Türkmenmetbugat

"Türkmen sporty" gazeti

Esaslandyryjysy: "Türkmen Sporty" gazetiniň redaksiýasy
Salgysy: Aşgabat şäheri, 1995-nji köçe 66 jaýy
Telefon belgileri: 22-33-91, 22-33-72

Gazeti PDF görnüşinde ýükläp almak

Habarlar

Mukamçy kompozitor

Türkmen döwlet teleradiosynyň halk saz gurallary ansambly Pürli Saryýewyň ýolbaşçylygynda. 1962 ý.Çepden saga, birinji hatarda: Giçgeldi Amanow, Hangeldi Annamyradow, Pürli Saryýew, Tugur Berdinyýazow, Dörtguly Durdyýew; ikinji hatarda: Kiçi Geldimyradow, Ýagmyr Nurgeldiýew, Geldi Ugurlyýew, Garýagdy Alyýew. Gahryman Arkadagymyz «Ile döwlet geler bolsa...» atly kitabynda: «Türkmen sungatynyň ösüşinde öz aýdym we saz eserlerini halkyň ruhunda döreden bagşy-sazandalaryň tutýan orny uludyr. Halk arasynda bu bagşylar we sazandalar «mukamçy» diýen ada eýe boldular. XX asyryň 30-njy ýyllarynda Täçmämmet Suhangulyýew, Pürli Saryýew we Sahy Jepbarow tarapyndan başlanan bu däp soňra Geldi Ugurlyýew, Durdy Saparow, Tugur Berdinyýazow, Çary Täçmämmedow, Ata Ablyýew, Dörtguly Durdyýew, Döwletgeldi Ökdirow, Hangeldi Annamyradow, Jepbar Hansähedow, Ýagmyr Nurgeldiýew tarapyndan üstünlikli dowam etdirildi» diýip belleýär.

5 Iýun 2024

Änew — älemiň buýsanjy

Türki medeniýetiň halkara guramasynyň (TÜRKSOÝ) yglan etmegi bilen baglylykda, Änew şäheri 2024-nji ýylda «Türki dünýäsiniň medeni paýtagty» diýen derejäni göterýär. Munuň özi türkmen topragynyň tutuş dünýäde ösen medeni ojaklaryň kemala gelen ýeridigini, gadymy Änewiň umumadamzat gymmatlyklaryny bitewüleşdirmekde we kemala getirmekde örän uly ornunyň bardygyny görkezýär. Berkarar döwletiň täze eýýamynyň Galkynyşy döwründe gadymy türkmen topragynyň taryhy künjegi — Änew has-da ösüp özgerýär, ylmy taýdan giňişleýin öwrenilýär, halkara çärelerini we täze taslamalary durmuşa geçirmäge hemişe taýýardygy nukdaýnazardan ünsi çekýär. Şoňa görä-de, üstümizdäki ýylda buýsançly derejä eýe bolan bu şäherde guralýan dabaralar, baý mazmunly çäreler diňe bir ýurdumyzyň däl, tutuş Türki dünýäsiniň taryhyna hem altyn harplar bilen ýazylýar.

4 Iýun 2024

Çalsana, bagşy!

Ýakynda Türkmenistanyň Prezidentiniň «Türkmeniň Altyn asyry» atly baýragyny almak ugrundaky bäsleşigiň çäginde ýurdumyzyň dutarçy bagşy-sazandalarynyň arasynda yglan edilen «Çalsana, bagşy!» atly bäsleşigiň welaýat tapgyry guramaçylykly geçirildi. Änew şäherindäki Medeniýet öýünde geçen bäsleşigiň nobatdaky tapgyryna gatnaşan bagşy-sazandalaryň zehin-başarnyklaryny, ussatlyklaryny görkezmegi üçin ähli şertler döredildi. Berkarar döwletiň täze eýýamynyň Galkynyşy döwründe halkymyzyň baý geçmiş mirasyny, dutar ýasamak senetçiligini, dutarda ýerine ýetirijilik, bagşyçylyk sungatyny geljekki nesillere ýetirmek we dünýäde giňden wagyz etmek, halypa-şägirtlik däplerini pugtalandyrmak, şeýle-de täze zehinleri ýüze çykarmak babatdaky uly ähmiýete eýe bolan döredijilik bäsleşigi özboluşly sungat baýramçylygyna öwrüldi. Onuň barşynda bäsdeş bagşy-sazandalar türkmen halk aýdym-sazlaryny, mukamçy kompozitorlaryň döreden eserlerini ýerine ýetirmek boýunça başarnygyny aýan etdiler.

