"Watan" gazeti

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-16, 38-61-17, 38-61-07
Email: watan@sanly.tm

Gazeti PDF görnüşinde ýükläp almak

Habarlar

Ýer eýeleriniň ýeňişleri

Futbol Türkmenistanyň futbol boýunça milli çempionatynyň 30-njy tapgyrynda welaýatymyzyň toparlary — Türkmenbaşy şäheriniň «Şagadamy» we Balkanabadyň «Nebitçisi» özara duşuşdylar. Deňizýaka şäherde geçen oýun çekeleşikli häsiýete eýe bolup, onda derwezelere ýedi pökgi girizildi.

27 Noýabr 2024

Sport

Basketbolçy gyzlar bäsleşdi

“Türkmenistan” Ýaşlar bedenterbiýe-sport guramasynyň Ahal welaýat bölümi, Kaka etrabynyň bedenterbiýe we sport bölümi, etrap bilim bölümi hem-de jemgyýetçilik guramalary tarapyndan okuwçy gyzlaryň arasynda basketbol ýaryşynyň etrap tapgyry geçirildi. «Türkmenistan — ruhubelentligiň we sagdynlygyň ýurdy» atly XIV spartakiadanyň çägindäki bu ýaryş etrabyň sport mekdebinde geçdi. Etrapdaky orta mekdeplerden gelen, sporta höwesli gyzlar öz aralarynda gyzykly duşuşyklary alyp bardylar. Ýaryşyň netijesinde etrapdaky 6-njy, 19-njy, 15-nji orta mekdepleriň toparlary degişlilikde baýrakly birinji, ikinji, üçünji orunlary eýelediler. Birinji orna mynasyp bolan topar ýaryşyň welaýat tapgyryna gatnaşmaga hukuk gazandy.

27 Noýabr 2024

Sport

Basketbol ýaryşy

Babadaýhan etrabyndaky 23-nji orta mekdepde «Türkmenistan — ruhubelentligiň we sagdynlygyň ýurdy» atly XIV spartakiadanyň çäginde okuwçy oglanlaryň arasynda basketbol ýaryşy geçirildi. “Türkmenistan” Ýaşlar bedenterbiýe-sport guramasynyň welaýat bölüminiň, etrabyň bedenterbiýe we sport bölüminiň, etrap bilim bölüminiň hem-de Türkmenistanyň Magtymguly adyndaky Ýaşlar guramasynyň welaýat we etrap Geňeşleriniň bilelikde guramagynda geçen ýaryşa etrabyň orta mekdeplerinden toparlar gatnaşdy. Okuwçy ýaşlara ýaryşda erjelligini, başarnygyny doly derejede görkezmäge giň mümkinçilikler döredildi. Bu bolsa ýaryşyň guramaçylykly we çekeleşikli geçmegine itergi berdi. Ýaryşda etrapdaky 23-nji orta mekdebiň topary birinji, 5-nji orta mekdebiň topary ikinji, 11-nji orta mekdebiň topary üçünji orna mynasyp boldy. Ýaryşyň ýeňijilerine Türkmenistanyň Kärdeşler arkalaşyklarynyň etrap birleşmesiniň sowgatlary gowşuryldy.

27 Noýabr 2024

Sport

Sport

Çekeleşikli boldy Ýakynda Mary şäherindäki 1-nji sport mekdebinde şäherimizdäki orta mekdepleriň oglanlarynyň arasynda “Türkmenistan — ruhubelentligiň we sagdynlygyň ýurdy” atly XIV spartakiadanyň düzümine girýän sportuň gandbol görnüşi boýunça ýaryş geçirildi.

27 Noýabr 2024

Sport

Sagdynlygyň gözbaşy

Golaýda Mary şäherindäki 6-njy sport mekdebiniň sport zalynda welaýatymyzyň çägindäki ýokary we orta hünär okuw mekdepleriniň talyp gyzlarynyň gatnaşmagynda woleýbol boýunça ýaryş geçirildi. Gyzgalaňly we çekeleşikli geçen ýaryşda talyp ýaşlardan düzülen toparlar özleriniň erjelligini hem-de başarjaňlygyny görkezdiler. Emin agzalarynyň baha bermegi netijesinde H. Derýaýew adyndaky mugallymçylyk mekdebiniň topary 1-nji, Mary şäherindäki jemagat hojalygy orta hünär okuw mekdebiniň topary 2-nji, S. A. Nyýazow adyndaky Mary lukmançylyk orta hünär okuw mekdebiniň topary 3-nji orunlara mynasyp boldular.

