"Türkmen sporty" gazeti

Esaslandyryjysy: "Türkmen Sporty" gazetiniň redaksiýasy
Salgysy: Aşgabat şäheri, 1995-nji köçe 66 jaýy
Telefon belgileri: 22-33-91, 22-33-72

Gazeti PDF görnüşinde ýükläp almak

Habarlar

Hünärmenleri taýýarlamak — döwletiň intellektual kuwwatyny artdyrmagyň möhüm şerti

Aşgabat, 15-nji iýul (TDH). Şu gün ýurdumyzyň ýokary we orta hünär okuw mekdeplerinde dalaşgärlerden resminamalary kabul etmek möwsümi başlandy. 12-nji iýulda geçirilen Ministrler Kabinetiniň giňişleýin mejlisinde hormatly Prezidentimiz Serdar Berdimuhamedow Buýruga gol çekdi. Resminama laýyklykda, 2024-nji ýylda Türkmenistanyň ýokary okuw mekdeplerine welaýatlar, Aşgabat we Arkadag şäherleri boýunça okuwa kabul etmegiň, şeýle-de orta hünär okuw mekdeplerine okuwa kabul etmegiň meýilnamalary tassyklanyldy. Okuwa kabul etmegi 2024-nji ýylyň 15-nji iýuly — 26-njy awgusty aralygynda guramak, okuwa kabul etmek boýunça giriş synaglaryny ýokary we orta hünär okuw mekdepleriniň ýerleşýän ýerinde geçirmek bellenildi. Bu möhüm möwsümiň talabalaýyk geçirilmegini üpjün etmek maksady bilen, döwlet Baştutanymyz 2024-nji ýylda Türkmenistanyň ýokary we orta hünär okuw mekdeplerine okuwa kabul etmek boýunça döwlet toparynyň düzümini tassyklamak hakynda Buýruga hem gol çekdi. Resminama laýyklykda, Döwlet toparyna 2024-nji ýylda Türkmenistanyň ýokary we orta hünär okuw mekdeplerine okuwa kabul etmäge guramaçylyk-usulyýet taýdan ýolbaşçylyk etmek we onuň bellenen tertipde geçirilmegini guramak tabşyryldy. Welaýatlaryň, Aşgabat we Arkadag şäherleriniň häkimlikleri Türkmenistanyň ýokary, orta hünär okuw mekdeplerine okuwa kabul etmek boýunça iş toparlarynyň talabalaýyk işlemegi üçin zerur şe

16 Iýul 2024

Syýasat

Oba hojalyk pudagynyň netijeli ösdürilmegi azyk bolçulygyny üpjün etmegiň binýadydyr

Berkarar döwletiň täze eýýamynyň Galkynyşy döwründe daýhanlaryň öndürijilikli zähmet çekmekleri, toprakdan bol hasyl almaklary üçin giň mümkinçilikler döredilýär. Türkmenistanda durmuşa geçirilýän giň gerimli oba hojalyk özgertmeleriniň esasy maksady daýhanlaryň yhlasy bilen bol hasyl eçilýän türkmen topragynyň mümkinçiliklerinden netijeli peýdalanmakdan, ýurdumyzda azyk bolçulygyny döretmekden we pudagy has-da ösdürmekden ybaratdyr. Döredijilikli döwlet syýasaty ajaýyp zamananyň binýadyny goýdy. Onda pederlerimiziň wesýetleri, halkymyzyň milli däpleri häzirki zamanyň ruhy bilen sazlaşykly utgaşýar. Gahryman Arkadagymyz tarapyndan başy başlanyp, hormatly Prezidentimiziň baştutanlygynda üstünlikli dowam etdirilýän düýpli özgertmeler bugdaý ösdürip ýetişdirmekden başlap, ony gaýtadan işlemäge çenli ýurdumyzyň gallaçylarynyň ähli iş ugurlaryna öz oňyn täsirini ýetirýär. Şeýlelikde, ýurdumyzyň ussat gallaçylary şu ýyl Watan harmanyna 1 million 400 müň tonnadan gowrak bugdaý hasylyny tabşyryp, şertnamalaýyn borçnamalaryny üstünlikli ýerine ýetirdiler. Bu barada 12-nji iýulda geçirilen Ministrler Kabinetiniň giňişleýin mejlisiniň dowamynda hormatly Prezidentimiz Serdar Berdimuhamedowa habar berildi. Şeýle hem mejlisde birnäçe resminamalaryň taslamalaryna garaldy we döwlet durmuşynyň möhüm meseleleri ara alnyp maslahatlaşyldy. Bu ajaýyp zähmet üstünligi döwlet Baştutanym