4 Iýun 2024

Edebi we ebedi gatnaşyk

Azerbaýjan Respublikasynyň milli Ylymlar akademiýasynyň Nyzamy Genjewi adyndaky Edebiýat institutynyň bölüm müdiri, filologiýa ylymlarynyň doktory Tohfe Talibowa ýakynda paýtagtymyzda Magtymguly Pyragynyň doglan gününiň 300 ýyllygy mynasybetli geçirilen halkara ylmy maslahata gelende «Azerbaýjan — Türkmenistan edebi gatnaşyklary. 1912-2022-nji ýyllar» atly kitabyny sowgat getirdi. Dürli ýyllarda, esasan hem, Garaşsyzlyk ýyllary içinde azerbaýjan we türkmen alymlary iki dostlukly halkyň edebi gatnaşyklaryny ösdürmekde uly hyzmatlary bitirdiler. Kitap şeýle gatnaşyklaryň ylmy seljermeleriniň beýany bolup, onda Magtymguly Pyragynyň edebi mirasyny öwrenmekde azerbaýjan alymlarynyň alyp baran köpugurly işlerine-de syn berilýär. Uzak ýyllaryň ylmy gözlegleriniň netijesini özünde jemleýän bu kitap türkmen magtymgulyşynaslarynda hem uly gyzyklanma döreder diýip umyt edýäris.

30 Maý 2024

«Aşgabadyň» joşguny

Aşgabat şäher häkimliginiň «Aşgabat» döredijilik topary ýurdumyzda bellenilýän baýramçylyklara, festiwallara, daşary döwletlerde geçirilýän Medeniýet günlerine işjeň gatnaşýar. «Aşgabat» döredijilik topary 2008-nji ýylyň 20-nji iýunynda döredildi. 2009-njy ýylyň 28-nji dekabrynda durky täzelenip ulanylmaga berlen «Watan» kinokonsert merkezinde «Aşgabat» orkestri, tans topary üçin işlemäge, aýdymçylar üçin ses ýazgylaryny etmäge ähli mümkinçilikler döredilendir. 2011-nji ýyldan häzirki wagta çenli «Aşgabat» orkestrine Türkmenistanyň sungatda at gazanan işgäri Töre Orazgeldiýew ýolbaşçylyk edýär. Ol «Mähriban», «Pyragy», «Bagtyýarlyk nagşy» ýaly sazlary döretdi, şeýle hem türkmen halk sazlary «Dag arman», «Neýläýin», «Bady-sabany görsem», «Ýar-ýar», «Balsaýat» ýaly eserleri täzeden işläp, konsertlerde, medeni-köpçülikleýin çärelerinde orkestr bilen bilelikde ýerine ýetirýär.

30 Maý 2024

Arkadagdan arkaly nesiller

Halylmyrat Kakadurdyýew şu ýyl Gulbaba adyndaky çagalar baýragynyň eýesi bolmagy başardy. «Garaşsyzlygyň merjen däneleri» bäsleşiginiň Ahal welaýat tapgyrynda bolsa abraýly orna mynasyp boldy. Bary-ýogy ikinji synp okuwçysyny köpüň içinden parhlandyryp öňe çykaran zat nämekä?! Ýiti zehin. Halylmyradyň üç-dört ýaşlaryndaky aýdan aýdymlarynyň şekilli ýazgysyna tomaşa etmeseň, ikirjiňlenäýmede biçem däl. Öýlerinde raýyna garalýan çagadygyny görseňiz bilersiňiz. Saz gurallary diýjekmi, abzallaşdyrylan otag diýjekmi... Kakasy Çarymyrat bilen ejesi Aýjeren balalarynyň arzuwlarynyň wysala gowuşmagy üçin ellerinden gelenini edýärler. Bu işde has-da Aýjeren janypkeş. Onuň aýdyşyna görä, Akgoňur obasyndaky toýlarda ogluna aýdym aýtdyrmak üçin toýuň ahyrlaryna garaşan gezekleri kän eken. Halylmyradyň aýdym aýdyp bilmedik toýlaryndan kes-kelläm gaýtmajak bolşuna-da köp gezek şaýat bolan. Aýjeren şu zatlary gürrüň berýärkä, Gahryman Arkadagymyza, Arkadagly Gahryman Serdarymyza alkyşly sözlerini gaýta-gaýta dile getirýär. Onuňam sebäbi bar. Dogabitdi şikesliräk çaganyň ugruna köpräk seredilegen bolýar. Maşgaladaky iki ogluň kiçisi Halylmyrat şolaryň biri. Arkadag şäherindäki Gurbanguly Berdimuhamedow adyndaky Howandarlyga mätäç çagalara hemaýat bermek boýunça haýyr-sahawat gaznasynyň hasabyna saglygyny dikeldýänçä, ýaşajyk aýdymçynyň naharyny hem agzyna tutduryp iýdiripdirler. Çemçe,

30 Maý 2024

«Keşdeçilik sungaty – mirasymyň zynaty» atly wagyz-nesihat çäresi geçirildi

Şu gün paýtagtymyzyň Türkmen döwlet neşirýat gullugynyň Neşirýat-çaphana orta hünär okuw mekdebinde «Keşdeçilik sungaty – mirasymyň zynaty» atly talyp gyzlarynyň arasynda terbiýeçilik ähmiýetli wagyz-nesihat çäresi geçirildi. Bu geçirilen maslahata Aşgabat şäheriniň 109-nji çagalar bagynyň terbiýeçi we usulyýetçisi mähriban ene Gülnar Gaýirowa, 132-nji ýöriteleşdirilen orta mekdebiniň başlangyç mugallymy mähriban ene Ogultäç Babaýewa, Türkmenistanyň at gazanan medeniýet işgäri Oguljemal Çaryýewa şeýle hem Neşirýat-çaphana orta hünär okuw mekdebiniň mugallymy Güljan Ýusupowa we okuw mekdebiň talyplary gatnaşdylar.

29 Maý 2024

Milli gymmatlyklara buýsanç

26-njy maýda paýtagtymyzda her ýylyň maý aýynyň soňky ýekşenbesinde bellenilýän Türkmen halysynyň baýramy mynasybetli haly we haly önümleriniň sergisi hem-de Türkmen halyşynaslarynyň bütindünýä jemgyýetiniň XXIV mejlisi geçirildi. Dabaraly çäreleriň öňüsyrasynda Türkmen halysynyň milli muzeýinde sergi guraldy. Onuň çäklerinde haly sungatynyň nusgawy we döwrebap görnüşleri görkezildi. Muzeý bilen ýanaşyk meýdançada ýaýbaňlandyrylan obanyň her bir künjeginde halyçylaryň döredijilikli zähmeti, haly dokalyşynyň yzygiderliligi şöhlelendirildi. Döredijilik toparlarynyň çykyşlary Türkmen halysynyň milli muzeýinde emele gelen baýramçylyk şatlygyny artdyrdy. Hemmeler hormatly Prezidentimiz Serdar Berdimuhamedowyň dabara gatnaşyjylara iberen Gutlagyny uly üns bilen diňlediler. Nepisligi, inçeligi, ýüpek ýaly ýumşaklygy, dürli öwüşginli lowurdysy, gözüňi gamaşdyrýan owadanlygy bilen göreni haýrana goýýan halylarymyzda halkymyzyň ähli ajaýyp häsiýetleri, milli aýratynlyklary, diline, sungatyna, asylly däp-dessurlaryna bolan egsilmez söýgüsi jemlenendir diýip, döwlet Baştutanymyz Gutlagynda nygtaýar.

