Tenekarlygy bilen jana melhem beren tomus paslynyň tamamlanyp, sahawatly türkmen topragyna güýzüň «düşegini düşemegi» ynsanlarda täsin duýgulary oýarýar. Güýz paslynyň başlanmagy bilen ak mekdeplerde ilkinji okuw güni başlanýar. Şonuň üçin adamlar sentýabry deslapdan, täze okuw ýylynyň başlanýan güni hökmünde kabul edýärler.
Okuw ýylynyň ilkinji güni – täsin, ýatda galyjy pursatlara eýe. Bu gün ilkinji sapar mährem ene-atalarynyň ellerinden tutup, ak guw ýaly ak mekdebiň bosagasyndan ätleýän bagtyýar çagalary synlamak has-da ýakymly. Bu bagtly pursatlar ýatdan çykmajak wakalary bilen hakydalarda hemişelik galýar. Ýogsa-da: