10-11-nji fewralda adaty karate boýunça Aşgabat şäheriniň birinjiligi geçirildi. Çekeleşikli häsiýete eýe bolan ýaryşda türgenler dürli medallaryň 56-sy ugrunda bäsleşdiler. Şeýlelikde, Aşgabat şäheriniň bedenterbiýe we sport baradaky Baş müdirliginiň 1-nji sport mekdebiniň «Döwletli» toparynyň türgenleri 27 medal (7 altyn, 4 kümüş, 16 bürünç) gazanyp, birinji orna mynasyp boldular.
Sport mekdebimiziň «Selim» toparynyň türgenleri ikinji orny eýelediler. Aşgabat şäheriniň bedenterbiýe we sport baradaky Baş müdirliginiň 4-nji sport mekdebiniň «Diýar» topary üçünji orunda ornaşdy.
