Dünýä arhitektura sungatynda binalaryň deňiz-derýalaryň kenaryna golaý ýerde gurulmagy aýratyn ähmiýete eýe hasap edilýär. Çünki şeýle ýagdaýda binalar şäheriň daşky keşbine aýratyn ýaraşyk bermek bilen bir hatarda, adamlaryň ruhy dünýäsine oňyn täsirini ýetirýär.
Hormatly Prezidentimiziň gatnaşmagynda gojaman Hazaryň tylla kenarynda «Rowaç» kottejler toplumynyň açylyp ulanylmaga berilmegi raýatlarymyzda deňi-taýy bolmadyk şatlyk döretdi. Bu täze toplum «Awaza» milli syýahatçylyk zolagynyň dynç alyş-şypahana düzüminiň üstüni ýetirdi.