"Standart, hil we howpsuzlyk" žurnaly

Esaslandyryjysy: Türkmen Standartlar maglumat merkezi
Salgysy: Aşgabat şäheri, Oguzhan köçesi 201-nji jaýy
Telefon belgileri: 39-25-76

Gazeti PDF görnüşinde ýükläp almak

Habarlar

Hoş habarlaryň ganatynda

Hökümetiň welaýat merkezimizdäki «Ruhyýet» köşgünde geçirilen göçme mejlisi Jeýhun ýakasynda ýaşaýan watandaşlarymyza hoş habarlaryň birnäçesini buşlady. Himiýa zawodynda täze önümçilik

16 Ýanwar 2021

Garaşsyzlyk

Eziz Diýar täze sepgitleri nazarlaýar

13-nji ýanwarda hormatly Prezidentimiz Gurbanguly Berdimuhamedow Ministrler Kabinetiniň Başlygynyň käbir orunbasarlarynyň, Ahal we Daşoguz welaýatlarynyň häkimleriniň hem-de ýurdumyzyň bilim ministriniň gatnaşmagynda sanly wideoaragatnaşyk arkaly iş maslahatyny geçirdi. Onuň dowamynda ýurdumyzy durmuş-ykdysady taýdan ösdürmek bilen baglanyşykly wezipelere hem-de döwlet durmuşyna degişli möhüm meselelere garaldy. Maslahatda häzirki döwürde ýerlerde alnyp barylýan işleriň ýagdaýy, ak ekinlere agrotehniki kadalara laýyk derejede ideg edilişi, şol birwagtyň özünde ýerleri we oba hojalyk tehnikalaryny ýaz ekişine taýýarlamak boýunça ýaýbaňlandyrylan giň möçberli çäreler barada hasabat berildi. Şeýle hem milli Liderimiz Gurbanguly Berdimuhamedowa Oba milli maksatnamasyndan gelip çykýan wezipeleri üstünlikli ýerine ýetirmek ugrunda degişli düzümleriň sazlaşykly işini üpjün etmek boýunça alnyp barylýan işler barada giňişleýin habar berildi. Milli Liderimiz Gurbanguly Berdimuhamedow «Türkmenistan — parahatçylygyň we ynanyşmagyň Watany» şygary astynda geçýän şu ýylda meýilleşdirilen ähli işleriň guramaçylykly geçirilmelidigine degişli ýolbaşçylaryň ünsüni çekdi. Döwlet Baştutanymyz ýerlerde alnyp barylýan oba hojalyk işleri baradaky gürrüňi dowam etmek bilen, ekerançylyk meýdanlarynyň suw bilen üpjünçiligi, ýerleriň melioratiw ýagdaýyny gowulandyrmak, şeýle hem ýaz ekişine taýýarlykly gi

15 Ýanwar 2021

Garaşsyzlyk

Dost-doganlyk hyzmatdaşlygynyň şanly sahypasy

14-nji ýanwarda Türkmenabatda Akina — Andhoý (Owganystan Yslam Respublikasy) menzilleriniň arasyndaky 30 kilometrlik demir ýoluň ulanmaga berilmegi, Kerki (Türkmenistan) — Şibirgan (Owganystan) ugry boýunça güýjenmesi 500 kilowolt bolan 153 kilometrlik elektrik geçiriji ulgamyň, şeýle hem ýurtlarymyzyň arasyndaky Ymamnazar (Türkmenistan) — Akina (Owganystan) hem-de Serhetabat (Türkmenistan) — Turgundy (Owganystan) optiki-süýümli halkara ulgamyň işe girizilmegi mynasybetli dabaralar boldy. Dabaralara Türkmenistanyň Prezidenti Gurbanguly Berdimuhamedow hem-de Owganystan Yslam Respublikasynyň Prezidenti Mohammad Aşraf Gani gatnaşdylar.

