Golaýda «Mary» myhmanhanasynda TDP-niň welaýat komitetiniň guramagynda «Garaşsyz Türkmenistanyň hemişelik Bitaraplygy döwletiň daşary syýasatynyň esasydyr» ady bilen maslahat geçirildi. Oňa TDP-niň welaýat, şäher, etrap komitetleriniň jogapkär işgärleri we işjeň agzalary, Türkmenistanyň Milli Geňeşiniň Mejlisiniň deputatlary, welaýatyň edara--kärhanalarynyň, jemgyýetçilik guramalarynyň wekilleri gatnaşdylar. Maslahaty TDP-niň welaýat komitetiniň başlygy, Türkmenistanyň Milli Geňeşiniň Mejlisiniň deputaty Kakageldi Gurbanow alyp bardy.
Hemişelik Bitaraplygymyzyň 26 ýyllygyna bagyşlanan maslahatda TDP-niň Türkmengala etrap komitetiniň başlygy, Türkmenistanyň Milli Geňeşiniň Mejlisiniň deputaty Muhammetnazar Täşliýew, welaýatymyzdaky «Arkadagyň bagtyýar nesilleri» çagalar sagaldyş we dynç alyş merkeziniň müdiri, Türkmenistanyň Milli Geňeşiniň Mejlisiniň deputaty Güljahan Çarykulyýewa, TMÝG-niň welaýat geňeşiniň başlygy, Türkmenistanyň Milli Geňeşiniň Mejlisiniň deputaty Maksat Janmyradow, TDP-niň Mary şäher komitetiniň başlygy Hekimberdi Orazberdiýew we beýlekiler çykyş etdiler. Çykyş edenler hormatly Prezidentimiziň eziz Watany, mähriban halky üçin durmuşa geçirýän beýik işleriniň rowaç bolmagyny arzuwlap, hemişelik Bitaraplyk hukuk derejesine eýe bolan ýurdumyzyň binýadynyň mizemezdigi hakynda giňişleýin durup geçdiler.
