Futbol boýunça 2026-njy ýylda geçiriljek Dünýä Kubogynyň saýlama tapgyrynyň Aziýa zolagynda 2-nji tapgyryň duşuşyklary tamamlandy. Netijede, 9 toparçanyň hersinden 2 ýygyndy ýaryşy dowam etdirmäge hukuk gazandy. Toparçalarda 3-4-nji ýeri eýelänler bolsa Aziýa Kubogy 2027-niň 3-nji saýlama tapgyryndan ýaryşa başlarlar.
Toparçalarda 5-6-njy duşuşyklar geçirilip, 18 ýygyndy 3-nji saýlama tapgyryna ýollanma aldy. Şol 18 ýygyndy 6 toparly 3 toparça paýlanar. Olaryň bijesi 27-nji iýunda Kuala Lumpurda geçiriljek dabarada belli bolar.