Türkmenmetbugat

Газета "Нейтральный Туркменистан"

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-18, 39-95-82, 39-95-88
Email: neytralnyturkmenistan-gazeti@online.tm

Gazeti PDF görnüşinde ýükläp almak

Habarlar

Türkmenistanyň Halk Maslahatynyň mejlisine taýýarlyk

Beýik başlangyçlaryň gözbaşynda Mälim bolşy ýaly, halkymyzda möhüm meseläniň çözgüdini il-gün bilen maslahatlaşyp çözmek, köpçülige sala salmak asylly däpleriň biri. Ýurdumyzda Halk Maslahatynyň hereket etmegi ata Watanymyzyň döwlet hem-de jemgyýetçilik syýasy gurluşynyň barha kämilleşýändigini we bu işleriň aňyrsynda ata-babalarymyzdan dowam edip gelýän milli ýörelgeleriň öz beýanyny tapýandygyny alamatlandyrýar. Munuň şeýledigine Gahryman Arkadagymyzyň «Ömrümiň manysynyň dowamaty» atly ajaýyp kitabynda: «Halk Maslahaty ata-babalarymyzyň ýaşululardan sorap, akyldar, ylymdar geňeşdarlary ýygnap, karara gelmek däbini, demokratiýany durmuşa ornaşdyrmagyň bir ugrudyr» diýen parasatly jümleleri dolulygyna güwä geçýär.

18 Sentýabr 2024

Adam. Jemgyýet. Kanun.

Döwrüň ýokary talaby Demokratik, hukuk we dünýewi döwlet bolan Garaşsyz, baky Bitarap döwletimizde hereket edýän milli kanunçylygymyz ýurdumyzda ähli ugurlar boýunça amala aşyrylýan özgertmeleriň rowaçlanmagyna bähbitli täsirini ýetirýär. Raýat jemgyýetimizde kanunlaryň hökmürowanlygy, döwletiň we jemgyýetiň kanuny bähbitleriniň goraglylygyny üpjün edýär.

18 Sentýabr 2024

Asudalygyň goragynda

Sazlaşykly işiň oňyn täsiri Ajap eýýamymyzyň üstümizdäki — “Pähim-paýhas ummany Magtymguly Pyragy” ýylynda öňde durýan wezipeleriň üstünlikli ýerine ýetirilmeginde il-günümiz tutanýerli zähmet çekýär. Hormatly Prezidentimiziň türkmen halkynyň bagtyýar, abadan durmuşda ýaşamagy ugrunda edýän taýsyz tagallalary üstünliklere beslenip, il-gün bähbitli bu işlerde içeri işler edaralarynyň işgärlerine jogapkärli wezipeler ynanylýar.

18 Sentýabr 2024

“Ýol hereketiniň howpsuzlygy — ömrümiziň rahatlygy” atly biraýlyk dowam edýär

Guramaçylykly barýar “Pähim-paýhas ummany Magtymguly Pyragy” ýylynyň möhüm çäresi bolan “Ýol hereketiniň howpsuzlygy — ömrümiziň rahatlygy” atly biraýlyk biziň welaýatymyzda-da guramaçylykly geçirilýär. Bu ählihalk çäresine gözegçilerimiz işjeň gatnaşyp, welaýatymyzyň köçe-ýollaryna gözegçiligi has-da güýçlendirýärler.

