Газета "Нейтральный Туркменистан"

Esaslandyryjysy: Türkmenistanyň Ministrler Kabineti
Salgysy: Aşgabat şäheri, Garaşsyzlyk şaýoly, 100, Türkmenbaşynyň erkin döredijilik mekany
Telefon belgileri: 38-61-18, 39-95-82, 39-95-88
Email: neytralnyturkmenistan-gazeti@online.tm

Gazeti PDF görnüşinde ýükläp almak

Habarlar

Netijeli gatnaşyklary ösdürip

Türkmenistanyň Milli Olimpiýa komitetiniň wekilleri Aziýanyň Olimpiýa Geňeşiniň ýakynda Hindistanyň Nýu-Deli şäherinde geçirilen Baş Assambleýasyna gatnaşdylar. Her ýyl geçirilýän bu çärä yklymyň ähli künjeginden wekiller gatnaşyp, özara pikir alyşdylar. Baş Assambleýanyň çäklerinde geçirilen duşuşyklarda türkmen tarapy ýurdumyzyň yklymda sporty mundan beýläk hem ösdürmek babatdaky başlangyçlara ygrarlydygyny ýene bir ýola tassyklady.

10 Sentýabr 2024

Sport

Nebitçileriň arasynda bäsleşik geçirildi

«Türkmennebit» döwlet konserniniň «Burnebitgazhyzmat» müdirliginiň tehniki wagyz ediş we durmuş maksatly hyzmatlar merkezinde Türkmenistanyň Magtymguly adyndaky Ýaşlar guramasynyň Balkanabat şäher Geňeşiniň we «Türkmennebit» döwlet konserniniň şahamçasynyň bilelikde guramagynda sportuň şaşka görnüşi boýunça bäsleşik geçirildi. Çekeleşikli geçen bäsleşigiň jeminde «Nebitgazburawlaýyş» trestiniň Abatlaýyş-mehaniki zawodynyň tehniki-önümçilik bölüminiň inžener-tehnology Kemal Aýjanow I orna, «Nebitgazdüýpliabatlaýyş» trestiniň Awtoulag we ýöriteleşdirilen tehnikalar müdirliginiň mehaniki abatlaýyş bölüminiň slesar-abatlaýjysy Sapargeldi Täçberdiýew II orna we Maddy-enjamlaýyn serişdeler we üpjünleýiş müdirliginiň hukuk, talap we gümrük işleri boýunça bölüminiň deklaranty Leýli Gubanowa III orna mynasyp boldy.

9 Sentýabr 2024

Sport

Ispaniýada gazanylan altyn medal

Türkmenistanly pälwan Alp Arslan Begenjow erkin göreş boýunça Ispaniýanyň Pontewedra şäherinde geçirilen dünýä çempionatynda (U-20) altyn medala mynasyp boldy. Bu ýurdumyzyň taryhynda erkin göreş boýunça 20 ýaşa çenli pälwanlaryň arasynda gazanylan ilkinji altyn medaldyr. Alp Arslan Begenjowyň çykyş eden 79 kilograma çenli agram derejesinde 28 türgen bäsleşdi. Ildeşimiz ýaryşyň ähli tapgyrlaryny ynamly geçdi. Ol saýlama tapgyrda eýranly Mahdi Ýusufihajiwardan 10:0 hasabynda üstün çykdy. Soňra ildeşimiz şeýle hasap bilen ukrainaly Oleksandr Mamroşy ýeňmegi başardy. Çärýek finalda belarusly Dmitriý Lukaşçugy ýeňen (10:0) Alp Arslan ýarymfinalda hindistanly türgen Amit Amitadan 11:0 hasabynda üstün çykdy. Ildeşimiz final tutluşygynda hem ynamly ýeňiş gazandy. Ol amerikaly türgen Zakari D Raýderi 5:0 hasabynda ýeňdi. Bu agram derejesinde bürünç medallara Mahdi Ýusufihajiwar we braziliýaly Leandro Arauho mynasyp boldy.

