Газета "Нейтральный Туркменистан"

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-18, 39-95-82, 39-95-88
Email: neytralnyturkmenistan-gazeti@online.tm

Gazeti PDF görnüşinde ýükläp almak

Habarlar

Ylym ýoly — ykbal ýoly

Gurbangül Guzyçyýewa ykbalyny ylma baglan hem-de kesbinden kemal tapýan zenanlaryň biri. Halypa alym zenan häzirki wagtda-da ylym bilen meşgullanmagyny dowam edýär. Ýaş alymlara halypalyk edýändigine garamazdan, özi-de ylmy öwrenmegi dowam edýär. Ylmy gözleglerini golýazma nusgalary bilen baglanyşykly islendik temadan ýazsa-da, ol çuňňur derňew geçirip, türkmen edebiýatynyň inçe syrlaryny açyp görkezýär. Ol alymlara mahsus bolan sypaýylyk, agraslyk, pespällik, açykgöwünlilik ýaly ajaýyp häsiýetleri özünde jemleýän, türkmen milli ylmyny ösdürmäge önjeýli goşant goşýan alymlaryň hatarynda tanalýar. Ol 1971-nji ýylda Daşoguz welaýatynyň Görogly etrabyndaky 13-nji orta mekdebi tamamlap, Magtymguly adyndaky Türkmen döwlet uniwersitetiniň türkmen filologiýasy fakultetine okuwa girýär. Ýokary okuw mekdebinde tejribeli mugallymlardan sapak alýar.

9 Aprel 2024

Ylym

Ynsanperwerligi dabaralandyrýan beýik ýol

Ynsanperwerlik, parahatsöýüjilik, hoşniýetlilik syýasatyny öňe sürýän Türkmenistanyň hemişelik Bitaraplyk hukuk ýagdaýy gözbaşyny taryhy geçmişden alyp gaýdýar. Türkmen halkynyň döredip, kämilleşdirip, şu günki güne gelip ýetiren ahlak-ruhy gymmatlyklaryny dabaralandyrýan özboluşly aýratynlyklary bar. Türkmeniň adalatlylyk, rehimdarlyk, ynsanperwerlik, sabyr-kanagatlylyk ýaly häsiýetleri halkymyzyň ganyna siňendir. Bu häsiýetler türkmen edebiýatynda, halk döredijilik eserlerinde öz beýanyny giňden tapypdyr. Halkyň arasyndaky dostluk bilen bagly pähimler ynsan gatnaşyklarynyň we döwletiň döwletler bilen ynsanperwer gatnaşyklaryny alyp barmagynyň esaslanmasyny görkezýär. Şu jähetden türkmen Bitaraplygy öz gözbaşyny gadymy döwürlerden alyp gaýdýandygyny beýik akyldarlarymyzyň döredijiliginde aýdyň görmek bolýar. Şeýle garaýyşlar Merwde doglan Abdylla Mübäregiň döredijiliginde hem beýanyny tapýar.

9 Aprel 2024

Ylym

Ylym — ösüşleriň binýady

Ýurdumyzda ylym-bilimi ösdürmek, ýaş nesilleri kämil şahsyýetler edip ýetişdirmek esasy ugurlaryň biridir. Ähli ösüşleriň, özgerişleriň we üstünlikleriň gözbaşy ylym-bilimiň binýady bilen baglanyşyklydyr. Şonuň üçin ýurdumyzda ylym-bilim ulgamy häzirki zamanyň talaplaryna laýyklykda düýpli özgerýär. Hususan-da, ylym ulgamy döwletimiziň we jemgyýetimiziň we geljekki ösüşleriň ygtybarly daýanjy hasaplanylýar. Hormatly Prezidentimiz şeýle belleýär: «Ylym we tehnologiýalar biziň şu günki hem-de geljekki ösüşlerimiziň esasyny düzýän gymmatlygymyzdyr». Şu parasatly sözlerden görnüşi ýaly, ylym diňe bir şu günki ösüşimizi däl-de, eýsem, röwşen geljegimizi hem üpjün edýär. Berkarar döwletiň täze eýýamynyň Galkynyşy döwründe ýurdumyzyň ähli pudaklarynda bolşy ýaly, ylym-bilim ulgamynda hem uly üstünliklere eýe bolunýandygyny bellemek gerek. Şunda dünýä döwletleriniň abraýly ylym we bilim merkezleri bilen özara hyzmatdaşlygyň işjeňleşýändigini aýtmak bolar. Munuň özi ylym-bilimi ösdürmek bilen bir hatarda dost-doganlyk gatnaşyklaryny-da pugtalandyrýar.

