Ýaşlary watançylyk ruhunda terbiýelemek hemişe wajyp meseledir. Bu babatda biz — mugallymlar öz jogapkärçiligimizi duýup zähmet çekýäris. Çünki mugallym — nesil bossanynyň bagbany, öz ýetişdirýän daragtlaryna: okuwçylaryna, talyplaryna we şägirtlerine nähili bilim-terbiýe berip bilse, neneňsi yhlas etse, geljekde şol yhlasa laýyk miwe ýetişýär.
Watanyň topragy we tebigaty ynsana täsir edýän esasy zatlaryň biridir. Şu jähetden eziz Watanyny, ene topragyny we tebigaty söýýän ýaş nesli kemala getirmekde mugallymlaryň üstüne uly jogapkärçilik düşýär.