27 Noýabr 2024

Sport

Agyr atletikaçylar bäsleşdiler

Golaýda Arkadag şäheriniň köpugurly sport toplumynda Türkmenistanyň çempionaty hem-de Türkmenistanyň birinjiligini almak ugrunda agyr atletikaçylaryň arasynda ýaryş geçirildi. Ýaryşa ýurdumyzyň welaýatlaryndan hem-de Aşgabat şäherinden ezber türgenler gatnaşdylar. Ýurdumyzda sporty we bedenterbiýäni ösdürmek, welaýatlardan we Aşgabat şäherinden ezber türgenleri saýlap almak maksady bilen geçirilen ýaryşda biziň türgenlerimiz hem öňdäki orunlara mynasyp bolmagy başardylar. Gyzgalaňly we çekeleşikli geçen ýaryşda Döwletgeldi Çommykow 1-nji, Agamyrat Muhammetnazarow 2-nji, Güller Allanazarowa, Aýjan Orazmyradowa, Merjen Öwezowa 3-nji orunlara mynasyp boldular.

27 Noýabr 2024

Sport

Ýaş pälwanlar güýç synanyşdy

Bäherden etrabynyň bedenterbiýe we sport bölüminiň hem-de Kärdeşler arkalaşyklarynyň etrap birleşmesiniň bilelikde guramagynda etrabyň sport mekdebinde türkmen milli göreşi boýunça etrabyň birinjiligi geçirildi. Oňa etrabyň dürli ýerlerinden ezber pälwanlar gatnaşdy. Milli göreş ýaryşynda 32 kilogram agram derejesinde Orazmyrat Hajyýew, 36 kilogram agram derejesinde Dawut Atdaýew, 40 kilogram agramda Nedir Çaryýew, 44 kilogram agramda Eşret Nagmadow, 48 kilogram agramda Ýusup Gurbandurdyýew, 52 kilogram agramda Allanur Berdiýew, 56 kilogram agramda Annaberdi Artyknyýazow, 60 kilogram agramda Muhammetguly Agaýew, 64 kilogram agramda Daýanç Amanmuhammedow, 68 kilogram agramda Merdan Işangulyýew üstün çykyp, ýeňiji boldular. Ýaryşyň ahyrynda ýeňiş gazanan türgenlere etrabyň bedenterbiýe we sport bölüminiň hormat hatlary we Kärdeşler arkalaşyklarynyň etrap birleşmesiniň sowgatlary gowşuryldy.

25 Noýabr 2024

Sport

Okuwçy ýaşlar ussatlygyny görkezdi

Sarahs etrabynyň sport mekdebinde Türkmenistanyň Demokratik partiýasynyň etrap komitetiniň, etrabyň bedenterbiýe we sport bölüminiň hem-de bilim bölüminiň bilelikde guramagynda futbol ýaryşy geçirildi. Oňa etrapdaky orta mekdeplerden toparlaryň birnäçesi gatnaşdy. Ýurdumyzda ýaş nesliň ruhy-ahlak taýdan sagdyn, berk bedenli, giň dünýägaraýyşly bolmagy, sagdyn durmuş kadalaryna eýermegi, sport bilen meşgullanmagy ugrunda edilýän tagallalardan ugur alnyp geçirilen futbol ýaryşyna gyzyklanma uly boldy. Toparlar ýeňiş gazanmak üçin öz aralarynda çekeleşikli duşuşyklary alyp bardylar.

25 Noýabr 2024

Sport

Sporta hyjuwly ýaşlar

Bäherden etrabynyň sport mekdebinde etrabyň bedenterbiýe we sport bölüminiň, etrabyň bilim bölüminiň hem-de Türkmenistanyň Magtymguly adyndaky Ýaşlar guramasynyň etrap Geňeşiniň bilelikde guramagynda “Sporta hyjuwly ýaşlar” ady bilen sportuň stoluň üstünde oýnalýan tennis görnüşi boýunça ýaryş geçirildi. Oňa 2008-2009-njy, 2010-2011-nji ýyllarda doglan ýaşlar gatnaşyp, toparlaýyn güýç synanyşdylar. Ýaryşda 2008-2009-njy ýyllarda doglanlaryň arasynda birinji orny etrapdaky 28-nji orta mekdebiň okuwçylary, ikinji orny 30-njy orta mekdebiň okuwçylary, üçünji orny 27-nji orta mekdebiň okuwçylary eýelemegi başardy. 2010-2011-nji ýyllarda doglanlaryň arasynda birinji orna 27-nji orta mekdebiň okuwçylary, ikinji orna 17-nji orta mekdebiň okuwçylary, üçünji orna 2-nji orta mekdebiň okuwçylary mynasyp boldy.