29 Maý 2024

Dürler hazynasy

Golaýda Aşgabat şäher häkimliginiň mejlisler zalynda Gurluşyk we senagat toplumynyň guramagynda Magtymguly Pyragynyň doglan gününiň 300 ýyllygy mynasybetli çap edilen «Magtymguly» atly täze kitabyň aýdym-sazly tanyşdyrylyş dabarasy geçirildi. Dabara Türkmenistanyň Senagat we gurluşyk önümçiligi ministrliginiň garamagyndaky kärhanalaryň işgärleri, şeýle hem medeniýet we sungat ussatlary gatnaşdylar. Aýdym-sazly dabarada çykyş edenler kitabyň ähmiýeti dogrusynda giňişleýin gürrüň etdiler. Dabaranyň dowamynda belentden ýaňlanan aýdym-sazlarda Gahryman Arkadagymyza, Arkadagly Gahryman Serdarymyza hoşallyk owazlary belentden ýaňlandy.

29 Maý 2024

El hünäri il gezer

Güneşli ýurdumyzda Türkmenistanyň Konstitusiýasynyň we Döwlet baýdagynyň gününiň toý-baýramçylyklara, şanly dabaralara we taryhy wakalara sepleşmegi ildeşlerimiziň her biriniň göwnüni ganatlandyrdy, ruhuny tug deýin belende göterdi. Şol dabaralary ýatlap, kalbyňa dolan şatlygyň, buýsanjyň barada söz açmagam, söhbet etmegem ýakymly. Baýramçylyk günlerinde hormatly Prezidentimiziň Hytaýyň Halk syýasy konsultatiw geňeşiniň Ählihytaý komitetiniň Başlygynyň orunbasary bilen duşuşmagy, şeýle-de paýtagtymyzda «Türkmen-hytaý zenanlarynyň dünýäsi» atly maslahatyň geçirilmegi hakydamyza we ruhy dünýämize täsirli duýgulary bagyşlady. Türkmenistan bilen Hytaý Halk Respublikasynyň arasynda ýola goýlan özara bähbitli hyzmatdaşlyklar, hoşniýetli gatnaşyklar iki halkyň bähbidine hyzmat etmek bilen, dost-doganlygyň, ylalaşyklylygyň we ynanyşmagyň binýadyny berkidýär. «Türkmen-hytaý zenanlarynyň dünýäsi» atly maslahatyň öň ýanynda Gahryman Arkadagymyzyň maşgalasy, hormatly Prezidentimiziň käbesi Ogulgerek Berdimuhamedowa Hytaýyň Halk syýasy konsultatiw geňeşiniň Ählihytaý komitetiniň Başlygynyň orunbasary Şen Ýueýue bilen söhbetdeş bolup, türkmen we hytaý halklarynyň asyrlaryň jümmüşinden gözbaş alýan medeni-ynsanperwer gatnaşyklary barada pikir alyşmaklary, şeýle-de Milli Liderimiziň agtyjagy Aýjereniň öz ýürek mahrini siňdirip, ýerine ýetiren el işini myhmandan HHR-iň Başlygy Si