7 Aprel 2024

Ylym

Ylym dün­ýä­si­niň ägir­di

«7/24. tm» №15 (202), 08.04.2024 Mu­kad­des Ga­raş­syz­ly­gy­myz mil­li gym­mat­lyk­la­ry­my­zy, şeý­le-de mil­li ta­ry­hy­my­zy asyl dur­kun­da do­ly öw­ren­me­gi­mi­zi gaý­ta­ryp ber­di. Ibn Si­na Ür­genç (hä­zir­ki Kö­ne­ür­genç) şa­sy Aly ben Ma­mu­nyň köş­gü­niň ýa­nyn­da­ky ylym öýün­de özi ýa­ly da­na alym­lar, luk­man­lar bi­len bi­le­lik­de ylym bi­len meş­gul­lan­ýar. Gu­jur-gaý­ra­ty­nyň joş ur­ýan wag­ty ta­ny­mal alym­lar, akyl­dar­lar, luk­man­lar bi­len gat­na­şyk­da bol­ma­gy Ibn Si­na ok­gun­ly öňe git­mä­ge ýar­dam ed­ýär. 

7 Aprel 2024

Ylym

Wideogörnüşleriň bäsleşigi

Magtymguly Pyragynyň doglan gününiň 300 ýyllygyny dabaralandyrmak maksady bilen biziň baýry ýokary okuw mekdebimiz ýurdumyzyň ýokary okuw mekdepleriniň talyplarynyň arasynda «Magtymguly and the present day» («Magtymguly we şu gün») atly iňlis dilinde wideogörnüşleri taýýarlamak boýunça bäsleşik yglan etdi. Uly gyzyklanma eýe bolan bäsleşikde ýurdumyzyň ýokary okuw mekdeplerinden gelen wideogörnüşleriň 45-si kabul edilip, olaryň arasyndan iň gowulary ýeňijiler diýlip yglan edildi. Ýeňijiler saýlanyp alnanda, esasan, işiň Magtymguly Pyragynyň döredijilik dünýäsini we onuň öwrenilişini içgin açyp görkezişine üns berildi.

5 Aprel 2024

Ylym

Tejribelik geçýän talyplaryň bäsleşigi geçirildi

«Türkmenistanda daşary ýurt dillerini okatmagy kämilleşdirmegiň Konsepsiýasyna» laýyklykda Seýitnazar Seýdi adyndaky Türkmen döwlet mugallymçylyk instituty «Berdimuhamet Annaýewiň durmuş we zähmet ýoly mugallymçylyk ussatlygyny kämilleşdirmegiň usulyýet esasydyr» atly bäsleşigi guramaga gatnaşdy. Magtymguly adyndaky Türkmen döwlet uniwersiteti we Döwletmämmet Azady adyndaky Türkmen milli dünýä dilleri instituty bilen bilelikde guralan bäsleşik iňlis dilini okatmagyň usulyýeti boýunça geçirildi. Oňa ýokarda ady agzalan ýokary okuw mekdepleriniň mugallymçylyk tejribeligini geçýän talyplary gatnaşdylar.