15 Ýanwar 2021

Garaşsyzlyk

Garaşsyzlyk — baky bagtyň gözbaşy

Hormatly Prezidentimiziň parasatly baştutanlygynda agzybir halkymyz 2021-nji ýyly ýokary ruhubelentlige besläp garşy almagyň hem-de «Türkmenistan — parahatçylygyň we ynanyşmagyň Watany» diýip atlandyrylan şanly ýylymyza belent maksatlar, nesiller aşyp gelen ynsanperwer ýörelgeler, hoşniýetli ak arzuwlar, bedew batly okgunly ösüşler bilen gadam basmagyň badalgasy bagtyýar halkymyz tarapyndan gyzgyn garşylandy. Bu taryhy waka mynasybetli 2021-nji ýylyň 11-nji ýanwarynda Türkmenistanyň Döwlet medeniýet merkeziniň Mukamlar köşgünde ýurdumyzyň medeniýet toplumynyň ýolbaşçylarynyň, hünärmenleriniň we döredijilik, medeniýet we sungat ussatlarynyň gatnaşmagynda dabaraly hoşallyk maslahaty geçirildi. Maslahatyň barşynda Arkadag Prezidentimiziň taýsyz tagallasy bilen 2021-nji ýylyň «Türkmenistan — parahatçylygyň we ynanyşmagyň Watany» ýyly diýlip yglan edilmegi, dünýä jemgyýetçiligine halkara parahatçylyk we ynanyşmak paýhasyny eçilen, döwrümize şöhraty-şany, halkymyza baky bagtyýarlygy peşgeş beren, milli medeniýetimiziň we sungatymyzyň has-da ösdürilmegi ugrundaky çäksiz goldaw-hemaýatlary edýän milli Liderimize alkyşlar aýdyldy. Tutuş adamzat nesliniň bagtyýar durmuşynyň bähbidine beýik tagallalary bagyş edýän hormatly Prezidentimiz 2020-nji ýylyň 23-nji dekabrynda wideoaragatnaşyk arkaly ýurdumyzyň medeniýet ulgamyny ösdürmäge, habar beriş serişdeleriniň işini kämilleşdirmäge bagyş

15 Ýanwar 2021

Garaşsyzlyk

Hakdan berlen beýik ykbal

1991-nji ýylyň sahawatly gelen altyn güýzi türkmen halkyna Garaşsyzlyk atly uly bagty peşgeş berdi. Şol ýyl ata Watanymyz özini Ýer ýüzünde parahatçylyk söýüjilik syýasaty, adamzadyň abadan durmuşyny üpjün etjek giň gerimli taslamalary bilen tutuş dünýäde asudalygy berkarar etmäge hyzmat etjek özygtyýarly döwlet hökmünde ykrar etdi. 2021-nji ýylda bolsa Gahryman Arkadagymyzyň baştutanlygynda mukaddes Garaşsyzlygymyzyň şanly 30 ýyllyk toýuny tutuş agzybir halkymyz bilen bir başa jebisleşip uly ruhubelentlikde giňden belläris. Hawa, şahyryň aýdyşy ýaly, Garaşsyzlyk Hakdan berlen beýik ykbaldyr türkmene. Türkmenistanyň Garaşsyzlygy merdana ata-babalarymyzyň päk arzuwlarynyň wysalydyr. Garaşsyzlyk köpasyrlyk milli ruhy gymmatlyklarymyzyň, şeýle hem asylly ynsanperwer dessurlarymyzyň täzeden ýaýbaňlandyrylmagy üçin oňyn şertleri döretdi. Baky Bitarap ýurdumyz özygtyýarly döwlet hökmünde Garaşsyzlygyny berkarar etmekde milletimize gadymy döwürlerden bäri mahsus bolan hakyky demokratik ýörelgelere esaslanýan parahatçylyk söýüjilikli, oňyn Bitaraplyk ýoluny saýlap aldy. Bu ýol halkymyzy döwletli-döwrana, rowaçlyga, ýurdumyzyň gülläp ösmegine alyp barýan ýol bolup, eziz diýarymyzyň adyny taryhyň sahypalaryna altyn harplar bilen ýazýar. Bu ýoluň her bir menzili taryhy ähmiýetli, syýasy, ykdysady we medeni ösüşleriň aýdyň hem şöhratly wakalaryna beslendi. Garaşsyzlyk ýyllarynda at

