Türkmeniň nusgalyk alabaýy

Esaslandyryjysy: Halkara "Türkmen alabaý itleri" assosiasiýasy
Salgysy: Aşgabat şäheri, Bitarap Türkmenistan şaýoly 553/2 jaýy.
Telefon belgileri: 39-00-72

Gazeti PDF görnüşinde ýükläp almak

Habarlar

Merkezi duşuşykda «Atletiko» ýeňiş gazandy

Geçen hepdäniň şenbe güni Ispaniýanyň La ligasynyň 18-nji tapgyrynyň merkezi oýnunda «Barselona» öz meýdançasynda «Atletikony» myhman aldy. Dartgynly geçen oýunda «Atletiko» 90+6 minutda Serlot tarapyndan urlan gol arkaly 2:1 hasabynda ýeňiş gazanmagy başardy. Serlotdan başga-da, ýer eýeleriniň düzüminde 30-njy minutda Pedri, myhmanlardan bolsa 60-njy minutda De Pol tapawutlandy. Şeýlelikde, «Atletiko» 18 oýunda utuklarynyň sanyny 41-e ýetirip, La liganyň turnir tablisasynda 1-nji orna geçdi. «Barselonanyň» hasabynda bolsa 19 oýundan soňra 38 utuk bar.

22 Dekabr 2024

Sport

VI Yslam raýdaşlygy oýunlary Er-Riýadda geçiriler

2025-nji ýylda VI Yslam raýdaşlygy oýunlary Saud Arabystanynyň paýtagty Er-Riýad şäherinde geçiriler. Bu barada Yslam raýdaşlygynyň sport assosiasiýasynyň Albaniýanyň Tirana şäherinde geçirilen nobatdaky mejlisinde mälim edildi. Guramanyň metbugat gullugynyň habar bermegine görä, VI Yslam raýdaşlygy oýunlary geljek ýylyň 7 — 21-nji noýabry aralygynda bolup geçer. Ýaryşyň maksatnamasyndan sportuň olimpiýa görnüşleriniň 13 sanysy, olimpiýa däl sport görnüşleriniň 4 sanysy, paralimpiýa sport görnüşleriniň 3 sanysy hem-de 1 sany milli sport görnüşi orun alar.

22 Dekabr 2024

Sport

Žunior — «ýylyň iň gowy futbolçysy»

Geçen hepde Doha şäherinde geçirilen dabarada FIFA tarapyndan futbol dünýäsinde «Ýylyň iň gowulary» yglan edildi. Oňa laýyklykda, «Realyň» 24 ýaşly braziliýaly wingeri Winisius Žunior «Ýylyň iň gowy erkek futbolçysy» diýen ada eýe boldy. Ol bu ugurda geçirilen ses berlişikde topardaşy Jud Bellingemden hem-de «Mançester Sitiniň» wekili, «France Footbal» tarapyndan «altyn topa» mynasyp görlen Rodriden öňe saýlanmagy başardy. Şeýle-de FIFA tarapyndan «Realyň» halypasy Karlo Ançelotta «Ýylyň iň gowy tälimçisi», «Aston Willanyň» argentinaly derwezeçisi Emiliano Martinese «Ýylyň iň gowy derwezeçisi» üçin niýetlenilen baýraklar gowşuryldy. «Mançester Ýunaýtediň» argentinaly hüjümçisi Alehandro Garnaço bolsa «Ýylyň iň owadan golunyň» awtory hökmünde ykrar edildi.

22 Dekabr 2024

Sport

135 ýyllyk rekordy gaýtalady

«Liwerpulyň» täze tälimçisi Arne Slot özboluşly netije bilen taryha girdi. Has takygy, ol toparyň halypasy hökmünde deslapky 24 oýunda 20 ýeňiş gazandy, 3 gezek deň oýnady hem-de 1 gezek ýeňlişe sezewar boldy. Şeýlelikde, niderlandly hünärmen futbol boýunça Angliýanyň çempionatynyň ýokary diwiziýonynda çykyş edýän toparlaryň tälimçileriniň arasynda 20 ýeňşe iň çalt ýetmekde 1888-1889-njy ýylda goýlan rekordy gaýtalady. Şol möwsümde «Prestonyň» halypasy Uilýam Sadell hem topary bilen 24 oýunda 20 ýeňiş gazanmagyň hötdesinden gelipdir.