16 Iýul 2024

Oba hojalyk

Röwşen geljegi nazarlaýan ösüşler

Şu ýylyň birinji ýarymynyň jemlerine bagyşlanyp geçirilen Hökümetiň giňişleýin mejlisinde berlen hasabatlar hormatly Prezidentimiz Serdar Berdimuhamedowyň baştutanlygynda ýurdumyzda innowasion ykdysadyýeti kemala getirmäge, maliýe durnuklylygyny üpjün etmäge hem-de eksport mümkinçiliklerini ýokarlandyrmaga gönükdirilen döwlet syýasatynyň üstünlikli durmuşa geçirilýändigini ýene bir gezek aýdyň görkezdi. «Pähim-paýhas ummany Magtymguly Pyragy» ýylynyň geçen alty aýynyň oňyn netijeleri diňe täze ösüşleri alamatlandyrman, eýsem, ýeneki möhüm wezipeleri hem öňde goýdy. Bu wezipeler ýyly üstünlikli jemlemek, geljek ýylda amala aşyryljak işleriň ygtybarly binýadyny goýmak ýaly asylly maksatlardan ugur alýar. Türkmenistanda syýasy, ykdysady we medeni ulgamlarda uly üstünlikleriň gazanylýandygy bu gün hemmä aýan. Amala aşyrylýan giň gerimli durmuş-ykdysady maksatnamalar we iri maýa goýum taslamalary ykdysadyýetimizi diwersifikasiýalaşdyrmaga, daşary ykdysady gatnaşyklary ösdürmäge, nyrhlaryň durnuklylygyny saklamaga, öňdebaryjy pudaklary häzirki zaman ýokary tehnologiýalary bilen üpjün etmäge mümkinçilik berýär. Hökümetiň giňişleýin mejlisinde berlen hasabatlardan görnüşi ýaly, bu çäreler şu ýylyň birinji ýarymynda ykdysadyýetimizi ösdürmäge gönükdirilen maýa goýumlaryň möçberini 20,8 göterim artdyrmaga ýardam etdi. Ösüş üçin döredilýän oňyn şertler, şol sanda halkara söw

16 Iýul 2024

Garaşsyzlyk

Guwandyryjy sepgitler, möhüm wezipeler

12-nji iýulda geçirilen Ministrler Kabinetiniň giňişleýin mejlisinde hormatly Prezidentimiziň beren tabşyryklaryny, öňde goýan möhüm wezipelerini ýerine ýetirmegiň meselelerine bagyşlanan pudaklaýyn maslahatlarda 2024-nji ýylyň birinji ýarymynda gazanylan netijelere syn berlip, ýurdumyzy mundan beýläk-de ösdürmegiň ýollary kesgitlenildi. Türkmenistanyň Mejlisinde geçirilen maslahatda döwletimiziň demokratik, hukuk we dünýewi esaslarynyň berkidilmegine, ykdysadyýetiň ýokary ösüş depginleriniň üpjün edilmegine, halkymyzyň durmuş derejesiniň ýokarlanmagyna gönükdirilen giň möçberli özgertmeleriň kanunçylyk binýadyny berkitmek bilen bagly meseleler ara alnyp maslahatlaşylyp, şunda kanunçylyk namalaryny döwrüň talaplaryna laýyklykda yzygiderli kämilleşdirip durmagyň zerurdygy nygtaldy.

16 Iýul 2024

Jemgyýet

Hil ulgamynyň laýyklyk güwänamasy

Jemgyýetçilik saglygy we iýmit merkeziniň işleriniň ýokary hilini görkezýär Golaýda Türkmenistanyň Saglygy goraýyş we derman senagaty ministrliginiň Döwlet arassaçylyk we keselleriň ýaýramagyna garşy göreşmek gullugynyň Jemgyýetçilik saglygy we iýmit merkezine hil ulgamynyň laýyklyk güwänamasy berildi. Munuň özi merkezde geçirilýän barlaghana-synag işleriniň «Hil menejmentiniň ulgamy» diýen ugur boýunça TDS ISO 9001 standartynyň bellenen talaplaryna laýyk gelýändigini tassyklaýar. Ýeri gelende, Arkadag şäheriniň bir ýyllygynyň bellenilen gününde «Arkadag Medisina Klasteri Menejment» kärhanasyna hem Türkmenistanyň sertifikatlaşdyryş ulgamy tarapyndan şeýle güwänamanyň berlendigini nygtamak ýakymlydyr.