14 Ýanwar 2021

Garaşsyzlyk

Peder-perzent mekdebi

Hormatly Prezidentimiz täze ýylyň öň ýanyndaky dynç güni agtygy Kerim bilen dag eteklerine gezelenje çykdy. Kyrkçilläniň tozgalap ýagan gary eziz Diýarymyzyň ähli künjeklerini, dag eteklerini, ýaýylyp ýatan giň sähralary aklyga büredi. Kyrkçilläniň bereketli gary türkmen topragynyň sahawatly boljakdygyny buşlaýar. Ene toprak bilen bagry badaşan zehinli babadaýhanlarymyz siňňin ýagan ýagynyň toprak üçin melhemdigini hem-de geljekde ak-gök ekinleriň hasylynyň bol boljakdygyny aňladýandygyny aýdýarlar. Milli Liderimiz dynç günlerinde sport bilen meşgullanmagy, dag eteklerine çykyp, tebigatyň ajaýyplyklaryny synlamagy we gezelenç etmegi adaty endigine öwürdi. Ine, bu gün hem Arkadag Prezidentimiz şu ýörelgä eýerip, agtygy Kerim bilen paýtagtymyzyň günorta künjegine çykdy. Döwlet Baştutanymyz Köpetdagyň ajaýyp künjeklerinde gezelenç edip, dag etekleri bilen Asma ýoluň başlanýan ýerine tarap ugradylar.

14 Ýanwar 2021

Garaşsyzlyk

Öňde – wajyp wezipeler, belent sepgitler

Mähriban Arkadagymyz Ministrler Kabinetiniň hem-de Döwlet howpsuzlyk geňeşiniň täze ýylyň öň ýanyndaky bilelikdäki mejlisinde tamamlanyp barýan ýylyň jemlerini jemledi. Bu ýyl biziň üçin örän agyr we çylşyrymly boldy diýip, döwlet Baştutanymyz nygtady. Dünýäde koronawirus pandemiýasynyň giňden ýaýramagyna, ykdysadyýetiň pese düşmegine, ähli döwletlerde işewürligiň we serhetleriň ýapylmagyna garamazdan, Türkmenistanyň daşary syýasy hem-de ykdysady işjeňligini pese düşürmedi. Koronawirus pandemiýasy sebäpli, köp ýurtlaryň çäklendirme çärelerini girizen şertlerinde, daşary ýurtly hyzmatdaşlarymyz bilen söwda-ykdysady hyzmatdaşlygy ösdürmäge uly üns berildi. Hormatly Prezidentimiz dürli senagat pudaklarynda bilelikdäki maýa goýum taslamalaryny ýokary hilli işläp düzüp hem-de amala aşyryp, hyzmatdaşlygy ösdürmegiň täze ugurlarynyň kesgitlenilendigini nygtady. Döwlet dolandyryşy, içerki hem-de daşarky maliýe, söwda ulgamlary, zähmet we haryt bazarlary ugurlarynda özgertmeleri geçirmegiň depgini güýçlendirildi. Bu bolsa önümçiligiň mukdaryny ep-esli artdyrmaga mümkinçilik berdi. Ýurdumyzda wekilçilikli hem-de kanun çykaryjylyk häkimiýet edaralaryny mundan beýläk-de döwrebaplaşdyrmak alnyp barylýar. Milli Liderimiz geljek ýyl üçin gowy Döwlet býujetiniň kabul edilendigini hem belledi. Zähmet haklarynyň, pensiýalaryň we döwlet kömek pullarynyň möçberi ýene-de 10 göterim artdyryldy.

