Tutuş ýurdumyz boýunça amala aşyrylýan giň gerimli mukaddes topragymyzy bagy-bossanlyga büremek maksatnamasy daşky gurşawy goramak babatda dünýä işine ägirt uly goşantdyr. Şol maksatnamanyň çäklerinde eziz Diýarymyzyň şäherleriniň, ilatly ýerleriniň töwereklerinde, awtoulag we demir ýollarynyň ugurlarynda täze tokaýlyklar kemala gelýär.
Berkarar döwletimiziň bagtyýarlyk döwründe Türkmenistan ata Watanymyz daşky gurşawy goramak babatda umumadamzat bähbitli içeri we daşary syýasaty alyp barýar. Durnukly ösüşi gazanmakda halkara tagallalara ýardam bermek döwletimiziň alyp barýan daşary syýasatynyň örän möhüm bölegidir.