29 Maý 2024

Döwrüň döredijilik güýji

Milli medeniýetiň gülleýän ýurdy Ähli döwürlerden, asyrlardan aşyp, müňlerçe ýyllyk taryhy ýoly geçip gelýän medeniýet, sungat ynsan kalbyna ýakyn ruhy gymmatlyklaryň biridir. Arkadagly Gahryman Serdarymyzyň: «Berkarar döwletiň täze eýýamynyň Galkynyşy döwründe biz medeniýeti, sungaty, edebiýaty ösdürmäge we döredijilik işgärleriniň işlemekleri, döwrebap eserleri döretmekleri üçin şertleri döretmäge uly ähmiýet berýäris. Medeniýet ulgamynyň kämilligi jemgyýetiň kämilligidir!» diýip belleýşi ýaly, medeniýet jemgyýetiň we döwletiň döredijilik güýjüdir, kuwwatydyr.

29 Maý 2024

Müňýyllyklaryň owazy

Gadymy Änew medeniýeti halkymyzyň taryhyny we medeniýetiniň özboluşlylygyny öwrenmekde aýratyn ähmiýete eýedir. Çünki gadymy şäherde irki döwürlerde ekerançylygam, binagärligem, medeniýetem gülläp ösüpdir. Muňa taryhy tapyndylar şaýatlyk edýär. Ak bugdaýyň ilkinji ýetişdirilen, öküziň, atyň, düýäniň we beýleki ýabany haýwanlaryň eldekileşdirilen mekany bolandygy baradaky maglumatlar, XV asyrda bina edilen Seýit Jemaleddin metjidiniň binagärlik aýratynlyklary munuň subutnamasydyr. Şäheriň «Änew medeniýeti» ady bilen meşhur bolan şöhratly taryhy dünýäniň belli alymlarynyň, taryhçylarynyň, arheologlarynyň ünsüni özüne çekýär. Arkadagly Gahryman Serdarymyzyň «Änew — müňýyllyklardan gözbaş alýan medeniýet» atly kitaby gadymy şäheriň geçmişi hem-de uly ösüşleri başdan geçirýän häzirki günleri baradaky gyzykly gürrüňleri, baý maglumatlary özünde jemleýär. Bu ajaýyp kitap müňýyllyklaryň owazy bolup, kalbyňda ýer edýär, şanly taryhymyza, ata-babalarymyzyň şöhratly ýoluna buýsanç döredýär. Hormatly Prezidentimiz ajaýyp kitabynda: «2024-nji ýylda Änew şäheri — «Türki dünýäsiniň medeni paýtagty». 2024-nji ýyl — «Pähim-paýhas ummany Magtymguly Pyragy» ýyly. Bu şanly wakalaryň gerimi giňden tutulýar. Bu başlangyçlar täze gözýetimleri açar, täze maksatlara badalga berer. Pähim-paýhasyň ebediligini taryhyň mysalynda ýene bir gezek dabaralandyrar, ony dünýä ýaýar» diýip belläp geçýär. Bilşimiz

29 Maý 2024

Taryhymyzy, medeniýetimizi wagyz edýäris

Biz döretmäge, gurmaga ähli şert-mümkinçilikler bolan ajaýyp döwürde ýaşaýarys. Merdana ata-babalarymyz hem taryhyň dowamynda dünýäniň çar künjeginde ençeme döwletleri gurupdyr. Dilini, dinini, ahlak gymmatlyklaryny yzygiderli kämilleşdiripdir. Beýik Ýüpek ýolunyň çatrygynda ýerleşen Diýarymyzyň üstünden alys illere kerwenler geçip, şolar bilen söwda-satyk işleri üçin giden ildeşlerimiz uzak ýurtlardaky milletleriň medeniýetini öwrenipdirler. Şonuň bilen birlikde, öz medeniýetimizem dünýä ýaýylypdyr. Elbetde, şunda kitaplaryň we kitaphanalaryň orny hem ýokary bolupdyr. Şöhratly geçmişimizi, pederlerimiziň gahrymançylykly ýollaryny, taryhymyzy içgin öwrenmekde kitaphanalaryň hyzmaty hemişe-de zerurdyr. Biz — kitaphana işgärleri şöhratly taryhymyzy, ata-babalarymyzyň arkama-arka dowam edip gelýän ýol-ýörelgelerini, däp-dessurlaryny wagyz etmekde tagallalarymyzy gaýgyrmaýarys. Wagyz işlerinde Gahryman Arkadagymyzyň we Arkadagly Gahryman Serdarymyzyň döwet-galamyndan çykan ajaýyp eserleri esasy gollanmalarymyz bolup durýar. Kitaphanamyzyň okyjylary bilen duşuşyklary hem yzygiderli geçirýäris. Okyjylarymyzyň aglaba bölegi bolsa ýaşlar bolup, şeýle çäreler olarda uly täsirleri galdyrýar.