14 Ýanwar 2021

Garaşsyzlyk

Beýik işlere badalga

Hormatly Prezidentimiziň parasatly baştutanlygynda Garaşsyz, baky Bitarap Türkmenistan Berkarar döwletimiziň bagtyýarlyk döwrüniň şanly menzillerinde bedew bady bilen öňe barýar. Ýyldan-ýyla guwandyryjy üstünliklere, ösüşlere beslenýän Watanymyzda uly ruhubelentlik ýagdaýynda garşylanýan her bir täze ýyly mynasyp şygar bilen atlandyrmak asylly däbe öwrüldi. Çünki ýylyň döwrüň ruhuna kybap äheňde atlandyrylmagy şol ýylda amala aşyryljak işlere, gazanyljak ösüşlere, ýetiljek sepgitlere badalgadyr. Şu nukdaýnazardan, geçen 2020-nji ýyl halkara ähmiýetli möhüm wakalara beslenen ýyllaryň biri boldy. “Türkmenistan — Bitaraplygyň mekany” şygary astynda ýurdumyzyň hemişelik Bitaraplygynyň şanly 25 ýyllygy halkara derejede giňden bellenilip geçildi. Bu şanly baýramçylyk mynasybetli, ýylyň dowamynda Watanymyzyň paýtagtynda we ähli sebitlerinde ykdysady, durmuş-medeni maksatly desgalardyr binalar dabaraly ýagdaýda açyldy. Şeýle-de, tamamlanan ýylda ýurdumyzyň milli kanunçylygyny kämilleşdirmek boýunça möhüm işler durmuşa geçirildi.

14 Ýanwar 2021

Garaşsyzlyk

Dünýä dostdur Türkmenistan

Garaşsyz, hemişelik Bitarap Türkmenistan döwletimizde her bir ýylyň parahatçylygyň, dost-doganlygyň, agzybirligiň, ykdysady, medeni ösüşleriň ýyly bolmagy arzuw edilip, mynasyp derejede atlandyrylýar. Türkmenistanyň başlangyjy boýunça BMG-niň Baş Assambleýasy 2021-nji ýyly «Halkara parahatçylyk we ynanyşmak ýyly» diýip yglan etdi. Biziň döwletimizde 2021-nji ýyl «Türkmenistan – parahatçylygyň we ynanyşmagyň Watany» diýlip atlandyryldy. Bu şygar ýurdumyzyň alyp barýan içeri we daşary syýasatynyň dünýä ýüzünde ykrar edilmeginden nusga alýar. Türkmen döwletiniň içeri we daşary syýasaty dünýä halklarynyň parahat, abadan, asuda ýaşamagyny üpjün edilmeginden ugur alýar. Dünýä ähmiýetli meseleleri taraplara bähbitli çözmek ýörelgesinden ugur alyp, ata Watanymyz özüniň Bitaraplyk hukugyny berkidip, asylly maksatlaryna ygrarly bolup gelýär. Türkmenistan bu gün diňe bir Merkezi Aziýada däl, eýsem, tutuş dünýäde ylalaşdyryjy merkezleriň biri hökmünde ykrar edildi. «Bitarap Türkmenistanyň daşary syýasat ugrunyň 2017 – 2023-nji ýyllar üçin Konsepsiýasy» Türkmenistanyň bitaraplyk ýörelgesiniň ähmiýetini has hem artdyrdy. Giňden köptaraply hyzmatdaşlyk etmek Birleşen Milletler Guramasy bilen Bitarap Türkmenistanyň möhüm ugry bolup durýar.

14 Ýanwar 2021

Garaşsyzlyk

Neşirleriň täze sany

«Türkmen arhiwi» Ministrler Kabinetiniň ýanyndaky Baş arhiw müdirligi tarapyndan neşire taýýarlanylan «Türkmen arhiwi» taryhy-resminama, ylmy-usulyýet we nazaryýet žurnalynyň 21-nji sany çapdan çykdy. Neşiriň nobatdaky sany 2019-njy ýylda kabul edilen resminamalar bilen açylýar. Şolaryň hatarynda Türkmenistanyň Prezidentiniň ylym-bilim ulgamyna degişli Permanlary we Kararlary, ýurdumyzyň Mejlisiniň hem-de Ýaşulular maslahatynyň Kararlary bar. «Türkmenistan – rowaçlygyň Watany» ýylynda bolup geçen has ähmiýetli jemgyýetçilik-syýasy çärelere, iri forumlara, resmi materiallara gysgaça syn berilýär. Milli Liderimiziň başlyklyk etmeginde geçirilen Halk Maslahatynyň mejlisi, GDA-nyň döwlet Baştutanlarynyň geňeşi, daşary ýurtlara iş saparlary, Birinji Hazar ykdysady forumy möhüm wakalar boldy. Degişli makalalaryň tapgyry döwlet arhiw gullugynyň esasy wezipeleriniň birine – resminama dolanyşygyny dogry guramak meselelerinde ministrlikleriň, edaralaryň we kärhanalaryň iş önümçilik düzümlerine usulyýet kömegini bermek işine bagyşlandy. Merkezi döwlet arhiwiniň döredilmeginiň 90 ýyllygy hakynda makala aýratyn orun eýeleýär. «Resminamalaryň gymmatyny seljermek boýunça işleri guramak», «Hatlary we telefonogrammalary ýazmagyň düzgünleri» ýaly makalalar şol meselä bagyşlandy. Türkmenbaşy şäheriniň döredilmeginiň 150 ýyllygy taryhy hakyndaky maglumatlar şolaryň biridir. «Türkmen halysy