18 Sentýabr 2024

Raýat jemgyýetiniň kämil mekdebi

Halk Maslahaty: demokratiýa, döwletlilik, jebislik Şanly Garaşsyzlygynyň 33 ýyllygyny uly ruhubelentlikde garşylaýan berkarar Watanymyzyň okgunly ösüşini hem-de merdana halkymyzyň ýokary durmuş derejesini üpjün etmek hormatly Prezidentimiz Arkadagly Gahryman Serdarymyzyň döwlet syýasatynyň baş maksadydyr. Türkmen halkynyň Milli Lideri Gahryman Arkadagymyzyň «Döwlet adam üçindir!» diýen baş taglymatynyň mynasyp dowamy bolup, Arkadagly Gahryman Serdarymyz tarapyndan yglan edilen «Watan diňe halky bilen Watandyr! Döwlet diňe halky bilen döwletdir!» diýen esasy ýörelgämiziň çäklerinde üstünliklere beslenýän taryhy tutumlaryň özeninde şeýle asylly maksatlar jemlenendir. Bu döwletli maksadyň hemişe rowaçlyklara beslenmeginde Türkmenistanyň Halk Maslahatynyň orny örän uludyr. Sebäbi halkyň bähbitlerine wekilçilik edýän bu ýokary wekilçilikli edara Berkarar döwletiň täze eýýamynyň Galkynyşy döwrüniň ýurdumyzy durmuş-ykdysady taýdan durnukly ösdürmek boýunça uzak möhletleýin maksatnamalarynda kesgitlenilen wezipeleri amala aşyrmakda jemgyýetçilik pikirini diňlemek hem-de şolar esasynda oňyn çözgütleri kabul etmek ýaly kämil durmuş ýörelgelerine daýanýar. Munuň üçin bu ýokary wekilçilikli edaranyň ýerlerde ýerli wekilçilikli edaralary bolan welaýat, etrap hem-de şäher halk maslahatlary hereket edýär. Ýokary wekilçilikli edaranyň hukuk ýagdaýyny kesgitleýän «Türkmenistanyň H

18 Sentýabr 2024

Halkymyzyň gadymy ýörelgesi dowamat-dowam

Garaşsyz, baky Bitarap Türkmenistan döwletimiz durmuş-ykdysady ösüşiň belentliklerine tarap batly depginde öňe barýar. Ýurdumyzda ýetilen belent sepgitler, taryhy wakalar halkymyzy guwandyryp, ýeňişli menzillere ruhlandyrýar. Gahryman Arkadagymyzyň, Arkadagly Gahryman Serdarymyzyň ata Watanymyzy mundan beýläk-de ösdürmäge gönükdirilen tutumly işleri gün-günden rowaçlanýar. Döwletimiziň ykdysady kuwwaty ýylsaýyn ýokarlanyp, ähli ugurlarda amala aşyrylýan düýpli özgertmeler oňat netijesini berýär. Bilşimiz ýaly, pederlerimiziň döwletlilik ýörelgelerinden ugur alnyp, ýylyň-ýylyna mukaddes Garaşsyzlygymyzyň şanly toýunyň öňüsyrasynda Türkmenistanyň Halk Maslahatynyň mejlisiniň geçirilmegi asylly däbe öwrüldi. Bu döwletli maslahatyň geçirilmegi milli demokratiýamyzyň, asyrlar aşyp gelýän ýol-ýörelgelerimiziň dabaralanmagydyr.

18 Sentýabr 2024

Taryhy ähmiýete eýe bolar

Ösüşlere beslenýän döwrümizde döwletimizi we jemgyýetimizi mundan beýläk-de demokratiýalaşdyrmak, raýatlaryň hukuklaryny, azatlyklaryny goramak, halkymyzyň ýaşaýyş-durmuş derejesini has-da ýokarlandyrmak babatda düýpli özgertmeler amala aşyrylýar. Bu özgertmeler hormatly Prezidentimiziň «Watan diňe halky bilen Watandyr! Döwlet diňe halky bilen döwletdir!» diýen taglymatynyň üstünlikli durmuşa geçirilýändigini görkezýär. Jemgyýetimiziň bitewüligini, agzybirligini we jebisligini, ýurdumyzyň geljekki ösüşleriniň binýadyny berkitmekde Türkmenistanyň Halk Maslahatyna möhüm orun degişlidir. Halk Maslahatynyň işini kadaly alyp barmak üçin onuň hemişelik hereket edýän Prezidiumynyň döredilmegi aýratyn ähmiýetlidir. Prezidium Türkmenistanyň Halk Maslahatynyň mejlislerine taýýarlyk görmek boýunça işi guraýar, onuň mejlisleriniň gün tertibiniň taslamasyna meseleleri girizmek hakynda çözgütleri kabul edýär we öz ygtyýarlyklaryna degişli beýleki meseleleri çözýär.