4 Aprel 2024

Ylym

Gymmaty egsilmejek eserler

Ata Watanymyzyň röwşen geljegi bolan ýaş nesliň edep-terbiýeli, ylym-bilimli, kämil şahsyýet hökmünde kemala gelmegi üçin uly aladalar edilýär. Ýaşlary watansöýüjilik we ynsanperwerlik ruhunda terbiýelemekde, olarda ata Watana, halka, mukaddesliklere, asylly däp-dessurlarymyza, milli gymmatlyklarymyza belent söýgi döretmekde Gahryman Arkadagymyzyň jöwher paýhasyndan dörän ajaýyp eserleriniň, Arkadagly Gahryman Serdarymyzyň kitaplarynyň ähmiýeti örän uludyr. Bu kitaplar nesil terbiýesi baradaky manyly, parasatly pikirlere ýugrulan jümlelere örän baý bolmak bilen, adamyň ruhy dünýäsini, dilini baýlaşdyrýan we kämilleşdirýän, durmuş meselesine giňişleýin jogap berýän, dogry ýola ugrukdyrýan bahasyna ýetip bolmajak gymmatlyklardyr. Gahryman Arkadagymyzyň kitaplary taryhy we ylmyň beýleki ugurlaryna degişli hem-de milli gymmatlyklarymyz baradaky maglumatlary, asyrlar aşyp, biziň günlerimize gelip ýeten rowaýatlary, pähim-paýhaslary özünde jemlemek bilen, ruhy dünýämizi baýlaşdyrýan terbiýe mekdebidir. Hormatly Prezidentimiziň kitaplarynda Watanyňy söýmek, oňa wepaly bolmak, ýurdumyzyň bedew batly ösüşlerine öz mynasyp goşandyňy goşmak, gadymy taryhymyz, medeniýetimiz hakynda gymmatly pikir-garaýyşlar beýan edilýär.

3 Aprel 2024

Ylym

Ylym-bilimde netijeli işler

Berkarar döwletiň täze eýýamynyň Galkynyşy döwründe ýurdumyzyň bilim ulgamyny mundan beýläk-de ösdürmek we onuň maddy-enjamlaýyn binýadyny has-da berkitmek, dünýä ölçeglerine laýyk gelýän öňdebaryjy enjamlar bilen üpjün etmek boýunça uly işler durmuşa geçirilýär. Mälim bolşy ýaly, hormatly Prezidentimiziň tagallasy bilen Türkmen döwlet binagärlik-gurluşyk institutynyň täze binalar toplumy gurulýar. Aşgabat şäheriniň Görogly köçesiniň ugrunda gurluşygyna badalga berlen institutyň 5000 orunlyk täze binalar toplumynyň okuw otaglaryny döwrebap enjamlaşdyrmak boýunça tejribeli hünärmenlerden ybarat bolan iş topary döredildi. Iş topary tarapyndan institutymyzyň täze binalar toplumyny enjamlaşdyrmak, okuw otaglaryna ornaşdyrylmaly enjamlarynyň kysymyny, ulgamlaryny, programma üpjünçiliginiň sanawyny taýýarlamak boýunça potratçy kärhana bolan «Ajaýyp gurluşyk» hususy kärhanasy bilen degişli guramaçylyk işleri alnyp baryldy. Institutyň professor-mugallymlary Germaniýa Federatiw Respublikasynyň tejribehana enjamlaryny öndürýän kompaniýalarynda iş saparynda boldular. Gamburg şäherinde ýerleşýän «G.U.N.T. Gerätebau GmbH» kompaniýasynyň «G.U.N.T Hamburg» tejribehana enjamlaryny öndürýän zawodynda kompaniýanyň wekilleri bilen duşuşyk geçirildi.

31 Mart 2024

Ylym

Ibn Sinanyň ýörelgeleri

«7/24. tm» №14 (201), 01.04.2024 Türk­men hal­ky­nyň baý me­de­ni mi­ra­sy özü­niň kö­pö­wüş­gin­li­li­gi bi­len ta­pa­wut­lan­ýar. Halk luk­man­çy­ly­gyn­da hal­ky­myz baý däp­le­ri, öz­bo­luş­ly ýol-ýö­rel­ge­le­ri bi­len bi­ler­men­le­riň ün­sü­ni çek­ýär. Bi­ziň Di­ýa­ry­myz­da halk için­de luk­ma­nyň ady tu­tul­sa, Gün­do­ga­ryň be­ýik luk­ma­ny Ibn Si­na esas­la­nyl­ýar. Hä­zir­ki Mer­ke­zi Azi­ýa­nyň çäk­le­rin­de ýa­şan, okap bi­lim alan we luk­man­çy­lyk amal­la­ry bi­len at gal­dy­ran Abu Aly Ibn Si­na alym, fi­lo­sof hök­mün­de adam­zat yl­my­nyň ösü­şi­ne uly go­şant go­şan be­ýik şah­sy­ýet­dir.

