Garaşsyzlyk, Bitaraplyk — ýurduň goşa ganaty,
Agyzlaryň birliginde döwrümiziň halaty,
Islegimiz Ýer ýüzüniň saglygy, salamaty,
Türkmen ynsanperwerligi — nusgalyk asyrboýy,
Bu gün Bitaraplygyň şanly baýramy, toýy.
Parahatlyk ýörelgämiz halkyň ýagty geljegi,
Dost-doganlyk gymmatynyň ýokdur çägi-ölçegi,
Toý donuna beslenipdir Watanyň her künjegi,
Türkmen ynsanperwerligi — nusgalyk asyrboýy,
Bu gün Bitaraplygyň şanly baýramy, toýy.