18 Sentýabr 2024

Iş bitirseň, il tanaýar

Ýurdumyzda durmuş we iş tejribesi ýetik zähmet adamlarynyň sarpasy belent tutulýar. Şeýle adamlaryň biri-de ömrüni nebitgaz pudagyna baglan, Türkmenistanyň «Watana bolan söýgüsi üçin» medalynyň eýesi Nurmämmet Hançarowdyr. Ol 1946-njy ýylda Bereket etrabynyň Joýruk obasynda işçi maşgalasynda dogulýar. Orta mekdebi tamamlandan soň, Nebitdag, Ekerem nebitgaz meýdançalarynda täze gazylýan guýular üçin buraw erginlerini taýýarlaýjy bolup işleýän kakasy Hançar Ýarmämmedowyň ýanynda nebitçi bolup iki ýyla golaý wagt işleýär. 1965-nji ýylda Türkmen politehniki institutyna okuwa girýär. Ýokary okuw mekdebini 1970-nji ýylda tamamlap, Goturdepe buraw işleri müdirliginde inžener-geolog, uly inžener wezipelerinde işleýär. Günorta-Günbatar Türkmenistanyň çäklerinde uglewodorod gorlarynyň möçberini anyklamak maksady bilen, 1973-nji ýylyň ahyrynda gözleg-barlag işleri ýaýbaňlandyrylýar. Şonda «Türkmennebit» döwlet konserniniň düzüminde Ekerem buraw işleri müdirligi döredilip, onuň esasy wezipesi ýurdumyzyň günorta çetki çäklerinde nebitgaz känlerini gözlemek we açmak bolup durýar. Tejribesiniň bardygy sebäpli, N. Hançarow bu müdirligiň geologiýa bölüminiň başlygy wezipesine bellenýär. Ilkinji gözleg guýusyny gazmak Keýmir gözleg meýdançasyndan başlanýar. 1978-nji ýylda gözleg guýusynyň çuňlugy 3400 metre ýetip, onuň kesiminde, nebitgaz ýatagynyň eteki gyzyl reňkli gatlagynda önümli gatlaklary

18 Sentýabr 2024

Gülçi zenanlaryň üstünligi

«Pähim-paýhas ummany Magtymguly Pyragy» ýyly hem-de mukaddes Garaşsyzlygymyzyň 33 ýyllyk baýramçylygy mynasybetli şu gün – 18-nji sentýabrda Türkmenistanyň Jemgyýetçilik guramalarynyň merkezi binasynda Türkmenistanyň Zenanlar birleşiginiň Merkezi Geňeşiniň, Türkmenistanyň Kärdeşler arkalaşyklarynyň Milli merkeziniň, Aşgabat şäher häkimliginiň bilelikde yglan eden «Güller gözelligiň, parahatçylygyň aýdymy» atly hünär bäsleşiginiň jemleýji tapgyry geçirildi. Bäsleşige gatnaşan zenanlar owadan güllerden ajaýyp eserleri döredip, olara zamanabap at berip, gülleriň hem-de owazly goşgy-gazallaryň üsti bilen Watanymyzyň ösüşlerini wasp etdiler. Bäsleşik üç şertden ybarat bolup,  birinji şert «Bagy-bossan Watanym» diýlip atlandyryldy. Bu şertde olar owadan güllere beslenen Garaşsyz ýurdumyzyň ösüşlerini çeper sözler bilen wasp etdiler. Ikinji şert «Güller gözelligi senden öwrener» diýlip atlandyryldy. «Hünärim bar, hormatym bar» atly üçünji şertde hem toparlar özleriniň ukyp-başarnyklaryny açyp görkezdiler.

18 Sentýabr 2024

Ýolumyz asuda, ilimiz abadan bolsun!