31 Mart 2024

Ylym

Emeli intellekt

«Türkmenistan Sport», № 1 (21), 2024 Türk­me­nis­tan döw­le­ti­mi­ziň gur­lu­şy­nyň äh­li ugur­la­ryn­da bol­şy ýa­ly, mil­li yk­dy­sa­dy­ýe­tiň ösüş dep­gin­le­ri bo­ýun­ça ösen ýurt­la­ryň ha­ta­ryn­da bar­ýar. Türk­me­nis­tan tä­ze sep­git­le­re ýet­mek bi­len ösü­şiň tä­ze ýo­ka­ry de­re­je­si­ne mag­lu­mat­lar jem­gy­ýe­ti­ne ga­dam goý­dy. Eme­li in­tel­lekt adam­la­ryň ýa-da haý­wan­la­ryň te­bi­gy in­tel­lek­tin­den ta­pa­wut­ly­lyk­da, ma­şyn­lar ýa-da beý­le­ki en­jam­lar ta­ra­pyn­dan san­ly gör­nüş­de gör­ke­zil­ýän akyl­dyr. Onuň aý­ra­tyn­lyk­la­ry ba­ra­da Türk­men döw­let bi­na­gär­lik-gur­lu­şyk ins­ti­tu­ty­nyň mu­gal­lym­la­ry Aga­ber­di Ho­ja­ýew bi­len Şe­ker Mäm­met­gu­ly­ýe­wa gür­rüň ber­ýär.

30 Mart 2024

Ylym

Bular bilim barada

Biziň bilýänlerimiz çäklidir, bilmeýänlerimiz çäksizdir. Apuleý.

27 Mart 2024

Ylym

Genetika banky: ylym, ekin we önümçilik

Hormatly Prezidentimiz Serdar Berdimuhamedowyň 2023-nji ýylyň 2-nji noýabrynda gol çeken Kararyna laýyklykda, Türkmenistanyň Oba hojalyk ministrliginiň garamagynda Ylmy-barlag däneçilik, Ylmy-barlag ekerançylyk we Ylmy-barlag pagtaçylyk institutlary döredildi. Bu edaralaryň maksady oba hojalyk ekinleriniň hasyllylygyny ýokarlandyrmakdan hem-de olaryň işini ylmy esasda ulgamlaýyn alyp barmakdan ybaratdyr. Şunda ekinleriň tohum nusgalaryny ylmyň seçgi ugurly barlag işlerinde peýdalanmak we ýokary hasylly sortlary döretmek möhüm wezipe hasaplanýar. Dünýä tejribesinden belli bolşy ýaly, ekinleriň täze sortlaryny almakdan ozal, olaryň tohum nusgalarynyň goruny döretmegiň, özi-de olaryň ýeterlik möçberde saklanylmagynyň seçgi işiniň has netijeli bolmagyna uly täsiri bar. Häzir dünýäde döredilen genetika banklarynyň 1800-sinde ösümlikleriň 7 milliona golaý tohum nusgasy saklanýar. Ýurdumyzyň dag-düzlerinde we sähra-çöllük ýerlerinde ösýän dürli ösümlikleriň genetiki nesil toplumynyň ýabany görnüşleriniň, oba hojalyk ekinleriniň sortlarynyň tohum nusgalaryny genetika bankynda saklamak, olary geljek nesillere ýetirmek möhüm wezipe bolup durýar. Bu iş ekinleriň täze hasylly sortlaryny döretmekde, azyk howpsuzlygyny pugtalandyrmakda uly ähmiýete eýedir. Türkmen halky azyk önümlerini hil taýdan gowulandyrmak üçin hemişe ekinleriň iň ýokary sortlaryny döredip, ekerançylygyň me