9 Sentýabr 2024

Sport

Sobolenko «US Openiň» çempiony

Dünýäniň ikinji raketkasy Arina Sobolenko (Belarus Respublikasy) «US Open» uly tuwulgasynda ýeňiş gazandy. Häzirki wagtda WTA reýtinginde ikinji orunda barýan Arina ýaryşyň finalynda dünýäniň altynjy raketkasy amerikaly Jessika Pegulany ýeňlişe sezewar etdi. 1 sagat 54 minut dowam eden oýun 7:5, 7:5 hasabynda Arina Sobolenkonyň peýdasyna tamamlandy.  Şeýlelikde, Arina Sobolenko bu möwsümde ikinji gezek «uly tuwulga» ýaryşynyň çempiony boldy. Mundan ozal, ol şu ýylyň ýanwar aýynda «Austrailan Open» «uly tuwulgasynda» hem çempion bolmagyň hötdesinden gelipdi. 26 ýaşly tennisçi «US Opendäki» çempionlyk üçin 2 müň reýting utugyny hem-de 3 million 600 müň amerikan dollary möçberinde pul baýragyny gazandy.

8 Sentýabr 2024

Sport

«Galatasaraýdan» garaşylmadyk transfer

Tomusky transfer möwsüminde iň garaşylmadyk ýöriş Türkiýäniň «Galatasaraý» kluby tarapyndan amala aşyryldy. Has takygy, türk kluby tutuş tomus Ýewropanyň top klublaryndan şertnama hödürlenilen, Saud Arabystanynda uly möçberdäki zähmet haklary teklip edilen ýyldyz hüjümçi — Wiktor Osimheni düzümine goşmagy başardy. «Galatasaraý» Osimheni «Napoliden» bir möwsümlik kärendesine aldy. «Daily Sport» neşiriniň ýazmagyna görä, «Galatasaraýyň» Osimhen we «Napoli» bilen baglanyşan şertnamasynda oýunçyny satyn almak hukugy barada hiç zat ýazylmandyr. Emma «Galatasaraý» öňdebaryjy klublardan teklip gelip gowşan halatynda gyşky transfer möwsüminde oýunçyny goýbermäge razylaşypdyr.

8 Sentýabr 2024

Sport

Ronaldu gollarynyň sanyny 900-e ýetirdi

Portugaliýaly 39 ýaşly hüjümçi Kriştianu Ronaldu resmi oýunlardaky gollarynyň sanyny 900-e ýetirdi. Onuň ýubileý goly UEFA-nyň Milletler Ligasynyň 1-nji tapgyryndan orun alan Portugaliýa — Horwatiýa oýnunda derwezä gönükdirildi. Oýun Portugaliýanyň 2:1 hasabyndaky ýeňşi bilen tamamlandy. Şeýlelikde, Ronaldu resmi oýunlarda öz adyna 900 gol ýazdyran taryhdaky ilkinji oýunçy boldy. Ol 5 goly «Sportingiň», 145-sini «Mançester Ýunaýtediň», 450 goly «Realyň», 101 goly «Ýuwentusyň», 68 goly «Al-Nassryň» hem-de 131 goly Portugaliýanyň milli ýygyndysynyň düzüminde geçirdi.

8 Sentýabr 2024

Sport

Taryhdaky ilkinji resmi ýeňşini gazandy

5-nji sentýabrda San-Marinonyň ýygyndysy UEFA-nyň Milletler Ligasynyň 1-nji tapgyrynyň oýnunda Lihtenşteýni 1:0 hasabynda ýeňlişe sezewar etdi. San-Marino ýeňiş getiren ýeke-täk gol 19 ýaşly Niko Sensoli tarapyndan derwezä gönükdirildi. Gyzykly tarapy, bu ýeňiş San-Marinonyň milli ýygyndysy üçin taryhdaky ilkinji resmi üstünlikdir. Halkara meýdançada 34 ýyl bäri çykyş edýän bu ýygyndy mundan ozal diňe bir gezek, 20 ýyl öň ýoldaşlyk duşuşygynda ýeňiş gazanyp görüpdi. Ýeri gelende bellesek, San-Marino häzirki wagtda UEFA-nyň reýtinginde iň aşakdaky orny eýeläp dur. FIFA-nyň reýtinginde bolsa bu ýurt 210-njy basgançakda barýar.