16 Iýul 2024

Hyzmatdaşlyk

Kämillik menzillerinde

Berkarar döwletiň täze eýýamynyň Galkynyşy döwründe ýaşlaryň döwrebap bilim almagy, hünär saýlamagy, öz ukyp-başarnyklaryny yzygiderli ýokarlandyryp, öňde goýan maksatlaryny amal etmegi üçin ähli mümkinçilikler döredilýär. Munuň şeýledigine ýurdumyzyň ýokary okuw mekdepleri bilen bir hatarda, Türkmenistanyň Daşary işler ministrliginiň Halkara gatnaşyklary institutynyň düzüm gurluşynyň we okuw-terbiýeçilik işleriniň yzygiderli kämilleşdirilmeginiň mysalynda-da aýdyň göz ýetirmek bolýar. Häzirki döwürde öňde goýlan wajyp wezipeleriň biri hem halkara gatnaşyklar ulgamynda netijeli işläp biljek ýokary taýýarlykly hukukçylary ýetişdirmek bilen baglydyr. Bu babatda geljekki hünärmenleriň ykdysady diplomatiýanyň we halkara arbitraž hukugynyň inçe tärlerini ele almagy möhümdir. Şu jähetden ugur alnyp, institutymyzda halkara arbitraž we işewürlik hukugy boýunça taýýarlygyň täze magistr ugrunyň açylmagy bellenilmäge mynasypdyr. Bu ugur boýunça hünärmenler taýýarlanylanda, milli kanunçylygyň we halkara hukugyň binýatlyk kadalaryny, halkara söwda-ykdysady, maýa goýum hem-de işewürlik jedelleri ýüze çykan halatynda döwletiň bähbitlerini goramakda wajyp wezipelere aýratyn üns berler.

16 Iýul 2024

Garaşsyzlyk

Milli Liderimiziň eserleri — jemgyýeti öwreniş ylymlarynyň ilkinji çeşmesi

Milletiň asyl gymmatlyklary ýaşaýşyň ýörelgeleri hökmünde täze döwrüň durmuş filosofiýasyny kemala getirýär. Şol filosofiýa jemgyýetiň täzelenýän döwründe milli mirasy özleşdirmegiň ygtybarly guralydyr. Gahryman Arkadagymyz: «Men durmuşyň manysy barada söz açanymda, ony adamzadyň öz geljegine galdyrjak gymmatlyklary bilen bilelikde göz öňüne getirýärin» diýip, adamyň ýaşaýşynyň manysynyň onuň öz durmuşynda bitiren işlerindedigine ünsi çekýär. Milli Liderimiziň ylmy-filosofik eserlerinde adamyň kämil derejä çykmagy, öz bitiren işleri bilen ýaşaýan jemgyýetini, dünýäni gözelleşdirmegi, adamlar bilen düşünişip, haýyr işleri edip, ylalaşykly ýaşamagy baradaky pähim-paýhaslar jemlenendir. Hormatly Arkadagymyz Gurbanguly Berdimuhamedow baý durmuş we syýasy tejribä eýe bolup, öz pikirlerini aýdyň, düşnükli beýan edip bilýän syýasy Liderdir. Milli Liderimiziň ýazan kitaplary, ylmy-filosofik eserleri çuňňur mana eýe bolup, okyjylar üçin ylham çeşmesi bolup hyzmat edýär. Alym Arkadagymyz öz eserleriniň üsti bilen ýurduň ösüş ýoluny kesgitläp, adamlarda geljege bolan ynamy has-da berkidýär. Şol eserler geljekki hünärmenleriň ynsanperwer taýýarlygyny Türkmenistanda bolup geçýän şu günki özgerişlikler bilen baglanyşyklylykda kesgitläp, olarda beýan edilen pähim-paýhasa jemgyýetçilik ylymlaryny öwrenmegiň wajyp serişdesi hökmünde garamaga esas döredýär. Bu eserlerde ýokary okuw