26 Mart 2024

Ylym

Döwrüň innowasion ösüş ugruna eýerip

Hormatly Prezidentimiz Serdar Berdimuhamedowyň parasatly baştutanlygynda ýurdumyzda ýaşlaryň gatnaşmagynda bilim, ylym, innowasiýalar, önümçilik we işewürlik ulgamlary utgaşykly ösdürilýär hem-de olaryň arabaglanyşygy yzygiderli pugtalandyrylýar. Döwlet Baştutanymyzyň Ministrler Kabinetiniň 1-nji martda sanly ulgam arkaly geçirilen mejlisinde gol çeken Türkmenistanyň Oguz han adyndaky Inžener-tehnologiýalar uniwersitetiniň «Oguz han» ylmy-tehnologiýalar merkezini döretmek hakyndaky Karary hem munuň nobatdaky aýdyň güwäsi boldy. «2023-2024-nji ýyllar üçin Türkmenistanyň ykdysadyýetine ýokary we innowasion tehnologiýalary çekmäge gönükdirilen halkara hyzmatdaşlygyny ösdürmek babatynda Hereketleriň Meýilnamasyna» laýyklykda kabul edilen bu çözgüt ýurdumyzda innowasion senagaty ösdürmäge, ýaş inženerleri we tehnologlary taýýarlamaga, daşary ýurtlardan getirilýän harytlaryň ornuny tutýan önümleriň öndürilýän möçberlerinidir görnüşlerini artdyrmaga, innowasion tehnologiýalar ulgamynda halkara hyzmatdaşlygy ilerletmäge ýardam berer. Häzirki zaman dünýäsinde bilim we ylym ösüşiň esasyny düzýär we bäsdeşligiň çeşmesi bolup durýar. Täze bilimleri, innowasiýalary döretmäge, olary döwrebap tehnologiýalar, önümler we hyzmatlar üçin peýdalanmaga, şeýle hem guramaçylyk, dolandyryş işlerinde netijeli ulanmaga ukyply uniwersitetler dünýäde öňdebaryjylaryň hatarynda görülýär. Uniwe

23 Mart 2024

Ylym

Ylmy-barlag institutlary gadymy toprakda

Arkadagly Gahryman Serdarymyzyň parasatly baştutanlygynda milli ykdysadyýetimiziň ähli ugurlary bilen bir hatarda, ýurdumyzyň oba hojalygynda geçirilýän özgertmeleriň depginini has-da güýçlendirmek, daşary ýurtlardan getirilýän önümleriň ornuny tutýan önümleriň öndürilişini artdyrmak ugrunda giň gerimli işler amala aşyrylýar. «Pähim-paýhas ummany Magtymguly Pyragy» ýylynyň 24-nji fewralynda Gahryman Arkadagymyz Arkadag şäheriniň oba hojalyk toplumynyň binasyna geldi. Şol gün hormatly Prezidentimiziň tabşyrygy esasynda geçen ýylyň güýzünde açylan Ylmy-barlag däneçilik, Ylmy-barlag ekerançylyk institutlarynyň bu ajaýyp bina göçürilip getirilmegi biziň alymlarymyzyň göwünlerini galkyndyran waka boldy. Dünýä ülňülerine laýyklykda, ýokary derejede abzallaşdyrylan bu binada alymlaryň döredijilikli işlemegi, ylmy barlaglary netijeli alyp barmagy üçin ähli zerur şertler döredilen.

20 Mart 2024

Ylym

Gymmatly kitaplaryň terbiýeçilik ähmiýeti

Türkmen halky kitaplara, şol bir wagtda hem olary ýazan şahyrlara, ýazyjylara hemişe uly sarpa goýup gelipdir. Berkarar döwletiň täze eýýamynyň Galkynyşy döwründe bu ýörelge dowamat-dowam bolmak bilen, Gahryman Arkadagymyzyň gymmatly eserleriniň ajaýyp zamanamyzda ýolumyza şamçyrag bolup nur saçýandygyny nygtamak aýratyn ýakymlydyr. Ol eserleriň her biri özüniň many-mazmun taýdan çuňlugy, diliniň çeperligi, okyjy üçin sada hem düşnükli dilde ýazylandygy bilen tapawutlanyp, gymmatly gollanma bolup durýar. Milli Liderimiziň biri-birinden ajaýyp kitaplarynda ata Watana, ene topraga söýgi-buýsanç, ata-enä hormat goýmak, agzybirlik, halallyk, mydama ýagşy umytda bolmak, ahlak we hukuk kadalaryna eýermek, il-ýurduň bähbidini ileri tutmak, milli gymmatlyklarymyza buýsanç şeýle bir çeperçilik bilen beýan edilýär welin, olary gaýta-gaýta okanyňy duýman galýarsyň. Eserlerde taryhy hem durmuşy wakalaryň üsti bilen ýaş nesillere ata-babalarymyzdan dowamat-dowam bolup gelýän edep-terbiýe kadalary örän çeperçilik bilen ündelýär. Bu bolsa gymmatly eserleriň terbiýeçilik taýdan ähmiýetini has-da artdyrýar.