14 Ýanwar 2021

Garaşsyzlyk

Eşretli akabanyň höziri

2021-nji «Türkmenistan — parahatçylygyň we ynanyşmagyň Watany» ýylyna gadam basan Garaşsyz Türkmenistan Watanymyz sebitiň iri energetika döwletine öwrülmek babatda uly ýol geçdi. Häzirki wagtda ýurdumyzyň nebitgaz senagatyny 2030-njy ýyla çenli döwür üçin ösdürmegiň Maksatnamasyny durmuşa geçirmegiň çäklerinde toplumlaýyn işler amala aşyrylýar. Nebitgaz pudagynda durmuşa geçirilen we amala aşyrylýan iri taslamalar, şol sanda Türkmenistan — Owganystan — Pakistan — Hindistan gaz geçirijisiniň taslamasynyň gurluşygy munuň aýdyň mysalydyr. Bu iş iri dünýä döwletleri we abraýly halkara maliýe guramalary tarapyndan goldanylýar. Täze iri energetika geçirijisi diňe bir Günorta Aziýanyň iri ýurtlaryny türkmen tebigy gazy bilen üpjün etmäge däl, eýsem, ykdysady hyzmatdaşlygy pugtalandyrmagyň, sebitde parahatçylygyň we durnuklylygyň berkidilmeginiň hem möhüm guraly bolmaga gönükdirilendir. Ýeri gelende aýtsak, Türkmenistan bilen Owganystan Yslam Respublikasynyň arasynda optiki-süýümli aragatnaşygyň täze ulgamy Ymamnazar — Akina we Serhetabat — Turgundy ugurlary boýunça halkalaýyn kommunikasiýa ulgamyny döretmäge, oňa Hyrat — Akina ulgamyny birikdirmäge mümkinçilik berýär. Şeýlelikde, Türkmenistanyň we Owganystanyň üstünden geçýän halkara üstaşyr mümkinçilikleri has-da giňeltmäge oňyn şertler dörär.

13 Ýanwar 2021

Garaşsyzlyk

Şanly ýylyň batly gadamlary

Şu hepdäniň duşenbe güni paýtagtymyzdaky Döwlet medeniýet merkeziniň Mukamlar köşgünde 2021-nji ýylyň «Türkmenistan — parahatçylygyň we ynanyşmagyň Watany» şygarynyň hormatyna dabaraly çäre geçirildi. Türkmenistanyň Beýik Saparmyrat Türkmenbaşy adyndaky Baş drama teatrynyň we A.S.Puşkin adyndaky döwlet rus drama teatrynyň artistleriniň bilelikdäki «Parahatçylygy we ynanyşmagy dünýä ýaýan Gahryman Arkadag!» atly edebi-sazly çykyşy bu dabaranyň özboluşly başlangyjyna öwrüldi. Bu kompozisiýa türkmen halkynyň milli Liderimize çuňňur söýgüsiniň we beýik hormatynyň aýdyň beýany bolup ýaňlandy. Mukaddes Garaşsyzlygynyň şanly 30 ýyllyk toýuna barýan hemişelik Bitarap Türkmenistan Watanymyz eziz Arkadagymyzyň parasatly baştutanlygynda ykdysady taýdan kuwwatly döwlete öwrüldi we ägirt uly halkara abraýa eýe boldy. Hormatly Prezidentimiziň başlangyjy bilen BMG-niň Baş Assambleýasynyň 2021-nji ýyly «Halkara parahatçylyk we ynanyşmak ýyly» diýip yglan etmegi milli Liderimiziň alyp barýan hoşniýetli, parahatçylyk söýüjilikli, ynsanperwer syýasatynyň dünýä jemgyýetçiligi tarapyndan ýene bir gezek ykrar edilmesidir, türkmen diplomatiýasynyň ajaýyp üstünligidir.

