ýan ten­ni­siň ka­da­la­ry üýt­ge­ýär.

1 Dekabr 2024

Sport