20 Mart 2024

Ylym

Kitaphana işi kämilleşýär

Hormatly Prezidentimiziň parasatly baştutanlygynda ähli ugurlar bilen bir hatarda, ylym-bilim, medeniýet ulgamlary täzeçe many-mazmuna eýe boldy, özgerdi we kämilleşdi. Medeniýetiň esasy ugurlarynyň biri bolan kitaphanalar häzirki zaman ösen tehnologiýalary bilen üpjün edilip, dünýä ülňülerine laýyk gelýän şertlerde okyjylara hyzmat edýär. Gözbaşyny gadymyýetden alýan milli medeniýetimiziň ruhy binýadyny berkidýän kitaphanalar bu gün döwür bilen aýakdaş. Gahryman Arkadagymyzyň tagallasy bilen häzirki zaman elektron enjamlary bilen enjamlaşdyrylan kitaphanalarda neşir önümlerini aýawly saklamak üçin ähli mümkinçilikler, kitaphana hyzmatyny ýokary derejede guramak üçin zerur şertler döredilen. Olaryň esasy hazynasy hasaplanylýan kitaplaryň jemgyýetiň, ýurdumyzyň geljegi bolan ýaşlaryň aň-düşünjesini özgertmekdäki orny juda ýokarydyr. Milli Liderimiziň jöwher paýhasyndan syzylyp çykýan kitaplarynda, hormatly Prezidentimiziň «Ýaşlar — Watanyň daýanjy» atly ilkinji kitabynda beýik özgertmeler, Garaşsyz, hemişelik Bitarap Türkmenistan döwletimiziň içeri we daşary syýasaty, ykdysady özgerişler, ýaşlar syýasaty, türkmen halkynyň taryhy, däp-dessurlary, milli ýörelgeleri, medeniýeti we sungaty, ýurdumyzyň gözel tebigaty ylmy taýdan hem, pelsepewi nukdaýnazardan hem giňden şöhlelendirilýär. Kitaphanalaryň ösüp gelýän ýaş nesli watansöýüjilik ruhunda terbiýelemekde, olaryň dünýägaraýyşla

20 Mart 2024

Ylym

«Bir gije ýatyrdym tünüň ýarynda...»

Ösüşlere beslenýän döwrümizde Gündogaryň beýik söz ussady Magtymguly Pyragynyň umumadamzat ähmiýetli mirasy ylmy esasda düýpli öwrenilip, dünýä ýaýylýar. Häzirki döwürde dana akyldaryň döredijiliginde ýüzlenen pikirleri dünýä ylmynyň ünsüni özüne çekýär. Bu ugurda aryf-akyldary pikir ummanyna ataran düýş hakyndaky pikirleri özüniň ähmiýeti bilen alymlarda uly gyzyklanma döredýär. Gahryman Arkadagymyz «Döwlet guşy» romanynda düýşe şeýle kesgitleme berýär: «Düýş — janyň tene, asmanyň zemine berýän içki habary. Ol özge dünýäniň az pursatlyk şu dünýä gelmegi, diňe reňkleriň däl, dünýäleriňem başgaça utgaşygy. Düýşüň ýüzi geljege sary. Ol Allatagalanyň bize geljegi duýmak üçin beren mümkinçiligi. Aslynda «düýş» sözüniň özi «duýuş» kökündendir. Özüniň nurlulygy bilen ol geljegiň nämälimligine açylan gapy, yş. Ol geljegiň özboluşly mümkingadar görnüşi bolup, eýesiniň kimligine baglylykda, onda geljegiňi görmek mümkinçiligi ýatýar. Düýşde öň aýak basylmadyk dünýä aýak basylýar, entek el degrilmedik dünýä el degrilýär. Şonuň üçinem onuň tebigatynda el degrilmediklik, aýak basylmadyklyk aýratynlygy bar».

