Sarahs etrap Medeniýet öýünde mukaddes Garaşsyzlygymyzyň şanly 30 ýyllygy mynasybetli ýurdumyzyň höwesjeň aýdymçylarynyň arasynda yglan edilen «Ýaňlan, Diýarym! — 2021» atly bäsleşigiň etrap tapgyry geçirildi. Oňa etrabyň dürli ýerlerinden aýdymçy ýaşlaryň 17-si gatnaşdy.
Bäsleşigiň düzgünnamasyna laýyklykda, aýdymçylaryň her biri öz başarnyklaryna görä iki aýdymy ýerine ýetirdiler. Olaryň biri türkmen halk aýdymyndan, beýlekisi täze taryhy döwrümizde amala aşyrylýan beýik işleriň waspy ýetirilýän aýdymdan ybarat boldy.