16 Iýul 2024

Garaşsyzlyk

Daşkentde — türkmenistanyň milli sergisi

Düýn Daşkent şäherinde ýurdumyzda öndürilen dürli görnüşli önümleriň iki günlük sergisi öz işine başlady. «Türkmenistanda öndürilen» atly milli sergä ugurdaş ministrlikler, pudaklaýyn dolandyryş edaralary, hususyýetçiler öz diwarlyklary bilen gatnaşýarlar. Mälim bolşy ýaly, 28-nji iýunda sanly ulgam arkaly geçirilen Ministrler Kabinetiniň mejlisinde Söwda-ykdysady, ylmy-tehniki we medeni hyzmatdaşlyk boýunça bilelikdäki türkmen-özbek toparynyň 18-nji mejlisine, Türkmen-özbek işewürler geňeşiniň nobatdaky mejlisine gowy taýýarlyk görmek, şeýle hem ýurdumyzyň harytlarynyň milli sergisini guramaçylykly geçirmek babatda alnyp barylýan işlere üns çekilip, bu çäreleriň ýokary guramaçylyk derejesini üpjün etmek tabşyryldy. Daşkentdäki ýurdumyzyň milli sergisiniň açylyş dabarasynda bellenilişi ýaly, ýokary derejedäki duşuşyklarda we gepleşiklerde kabul edilýän çözgütlere, gazanylýan ylalaşyklara laýyklykda, Türkmenistan bilen dünýä döwletleriniň, şol sanda sebitiň ýurtlarynyň arasynda ýola goýulýan gatnaşyklar ösüşiň täze derejesine çykýar. Şunda Özbegistan Respublikasy bilen hyzmatdaşlygyň barha ilerledilýändigi, nobatdaky gözden geçirilişiň hem işewürlik ugurly türkmen-özbek gatnaşyklarynyň netijeli häsiýete eýe bolýandygyny äşgär edýändigi aýratyn nygtaldy.

16 Iýul 2024

Hyzmatdaşlyk

Abadan durmuşyň goragynda

Häzirki döwürde ýurdumyzda daşky gurşawy gorap saklamak, goýnunda gaýtalanmajak özboluşly biodürlüligi bolan gözel tebigata aýawly çemeleşmek boýunça maksatnamalaýyn we toplumlaýyn işler alnyp barylýar. Ýurdumyzda durnukly ykdysady ösüşi, ekologik abadançylygy üpjün etmekde, gözel tebigatymyzy we onuň haýwanat dünýäsini gorap saklamakda hem-de bütin özboluşlylygy bilen geljek nesillere ýetirmekde ýangyn howpsuzlygynyň talaplarynyň berjaý edilmegi wajypdyr. Çünki ýangyn hadysasy tebigata, onuň haýwanat dünýäsine öwezini dolup bolmajak zeper ýetirip bilýär. Ilkidurmuş döwürlerinden bäri adamlar ot diýen hadysa düşünmek, oňa erk etmek ýaly tejribeleri özleşdirip, kämilleşdirip, onuň bilen baglanyşykly jemgyýetçilik gatnaşyklaryny häzirki görnüşe getiripdirler. Ýangyn hadysasy adamyň jany we saglygy, eýeçiligi, daşky gurşawyň abadançylygy babatda juda howpludygy sebäpli, özi babatda ýyllaryň dowamynda gazanylan tejribä hem-de döwrebap bilimlere daýanýan çemeleşmäni talap edýär.

16 Iýul 2024

Jemgyýet

“Ýaşlaryň şäherindäki” hoş owazlar

Ýurdumyzda ýylyň-ýylyna zehinli aýdymçylaryň arasynda «Ýaňlan, Diýarym!» telebäsleşiginiň geçirilmegi indi asylly däbe öwrülip, ol hemişe-de sungaty söýüjileriň uly gyzyklanmasyna eýe bolýar. Golaýda «Ak şäherim Aşgabat» binasynyň öňündäki meýdançada onuň paýtagtymyz boýunça geçirilen tapgyry uly şatlyk-şowhuna, ruhubelentlige beslendi. Ýaňy-ýakynda bolsa Türkmenistanyň Prezidentiniň «Türkmeniň Altyn asyry» atly baýragyny almak ugrundaky bäsleşigiň çäklerinde höwesjeň aýdymçy ýaşlaryň arasynda yglan edilýän bu bäsleşik Milli Liderimiziň egsilmez yhlasy, Arkadagly Gahryman Serdarymyzyň taýsyz tagallalary bilen binýady berkden tutulan, sebitde deňi-taýy bolmadyk «akylly» şäherde — Arkadag şäherinde ilkinji gezek geçirildi. Bäsleşigiň Arkadag şäheri boýunça jemleýji tapgyry bu ýerdäki döwrebap binalaryň hatarynda şäheriň görküne görk goşup oturan Ruhyýet köşgüniň öňündäki giň meýdançada Türkmenistanyň Medeniýet ministrligi, Telewideniýe, radiogepleşikler we kinematografiýa baradaky döwlet komiteti hem-de Arkadag şäheriniň häkimligi tarapyndan guraldy. «Geljegiň şäheri», «ýaşlaryň şäheri» diýlip ykrar edilen bu ajaýyp künjekde sapaly tomsuň mylaýym şemally nurana agşamynda guralan dabarada ýerine ýetirilen hoş owazly aýdym-sazlar şäheriň ilersinde seleňläp oturan gojaman Köpetdagyň jülgelerine ýaň salyp, hemmelere ýatdan çykmajak täsirli pursatlary, ýakymly duýgulary

