Medeniýetimiz we sungatymyz halkymyzyň şöhratly taryhynda uly üstünlikleri gazandy, belent derejelere ýetdi, umumadamzat medeniýetine mynasyp goşandyny goşdy. Şonuň üçin hem, milli Liderimiziň belleýşi ýaly, adamzadyň ruhy-ahlak, edep ýörelgelerini, ynsanperwerligi, tämiz ruhy, sagdyn ahlagy ündeýän milli gymmatlyklarymyz, däp-dessurlarymyz buýsanmaga, taryp etmäge, dünýä ýaýmaga mynasypdyr.
Dünýäniň syýahatçylarynyň, jahankeşdeleriniň, medeniýeti we sungaty öwrenijileriň ünsüni özüne çekýän medeniýetimiz Berkarar döwletimiziň bagtyýarlyk döwründe ösüşlere beslenýär. Pederlerimizden miras galan däp-dessurlarymyzy ösdürmekde, milli medeniýetimize we sungatymyza hormat goýmakda Gahryman Arkadagymyz halkymyza nusgalyk görelde görkezýär.
