Golaýda welaýat kitaphanasynyň mejlisler zalynda welaýat häkimliginiň, Türkmenistanyň Daşary işler ministrliginiň Mary welaýaty boýunça wekilhanasynyň, şeýle-de welaýat jemgyýetçilik guramalarynyň bilelikde guramagynda “Parahatçylyk we ynanyşmak: Türkmenistanyň parahatçylyk söýüjilikli içeri we daşary syýasatynyň dabaralanmagy” atly maslahat geçirildi.
Maslahata Türkmenistanyň Milli Geňeşiniň Mejlisiniň deputatlary, welaýatymyzyň edara-kärhanalarynyň, jemgyýetçilik guramalarynyň wekilleri we işjeň agzalary gatnaşdylar. Maslahaty TDP-niň welaýat komitetiniň başlygy, Türkmenistanyň Milli Geňeşiniň Mejlisiniň deputaty Kakageldi Gurbanow alyp bardy. Onda Türkmenistanyň Daşary işler ministrliginiň Mary welaýaty boýunça wekilhanasynyň başlygy Gadam Ilamanow, TDEI--niň jemgyýeti öwreniş ylymlary kafedrasynyň mugallymy Hoşgeldi Tahyrow, TDP-niň Murgap etrap komitetiniň başlygy Gurbangül Mädenowa, welaýat taryhy we ülkäni öwreniş muzeýiniň direktory Töre Nobatow, TKA-nyň welaýat birleşmesiniň başlygynyň wezipesini wagtlaýyn ýerine ýetiriji Seýitmyrat Atamyradow, TMÝG-niň welaýat geňeşiniň başlygy, Türkmenistanyň Milli Geňeşiniň Mejlisiniň deputaty Maksat Janmyradow, Mary şäheriniň şäher kitaphanasynyň 2-nji derejeli kitaphanaçysy Gülbahar Nazarowa, şeýle-de Murgap etrabynyň bilim bölüminiň hünärmeni Annamyrat Hotjyýew, Türkmenistanyň halk artisti, Türkmenistanyň hormatly il ýaşulusy Kakageldi Çaryýew, TAP-nyň Mary şäher komitetiniň hünärmeni Gaýgysyz Magtymow çykyş etdiler. Olar çykyşlarynda hemişelik Bitaraplygymyzyň bize beren bagty, Gahryman Arkadagymyzyň goňşy döwletler bilen alyp barýan dost-doganlykly ýoly dogrusynda giňişleýin durup geçdiler. Şeýle hem hemişelik Bitaraplygymyza eýe bolan günümizden milli Liderimiziň parasatly baştutanlygynda ähli ulgamlarda gazanylýan uly üstünlikler, öňegidişlikler barada nygtadylar.