16 Iýul 2024

Medeniýet

Türkmen tansçylarynyň bursadaky üstünligi

Ýakynda Türkiýe Respublikasynyň Bursa şäherinde Türki medeniýetiň halkara guramasynyň (TÜRKSOÝ) we dostlukly ýurduň degişli düzümleriniň guramagynda «Altyn garagöz» atly halk tanslarynyň 36-njy halkara bäsleşigi geçirildi. Onda ýurdumyza wekilçilik eden «Türkmengaz» döwlet konserniniň Medeni-işewürlik merkeziniň «Galkynyş» tans, aýdym-saz, folklor topary ikinji baýrakly orna, kümüş kuboga we ýörite baýraga mynasyp boldy. Sungat ussatlarymyzyň üstünligi hormatly Prezidentimiziň baştutanlygynda ýurdumyzda medeniýet ulgamynyň ösdürilmegi ugrunda döredilýän giň mümkinçilikleriň ýene-de bir guwandyryjy netijesidir. 7 — 12-nji iýul aralygynda geçirilen halkara bäsleşige gatnaşan ýurdumyzyň döredijilik topary medeni forumyň düzgünnamasynda görkezilen şertler boýunça çykyşlary ýerine ýetirip, halkymyzyň özboluşly däp-dessurlaryny saz we tans sungatynda ussatlyk bilen görkezmegi başardy. Şöhratly taryhymyzy, milli ýörelgelerimizi şöhlelendirýän çykyşlar bäsleşige gatnaşyjylarda we emin agzalarynda turuwbaşdan uly täsir galdyrdy. Tansçylarymyzyň nepis nagyşlar bilen bezelen milli lybaslary, şaý-sepleri olaryň çykyşlaryna aýratyn öwüşgin çaýdy.

16 Iýul 2024

Medeniýet

Amul — Merw aralygyndaky kerwensaraýlar

Yklymlary birleşdiren Beýik Ýüpek ýoly gadymyýetde Merkezi Aziýanyň çäginde Amyderýanyň goşandy bolan Zerewşan derýasynyň ýokary akymlaryndan başlanyp, Täjigistanyň, Özbegistanyň we Türkmenistanyň çäklerinden geçipdir. Amul galasy bu üç ýurduň «Beýik Ýüpek ýoly: «Zerewşan — Garagum geçelgesi» atly bilelikdäki hödürnamasy esasynda ÝUNESKO-nyň Bütindünýä mirasynyň sanawyndan orun alan 31 sany taryhy ýadygärligiň biridir. Şu mynasybetli ýurdumyzda «Pähim-paýhas ummany Magtymguly Pyragy» ýylynyň 25-26-njy aprelinde «Gadymy Amul galasy: geçmişiň syrlarynyň goragçysy» atly halkara ylmy-amaly maslahat geçirildi. Ol Beýik Ýüpek ýolunyň ugrunda ýerleşen Amul galasynyň, Amul — Merw ugrundaky kerwensaraýlaryň taryhyny hem-de beýleki gadymy ýadygärliklerimizi öwrenmäge ylmy jemgyýetçiligiň ünsüni çekmekde hem möhüm ähmiýete eýe boldy. Orta asyrlarda Merkezi Aziýanyň iň möhüm şäherleri Amul hem-de Merw Beýik Ýüpek ýolunyň ugrunda ýerleşip, olaryň ilaty ussaçylyk, dokmaçylyk we bu önümleriň söwdasy bilen meşgullanypdyr. Bu barada Gahryman Arkadagymyz «Türkmenistan — Beýik Ýüpek ýolunyň ýüregi» atly eserinde: «Gündogardan Günbatara gidýän ýollaryň esasy ygtybarly geçelgesi, şeýle-de Buharadan Merwe barýan iň gysga ýol Amulyň üstünden geçipdir» diýip bellemek bilen, şol şäherleriň täjirleriň we söwda kerwenleriniň amatly geçelgesine hem-de güzergähine öwrülendigine ünsi çekýär.

