Ýene-de sanlyja günlerden bagtyýar türkmen halky eziz Watanymyzyň baş baýramy — mukaddes Garaşsyzlygymyzyň şanly 30 ýyllyk toýuny dabaraly belläp geçer. Beýik Garaşsyzlyk ýyllarynda Gahryman Arkadagymyzyň taýsyz tagallalary bilen ýaş nesillerimiziň päk terbiýe, çuňňur bilim almagy, ylym öwrenmegi, hünär edinmegi, milli ruhumyza, kämil ýol-ýörelgelerimize laýyk edepli, watanperwer ynsanlar bolup ýetişmekleri üçin ähli zerur şertler döredildi.
Hormatly Prezidentimiziň parasatly baştutanlygynda işlenip düzülýän we durmuşa geçirilýän döwlet maksatnamasy beýik ösüşleri, halkymyzyň abadan durmuşyny üpjün edýär. Türkmenistanyň okgunly ösüşi ýurduň belent sepgitlere barýan ugrunyň jemgyýetiň ruhy taýdan baýlaşmagynyň üsti bilen amala aşyrylýandygyny aňladýar. Täze taryhy eýýam ýurduň durmuş-ykdysady ösüşine daýanmak bilen, raýatlaryň maddy we medeni isleglerini doly kanagatlandyrmaga, olaryň aň-düşünjeliliginiň derejesini ýokarlandyrmaga gönükdirilendir. Gahryman Arkadagymyzyň parasatly baştutanlygynda ýurdumyzyň ykdysady kuwwatyny artdyrmaga, ilatyň durmuş goraglylygyny pugtalandyrmaga, ylym, bilim, sport, medeniýet, saglygy goraýyş, oba hojalyk ugurlarynyň we halk hojalygynyň beýleki pudaklarynyň ösüşini yzygiderli dowam etdirmäge degişli uly işler amala aşyrylýar.