Türkmenistan Watanymyzda tebigaty goramak, tebigy baýlyklarymyzdan rejeli peýdalanmak bilen baglanyşykly uly işler amala aşyrylýar. Her ýylyň ýaz-güýz pasyllarynda ýurdumyzda bag nahallaryny oturtmak, ösüp oturan baglary timarlamak işleri geçirilýär. Raýatlarymyz bu sogaply işe uly höwes bilen gatnaşýarlar, umumy öýümiziň ekologiýasynyň abadan bolmagyna öz şahsy goşantlaryny goşýarlar.
Türkmen tebigaty bu günler has-da özgerdi. Baglar Zeminiň görki hasaplanýan bolsa, şol görküň, durkuň emele gelmeginiň netijesi bize bagly bolup durýar. Şol gözellikleri aýap saklap, gözelleşdirip, nesillerimize miras galdyrmak bolsa biziň her birimiziň mukaddes borjumyzdyr.