29 Maý 2024

Zergärleriň bäsleşigi

Änew şäherindäki Medeniýet öýünde “Zerim bar, zergärim bar, bagtyýar zamanam bar” atly bäsleşiginiň welaýat tapgyry geçirildi. Türkmenistanyň Kärdeşler arkalaşyklarynyň Milli merkezi, Türkmenistanyň Zenanlar birleşiginiň Merkezi Geňeşi hem-de Birleşen Milletler Guramasynyň Bilim, ylym we medeniýet boýunça guramasynyň (ÝUNESKO) işleri barada Türkmenistanyň Milli toparynyň Sekretariaty tarapyndan zergärçilik bilen meşgullanýan ildeşlerimiziň, edara-kärhanalaryň işgärleriniň, höwesjeň zenanlaryň we talyp ýaşlaryň arasynda yglan edilen bäsleşigiň nobatdaky tapgyryna ildeşlerimiz höwesli gatnaşdy. Berkarar döwletiň täze eýýamynyň Galkynyşy döwründe türkmeniň zergärçilik sungatynyň milli aýratynlygyny, zergärleriň milli mirasymyzyň gymmatlyklaryna sarpasyny açyp görkezmek, zergäriň döredijilik ukyp-başarnygyny ýüze çykarmak, zergärçilik sungatyna höwesini ýokarlandyrmak, şeýle-de ýaşlarda zähmetsöýerligi ösdürmek maksady bilen geçirilen bäsleşik şertleriň birnäçesinden ybarat boldy. Şoňa laýyklykda, bäsdeşler senetçiligiň nesilden nesle geçip gelýän däpleri, zergärçilik sungatyna degişli işleriň özboluşly aýratynlygy barada gürrüň berdiler, zergärçilik işiniň bir bölegini ýerine ýetirmekde başarnygyny görkezdiler, öz döreden zergärçilik işini labyzly okan goşgudyr gazalynyň, ýerine ýetiren aýdymynyň üsti bilen wasp etdiler.

29 Maý 2024

Gadymy topragyň şöhraty

Halkymyzyň aňyrsyna göz, tarypyna söz ýetmeýän baý taryhy, gaýtalanmajak medeni-mirasy, bahasyna ýetip bolmajak gymmatlyklary bar. Berkarar döwletiň täze eýýamynyň galkynyşy döwründe Milli Liderimiz Gahryman Arkadagymyzyň, Arkadagly Gahryman Serdarymyzyň parasatly baştutanlygynda şöhratly taryhymyzyň şaýady bolan gadymy ýadygärliklerimiziň, milli medeniýetimiziň umumadamzat gymmatlygy hökmünde ykrar edilmegi ugrunda giň gerimli işler alnyp barylýar. Taryhyň taryply ýollarynda möhüm orny eýeleýän gadymy Änew şäherimiziň 2024-nji ýylda «Türki dünýäsiniň medeni paýtagty» diýlip yglan edilmegi milli gymmatlyklarymyzy dünýä ýaýmak boýunça alnyp barylýan işleriň buşlukçysy bolup ýüreklere doldy.