22 Dekabr 2024

Sport

190 million dollarlyk tutluşykda Usik ýeňdi

21-nji dekabrda Saud Arabystanynda uly boks agşamy guraldy. Onuň merkezi tutluşygynda agyr agramyň çempiony Aleksandr Usik Taýson Fýuri bilen güýç synanyşdy. Boks äleminde ýylyň iň garaşylan wakalarynyň biri bolan bu haklaşyk söweşi doly dowam etdi. Onda eminleriň karary esasynda Aleksandr Usik ýene garşydaşyndan üstün çykdy. Şeýlelikde, Aleksandr Usik agyr agramda özüne degişli çempionlyk guşaklaryny saklap galmagy başardy. Onuň häzire çenli 23 tutluşyk geçirip, heniz ýeňlişe sezewar bolmandygyny nygtamak gerek.

22 Dekabr 2024

Sport

«Real» yklymara kuboga mynasyp boldy

Ispaniýanyň «Real» topary FIFA-nyň klublaryň arasyndaky yklymara kubogyna mynasyp boldy. «Real» ýaryşyň finalynda Meksikanyň «Paçuka» toparynyň derwezesine jogapsyz 3 top ýollady. Kataryň Doha şäherindäki «Lusail» stadionynda oýnalan finalda gollara Kiliýan Mbappe, Rodrigo hem-de Winisius Žunior awtorlyk etdi. Şeýlelikde, «Real» 2024-nji ýyldaky 5-nji kubogyna eýe çykdy. Topar mundan ozal ýylyň başynda Ispaniýanyň Superkubogyna mynasyp bolupdy. Geçen möwsümiň jemleri boýunça bolsa «Real» Ýewropanyň çempionlar ligasynda hem-de Ispaniýanyň La ligasynda ýeňşini baýram etdi. Şeýle-de bu ýyl UEFA-nyň Superkubogy hem «Reala» nesip edipdi.

22 Dekabr 2024

Sport

Sport. Dostluk. Bagtyýarlyk

«7/24.tm»: №52 (239) 23.12.2024 Bal­ka­na­bat şä­he­ri­niň Gum­dag şä­her­çe­si­niň 6-njy we 7-nji sport mek­dep­le­ri bi­len bi­le­lik­de Türk­me­nis­ta­nyň Mag­tym­gu­ly adyn­da­ky Ýaş­lar gu­ra­ma­sy­nyň Bal­ka­na­bat şä­her Ge­ňe­şi «Sport bi­ziň sag­ly­gy­myz­dyr» ady bi­len mil­li gö­reş bo­ýun­ça Gum­dag şä­her­çe­si­niň sport mek­dep­le­ri­niň tür­gen­le­ri­niň ara­syn­da bi­rin­ji­lik ge­çir­di. Ýa­ryş­da 1-nji or­na Kuw­wat Baý­ram­dur­dy­ýew, 2-nji or­na Jeý­hun Sö­ýün­mäm­me­dow, 3-nji or­na Ka­kyş Se­ýi­dow my­na­syp bol­dy. Ýa­ryş­da ýe­ňi­ji bo­lanlara Gum­dag şä­her­çe­si­niň 6-njy sport mek­de­bi­niň Hor­mat hat­la­ry we Türk­me­nis­ta­nyň Mag­tym­gu­ly adyn­da­ky Ýaş­lar gu­ra­ma­sy­nyň Bal­ka­na­bat şä­her Ge­ňe­şi­niň ýa­dy­gär­lik sow­gat­la­ry gow­şu­ryl­dy.