8 Sentýabr 2024

Sport

«Altyn topa» dalaşgärler yglan edildi: sanawda Messi hem, Ronaldu hem ýok

«France Football» žurnaly ýyly tarapyndan ýylyň iň gowy futbolçysyna gowşurylýan «Altyn top» baýragyna dalaşgärleriň sanawy yglan edildi. Sanaw 30 oýunçydan ybarat bolup, ondan soňky 21 ýylda ilkinji gezek Lionell Messiniň we Kriştianu Ronaldunyň ady orun almady. Hünärmenler bu ýyl «Altyn topa» «Realyň» oýunçylary Winisius Žuniory we Jud Bellingemi, «Barselonanyň» hüjümçisi Lamin Ýamaly esasy dalaşgär hasaplaýarlar. Ýeri gelende bellesek, «Altyn topa» iň köp mynasyp bolmak boýunça rekord Argentinanyň milli ýygyndysynyň we ABŞ-nyň «Inter Maýami» toparynyň hüjümçisi Lionell Messä degişli — 8 gezek. Bu ugurda ikinji orny 5 gezek bu baýragyň eýesi bolan Kriştianu Ronaldu eýeläp dur. Maglumat üçin, «France Football» neşiri tarapyndan döredilen «Altyn top» baýragy 1956-njy ýyldan bäri gowşurylyp gelinýär. Bu ýyl 68-nji gezek onuň eýesi yglan edilip, gowşurylyş dabarasy 28-nji oktýabrda Parižiň «Şatle» teatrynda geçiriler.

8 Sentýabr 2024

Sport

10,9 müň transfer amala aşyryldy

Futbol dünýäsinde 2024-nji ýylyň tomusky transfer möwsümi amala aşyrylan transferleriň sany boýunça ozalky rekordy täzeledi. Has takygy, şu ýylyň tomsunda tutuş dünýäde 10,9 müňden gowrak transfer amala aşyryldy. Bu bolsa rekord görkezijidir. Tamamlanan tomusda erkekleriň futbolynda amala aşyrylan transferleriň umumy bahasy 6,4 milliard amerikan dollaryna deň bolup, bu taryhdaky ikinji görkezijidir. Ýurtlaryň mysalynda alanymyzda iň köp transfer Angliýada amala aşyryldy. Iňlis klublary şu transfer möwsüminde 526 oýunçyny satdylar hem-de 523 oýunçyny satyn aldylar. Angliýanyň toparlary tarapyndan satylan oýunçylaryň umumy bahasy 1,69 milliard amerikan dollaryna, satyn alnanlaryň bahasy bolsa 1,25 milliard amerikan dollaryna barabar boldy.

8 Sentýabr 2024

Sport

Hytaýyň ýygyndysy Paralimpiýa oýunlarynda birinji orny eýeledi

Hytaýyň ýygyndy topary Fransiýanyň Pariž şäherinde geçirilen Paralimpiýa oýunlarynda medallaryň sany boýunça birinji orny eýeledi. 7-nji sentýabrdaky ýaryşlardan soňra hytaýly türgenler Pariž Paralimpiýa oýunlarynda 94 altyn, 73 kümüş we 49 bürünç jemi 216 medala mynasyp boldular. Ikinji orundaky Beýik Britaniýanyň ýygyndysynda bolsa 47 altyn, 41 kümüş, 31 bürünç jemi 119 medal bar. Ýeri gelende bellesek, Hytaýyň ýygyndy topary bassyr altynjy gezek Paralimpiýa oýunlarynda birinji orny eýeledi. Maglumat üçin, Pariždäki Paralimpiýa oýunlary 28-nji awgustda başlanyp, düýn — 8-nji sentýabrda tamamlandy. Oňa 182 ýurtdan 4 müň 400-den gowrak türgen gatnaşdy. Bellik: Paralimpiýa oýunlarynyň soňky gününiň ýaryşlary gazetimiziň çapa berilýän pursatlarynda geçirildi, 8-nji sentýabrda hasaba alnan netijelere görä, medallaryň sany boýunça üýtgeşme bolup biler.

8 Sentýabr 2024

Sport

Boksçynyň bürünç medaly

«7/24.tm»:№37 (224) 09.09.2024 Ga­za­gys­tan döw­le­ti­niň Ak­tau şä­he­rin­de ge­çi­ri­len boks bo­ýun­ça hal­ka­ra ýa­ry­şy­na Türk­me­nis­ta­nyň ýaş­lar ýy­gyn­dy­sy gat­naş­dy. Ýy­gyn­dy to­pa­ryň dü­zü­min­de 63,5 ki­log­ra­ma çen­li ag­ram­da Ma­ry şä­he­ri­niň 6-njy sport mek­de­bi­niň tür­ge­ni An­na­gel­di Ju­ma­my­ra­dow çy­kyş edip, ol baý­rak­ly 3-nji or­na my­na­syp bol­dy.

