Baýraklarymyzyň sany artýar

Bilim
5 Iýun 2024
163

Türkmenistanyň Serhet institutynyň harby talyplary döwletimizde we halkara derejesinde geçirilýän ders bäsleşikleridir olimpiadalara gatnaşyp, baýrakly orunlara mynasyp bolýarlar. Ýaňy-ýakynda Türkmenistanyň Daşary işler ministrliginiň Halkara gatnaşyklary institutynda geçirilen «Halkara gatnaşyklary: parahatçylyk dialogynyň medeniýeti» atly halkara derejeli bäsleşige hem ýokary harby okuw mekdebimiziň talyplary işjeň gatnaşdylar. Bäsleşigiň şertlerine laýyklykda, degişli sowallar boýunça özara güýç synanyşan zehinli talyplaryň arasyndan harby talyplarymyz öňe saýlanmagy başardylar. Netijede, institutymyzyň Umumy ylymlar we jemgyýeti öwreniş kafedrasynyň mugallymy Akmyrat Durdyýewiň ýolbaşçylygynda ykjam taýýarlyk gören harby talyplar Annabagt Döwletdurdyýewa 2-nji, Gündogdy Aýmämmedow, Ýolaman Meretbaýew hem-de Nurmuhammet Aşyrow dagy 3-nji orna mynasyp boldular. Ýeňijilere halkara derejedäki diplomlar dabaraly ýagdaýda gowşuryldy.

Merdan JUMANAZAROW,
Türkmenistanyň Serhet institutynyň mugallymy.
Beýleki habarlar