22 Dekabr 2024

Sport

Sport habarlary

«7/24.tm»: №52 (239) 23.12.2024 Akyl-paý­has oýun­la­ry bo­ýun­ça bäs­le­şik

22 Dekabr 2024

Sport

Sam­bo gö­re­şi bo­ýun­ça ýa­ryş

«7/24.tm»: №52 (239) 23.12.2024 2024-nji ýy­lyň 10-njy de­kab­ryn­da Türk­me­nis­ta­nyň Be­den­ter­bi­ýe we sport ba­ra­da­ky döw­let ko­mi­te­ti­niň Türk­me­nis­ta­nyň Bi­lim mi­nistr­li­gi hem-de Türk­me­nis­ta­nyň Mil­li ta­lyp­lar sport fe­de­ra­si­ýa­sy bi­len bi­le­lik­de Türk­men döw­let be­den­ter­bi­ýe we sport ins­ti­tu­ty­nyň sport top­lu­myn­da Türk­me­nis­ta­nyň Bi­ta­rap­lyk baý­ra­my­nyň 29 ýyl­ly­gy my­na­sy­bet­li ýur­du­my­zyň ýo­ka­ry okuw mek­dep­le­ri­niň ta­lyp­la­ry­nyň ara­syn­da Sam­bo gö­re­şi (og­lan­lar) bo­ýun­ça ýa­ryş ge­çi­ril­di.

22 Dekabr 2024

Sport

Sport – çaga zehinine ýardam-hemaýat

«7/24.tm»: №52 (239) 23.12.2024 Islendik binanyň pugtalygynyň, ygtybarlylygynyň we durnuklylygynyň onuň binýadynyň ynamly goýluşyna, düýbüniň mäkäm tutulyşyna bagly bolşy ýaly, ynsanyň bilim, terbiýe, ruhy-ahlak sypatlarynyň tutuş durkunda onuň aňyna we kalbyna körpelikden guýulýan deslapky bilim-terbiýe başlangyçlary düýpli ähmiýete eýedir. Hut şonuň üçinem başlangyç synp okuwçylaryny irgözinden bedenterbiýä we sporta gözükdiriji guramaçylyk, usulyýet we höweslendiriş çäreleri geljekde bilimli, döredijilikli, düşünjeli raýatlaryň, ökde hünärmenleriň, ösen şahsyýetleriň kemala gelmegine wajyp badalgadyr.

22 Dekabr 2024

Sport

ELEKTRON SPORT: ÝÖNEKEÝ GÜÝMENJEDEN HAKYKY HÜNÄRE ÇENLI

Häzirki zaman jemgyýetini kompýuter tehnologiýasyz göz öňüne getirmek kyn. Bilim, saglygy goraýyş, medeniýet, garaz ähli pudaklarda kompýuter tehnologiýalary ornaşdyrylýar. Göräýmäge, sport janlylygy, ýaryşyjylygy bilen tapawutlanýanlygy üçin kompýuter tehnologiýasyna zerurlyk ýüze çykmajak ýaly, ýöne tersine, türgeniň sportda kämilleşmegi üçin onuň ähmiýeti uly. Meselem, futbolda we basketbolda ulanylýan kompýuterleşdirilen täze enjamlar bellenilen aralyga, bellenilen tizlikde topy zyňmagy ýa-da sportuň käbir görnüşlerinde türgenleşik zallarynyň köpüsiniň sport inwentary hökmünde ulanylmagy, köpüsinde türgen, ýagny garşydaş hökmünde kabul edip, bäsleşip bolýanlygy türgenleşikleriň hiline täsir edip, netijeliligi artdyrýar. Şeýlelikde, maglumatlar we internet eýýamynda kompýuter tehnologiýalarynyň peýdalanylşynyň ýaýbaňlanmagy netijesinde sportuň täze görnüşiniň emele gelmegine täsir etdi. Kompýuter sporty ýa-da elektron sport (e-sport) diýlip atlandyrylýan kibersportuň taryhy 1997-nji ýyldan – KSL-niň (kompýuter sport ligasynyň) döredilen wagtyndan başlanýar diýlip hasaplanylsa-da, kompýuter oýunlaryny oýnamak boýunça ilkinji köpçülikleýin ýaryş geçen asyryň 70-nji ýyllarynda Stenford uniweristetinde 25 oýunçynyň gatnaşmagynda Spacewar oýnuny oýnamak boýunça geçirilýär. 1980-nji ýyllarda elektron sport esasan, täze döredilen pristawkalaryň (oýun enjamlary) hasabyna kämilleşdi.