13 Ýanwar 2021

Garaşsyzlyk

Kämil maksatlaryň aýdyň beýany

Watanymyzyň röwşen geljegi bolan ýaş nesillerimizi Garaşsyz, hemişelik Bitarap Türkmenistan Watanymyza bolan uly buýsanç, söýgi we hormat goýmak ruhunda terbiýelemek maksady bilen, ýurdumyzda hormatly Belent Serkerdebaşymyzyň başda durmagynda döwrüň talaplaryndan ugur alnyp, ylym-bilimiň täze gazananlaryny durmuşa ornaşdyryp, ýurdumyzyň ykdysadyýetiniň ösüşini çaltlandyrmak we ösüşiň täze basgançaklaryna ýetmek ugrundaky amal edilýän giň möçberli işler, «Türkmenistan — parahatçylygyň we ynanyşmagyň Watany» ýylynda jemgyýetimizi hereketlendiriji güýjüň esasy özeni hasaplanýar. Şeýle kämil maksatlar bolsa özüniň aýdyň beýanyny tapyp, halkymyzyň watançylyk ruhunyň ýokarlanmagyna, her bir adamyň eziz Watanymyzda durmuşa geçirilýän işlere dahylly bolmak, olara öz goşandyny goşmak höwesiniň artmagyna getirýär. Binýady berkden gurlan, bagt daragtynyň barha pajarlaýan Berkarar döwletimiziň bagtyýarlyk döwründe ýurdumyzda ýaş nesiller hakyndaky alada döwlet syýasatynyň ileri tutulýan ugurlarynyň birine öwrüldi. Çünki hormatly Prezidentimiz Watanymyzyň ýagty ertiri hasaplanýan ýaş nesilleriň döwrüň talaplaryna laýyklykda bilim almaklary, hünär we ylym öwrenmekleri, sagdyn ruhda terbiýelenmekleri, ata Watana, il-güne, merdana ata-babalarymyzyň şöhratly ýol-ýörelgelerine wepaly watansöýüjiler bolup ýetişmekleri üçin wajyp işleri durmuşa geçirýär. Bilim ulgamynyň ähli basgançaklarynda sanl

13 Ýanwar 2021

Garaşsyzlyk

Habarlar

2021-nji ýylyň şygary dabaralandyrylýar 11-nji ýanwarda Döwlet medeniýet merkeziniň Mukamlar köşgünde 2021-nji ýylyň “Türkmenistan — parahatçylygyň we ynanyşmagyň Watany” şygarynyň hormatyna dabaraly çäre geçirildi. Mukamlar köşgünde geçirilen dabara hökümet agzalary, ministrlikleriň we pudaklaýyn dolandyryş edaralarynyň ýolbaşçylary, medeniýet ulgamynyň we köpçülikleýin habar beriş serişdeleriniň wekilleri, ýokary okuw mekdepleriniň rektorlary, medeniýet we sungat işgärleri gatnaşdylar.

