Kaka etrabyndaky 1-nji başlangyç hünär okuw mekdebinde şaşka ýaryşy geçirildi. Etrabyň bedenterbiýe we sport bölüminiň, etrap bilim bölüminiň hem-de Türkmenistanyň Magtymguly adyndaky Ýaşlar guramasynyň etrap Geňeşiniň bilelikde guramagynda bolan ýaryşa bilim ulgamynda zähmet çekýän gelin-gyzlar gatnaşdy.
“Pähim-paýhas ummany Magtymguly Pyragy” ýylyna bagyşlanyp geçirilen bu ýaryşa gatnaşan bilim işgärleri özleriniň başarnygyny görkezdiler. Gyzykly duşuşyklaryň netijesinde etrapdaky 1-nji orta mekdebiň zenan mugallymlary toparlaýyn ýeňiji boldy. Ýeňijilere Türkmenistanyň Magtymguly adyndaky Ýaşlar guramasynyň etrap Geňeşi tarapyndan ýadygärlik sowgatlar dabaraly ýagdaýda gowşuryldy.