21 Dekabr 2024

Sport

Sagdyn nesil – röwşen geljek

Ýaş nesliň beden we ruhy taýdan sagdyn kemala gelmegi, watansöýüjilik ruhunda terbiýelenmegi hormatly Prezidentimiziň amala aşyrýan döwlet syýasatynyň esasy ugurlarynyň biridir. Şunda şahsyýetiň kämilliginiň hem-de sagdyn jemgyýetiň gözbaşy hökmünde bedenterbiýä we sporta aýratyn ähmiýet berilýär. Sport bilen meşgullanýan ýaşlar durmuşda we jemgyýetde mynasyp orun tapyp, ýurdumyzyň okgunly ösüşlerine goşant goşýarlar. Garaşsyz Watanymyzda döwrebap sport düzümlerini döretmek babatda dünýä nusgalyk işler amala aşyryldy. Bu günki gün ýurdumyzyň welaýatlarynda, Aşgabat we Arkadag şäherlerinde döwrebap enjamlar hem-de öňdebaryjy tehnologiýalar bilen üpjün edilen sport desgalary, ýöriteleşdirilen sport mekdepleri we merkezleri halkymyza hyzmat edýär. Ýurdumyzda mekdep ýaşyna çenli edaralaryňdyr umumybilim berýän mekdepleriň, ýokary okuw mekdepleriniň hem-de ýaşaýyş toplumlarynyň taslamalary işlenip taýýarlanylanda, olarda sport düzümleriniň bolmagy hökmany talap hasaplanylýar. «Türkmenistan – ruhubelentligiň we sagdynlygyň ýurdy» diýen şygar astynda dürli ýaşdaky we kärdäki ildeşlerimiziň arasynda geçirilmegi däbe öwrülen bäsleşikler bolsa sagdyn jemgyýeti kemala getirmäge ýardam edýär.

20 Dekabr 2024

Sport

Futbol täzelikleri

Aziýanyň Futbol Konfederasiýasynyň edara binasynyň ýerleşýän ýeri bolan Kuala-Lumpur şäherinde 2027-nji ýylda geçiriljek Aziýanyň Kubogynyň saýlama tapgyrynyň bije çekişlik dabarasy boldy. Onuň netijesinde Türkmenistanyň milli ýygyndysy «D» toparçada Tailandyň, Hytaý Taýbeýiniň hem-de Şri-Lankanyň milli ýygyndy toparlary bilen duşuşar.

20 Dekabr 2024

Sport

Halypalar futbol meýdanynda

Arkadagly Gahryman Serdarymyzyň hem-de Gahryman Arkadagymyzyň tagallalary netijesinde sport ýurduna öwrülen eziz Watanymyzda halypa-şägirtlik ýoly giň gerimde dowam etdirilýär. Bu ugurda alnyp barylýan işleriň esasynda türkmen türgenleri öz döwründe netijeli çykyş eden halypalar bilen egin-egne berip türgenleşik işlerini geçmäge mümkinçilik alýarlar. Ine, ýakynda Türkmenistanyň Futbol federasiýasy bilen «Nebitçi» futbol klubunyň guramagynda Balkan welaýatynyň hem-de paýtagtymyzyň halypa futbolçylarynyň arasynda geçirilen ýoldaşlyk duşuşygy hem bu ugurda alnyp barylýan işleriň dowamy boldy. Balkanabat şäherindäki «Sport toplumy» stadionyna ýanaşyk futbol meýdanynda Türkmenistanyň Nebitgaz senagaty we geologiýa işgärleriniň güni mynasybetli guralan ýoldaşlyk duşuşygy köp sanly futbol janköýerleriniň ünsüni özüne çekdi. Şeýle bolmazça hem däldi, çünki şol gün türkmen futbolynyň taryhynda yz goýan halypa futbolçylar duşuşýardylar. Janköýerlere öz söýgüli futbolçylary bilen pikir alyşmaga, dürli maslahatlary diňlemäge hem mümkinçilik döredildi.

