MAGTYMGULY PYRAGY SAZ ÄLEMINDE
Magtymguly Pyragy ajaýyp goşgulary bilen dünýä halklaryna tanalan şahyrdyr. Şahyryň döreden goşgulary saz äleminde-de mynasyp orny eýeleýär. Magtymguly Pyragynyň goşgularyny saza geçirmedik kompozitor, aýdym edip aýtmadyk bagşy ýokdur. Daňatar Öwezowyň «Halyma», «Bu derdi», Nury Halmämmedowyň «Yzlamaýan bolarmy», «Uýat eýleýir», «Näzli dildar», «Gözel Şirgazy», Çary Nurymowyň «Oýanmaz» aýdymlaryny, Suhan Tüýliýewiň üç bölümden ybarat «Dünýä, heý!» wokal toplumyny, daşary ýurt kompozitorlaryndan Genrih Držewskiniň «Näzli dildar» eserlerini mysal getirmek bolar.