«Ýol hereketiniň howpsuzlygy — ömrümiziň rahatlygy» atly biraýlygyň çäklerinde welaýat Baş bilim müdirliginiň hem-de welaýat Polisiýa müdirliginiň polisiýanyň ýol gözegçiligi bölüminiň bilelikde welaýatymyzyň mekdebe çenli ýaşly çagalar edaralarynyň arasynda yglan eden «Ýaşyl yşyk» atly bäsleşiginiň Balkanabat şäher tapgyry geçirildi. 23-nji çagalar bagynda geçen bäsleşikde çagalar baglarynyň terbiýeçileri köçeleriň kesişýän çatryklaryny şekillendirýän maketleri ýasap, şolaryň esasynda ýol hereketiniň düzgünleri barada gürrüň berdiler. Bäsleşikde «Ýaşyl yşyk» mowzugy esasynda sergi guralyp, onda çagalaryň çeken suratlary, ýelimlemek, gurnamak esasynda taýýarlan şekilleri, mowzuk boýunça çagalar baglarynda geçirilen çäreleri beýan edýän görnüşler ýerleşdirildi. Körpeleriň gatnaşmaklarynda guralan sahna oýunlary, olaryň ýerine ýetiren aýdymlary, labyzly okan goşgulary çäräniň täsirliligini has-da artdyrdy.

18 Sentýabr 2024

Garaşsyzlyk mizemez bagtdyr

Welaýat kitaphanasynda welaýat medeniýet müdirliginiň, Türkmenabat şäher häkimliginiň bilelikde guramaklarynda «Garaşsyzlyk mizemez bagtdyr» atly dabaraly maslahat geçirildi. Oňa iri jemgyýetçilik guramalarynyň wekilleri, kitaphanaçylar gatnaşdylar. Maslahatda Garaşsyzlygymyzyň mizemez bagtdygy, soňky ýyllarda syýasy, ykdysady, medeni hem-de durmuş ugurlary boýunça ýetilen beýik sepgitler dogrusynda buýsançly çykyş edildi. Şonuň ýaly-da çykyş edenler halkymyzy eşretli durmuşda ýaşadýan hormatly Prezidentimize alkyş aýtdylar.

18 Sentýabr 2024

Gara reňkli şaryň hem beýlekilerden kem ýeri ýok

(Tymsal) Kiçijik garaýagyz oglanjyk bazarda şar satýan adama syn edip duran eken. Satyjy çagalaryň — bolup biläýjek kiçijik alyjylaryň ünsüni çekmek üçin, gyzyl reňkli şary göge uçuryp goýberipdir.

18 Sentýabr 2024

Dumly-duşdan dürli-dümen

Köpürjik şekilli buzlar Ajaýyp tebigy keşbi bilen tapawutlanýan Baýkal köli täsinlikleriň jemlenen ýeridir. Onda emele gelýän köpürjik buzlary kölüň ajaýyp aýratynlyklarynyň biridir. Her ýylyň has sowuk döwürlerinde kölüň dury suwunda dürli diametrde köpürjik görnüşli ak buzlar emele gelýär. Olar metan köpürjikleridir. Kölüň saý suwlarynda ösýän suwotular metan gazyny çykarýarlar. Olar howanyň sowuk wagtlarynda ýokarda doňýarlar we biri-biriniň yzyndan zynjyr ýaly düzülip, buz bölejiklerini emele getirýärler we aşakdan ýokary 1,5 metre çenli uzalyp gidýärler. Şunuň ýaly ýagdaýlara noýabr, dekabr aýlarynda syn etmek bolýar. Şonda kölüň ýüzüne ak sapakdan tegelek nagyş çekilen ýaly bolýar. Olar her ýyl kölde emele gelýän ýerlerini üýtgedip durýarlar.

18 Sentýabr 2024

Çäksiz buýsanja beslendi

Welaýat kitaphanasynda Türkmenistanyň Magtymguly adyndaky Ýaşlar guramasynyň «Türkmennebit» döwlet konserniniň şahamçasynyň guramagynda «Türkmenistanyň Halk Maslahaty ýurdumyzyň döwrüň talabyna görä günsaýyn özgerip, barha kämilleşýän milli demokratiýasynyň özboluşly bir täsin nusgasydyr» atly söhbetdeşlik  geçirildi. Onda  eziz Diýarymyzyň Garaşsyzlygyny, hemişelik Bitaraplyk hukuk ýagdaýyny pugtalandyrmak, milli demokratik ýörelgelerimizi, abadan we bagtyýar durmuşy üpjün etmek ugrunda durmuşa geçirilýän beýik işler dogrusynda söhbet edildi. Türkmen halkynyň Milli Lideri Gahryman Arkadagymyza we hormatly Prezidentimiz Arkadagly Gahryman Serdarymyza egsilmez alkyş sözleri aýdyldy.