20 Dekabr 2024

Sport

Paýtagtyň sport durmuşyndan

Aşgabat şäheriniň bedenterbiýe we sport baradaky Baş müdirliginiň «Täze zaman» bedenterbiýe-sagaldyş toplumynda hapkido boýunça Aşgabat şäheriniň açyk Kubogy ugrunda ýaryş geçirildi. Çekeleşikli geçen ýaryşda Resul Döwletgeldiýew (32 kg), Aýhan Mämmedow (32 kg), Ybraýym Jumaýew (35 kg), Nowruz Ylýasow (38 kg), Muhammetresul Täçmyradow (33 kg), Şahtiýar Rahimow (50 kg), Pälwan Hudaýgulyýew (46 kg), Resul Begenjow (55 kg), Orazmyrat Işanmyradow (55 kg), Bezirgen Jumadurdyýew (75 kg), Serdar Oraznepesow (80 kg), Röwşen Şamyradow (85 kg) baýrakly orunlary eýeledi. Ýaryşyň umumy netijesi boýunça Aşgabat şäheriniň topary ýeňiji boldy.

20 Dekabr 2024

Sport

Bedenterbiýe we sport

Bu gün­ki gün ýur­du­my­zyň döw­re­bap sport mek­dep­le­rin­de ýaş tür­gen­ler spor­tuň dür­li gör­nüş­le­ri bo­ýun­ça tä­lim al­ýar­lar we dür­li ýa­ryş­la­ra gat­na­şyp, bar­ha kä­mil­leş­ýär­ler. Ýo­ka­ry okuw mek­de­bi­mi­ziň ta­lyp ýaş­la­ry hem us­sat tä­lim­çi-mu­gal­lym­la­ryň tä­lim ber­me­gin­de spor­tuň dür­li gör­nüş­le­ri bi­len meş­gul­la­nyp, ab­raý­ly hal­ka­ra ýa­ryş­lar­da üs­tün­lik­li çy­kyş ed­ýär­ler. Şeý­le hem ýaş­la­ryň ara­syn­da ge­çi­ril­ýän wa­gyz-ne­si­hat du­şu­şyk­la­ryn­da be­den­ter­bi­ýä­niň we spor­tuň äh­mi­ýe­ti giň­den wa­gyz edil­ýär. Bi­ze aja­ýyp za­ma­na­da oka­ma­ga, spor­tuň dür­li gör­nüş­le­ri bi­len meş­gul­lan­ma­ga dö­re­dip ber­ýän müm­kin­çi­lik­le­ri üçin Gahryman Arkadagymyza, Arkadagly Gahryman Serdarymyza köp sag­bol­sun aýd­ýa­rys. Üzümgül HAJYÝEWA,

20 Dekabr 2024

Sport

Taryhda şu gün

Şeýle-de, dabarada möwsümiň iň owadan goly hem mälim edildi. Geçirilen ses berlişikde Ronaldunyň 2008/2009 möwsümiň Çempionlar ligasynyň çärýekfinalynda «Mançester Ýunaýtediň» düzüminde «Porto» toparyna geçiren topy saýlanyldy.

20 Dekabr 2024

Sport

Sport — sagdyn durmuş ýörelgesi

Türkmenistanyň Magtymguly adyndaky Ýaşlar guramasynyň Esenguly etrap geňeşiniň hem-de etrap bedenterbiýe we sport bölüminiň bilelikde  guramagynda «Sport — sagdyn durmuş ýörelgesi» diýen at bilen sportuň şaşka, küşt görnüşleri boýunça geçirilen ýaryş çekeleşikli boldy. Gyzykly pursatlara baý bolan ýaryşa etrabyň edara-kärhanalarynda zähmet çekýän gelin-gyzlardan düzülen toparlar  gatnaşyp, ökdeler öňe saýlandylar. Olara ýadygärlik sowgatlary gowşuryldy.