25 Noýabr 2024

Sport

«Mançester Siti» Gwardiola bilen şertnamasyny uzaltdy

«Mançester Siti» topary özüniň ispaniýaly baş tälimçisi Hosep Gwardiola bilen şertnamasynyň uzaldylandygyny yglan etdi. Toparyň metbugat gullugynyň habar bermegine görä, ispaniýaly hünärmen bilen 2027-nji ýylyň tomsuna çenli niýetlenilen şertnama gol çekişildi.

24 Noýabr 2024

Sport

1 tutluşygy üçin 114 million amerikan dollaryny gazanar

Agyr agramda dünýä çempiony Aleksandr Usik bilen ozalky dünýä çempiony Taýson Fýuriniň arasyndaky haklaşyk tutluşygynyň gonorary we onuň nähili paýlanjakdygy mälim edildi. Has anyk aýtsak, halkaşyk söweşinde umumy gonoraryň 60 göterimini Usik, 40 göterimini bolsa Fýuri alar. «The Sportster» neşiriniň ýazmagyna görä, tutluşygyň umumy gonorary 190 million amerikan dollary töwereginde bolar. Eger şeýle bolan halatynda, bu söweş üçin Aleksandr Usik 114, Taýson Fýuri bolsa 76 million amerikan dollary möçberinde girdeji gazanar.

24 Noýabr 2024

Sport

APL soňky 10 ýylda transferler üçin 23 milliard sowdy

Halkara sport seljermeleri merkezi 2015 —2024-nji ýyllaryň aralygynda transferler üçin iň köp pul sowan we transferlerden iň köp pul gazanan futbol ligalarynyň atlaryny yglan etdi. Bu sanawda iki ugur boýunça hem birinji orny Angliýanyň premýer-ligasy eýeledi. Hasabat döwründe Angliýanyň premýer-ligasynyň toparlary futbolçylary satyn almak üçin 23 milliard 146 million amerikan dollar sowan bolsalar, transferlerden 11 milliard 498 million amerikan dollary girdeji gazanypdyrlar. Görnüşi ýaly, soňky 10 ýyllykda APL-yň toparlarynyň umumy transferlerindäki ýitgileri 11 milliard 648 million amerikan dollaryna barabardyr. Şeýle-de transferlerden iň köp ýitgi çeken (sowan pullary gazanylanyndan köp bolan) ligalaryň sanawynyň ilkinji bäşliginde degişli yzygiderlilikde, Saud Arabystanynyň premýer-ligasy (ýitgisi 1 milliard 821 million), Italiýanyň A seriýasy (ýitgisi 1 milliard 469 million) Hytaýyň ligasy (ýitgisi 1 milliard 369 million) hem-de Ispaniýanyň La ligasy (ýitgisi 749 million) agzalýar.

24 Noýabr 2024

Sport

Türkmen türgeni 1 million AMERIKAN dollar üçin göreşer

Şu hepdäniň anna güni — 29-njy noýabrda türkmenistanly türgen Döwletjan Ýagşymyradow «PFL-iň» Gran-pri turniriniň finalynda amerikaly Impa Kasanganaýa garşy oktagona çykar. Ýarymagyr agramda «PFL-iň» çempionyny kesgitlejek bu tutluşygyň ýeňijisi 1 million amerikan dollary möçberinde pul baýragyna hem mynasyp bolar. Ýagşymyradow — Kasanganaý tutluşygy Saud Arabystanynyň Er-Riýad şäherinde geçiriljek söweş agşamynyň iň esasy wakalarynyň biri bolar. Has takygy, bu gapma-garşylyk turniriň esasy söweşiniň öň ýanynda bolup geçer. Ýeri gelende bellesek, Döwletjan Ýagşymyradow şu wagta çenli 24 ýeňiş gazanyp, 7 tutluşykda garşydaşyndan asgyn geldi. Şeýle-de onuň hasabynda bir deňlik bar.

24 Noýabr 2024

Sport

108 million adam tomaşa etdi

«Netflix» striming platformasy 16-njy noýabrda geçirilen Jeýk Pol — Maýk Taýson tutluşygyna degişli birnäçe görkezijileri mälim etdi. Oňa laýyklykda, bu söweş «Netflixiň» taryhyndaky iň uly wakalaryň birine öwrüldi. Has takygy, Jeýk Pol — Maýk Taýson söweşine göni ýaýlym arkaly tutuş dünýäde 108 milliondan gowrak adam tomaşa edipdir. Munuň özi, sport translýasiýalarynyň taryhyndaky rekord görkezijidir. Ýeri gelende bellesek, bloger-boksçy Jeýk Pol bilen Maýk Taýsonyň arasyndaky tutluşyga göni ýaýlymda tomaşa etmek «Netflixiň» abunaçylary üçin mugt boldy. Emma abunaçy bolmadyk tomaşaçylar «Netflix» platformasynyň üsti bilen söweşi göni ýaýlymda görmek üçin 7 amerikan dollary möçberinde töleg tölediler. Ýadyňyzda bolsa, şol söweş eminleriň karary esasynda Jeýk Poluň ýeňşi bilen tamamlanypdy.