13 Ýanwar 2021

Garaşsyzlyk

Ýylyň şygary — döwrüň şamçyragy

Hormatly Prezidentimiziň başlangyjy bilen, indi ýurdumyzda her ýyly özboluşly şygar bilen dabaralandyrmak asylly däbe öwrüldi. Milli Liderimiziň belleýşi ýaly, şol şygar öňde goýan maksatlarymyza tarap ynamly öňe gitmäge ýardam edýär. Ata Watanymyzyň mukaddes Garaşsyzlygynyň şanly 30 ýyllygy dabaraly belleniljek 2021-nji ýylyň şygarynyň «Türkmenistan — parahatçylygyň we ynanyşmagyň Watany» diýlip yglan edilmegi watandaşlarymyzyň her biriniň göwnüni galkyndyran waka öwrüldi. Uly umyt-arzuwlar bilen garşylan täze ýylymyzyň bu buýsandyryjy şygarynyň manysynyň Garaşsyz, hemişelik Bitarap döwletimiziň başlangyjy boýunça Birleşen Milletler Guramasynyň Baş Assambleýasynyň 73-nji mejlisinde kabul edilen «2021-nji ýyl — Halkara parahatçylyk we ynanyşmak ýyly» atly Kararnama gabat gelmegi aýratyn many-mazmuna eýedir. Gahryman Arkadagymyzyň nygtaýşy ýaly, parahatçylyk we ynanyşmak adamzadyň baş gymmatlygydyr, baýlygydyr.

13 Ýanwar 2021

Garaşsyzlyk

Üns beriň, bäsleşik!

Türkmenistanyň Demokratik partiýasynyň welaýat komiteti «Daşoguz habarlary» welaýat gazetiniň redaksiýasy bilen bilelikde «Türkmenistan — parahatçylygyň we ynanyşmagyň Watany» ýylynyň göreldeli waspçysy» diýen at bilen bäsleşik yglan edýär. Türkmenistanyň mukaddes Garaşsyzlygynyň şanly 30 ýyllygy, hemişelik Bitaraplygymyzyň 26 ýyllygy, şeýle hem TDP-niň döredilmeginiň 30 ýyllygy mynasybetli wagyz-nesihatçylaryň arasynda «Türkmenistan — parahatçylygyň we ynanyşmagyň Watany» ýylynyň göreldeli waspçysy» diýen at bilen geçiriljek welaýat bäsleşiginiň maksady we wezipeleri:

13 Ýanwar 2021

Garaşsyzlyk

Parahatçylyk we ynanyşmak ýoly bilen ädilen ädimler misilsiz menziline ýeter

Danalaryň biriniň aýdyşy ýaly, parahatçylyk güýç bilen däl-de, düşünişmek arkaly gazanylyp bilner. Hawa, hut düşünişmek we ynanyşmak ýoly bilen. Biz haçan birek-birege ynam edýäris? Elbetde, düşünişmegi başaran halatymyzda. Hormatly Prezidentimiziň umumadamzat ähmiýetli bu ideýasynyň halkara derejede uly ykrara eýe bolandygyna hemmämiz şaýat. Şoňa görä, üstümizdäki ýylyň şygary hem «Türkmenistan — parahatçylygyň we ynanyşmagyň Watany» diýlip atlandyryldy. Ýylymyzyň şygaryny dabaralandyrmak maksady bilen, 11-nji ýanwarda Döwlet medeniýet merkeziniň Mukamlar köşgünde dabaraly çäre geçirildi. Mälim bolşy ýaly, ýurdumyz Berkarar döwletimiziň bagtyýarlyk döwrüniň täze, Watanymyzyň Garaşsyzlygynyň 30 ýyllygynyň dabaralandyrylýan ýylyna ynamly gadam goýdy. Şu ýylyň dowamynda geçirilýän çäreleriň hemmesiniň şanly sene mynasybetli guralýandygy aýratyn guwançlydyr.