20 Dekabr 2024

Sport

FI­FA ýy­lyň iň go­wu­la­ry­ny saý­la­dy

Hal­ka­ra fut­bol fe­de­ra­si­ýa­lar as­so­sia­si­ýa­sy­nyň «FI­FA The Best» baý­rak­la­ry­nyň bu ýyl­ky ýe­ňi­ji­le­ri bel­li bol­dy. Ka­ta­ryň Lu­sa­il şä­he­rin­de ge­çi­ri­len da­ba­ra­da ýy­lyň iň ök­de oýun­çy­sy diý­lip, «Re­al Mad­ri­diň» bra­zi­li­ýa­ly ýyl­dy­zy Wi­ni­si­us Ju­ni­or saý­lan­dy. «Al­tyn to­py» is­pa­ni­ýa­ly Rod­rä al­dy­ran Wi­ni­si­us Ju­ni­or bu ge­zek mün­be­riň iň ýo­ka­ry bas­gan­ça­gy­na çyk­dy. Ol 48 utuk alyp, is­pa­ni­ýa­ly Rod­ri­den (47 utuk) hem-de to­par­da­şy Jud Bel­lin­gam­dan (37 utuk) köp ses al­ma­gy ba­şar­dy. Wi­ni­si­us FI­FA ta­ra­pyn­dan ýy­lyň oýun­çy­sy saý­la­nan 6-njy bra­zi­li­ýa­ly fut­bol­çy bo­lup, on­dan öň Lu­is Ro­nal­do (3), Ro­nal­di­nio (2), Ro­ma­rio, Ri­wal­do hem-de Ka­ka 2009-njy ýyl­dan ozal FI­FA Dün­ýä­de ýy­lyň fut­bol­çy­sy baý­ra­gy­ny ga­za­nyp­dy­lar. Ar­gen­ti­na­ly Emi­lia­no Mar­ti­nes ýy­lyň der­we­ze­çi­si, ita­li­ýa­ly Kar­lo An­çe­lot­ti ýy­lyň tä­lim­çi­si diýlip saý­lan­dy.

20 Dekabr 2024

Sport

Af­ri­ka­da ýy­lyň fut­bol­çy­sy baý­ra­gy­nyň ýe­ňi­ji­si bel­li bol­dy

Af­ri­ka fut­bol kon­fe­de­ra­si­ýa­sy Ma­rok­ko­nyň Mar­ra­keş şä­he­rin­de ge­çi­ri­len da­ba­ra­da ýy­lyň iň ök­de­le­ri­ni mä­lim et­di. Ita­li­ýa­nyň «Ata­lan­ta» to­pa­ryn­da çy­kyş ed­ýän ni­ge­ri­ýa­ly hü­jüm­çi Ade­mo­la Luk­man ýy­lyň iň go­wy af­ri­ka­ly fut­bol­çy­sy diý­lip saý­lan­dy. 27 ýa­şyn­da­ky ýyl­dyz oýun­çy bu ugur­da ma­rok­ko­ly Aş­raf Ha­ki­mi, Gü­nor­ta af­ri­ka­ly Ron­wen Wil­liams, kot-d’iwuar­ly Si­mon Ading­ra hem-de gwi­ne­ýa­ly Ser­hu Gi­ras­si da­gy­dan köp ses al­ma­gy ba­şar­dy. Baý­ra­gy ge­çen ýyl baş­ga bir ni­ge­ri­ýa­ly hü­jüm­çi Wik­tor Osim­hen alyp­dy. Af­ri­ka­da ýy­lyň ze­nan fut­bol­çy­sy baý­ra­gy­na ABŞ-nyň «Or­lan­do Praýd» klu­bun­da oý­na­ýan zam­bi­ýa­ly Barb­ra Ban­da my­na­syp bol­dy. Ol bu baý­ra­gy ga­za­nan il­kin­ji zam­bi­ýa­ly ze­nan fut­bol­çy diý­lip bel­li­ge alyn­dy.

20 Dekabr 2024

Sport