19 Mart 2024

Ylym

Belent maksatlar ýagty geljege rowana

Beýik ösüşler bilen öňe barýan eziz Diýarymyzda ähli ulgamlarda bolşy ýaly, ylym-bilim ulgamynda hem uly ösüşler gazanylýar. Häzirki ajaýyp döwrümizde ýaş nesillere aýratyn üns berilýär, ähli mümkinçilikler döredilýär. Hormatly Prezidentimiziň durmuşa ornaşdyrýan ylym-bilim özgertmeleri esasynda ýaşlaryň döwrebap bilim, terbiýe almagyna, hünär öwrenmegine giň ýol açylýar. Garaşsyz, hemişelik Bitarap Türkmenistan döwletimizde Arkadagly Gahryman Serdarymyzyň taýsyz tagallalarynyň netijesinde milli bilim ulgamyny kämilleşdirmek, giň gözýetimli, innowasion tehnologiýalary dolandyrmaga ukyply ýaşlary terbiýeläp ýetişdirmek boýunça uly işler durmuşa geçirilýär. Berkarar döwletiň täze eýýamynyň Galkynyşy döwründe ýurdumyzyň obadyr şäherlerinde durmuş maksatly desgalar bilen bir hatarda, döwrebap bilim edaralary hem gurlup ulanylmaga berilýär. Bu babatda hormatly Prezidentimiz: “Häzirki zaman enjamlary bilen üpjün edilen orta we ýokary okuw mekdeplerini, çagalar baglaryny, dynç alyş-sagaldyş merkezlerini giň gerimde gurup ulanmaga berýäris. Bu bolsa ýaşlarymyza dünýä derejesinde bilim bermäge mümkinçilik döredýär” diýip belleýär.

18 Mart 2024

Ylym

Jahanda kitap dek mährem dost bolmaz

«Sen adamlaryň dilinden bir ömürde öwrenip bilmejek zatlaryňy kitapdan bir aýda öwrenip bilýärsiň» diýip, Gahryman Arkadagymyz «Ömrümiň manysynyň dowamaty» atly ajaýyp kitabynda ýazýar. Şu sözlerdenem görnüşi ýaly, kitabyň adamlaryň durmuşynda eýeleýän orny, ähmiýeti diýseň ýokarydyr. Esasanam, ýaş nesillerde watançylyk, ynsanperwerlik, ruhubelentlik duýgularyny ösdürmekde, ýaşaýşa, zähmete söýgi döretmekde, olary sagdyn durmuşa gönükdirmekde kitaplara uly orun degişlidir. Ata-babalarymyz hem şöhratly taryhynyň bütin dowamynda kitaplarda öňe sürülýän pähim-paýhaslaryň, edep-terbiýe kadalarynyň üsti bilen öz nesillerini terbiýeläpdirler. Gahryman Arkadagymyzyň jöwher zehininden dörän ajaýyp kitaplary, Arkadagly Gahryman Serdarymyzyň «Ýaşlar — Watanyň daýanjy» atly ilkinji kitaby, şadessanlarymyz, nusgawy şahyrlarymyzyň eserleri biz — mugallymlar üçin hemişe gymmatly gollanmalar bolup durýarlar. Ol eserleriň her bir jümlesi ynsan kalbyna üýtgeşik täsir edýär, durmuşda dogry ýoly saýlap almaklyga ýardam berýär.

13 Mart 2024

Ylym

Halkara maslahaty geçirildi

Seýitnazar Seýdi adyndaky Türkmen döwlet mugallymçylyk institutynda «Durnukly ösüş üçin ekologiýa bilimi» ÝUNESKO kafedrasynyň döredilmeginiň bir ýyllygy we Halkara güni mynasybetli «Durnukly ösüş üçin ekologiýa bilimini öwretmekde zenan alymlaryň ylmy işleriniň dabaralandyrylyşy» atly sanly ulgam arkaly ylmy-amaly maslahat geçirildi. Maslahatyň işine ýokary okuw mekdebimiziň mugallymlarydyr talyplaryndan başga-da, ýurdumyzyň we Özbegistanyň baýry bilim ojaklarynyň wekilleri gatnaşdylar.

4 Mart 2024

Ylym