ŞAHYRYŇ DÖREDIJILIGI — DÜÝPSÜZ UMMAN
Berkarar döwletimiziň bagtyýarlyk döwründe hormatly Prezidentimiziň parasatly baştutanlygynda türkmen halkynyň şöhratly taryhyny we baý medeni mirasyny düýpli öwrenmek, aýawly saklamak hem-de bütin dünýä wagyz etmek aýratyn üns berilýän ugurlaryň birine öwrüldi. Şonuň ýaly-da dünýä ylmynyň ösmegine saldamly goşant goşan alymlarymyzyň, filosoflarymyzyň, akyldarlarymyzyň döredijiligini öwrenmegimize giň mümkinçilikler döredildi. Şol beýik şahsyýetleriň biri-de, dünýä edebiýatynyň altyn hazynasyna giren, çeper söz sungatyny ösdürmekde we kämilleşdirmekde uly hyzmatlary bitiren, döredijilik dünýäsi düýpsüz ummana deňelýän türkmeniň beýik şahyry Magtymguly Pyragydyr.
