Häsiýeti. Medeni oturym derman ösümligi. Pessejik gaýtarma oty — bägüller maşgalasynyň gaýtarmalar urugynyň boýy 15-40 sm-e ýetýän köpýyllyk otjumak wekili. Köki ýönekeý, daşy biraz tüýlüje. Baldagy bir ýa-da birnäçe, ýere ýazylan ýa-da seýrek dik, esasyndan çarşak şekilli şahalanan. Şahalary köp gülli. Kök we aşaky baldak ýapraklary uzyn sapakly, 2-5 jübüt per şekilli, ýaýbaň-ýumurtga görnüşli abat we ýitiräk ýaprakýanly. Ýokarky baldak ýapraklary tas oturan, köplenç üçleýin. Ýaprajyklary süýnmegräk ýa-da ters ýumurtga şekilli, tüýlüje ýaşyl reňkli.
Gülleri uly däl. Gül ýapraklary ters ýumurtga kysmy, pahna görnüşli, ýokarsy az-kem oýuk, reňki sary. Tyçinkasynyň sany — 15-20. Olaryň sapagy gysga. Tozanlygy ownuk, togalak. Miwejikleri köp sanly, maýda, kese ýygyrtly. Sütünjigi tas ýokaryk, ik şekilli.