16 Iýul 2024

Taryh

Çeper elleriň hünäri

Ýakynda Türkmenistanyň Zenanlar birleşiginiň Merkezi geňeşi, Kärdeşler arkalaşyklarynyň Milli merkezi hem-de ÝUNESKO-nyň işleri barada Türkmenistanyň milli toparynyň sekretariaty tarapyndan ýurdumyzyň çeper elli zenanlarynyň arasynda yglan edilen «Gülüň owadan!» atly bäsleşigiň Ahal welaýat tapgyry geçirildi. Bäsleşigiň Änew şäheriniň medeniýet öýünde guralan jemleýji tapgyryna welaýatyň dürli ýerlerinden çeper elli zenanlar gatnaşyp, türkmen milli keçesini taýýarlamakda, gadymy nagyşlary keçä salmakda ulanylýan usullar, keçe güllenilişi dogrusynda gürrüň berdiler. Olaryň keçe bilen baglanyşykly aýdan gyzykly maglumatlary, rowaýatlary, gazallary, aýdyşyklary çärä gatnaşyjylarda uly täsir galdyrdy. Ýaşlarda zenan edebini, tebigy gözelligi, türkmen zenanyna mahsus asylly gylyk-häsiýetleri terbiýelemekde, ýaş nesle milli gymmatlyklarymyza, ene-mamalarymyzdan galan ajaýyp el işlerine bolan höwesi artdyrmakda bu gadymy senediň uly ähmiýeti bardyr. Emin agzalarynyň biragyzdan gelen netijesine görä, Babadaýhan etrabyndan Ýazbibi Atageldiýewa birinji, Gökdepe etrabyndan Mähri Berdimuhamedowa ikinji, Tejen etrabyndan Jennet Wepaýewa üçünji orna mynasyp boldular. Ýeňijilere Kärdeşler arkalaşyklarynyň welaýat birleşmesiniň ýadygärlik sowgatlary gowşuryldy.

16 Iýul 2024

Jemgyýet

Ýaglar we saglyk

Her bir adamyň sagdyn iýmitlenmek tertibinde beloklar, uglewodlar bilen bir hatarda, ýaglaryň bolmagy hem wajypdyr. Ýöne şunda olaryň görnüşine we mukdaryna üns bermek zerurdyr. Ýaglaryň dürli görnüşleri bar. Tagam taýýarlananda olaryň haýsy görnüşiniň ulanylmalydygyny bilmek bedende artykmaç agramyň döremeginiň öňüni almakda möhüm şertleriň biridir. Tebigatda ýaglar ösümliklerden we mallardan alynýar. Mal ýaglary, adatça, gaty halda bolup, diňe balyk ýagy suwuk görnüşdedir. Ösümlik ýaglarynda hem kokos ýagy gaty görnüşde bolýar. Häzirki döwürde olary birleşdirip, täze görnüşli ýaglar-da alynýar. Olara spred ýaglar diýilýär. Spred — (spread — iňlisçeden terjime edilende çalma, süýndürme diýmek) ösümlik ýaglaryndan gelip çykan emulsion ýagly önüm bolup, onda umumy ýagyň mukdary 39 göterimden az bolmaly däl. Maýyşgak gurluşly, ereme temperaturasy 36 gradusdan ýokary däl. Spred margariniň bir görnüşi bolup, oňa başgaça «buterbrod ýagy», «kombinirlenen ýag», «ýeňil ýag» hem diýilýär. Adatça, spredlere mesge ýagynyň ysyny, tagamyny we reňkini berýän hoşboý ys berijiler goşulýar. Häzirki wagtda daşary ýurtlarda diňe ösümliklerden taýýarlanýan iýmit önümlerini ulanýanlaryň sanynyň artmagy bilen, spred ýaglaryna bolan isleg has-da ýokarlanýar.