8 Sentýabr 2024

Sport

«Gum­dag» we «Gal­ky­nyş» fut­bol to­par­la­ry

«7/24.tm»:№37 (224) 09.09.2024 «Gum­dag» we «Gal­ky­nyş» fut­bol to­par­la­ry Türk­menis­ta­nyň çem­pio­na­ty­nyň bi­rin­ji li­ga­sy­nyň Bal­kan se­bi­tin­de öň­de bar­ýar­lar.

8 Sentýabr 2024

Sport

Türk­me­nis­ta­nyň çem­pio­ny kes­git­le­nil­di

«7/24.tm»:№37 (224) 09.09.2024 Ma­ry şä­he­rin­de fut­bol bo­ýun­ça ze­nan­la­ryň ara­syn­da­ky Türk­me­nis­ta­nyň çem­pio­na­ty­nyň ikin­ji aý­la­wy­nyň du­şu­şyk­la­ry ge­çi­ril­di. Bu aý­la­wyň du­şu­şyk­la­ry­na bäş to­par gat­naş­dy.

8 Sentýabr 2024

Sport

Türk­men kik­boks­çy­la­ry dün­ýä çem­pio­na­tyn­da 5 me­dal ga­zan­dy­lar

«7/24.tm»:№37 (224) 09.09.2024 23-nji aw­gust — 1-nji sent­ýabr ara­ly­gyn­da Weng­ri­ýa­nyň paý­tag­ty Bu­da­peşt­de kik­bok­sing bo­ýun­ça ýet­gin­jek­le­riň ara­syn­da­ky dün­ýä çem­pio­na­ty ge­çi­ril­di. Bu ýa­ryş­da türk­men tür­gen­le­ri 5 sa­ny me­dal ga­zan­dy­lar di­ýip, Türk­me­nis­tan Ha­bar­lar por­ta­ly ha­bar ber­ýär.

8 Sentýabr 2024

Sport

Türk­me­nis­ta­nyň fut­bol çem­pio­na­ty­nyň ta­ry­hyn­da il­kin­ji ze­nan emin

«7/24.tm»:№37 (224) 09.09.2024 ­Kris­ti­na Ber­sen­ýo­wa il­kin­ji ze­nan emin hök­mün­de türk­men fut­bo­ly­nyň ta­ry­hy­na gi­rer. Ol Türk­me­nis­ta­nyň fut­bol çem­pio­na­ty­nyň 4-nji aý­la­wyn­dan baş­lap, äti­ýaç­da­ky emin hök­mün­de du­şu­şyk­la­ra gat­na­şyp baş­lar di­ýip, Türk­me­nis­ta­nyň Fut­bol fe­de­ra­si­ýa­syn­da ha­bar ber­di­ler.

8 Sentýabr 2024

Sport

«Arkadag» türk­men fut­bo­ly­nyň ta­ry­hy­na gir­di

«7/24.tm»:№37 (224) 09.09.2024 4-nji sent­ýabr­da Türk­me­nis­ta­nyň fut­bol çem­pio­na­ty­nyň Ýo­ka­ry li­ga­syn­da 22-nji tap­gy­ryň du­şu­şyk­la­ry ge­çi­ril­di. Olar­da «Merw» to­pa­ry «Aş­ga­ba­dy», «Ar­ka­dag» to­pa­ry «Aha­ly», «Al­tyn asyr» «Ne­bit­çi­ni», «Şa­ga­dam» bol­sa «Kö­pet­da­gy» ka­bul et­di.

8 Sentýabr 2024

Sport

Meş­hur boks­çy Mu­ham­met Aly

«7/24.tm»:№37 (224) 09.09.2024 Dün­ýä ýü­zü­ne giň ýaý­ran sport gör­nüş­le­ri­niň iň meş­hur­la­ry­nyň bi­ri bo­lan bok­suň ta­ry­hy­na göz aý­la­ny­myz­da dün­ýä meş­hur boks tür­gen­le­ri, ola­ryň dur­mu­şy bi­len bag­lan­yşyk­ly gy­zyk­ly mag­lu­mat­lar bi­len hem ýa­kyn­dan ta­nyş bol­ýa­rys. Öz ýa­şan döw­rün­de köp­san­ly jan­kö­ýer­le­riň söý­gü­si­ni ga­za­nan meş­hur boks us­sat­la­ry­nyň bi­ri hem Mu­ham­met Aly ady bi­len ta­nal­ýan Kas­si­us Mar­sel­lus Kleý­dir.