28 Maý 2024

Mukaddes köpri

Türkmen milli medeniýeti umumadamzat gymmatlygynda mynasyp orun alýar. Medeniýet halklaryň özara düşünişmeklerinde, ynanyşmaklarynda, ählumumy parahatçylygyň hatyrasyna hyzmatdaşlyk etmeklerine ýardam berýär. Bu diplomatiýa hormatly Prezidentimiziň hem-de Gahryman Arkadagymyzyň daşary döwletlere saparlarynyň çäklerinde geçirilýän medeni meýilnamalarda, dürli halkara forumlarda milli mirasymyzyň gymmatlyklary bilen tanyşdyrýan sergilerde, ýurduň medeni durmuşyndaky möhüm çäreleri halkara derejesinde belläp geçmekden başlap, däbe öwrülip galan medeni çärelere çenli dürli görnüşde ýüze çykýar. Şeýlelikde, medeniýet ulgamy halklaryň hem nesilleriň arasyndaky mukaddes köprä öwrülýär. Ine, 17-nji maýda paýtagtymyzda beýik akyldar şahyr Magtymguly Pyragynyň doglan gününiň 300 ýyllygy mynasybetli guralan dabaralaryň çäginde geçirilen «Türkmen-hytaý zenanlarynyň dünýäsi» atly maslahatda hem medeniýetleriň özboluşly sazlaşygy esasy ugur hökmünde öňe çykdy. Bu maslahata Hytaýyň Halk syýasy konsultatiw geňeşiniň Ählihytaý komitetiniň başlygynyň orunbasary hanym Şen Ýueýueniň ýolbaşçylygyndaky hytaý wekiliýeti gatnaşdy. Geçen ýylyň 18-nji oktýabrynda Gahryman Arkadagymyzyň Hytaý Halk Respublikasynyň Başlygynyň çakylygy boýunça «Bir guşak, bir ýol» III ýokary derejeli maslahatyna gatnaşmagy bu ugurdaky özara hyzmatdaşlyga täze öwüşgin çaýypdy. Şol iş saparyň barşynda Gahryman Arkadagymyzyň m

28 Maý 2024

Akyldar Pyraga belent sarpa

Watanymyzyň taryhyna altyn harplar bilen ýazylýan «Pähim-paýhas ummany Magtymguly Pyragy» ýylynyň milli we halkara ähmiýetli şanly wakalary bizi täze menzillere, belent maksatlara ruhlandyrýar. Hormatly Prezidentimiziň gatnaşmagynda Gündogaryň beýik akyldary we nusgawy şahyry Magtymguly Pyragynyň paýtagtymyzyň şähergurluşyk keşbine gözellik goşýan, halkymyzyň söz sungatyna, pähim-paýhasa goýýan belent sarpasyny şöhratlandyrýan ýadygärliginiň we «Magtymguly Pyragy» medeni-seýilgäh toplumynyň açylmagy şanly ýylymyzyň esasy wakalarynyň biri boldy. Medeni-seýilgäh toplumynda daşary ýurtly ýazyjy-şahyrlaryň, akyldarlaryň hem heýkelleriniň oturdylmagy bolsa, halklaryň arasynda dost-doganlyk köprüleriniň berkidilýändiginiň özboluşly güwäsine öwrüldi. Bu şanly waka 2024-nji ýylda beýik şahyr Magtymguly Pyragynyň doglan gününiň 300 ýyllygyna bagyşlanyp, Türkmenistanda we halkara derejede geçirilýän dabaralaryň özboluşly dowamaty bolup durýar. Dana Pyragynyň edep-terbiýe, ylym-bilim, ahlak, çaga terbiýesi, ula hormat, kiçä sarpa, ynsanperwerlik, dost-doganlyk, gahrymançylyk, watançylyk, milli döwletlilik ýaly pelsepewi garaýyşly şygyrlary bütin adamzadyň genji-hazynasyna öwrüldi.