16 Iýul 2024

Saglyk

Ministrler Kabinetiniň giňişleýin mejlisi

12-nji iýulda hormatly Prezidentimiz Serdar Berdimuhamedow Ministrler Kabinetiniň giňişleýin mejlisini geçirdi. Onda ykdysadyýetiň pudaklarynda şu ýylyň geçen alty aýynda alnyp barlan işleriň jemleri jemlenildi, ýurdumyzy durmuş-ykdysady taýdan ösdürmek boýunça kabul edilen maksatnamalaryň ýerine ýetirilişi ara alnyp maslahatlaşyldy. Şeýle hem ýolbaşçylary wezipä bellemek we wezipeden boşatmak bilen bagly meselelere seredilip, şu ýylyň ikinji ýarymynda öňde duran wezipeler kesgitlenildi. Ministrler Kabinetiniň Başlygynyň orunbasarlarynyň, käbir ýolbaşçylaryň, welaýatlaryň häkimleriniň hasabatlary diňlenildi. Hökümet mejlisine Türkmenistanyň Mejlisiniň wekilleri, Döwlet howpsuzlyk geňeşiniň agzalary, welaýatlaryň, Aşgabat, Arkadag şäherleriniň häkimleri, ýokary okuw mekdepleriniň rektorlary, gazet-žurnallaryň redaktorlary hem-de beýleki ýolbaşçylar çagyryldy.

15 Iýul 2024

Syýasat

1 million 400 müň tonnadan gowrak bugdaý hasyly alyndy

12-nji iýulda hormatly Prezidentimiz Serdar Berdimuhamedow Ministrler Kabinetiniň Başlygynyň oba hojalyk toplumyna gözegçilik edýän orunbasaryndan hem-de welaýatlaryň häkimlerinden ýurdumyzyň edermen gallaçy daýhanlarynyň bugdaý hasylyny ýetişdirmek boýunça şertnamalaýyn borçnamalaryny ýerine ýetirendikleri baradaky hasabatlary kabul etdi. «Oguz han» köşkler toplumynda geçirilen dabarada Diýarymyzyň welaýatlaryna wekilçilik edýän bagtyýar çagalaryň buýsançnamalary aýratyn joşgun bilen ýaňlandy. Dabarada milli ykdysadyýetimiziň sazlaşykly ösüş ýoluna düşen oba hojalyk pudagynyň hemmetaraplaýyn ösdürilmegi bilen baglanyşykly meselelere uly üns berýändigi, oba zähmetkeşleriniň durmuş derejesiniň ýokarlandyrylmagy, ýokary derejeli ýaşaýşy we öndürijilikli zähmeti ugrunda zerur şertleriň döredilýändigi üçin Arkadagly Gahryman Serdarymyza hoşallyk sözleri beýan edildi.

15 Iýul 2024

Syýasat

Çagalar hakyndaky alada

Golaýda Arkadag şäherindäki Gurbanguly Berdimuhamedow adyndaky çagalar sagaldyş-dikeldiş merkezinde bejergi alýan we saglyklaryny dikeldýän we Gökderede dynç alýan Döwletliler köşgüniň çagalaryna edermen gallaçylaryň gazanan ajaýyp zähmet ýeňşi mynasybetli hormatly Prezidentimiziň we Gahryman Arkadagymyzyň adyndan ýörite sowgatlar gowşuryldy. Dabaralaryň dowamynda çagalaryň çykyşlaryna giň orun berildi. Olaryň sazlaşykly ösüşi we sagdyn bolmaklary ugrunda yzygiderli alada edilýändigi üçin lukman Arkadagymyza, hormatly Prezidentimize hoşallyk sözlerini beýan etdiler. Çagalara ýörite sowgatlaryň gowşurylmagy dabaranyň ýatda galyjy pursatlara beslenendigini görkezýär.

15 Iýul 2024

Jemgyýet

Durmuş rowaçlygy

Ministrler Kabinetiniň giňişleýin mejlisinde milli ykdysadyýetiň pudaklarynda şu ýylyň geçen alty aýynda alnyp barlan işleriň jemleri jemlenilip, ýurdumyzy durmuş-ykdysady taýdan ösdürmek boýunça maksatnamalaryň ýerine ýetirilişi ara alnyp maslahatlaşyldy. Watanymyzyň mundan beýläk-de gülläp ösmegi, halkymyzyň bolelin durmuşda ýaşamagy babatda kabul edilen çözgütler ildeşlerimiziň ruhuny göterip, hoşallyk duýgularyny döretdi. Geçen anna güni geçirilen Ministrler Kabinetiniň giňişleýin mejlisinde ýurdumyzda «Pähim-paýhas ummany Magtymguly Pyragy» ýylynyň birinji ýarymynda edilen işlere, gazanylan üstünliklere mynasyp baha berlip, öňde durýan işler kesgitlenildi. Berlen hasabatlar hem durmuş ugurly özgertmeleriň barha rowaçlanýandygyny görkezdi. Şonuň bilen bir hatarda mejlisde il-halkymyzy begendiren hoş habarlaryň aýdylmagy ruhumyzy göterip, durmuşa, ýaşaýşa söýgimizi has-da artdyrdy. Şeýle habarlaryň hatarynda hormatly Prezidentimiziň 2025-nji ýylyň 1-nji ýanwaryndan başlap, zähmet haklaryny, pensiýalary, döwlet kömek pullaryny, talyp we diňleýji haklaryny 10 göterim ýokarlandyrmak hakynda Permana gol çekendigini, edermen daýhanlarymyzyň galla tabşyrmakda şertnamalaýyn borçnamalaryny üstünlikli ýerine ýetirendikleri baradaky habary eşitmegiň özi, gör, nähili ýakymly. Gazanylan zähmet ýeňşi mynasybetli Arkadag şäherindäki Gurbanguly Berdimuhamedow adyndaky çagalar sagaldyş-dik

