Halkymyzyň asyrma-asyr kämilleşdirip gelen bedew atlary dünýä atçylygynyň iň naýbaşy nusgalarynyň biridir. Baryp-ha Aleksandr Makedonskiniň esgerleri-de bu ýerdäki gözel atlary iň gowy atlar hökmünde, bu ülkä bolsa gözel atlary ýetişdirýänleriň ýurdy hökmünde häsiýetnama beripdirler.
Ahalteke bedewi tutuş jahan ýüzünde münüş atlarynyň iň gadymylarynyň biri hasaplanylýar. Bu atlaryň aňyrsy iki müň ýyl ozal Çyn-Maçynda (Hytaýda), Ýunanda (Gresiýada), Italiýada tanalýan eken.