18 Sentýabr 2024

Hereketiň sazlaşygy — ak ýollaryň ýaraşygy

«Ýol hereketiniň howpsuzlygy — ömrümiziň rahatlygy» atly biraýlygyň çäklerinde Türkmenistanyň Magtymguly adyndaky Ýaşlar guramasynyň welaýat geňeşi welaýat bedenterbiýe we sport baradaky Baş müdirligi, welaýat Polisiýa müdirligi, Balkanabat şäheriniň polisiýa bölümi bilen bilelikde şäherdäki 25-nji orta mekdebiň mejlisler jaýynda  «Hereketiň sazlaşygy — ak ýollaryň ýaraşygy» diýen at  bilen wagyz-nesihat çäresini geçirdi.  Ýaşlaryň, çagalaryň arasynda ýol hereketiniň düzgünlerini wagyz etmek, olaryň bu ugurdaky düşünjelerini kämilleşdirmek maksady bilen geçirilen çärede çykyş edenler ýol hereketiniň düzgünlerini berjaý etmekligiň ynsan saglygyny, ömrüniň rahatlygyny goramakda möhüm ähmiýete eýedigi barada gürrüň etdiler. «Ýollarymyzyň hemişe asuda bolmagy biziň özümize baglydyr. Köçelerde, ýollarda hereket etmegiň düzgünlerini dürli usullardan, tärlerden peýdalanyp, çagalara öwretmegimiziň olaryň asuda, abadan durmuşyny üpjün etmekde mynasyp orny bardyr» diýip, çykyş edenler belläp geçdiler.

18 Sentýabr 2024

Wagyz-nesihat çäresi

Türkmenistanyň Demokratik partiýasynyň Gyzylarbat etrap komiteti beýleki jemgyýetçilik guramalary,  etrabyň polisiýa bölümi bilen   bilelikde welaýat maliýe-ykdysady orta hünär okuw mekdebinde okaýan talyplaryň arasynda «Ýollarymyz asuda, illerimiz aman bolsun!» atly wagyz-nesihat çäresini geçirdi. Onda çykyş edenler biraýlygyň dowamynda guralýan wagyz-ündew işleriniň ýollarda howpsuz hereketi üpjün etmekde uly ähmiýete eýedigi, awtoulag sürüjileri bilen bir hatarda, pyýada ýolagçylaryň hem elmydama ünsli bolmaklydyklary, ýol hereketiniň düzgünlerini pugta  berjaý etmelidikleri barada gürrüň etdiler.

18 Sentýabr 2024

Ýolyşyk — biziň dostumyz

Sarahs etrabyndaky 13-nji orta mekdepde «Ýolyşyk — biziň dostumyz» ady bilen başlangyç synp mekdep okuwçylarynyň arasynda bäsleşik geçirildi. «Ýol hereketiniň howpsuzlygy — ömrümiziň rahatlygy» atly biraýlyk mynasybetli guralan bäsleşigiň esasy maksady ýaş nesliň ýol hereketiniň düzgün-kadalary boýunça sowatlylygyny ýokarlandyrmakdan we bu babatdaky düşünjesini doly açyp görkezmekden ybarat boldy. Bäsleşigi etrap polisiýa bölüminiň polisiýanyň ýol gözegçiligi bölümçesi, etrabyň bilim bölümi hem-de jemgyýetçilik guramalary bilelikde gurap, oňa etrabyň mekdeplerinden toparlar gatnaşdy. Gyzykly geçen bäsleşik ýol hereketiniň ýaş gözegçileriniň arasyndan iň başarjaň toparlary ýüze çykardy. Şeýlelikde, etrapdaky 21-nji orta mekdebiň topary ýeňiji boldy.

