«Pähim-paýhas ummany Magtymguly Pyragy» ýylynda Garaşsyz ýurdumyzda birnäçe dabaraly çäreleriň üstünlikli geçirilýändigi ildeşlerimiziň her birinde begenç, buýsanç duýgusyny döredýär. Änew şäheriniň 2024-nji ýylda «Türki dünýäsiniň medeni paýtagty» diýlip yglan edilmegi mynasybetli çäreleriň dabaraly bellenilip geçilmegi şatlykly pursatlara beslenip, Watanymyzyň şan-şöhratyny has-da belende göterdi.
Şol çärelere badalga berilmeginiň öňüsyrasynda, ýagny 23-nji martda sanly ulgam arkaly geçirilen Ministrler Kabinetiniň mejlisinde hormatly Prezidentimiz Serdar Berdimuhamedow «Änew — müňýyllyklardan gözbaş alýan medeniýet» atly täze kitabyny ýazyp tamamlandygyny habar berdi. Bu gymmatly eser «Pähim-paýhas ummany Magtymguly Pyragy» ýylynda mähriban halkymyza ajaýyp toý sowgady boldy.