28 Maý 2024

Hoş owazlar ýaňlandy

Golaýda Maýa Kulyýewa adyndaky Türkmen milli konserwatoriýasynda Ahal welaýat ýörite sungat mekdebiniň mugallymlarynyň hem-de talyplarynyň bilelikdäki konserti geçirildi. Konsert mekdebiň gyzlar hor toparynyň şahyr G.Ezizowyň sözlerine, kompozitor N.Halmämmedowyň sazyna döredilen «Uçuň, durnalar» atly aýdymy bilen açyldy. Soňra üflenip we kakylyp çalynýan saz gurallary ansambly kompozitor D.Hydyrowyň «Elwan güller», kompozitor A.Mätiýewiň «Serhetçiler marşy» atly sazlary bilen dowam etdi. Skripkaçylar topary bolsa, rus kompozitory N.А.Rimskiý-Korsakowyň «Şahrizada» atly sazyny çaldylar. Mekdebiň aýdym aýtmak sungaty bölüminiň 2-nji ýyl talyby Muhammet Şamyradow halk aýdymy «Göwnüm seni», halk saz gurallary bölüminiň 4-nji ýyl talyby Saparmyrat Ataýew Magtymguly Pyragynyň sözlerine döredilen «Uýat eýleýir», «Armanym galdy» atly aýdymlary ýerine ýetirdiler.

28 Maý 2024

Meşhurlyga eýe bolan eser

Beýik britaniýaly ýazyjy Joan Roulingiň jadygöý oglanjyk — Garri Potteriň hem-de onuň dostlarynyň başdan geçirenleri baradaky eserler ýygyndysy dünýäde iň meşhur kitaplaryň biridir. Ýazyjy ýygyndynyň ilkinji kitabyny 1995-nji ýylda ýazyp tamamlady. Maglumatlara görä, 2018-nji ýyla çenli bu ýygyndy dünýäniň 80 diline terjime edilip, 500 milliondan gowrak nusgasy satylypdyr. Bu eserler ýygyndysy «Tiz wagtda satylan iň köp nusgaly kitap» hökmünde Ginnesiň rekordlar kitabyndan orun aldy. Kitapda beýan edilýän Garri Potter hem-de onuň dostlary Ron Uizli we Germiona Greýnjer Hogwarts atly jadygöýler mekdebinde okaýarlar. Olar jadygöýligiň garaňky güýçlerine uýýan, hemmäni we jadyny öz hökmürowanlygyna geçirmek isleýän Wolan-de-Morta garşylyk görkezýärler. Eserde hyýaly dünýä, jadygöýler mekdepleriniň okuwçylarynyň arasyndaky bäsdeşlik, dostlaryň arasyndaky wepalylyk, agzybirlik, başarjaňlyk, ýaşlaryň durmuşy, ýamanlyk bilen ýagşylyk mowzugy ökdelik bilen açylypdyr.

28 Maý 2024

Halypa hatyrasy

Golaýda Akdepe etrabynyň çagalar sungat mekdebinde Türkmenistanyň halk bagşysy Bally Mätgeldiýewiň doglan gününiň 85 ýyllygy mynasybetli aýdym-sazly dabara geçirildi. Dabarada halypanyň ogly, dessançy bagşy Otuz Mätgeldiýew öz kakasynyň durmuş we sungat ýoly barada gürrüň berip, onuň şu mekdepde zähmet çekip, birnäçe şägirtleri ýetişdirendigini buýsanç bilen belledi. Mekdebiň halypa mugallymlaryndan we okuwçylaryndan düzülen bagşylar topary türkmen halk aýdymlaryny, dessanlardan bölekleri ýerine ýetirdiler. Şeýle-de, dabarada halypa bagşynyň aýdan aýdymlarynyň ýazgylary eşitdirildi.

28 Maý 2024

‹
1
2
...
20
21
22
23
24
25
26
...
271
272
›