Her ýyl mukaddes Oraza aýy gelende, enemden eşiden bir rowaýatym ýadyma düşýär. Agyz beklemek parzy baradaky bu rowaýaty okyjylar bilen paýlaşmagy makul bildim.
Pygamberimiziň döwründe Oraza aýynda agzy bekli bendeler agzaçar wagty golaýlanda, bir saçagyň başyna üýşüpdirler. Şonda pygamberimiz iki adama seredipdir-de: «Size rugsat, siz wagtyndan ir iýip-içmäge başlap bilersiňiz!» diýipdir. Munuň sebäbini soranlarynda: «Siz bu gün gybat etdiňiz, gybat agzy bekli adamyň orazasyny açýandyr» diýip jogap beripdir.