15 Iýul 2024

Oba hojalyk

Mümkinçilikler döredijilikli peýdalanylýar

Dünýä jemgyýetçiligi bu gün şeýle bir hakykaty ykrar edýär: medeniýet we sungat, edebiýat össe, halkyň aňy-da, ýaşaýşy-da öser. Bu gün halkymyz maddy we ruhy mirasymyzy äleme ýaýmakda sanly ulgamyň şert-mümkinçiliklerini döredijilikli peýdalanýar. Aşakda getiren mysallarymyz biziň aýdýanlarymyzy tassyk etse gerek. turkmenmetbugat.gov.tm — Türkmen döwlet neşirýat gullugynyň saýty. Bu ýerde ýurdumyzda neşir edilýän gazetlerdir žurnallaryň elektron görnüşi goýulýar. Saýtda makalalardyr habarlar «Garaşsyzlyk», «Bitaraplyk», «Resmi habar», «Syýasat», «Hyzmatdaşlyk», «Ykdysadyýet», «Jemgyýet», «Medeniýet», «Miras», «Edebiýat», «Ylym», «Bilim», «Syýahatçylyk», «Taryh», «Sport», «Saglyk», «Maşgala», «Tehnologiýa», «Oba hojalyk», «Tebigat», «Ekologiýa», «Haýwanat dünýäsi», «Telekeçilik», «Bildirişler, bäsleşikler» atly bölümler boýunça ýerleşdirilýär. Bu saýtyň esasy artykmaçlygy okyjylar eýýäm gije sagat 00:00-da ertirki neşiriň PDF görnüşini öz şahsy el telefonyna ýa-da kompýuterine ýükläp bilýändiginden ybarat. Saýt öz işini «türkmenmetbugat» mobil goşundysy arkaly ýerine ýetirýär. Bu platformada ildeşlerimiz her günki täzeligi gyzgyny bilen okap, tanşyp bilýärler. Okyjylar bu goşundy arkaly «Merkezi gazet-žurnallara we welaýat gazetlerine», «Pudaklaýyn dolandyryş we beýleki edaralaryň garamagyndaky gazet-žurnallara» abuna ýazylyp bilýärler. «Türkmenmetbugat» işe

15 Iýul 2024

Tehnologiýa

Ýaş aýdymçylar bäsleşdi

12-nji iýulda Arkadag şäherinde Türkmenistanyň Prezidentiniň «Türkmeniň Altyn asyry» atly baýragyny almak ugrundaky bäsleşigiň çäklerinde höwesjeň aýdymçy ýaşlaryň «Ýaňlan, Diýarym!» telebäsleşiginiň Arkadag şäheri boýunça jemleýji tapgyry geçirildi. Ol ýurdumyzyň Medeniýet ministrligi, Türkmenistanyň Telewideniýe, radiogepleşikler we kinematografiýa baradaky döwlet komiteti, Arkadag şäheriniň häkimligi tarapyndan guraldy. Zehinli ýaş aýdymçylary döredijilik gözleglerine höweslendirmek ugrunda döredilýän ajaýyp mümkinçiliklerden ugur alyp, zehinli ýaşlary ýüze çykarmak hem-de türkmen halkynyň aýdym-saz hazynasyny baýlaşdyrmak maksady bilen geçirilen telebäsleşik ýokary derejede guraldy. Bäsleşige Sahy Jepbarow adyndaky Arkadag şäher ýörite sungat mekdebiniň, Berdimuhamet Annaýew adyndaky Arkadag şäher mugallymçylyk orta hünär okuw mekdebiniň, Aba Annaýew adyndaky Halkara atçylyk akademiýasynyň we beýleki okuw mekdepleriniň talyplary gatnaşdy.

15 Iýul 2024

Medeniýet