18 Sentýabr 2024

Biraýlyga bagyşlanan duşuşyk

Gökdepe etrabynyň Yzgant şäherçesiniň Berdimuhamet Annaýew adyndaky ýöriteleşdirilen 27-nji orta mekdepde «Ýol hereketiniň howpsuzlygy — ömrümiziň rahatlygy» atly biraýlygyň çäginde «Ýolumyz asuda — ilimiz abadan» ady bilen wagyz-nesihat duşuşygy geçirildi. Ony Türkmenistanyň Magtymguly adyndaky Ýaşlar guramasynyň welaýat we Gökdepe etrap Geňeşleri, beýleki jemgyýetçilik guramalary, Gökdepe etrap polisiýa bölüminiň polisiýanyň ýol gözegçiligi bölümçesi bilelikde gurady. Mekdep okuwçylarynyň arasynda geçirilen duşuşykda çykyş edenler hormatly Prezidentimiziň başlangyjy boýunça ýurdumyzda yglan edilen «Ýol hereketiniň howpsuzlygy — ömrümiziň rahatlygy» atly biraýlygyň çäginde alnyp barylýan çäreler we olaryň ähmiýeti dogrusynda giňişleýin gürrüň etdiler, okuwçy ýaşlara köçe-ýol hereketiniň kadalaryny, ýoldan geçmegiň düzgünlerini giňişleýin düşündirdiler.

18 Sentýabr 2024

Garaşsyzlygyň saýrak bilbilleri

Kaka etrabyndaky 10-njy çagalar bagynda “Garaşsyzlygyň saýrak bilbilleri” atly aýdym-saz bäsleşigi geçirildi. Watanymyzyň mukaddes Garaşsyzlygynyň 33 ýyllyk şanly baýramy mynasybetli geçirilen bäsleşige etrapdaky çagalar baglaryndan mekdebe taýýarlaýyş toparlarynyň körpelerinden düzülen toparlar gatnaşdy. Aýdym-saz sungatyna höwesli, ruhubelent, giň dünýägaraýyşly çagalary ýüze çykarmak, olaryň milli mirasymyza söýgüsini artdyrmak, şeýle-de ýurdumyzyň naýbaşy toýuny dabaralandyrmak maksady bilen geçirilen bäsleşik örän täsirleri döretdi. Onuň şertlerine laýyklykda, körpeler gözel Watanymyzy, bagtyýar çagalygy wasp edýän aýdym-sazlary, tanslary ýerine ýetirdiler. Etrap bilim bölümi hem-de ylym we bilim işgärleriniň kärdeşler arkalaşygynyň etrap Geňeşi tarapyndan guralan bäsleşikde 5-nji çagalar bagynyň folklor topary ýeňiji boldy.

18 Sentýabr 2024

Ýol hereketiniň howpsuzlygyny berjaý edeliň!

Türkmenistanyň Kärdeşler arkalaşyklarynyň Kaka etrap birleşmesiniň, etrap bilim bölüminiň, Ylym we bilim işgärleriniň kärdeşler arkalaşygynyň etrap Geňeşiniň bilelikde guramagynda etrapdaky 17-nji orta mekdepde wagyz-nesihat duşuşygy geçirildi. “Ýol hereketiniň howpsuzlygyny berjaý edeliň!” ady bilen geçen duşuşykda ynsan ömrüne we saglygyna howp salyp biljek ýol-ulag hadysalarynyň döremezligi, ýol-ulag hadysalaryndan bolýan heläkçilikleriň öňüni almak, ýolda ýöräniňde seresap bolmak barada giňişleýin gürrüň edildi. “Ýol hereketiniň howpsuzlygy—ömrümiziň rahatlygy” atly biraýlyga bagyşlanan duşuşykda okuwçy ýaşlara ýol hereketiniň düzgün-kadalaryna eýermek boýunça gymmatly maslahatlar berildi. Duşuşyga gatnaşanlar hormatly Prezidentimiziň, Gahryman Arkadagymyzyň döwletli tutumlaryna rowaçlyklary arzuw etdiler.

18 Sentýabr 2024

‹
1
2
...
110
111
112
113
114
115
116
...
1411
1412
›