8 Sentýabr 2024

Sport

Türk­men ten­nis­çi­le­ri halkara ýaryşyna gatnaşýar

«7/24.tm»:№37 (224) 09.09.2024 ­Türk­men tür­gen­le­ri­niň iki­si — Ili­ma Gu­seý­no­wa we Sül­gün Işan­gu­ly­ýe­wa 14-nji sent­ýabrda Kam­bo­ja­da tamamlanjak 14 ýa­şa çen­li Azi­ýa­nyň güýç­li ten­nis­çi og­lan­la­rynyň we gyz­la­rynyň 24-si­niň gat­naş­ýan «Grand Slam Ten­nis. Re­gio­nal Cham­pions­hip 14 & Un­der» ýet­gin­jek­ler ýa­ry­şy­na gatnaşýar. Olar şahsy çakylyk aldylar.

8 Sentýabr 2024

Sport

Maksat — futbolyň halkara derejesi

Ýurdumyzda sportuň beýleki görnüşleri bilen bir hatarda futbolyň ösüşini hem ýokary derejelere götermek üçin netijeli işler alnyp barylýar. Şol işleriň gurşawynda tälimçileriň we futbolçylaryň ukyp-başarnyklaryny kämilleşdirmek boýunça geçirilýän işlere aýratyn orun degişlidir. Şu günler ýurdumyzyň Futbol federasiýasynyň Aziýanyň Futbol konfederasiýasy (AFK) we Ýewropanyň Futbol federasiýalary birleşigi (UEFA) bilen bilelikdäki hyzmatdaşlygynyň çäklerinde futbol boýunça milli ýygyndymyzyň baş tälimçisi Mergen Orazow dünýä belli kärdeşi Roberto Martinesiň ýanynda iş tejribeligini geçýär. Futbol janköýerlerine mälim bolşy ýaly, tälimçi häzirki wagtda Ýewropanyň iň güýçli milli ýygyndylarynyň biri bolan Portugaliýanyň ýygyndysyna tälim berýär. Dünýä belli tälimçiniň geçirýän türgenleşiklerine gatnaşmak üçin Mergen Orazow şu günler Lissabon şäherinde iş saparynda bolýar. Ol saparyň dowamynda milli ýygyndynyň Ýewropanyň Milletler ligasynyň täze möwsümine görýän taýýarlygynyň jümmüşinde boldy. Şunda ol ispaniýaly kärdeşi — baş tälimçi Roberto Martines bilen aýratyn duşuşyk geçirip, özara pikir alyşdy. Taraplar milli ýygynda futbolyň iň ösen talaplaryna laýyklykda tälim bermek boýunça tejribelerini paýlaşdylar.

7 Sentýabr 2024

Sport

Gu­wan­dyr­ýan üs­tün­lik­ler

Ýo­ka­ry okuw mek­de­bi­mi­ziň ta­lyp tür­gen­le­ri­niň hal­ka­ra are­na­syn­da my­na­syp çy­kyş edip, ýa­şyl Tu­gu­my­zy be­lent­de par­lat­mak­la­ry ba­şy­my­zy gö­ge ýe­tir­ýär. Mu­nuň ola­ryň ýe­tip gel­ýän mu­kad­des Ga­raş­syz­ly­gy­my­zyň 33 ýyl­lyk baý­ra­my­na my­na­syp sow­gat­la­ry­dy­gy­ny bel­le­me­li­di­ris. Aw­gust aýyn­da ýo­ka­ry okuw mek­de­bi­mi­ziň 2-nji ýyl ta­ly­by Şyh­ber­di Rah­ma­no­wyň Ga­za­gys­ta­nyň Şim­kent şä­he­rin­de ge­çi­ri­len jiu-jit­su bo­ýun­ça Mer­ke­zi Azi­ýa­nyň çem­pio­na­tyn­da ga­za­nan üs­tün­li­gi aý­ra­tyn bel­le­nil­mä­ge my­na­syp­dyr. 62 ki­log­ram ag­ram de­re­je­sin­de bäs­le­şen tür­ge­ni­miz bu ýa­ry­şyň bü­rünç me­da­ly­na my­na­syp bol­dy.

6 Sentýabr 2024

Sport