Ezberler öňe saýlandylar
Garaşsyz, Bitarap Türkmenistan döwletimizde Arkadagly Gahryman Serdarymyzyň parasatly baştutanlygynda bedenterbiýe we sporty ösdürmek, ýaşlary sporta çekmek maksady bilen birnäçe işler alnyp barylýar we ýaş türgenleriň arasynda dürli ýaryşlar geçirilýär. Golaýda şeýle maksat bilen welaýat bedenterbiýe we sport baradaky baş müdirliginiň guramagynda Wekilbazar etrabyndaky sport mekdebinde sportuň grek-rim görnüşi boýunça welaýatyň birinjiligini almak ugrunda 2007-2009-njy ýyllarda doglan ýetginjekleriň arasynda ýaryş geçirildi. Ýaryşa şäherimizdäki 1-nji, 2-nji, 4-nji, 6-njy, 8-nji sport mekdepleriniň, Wekilbazar, Sakarçäge, Mary etraplarynyň we Baýramaly şäheriniň ezber türgenleri gatnaşdylar.