13 Ýanwar 2021

Garaşsyzlyk

Hyzmatdaşlygyň täze sahypasy açylýar

Berkarar döwletiň bagtyýarlyk döwründe aragatnaşyk ulgamyna dünýäniň iň soňky gazananlary, döwrebap, kämil tehnologiýalary ornaşdyrylýar. Häzirki wagtda ykdysadyýetiň ähli ulgamlaryna sanly tehnologiýalaryň işjeň ornaşdyrylmagy ýurdumyzyň halk hojalyk toplumyny mundan beýläk-de ösdürmegiň ileri tutulýan ugurlarynyň birine öwrüldi. Ýurdumyzyň ynsanperwer goňşuçylyk gatnaşyklaryna ýugrulan halkara hyzmatdaşlyklary netijesinde gazanylýan üstünlikler hem halkymyzyň abadan hem-de eşretli durmuşda ýaşamagy üçin alnyp barylýan işlere özboluşly goşant bolup, ýurdumyzyň halkara abraýynyň artmagynyň, halklar arasyndaky ygtybarly hyzmatdaşlygy berkitmegiň esasy ýoly hasaplanylýar. Hormatly Prezidentimiziň yzygiderli tagallalary esasynda türkmen-owgan gatnaşyklarynyň ösdürilmegi hem-de bu ugurda halkara hyzmatdaşlygynyň ýaýbaňlandyrylmagy bolsa ýurdumyzyň ösüşleriniň ygtybarly kepili bolup durýar. Milli Liderimiziň syýasy-diplomatik, söwda-ykdysady we ynsanperwer syýasatlarynyň netijesinde Türkmenistan goňşy Owganystanda parahatçylygyň we gülläp ösüşiň dabaralanmagyna hemmetaraplaýyn goldaw berýär. 2020-nji ýylyň 30-njy sentýabrynda «Türkmenaragatnaşyk» agentligi bilen Owganystan Yslam Respublikasynyň Aragatnaşyk we maglumat tehnologiýalary ministrliginiň arasynda aragatnaşyk we maglumatlaşdyryş ulgamy boýunça hyzmatdaşlyk etmek hakyndaky Ähtnama, şeýle hem Ymamnazar — Akina hem-de Serheta

13 Ýanwar 2021

Garaşsyzlyk

Älem içre adyň belent

Biz hormatly Prezidentimiziň asylly başlangyjy bilen «Türkmenistan — parahatçylygyň we ynanyşmagyň Watany» diýlip yglan edilen Täze, 2021-nji ýyly päk umyt-arzuwlar, belent maksatlar bilen garşy aldyk. Ýylymyzyň şygaryny ýoluna çyrag edinen ildeşlerimiziň her biri häzirki günlerde eziz Arkadagymyzyň parasatly baştutanlygy bilen durmuşa geçirilýän düýpli özgertmelere, ata Watanymyzyň abadançylygynyň, il-günümiziň bagtyýarlygynyň bähbidine gönükdirilen asylly işlere saldamly goşant goşmak hem-de mukaddes Garaşsyzlygymyzyň şanly 30 ýyllygyny mynasyp sowgatlar bilen garşylamak ugrunda täze zähmet üstünliklerine galkynýar. Öňňin welaýat häkimliginde Täze, 2021-nji ýylyň «Türkmenistan — parahatçylygyň we ynanyşmagyň Watany» diýlip yglan edilmegi mynasybetli dabaraly maslahat geçirildi. Oňa welaýatymyzyň iri jemgyýetçilik guramalarynyň, bilim, medeniýet, saglygy goraýyş we sport ulgamlarynyň wekilleri hem-de talyp ýaşlar gatnaşdylar. Dabarada jemgyýetçilik guramalarynyň wekilleri, medeniýet-sungat we döredijilik işgärleri çykyş edip, ýürek buýsançlaryny beýan etdiler. Biz olaryň birnäçesiniň ýürek owazyny ýazga geçirip, okyjylarymyza ýetirmegi makul bildik.

13 Ýanwar 2021

Garaşsyzlyk

Doganlyk ýollaryňyz dowam bolsun Arkadag!

Zamananyň zynaty, ýürekleriň senasy,Doganlyk ýollaryňyz dowam bolsun, Arkadag!Göwünleriň ganaty, rahatlygyň penasy,Doganlyk ýollaryňyz dowam bolsun, Arkadag,Ýörelgäňiz geljege rowan bolsun, Arkadag! Dost-doganlyk — dünýäniň, yklymlaryň ykbaly,Beýik tutumlaryňyzyň ýer ýüzünde ykrary,Baky Berkarar Watan halkymyzyň mähraby,Doganlyk ýollaryňyz dowam bolsun, Arkadag,Ýörelgäňiz geljege rowan bolsun, Arkadag!

13 Ýanwar 2021

Garaşsyzlyk