24 Noýabr 2024

Sport

«PSŽ» 300 million AMERIKAN dollarlyk türgenleşik merkezini açdy

21-nji noýabrda «PSŽ» futbol klubunyň Puassidäki täze türgenleşik merkezi açyldy. Gurluşygyna 2020-nji ýylda başlanylan bu taslamanyň umumy bahasynyň 300 million amerikan dollaryna deňdigi aýdylýar. Täze türgenleşik merkezi «Park-de-Prens» stadionyndan 25 minutlyk uzaklykda ýerleşýär. Onuň umumy meýdany 59 gektara barabar bolup, şonuň 150 müň inedördül metri açyk asmanyň astyndaky türgenleşik meýdançalaryndan ybaratdyr.

24 Noýabr 2024

Sport

Nadal tennis bilen hoşlaşdy

«Uly tuwulga» ýaryşlarynyň 22 gezek çempiony Rafael Nadal professional karýerasyny tamamlady. Rowaýaty tennisçi özüniň soňky oýnuny Ispaniýanyň ýygyndysynyň düzüminde Dewisiň Kubogynyň çärýek finalynda niderlandly Botik wan de Zandshulpa garşy geçirip, ýeňlişe sezewar boldy. Maglumat üçin, Nadal özüniň karýerasynda diňe ýaryşlardaky ýeňişleri arkaly 134,9 million amerikan dollary möçberinde pul baýragyny gazandy. Şeýle-de onuň şu wagta çenli mahabatdan gazanan girdejisiniň 425 million amerikan dollaryna barabardygy aýdylýar.

24 Noýabr 2024

Sport

Ýannik ýylyň iň köp pul gazanan erkek tennisçisi

ATP 2024-nji ýylda ýaryşlardaky ýeňişleri arkaly iň köp baýrak puluny gazanan erkek tennisçileri mälim etdi. Reýtingiň birinji basgançagyny italiýaly Ýannik Sinner eýeledi. Onuň şu ýyl gazanan baýrak pulunyň möçberi 16 million 946 müň amerikan dollaryna deňdir. Sanawyň ilkinji onlugy aşakdaky görnüşe eýe: Ýannik Sinner (Italiýa) – 16 million 946 müň;

24 Noýabr 2024

Sport

Türkmenistan — sport ýurdy

«7/24.tm»: №48 (235) 25.11.2024 Küşt boýunça milli ýygyndy toparymyzyň agzalary 20 — 30-njy noýabr aralygynda Özbegistan Respiblikasynyň Daşkent şäherinde geçirilýän Küşt boýunça halkara ýaryşyna gatnaşýarlar. Toparda 3 türgen, 1 tälimçi bar. Bu iri halkara bäsleşigine gatnaşmak üçin milli ýygyndy toparymyz 20 — 30-njy noýabr aralygynda dostlukly ýurtda iş saparynda bolýar.

24 Noýabr 2024

Sport

Türkmen döwlet bedenterbiýe we Sport instituty

«7/24.tm»: №48 (235) 25.11.2024 In­no­wa­si­on ugur­ly sport gör­nüş­le­ri

24 Noýabr 2024

Sport

«Çäk­siz fut­bol» at­ly hal­ka­ra ýa­ry­şy

«7/24.tm»: №48 (235) 25.11.2024 Türk­me­nis­ta­nyň mil­li ýy­gyn­dy­sy­nyň ag­za­la­ry­ny Olim­pi­ýa we Azi­ýa oýun­la­ry­na, dün­ýä we Azi­ýa çem­pio­nat­la­ry­na, spor­tuň gör­nüş­le­ri bo­ýun­ça ge­çi­ril­ýän iri hal­ka­ra ýa­ryş­la­ry­na taý­ýar­la­mak­da we ola­ry hal­ka­ra de­re­je­li us­sat­ly­ga çen­li ös­dür­mek­de Türk­me­nis­ta­nyň Be­den­ter­bi­ýe we sport ba­ra­da­ky döw­let ko­mi­te­ti­niň sport çä­re­le­ri me­ýil­na­ma­sy esa­syn­da bir­nä­çe iş­ler al­nyp ba­ryl­ýar. Şol iş­le­riň çä­gin­de türk­me­nis­tan­ly ýa­şa­jyk fut­bol­çy­lar Öz­be­gis­tan­da gu­ra­lan hal­ka­ra ýa­ry­şy­na gat­naş­dy­lar.

24 Noýabr 2024

Sport