UEFA Milletler Ligasynda 2024/25 möwsüminiň bijeleri çekildi. Bijä laýyklykda «A» Liganyň iň güýçli toparçasy 2-nji toparça bolup, Italiýadyr Belgiýanyň, Fransiýanyň hem-de Ysraýylyň ýygyndylary özara duşuşarlar.
«A», «B», «C» Ligalarynda 4 toparly 4 toparça bolup, «D» Ligasynda 3 toparly 2 toparça bar. «A» Liganyň her toparçasynda 1-2-nji ýeri eýelänler geljek ýylyň mart aýynda çärýek finalda oýnarlar. Bu duşuşyklarda ýeňiş gazananlar ýarym finala çykarlar. «B» Liganyň toparçalarynda 1-nji ýeri eýelänler «A» Ligada, «C» Liganyň toparçalarynda 1-nji ýeri eýelänler «B» Ligada çykyş etmäge hukuk gazanarlar. «D» Liganyň her toparçasyndan 2 topar «C» Ligasyna çykar. Ozalkylara garanyňda, toparçalardan soň duşuşyklaryň sany köpeldilip, «A» Ligada 3-nji ýeri eýelänler «B» Ligada 2-nji ýeri eýelänler bilen, «B» Ligada 3-nji ýeri eýelänler, «C» Ligada 3-nji ýeri eýelänler bilen özara pleý-off duşuşyklaryny geçirerler.